المساعد الشخصي الرقمي

مشاهدة النسخة كاملة : الكأس يقترب من الخفجي ...



MoonSun
05-01-2004, 19:34
كلها أيام وليالي .. ويرجع لنا الكأس الغالي..

غدا سيغادر مطار الكويت كأس البطوله متوجها الى بلد المحترفين بلد الــ22مليون نسمه..

بلد اللعب الرجولي بلد المنتشري وكريري ومبروك والسويد والقحطاني وتكر والمشعل

والشلهوب والجنوبي والدوخي والباشا ونور .......

نعم سيغادر الكأس مطار الكويت متوجها الى مدن انجبت محترفين على مستوى عالي مدن

الرياض وجده والطايف ومكه والمدينه الدمام ابها الباحه حايل تبوك الخبر الخفجي

ينبع القصيم نجران ضبا حقل الجبيل القريات .....وباقي مدن المملكه العزيزة...

نعم الكاس سيعود الى عرينه .... سيعود بعزيمه الرجال ...

.

Bati
05-01-2004, 19:36
مبروك .. باقي 7 كؤوس .. يالله شدوا حيلكم ;)

3arbawi_doom
05-01-2004, 19:38
تستاهلون الكأس يا مون , لكن توه في امل بعمان , ليش لأ دام عندهم لاعبين كبار مثل الضابط وبشير وهاشم بقيادة المخضرم ماتشالا ;)

أسير العنابي
05-01-2004, 19:38
أخوي ماسمعت عن كلمة اسمها "انشالله" أو "باذن الله" ؟ :)

ولد قطـــر
05-01-2004, 19:38
عيل لو حررتوا فلسطين والعراق وش بتسوون

كل هالخطبه عشان كاس بننساه بعد شهر اذا مب اقل :confused:


على العموم مبروك ...
:rolleyes:

الكويتاوي
05-01-2004, 19:40
مون مشكلتكم تسبقون الاحداث

سبق وان صرحتوا سنة 98 وباركتوا بفوزكم بالكاس وكأن ماكو فرق جدامكم وتعادلتوا ويا قطر وراح الكاس للكويت

والحين نسيت ان جدامكم فريق قوي ومتطور الا وهو المنتخب العماني وفوز المنتخب العماني او تعادله يعني ان البحرين اذا فاز بمبارتين على الكويت والامارات يكون هو البطل -- او يستمر عمان ويفوز باخر لقاءاته ويخطف الكاس او الكويت او قطر فكلهم لهم امل في حال فوز المنتخب العماني فلا تستعجل


اللي بغيت اقوله لك وباختصار

المنتخب السعودي هو الاقرب للكاس بنسبة 80 بالميه بس للحين مانحسم والكره لاتعترف بأي شي سوى الاداء بالملعب وتسجيل الاهداف

فلا تستعجل - واذا فزتوا بالكاس بنكون اول الناس اللي يباركون لكم بالفوز بس ياريت تبتعدون عن اسلوب الاستهزاء بالخصوم كما حدث من قبل

وتحياتي لك

فيصل السعودية
05-01-2004, 19:41
تصدق عاد يامون .. انـا مايخليني متشائم ,, الا الثقـة الزايدة هذي .. ؟؟:(

وتراك راح تقابل بكرة المنتخب العماني وليس اليمني :)


شف بس لاسمح الله لو المنتدى السعودي خسر بكرة ,, الإستهزاء والتطنز ببلاش هنـا:D :D :D


خفف من لغة الواثق هذي .. وقل ان شاء الله المنتخب يفوز بكرة ويكسب البطولة ..

واذا الرحمن كاتب لنـا الفوز .. راح نفوز بإذن الله


ألف شكر

كويتي_99
05-01-2004, 19:42
مبروك ولكن لا زالت المنافسة حامية ومثل ما السعودية مرشحة فيه ثلاث منتخبات مرشحة ايضا :)

MoonSun
05-01-2004, 19:45
أول شي انا قلت ان الكاس اقتربت من الخفجي ...

ماقلت انها وصلت ...

ثاني شي بصراحه انا كلي ثقه بلاعبي الاخضر ....

حتى لو لعبنا مباراه فاصله مع الكويت او عمان او البحرين ... اتوقع منتخبنا يحسمها ...

هذي ثقه في لاعبي الاخضر اللي اعتبرهم افضل منتخب خليجي بالوقت الحاضر ...

