المساعد الشخصي الرقمي

مشاهدة النسخة كاملة : لا تكابر بالمشاعر.ولا تحاول تستميل. مادام كل شيء ظاهر. قول كل المستحيل!



مغتربه
06-01-2004, 18:35
اولا أبدي بسم الله سبحانه واحب احيي جميع المشتركين والاعضاء واتمنى انكم بخير وصحه وسلامه

ابي اقول كلمتين استنتجتهم من جميع المواضيع والردود والأحداث التي تمت في الديوانيه وخلا دورة الخليج ومن خلال التجربه التي عشتها مع الأعضاء وتعاملهم معاي سواء عن طريق ديوانيه الأزرق او شخصيا من خلال الجامعه .....

احنا من قبل بدايه الدوره تفائل الكل بمنتخبه واخذه للبطوله والكأس مع عدم توقع عمل منتخبات عمان والبحرين واليمن وقطر لاي نتيجه جيده وتوقع غالبيه الاعضاء من الكويتتين والسعوديين والاماراتيين بعمل شيء كبير بهذه البطوله ولكن الحلو بهالشيء انا الكل خابت توقعاته الا جماهير المنتخب السعودي ....

1- المنتخب العماني .... الصراحه تستاهلون التصفيق ومنتخبكم اصبح من المنتخبات الي اتنافس على البطوله وتعديتم بمستواكم منتخبنا الوطني الكويتي وانشاء الله باذن الله اتقدمون احسن بالبطوله القادمه

2- المنتخب البحريني .... النتائج اكبر دليل على تفوقكم وسكتوا وايد ناس ومحد ينكر او يقدر ينكر تفوقكم الكبير وفعلا تستاهلون كل خير ومبروك على هذه النتائج الحلوه وانشاء الله منها للأحسن

3- المنتخب القطري ... مستواكم احسن من السابق ولكن يبيلكم اتشدون حيلكم اكثر وانا اتوقع لكم بصمه واضحه الدوره القادمه وماكو شيء ابعيد عليكم ودفاعكم حديدي بس ناقصكم الهجوم وانشاء الله نحو كره قطريه افضل ومستوى اعلى

4- المنتخب اليمني .... الواحد لا يستطيع ان يحكم عليكم خصوصا هذه اول مشاركه ولكن استطعتم ان تعملوا بصمه ولو انها بسيطه في هذه الدوره ولكن انا على ثقه ان الكره اليمنيه في طور التطور ومنها للأحسن

5- المنتخب الاماراتي ... لم تقدموا المستوى الي عرفناكم فيه .. مع انه في بعض المباريات كان لعبكم حلو بس نحن جميعا نعمل ان تقدرون اتقدمون افضل من شذيه وهذا ليس بمستواكم وانشاء الله اتعوضون في البطولات القادمه وابارك للجماهير الاماراتيه على هالفريق ... تستاهلون

6- المنتخب الكويتي ... الكل فرح فيكم ويعتقد ان المنتخب الكويتي قدم مستوى مشرف ولكن انا اقول ان منتخبنا من اسوأ المنتخبات في هذه الدوره والسبب واضح لان المنتخب الكويتي يحمل لاعبين صغار السن وتنقصهم الخبره والصراحه يعطيهم العافيه على هالمستوى وانا ما كنت اتوقع اكثر من شذيه وما ينلامون بس الرجاء من الجماهير عدم تضخيم المنتخب