المحلل محمد حماده محلل قناة الاوربيت قال ((المنتخب السعودي في وادي وباقي المنتخبات

الخليجيه في وادي اخر ))

ومع ذلك ارجع واقوووووول انشالله الكاس بيرجع بيرجع ....

Bati
05-01-2004, 19:48
نص مقتبس من رسالة : فيصل السعودية


شف بس لاسمح الله لو المنتدى السعودي خسر بكرة ,, الإستهزاء والتطنز ببلاش هنـا:D :D :D



مو سوالفنا هذي .. سوالف منافسينا ;)

الكويتاوي
05-01-2004, 19:50
نص مقتبس من رسالة : moonsun

أول شي انا قلت ان الكاس اقتربت من الخفجي ...

ماقلت انها وصلت ...

ثاني شي بصراحه انا كلي ثقه بلاعبي الاخضر ....

حتى لو لعبنا مباراه فاصله مع الكويت او عمان او البحرين ... اتوقع منتخبنا يحسمها ...

هذي ثقه في لاعبي الاخضر اللي اعتبرهم افضل منتخب خليجي بالوقت الحاضر ...

المحلل محمد حماده محلل قناة الاوربيت قال ((المنتخب السعودي في وادي وباقي المنتخبات

الخليجيه في وادي اخر ))

ومع ذلك ارجع واقوووووول انشالله الكاس بيرجع بيرجع ....


وقفت على حماده؟ لووووووووووووووووووووووووووووووول ماعلينا

بس انت قلت كلها يومين ويكون الكاس عندنا وانت حسمتها خلاص خليت المسأله مسألة وقت لااكثر :)

BieRHoFF
05-01-2004, 19:52
حتى لو فزتوا بالكاس ..
وايد عليكم 3 مرات .. :D

MoonSun
05-01-2004, 19:55
نص مقتبس من رسالة : BieRHoFF

حتى لو فزتوا بالكاس ..
وايد عليكم 3 مرات .. :D

.والقادم مذهل ...

والبعيد بيقرب ... ومافي شي صعب على محترفي السعوديه...

BieRHoFF
05-01-2004, 20:00
أي خير انشالله .. :D

ماجد
05-01-2004, 20:26
لا تقول ابد ان السعوديه بتفوز بالكأس هذا كلام يزعل الاخرين ؟؟؟؟ احترم نفسك يا اخي ؟؟؟

الحر الاماراتي
05-01-2004, 20:44
خذها مني......وانا بو هندي:D


الكأس غادر الكويت للرياض:D :D

بس بعدها الطياره ما هبطت في الرياض ...في مطبات هوائيه:D :D

لكن بسيطه وانا اخوك ..تعدي ان شاء الله:D

وما عليك خوف يالاخضر

والسماء ستتخللها سحب البيضاء;) ..لتسهيل وصول الكأس للرياض:D

kw_rose
05-01-2004, 20:45
انشالله تاخذونه :D بحيل الله

اخاف اذا ما ما اخذتوه تصير صدمه عصبية :p

نصيحه بلاش الاستهانه بعمان ;) وباقي الفرق المنافسه ولاتنسون البحرين البطل الأحمر :)

Bo Msheal
05-01-2004, 20:49
تستاهلون كل خير انت ورامز :D ;)
بالتوفيق للجميع

kuwaiti33
05-01-2004, 20:53
نص مقتبس من رسالة : شليويح

تستاهلون كل خير انت ورامز :D ;)
بالتوفيق للجميع

ماجد
05-01-2004, 21:03
الله يستر ؟؟ واذا فاز العماني يستاهل.

لعيووون خلاااني
05-01-2004, 21:22
بإذن الله راح تاخذه السعوديه
:cool:

القائد
05-01-2004, 21:38
مبروك عليكم .....

و سنفروا بحياتكم ... العماني في دياركم

بحريني (2)
05-01-2004, 22:43
لك الميدان يا حميدان:D

المحقق
05-01-2004, 22:52
إنشاء الله الأخضر يحسمها بكره

بس ياليت ياشباب بلاش هالثقه الزايده والله مابتفيدنا ترى منتخب عمان مو الأولي خصم عنيد وصعب

الله يوفق الجميع إنشاء الله مباراه قمه في المستوى والروح الرياضيه ياحبايبنا كلكم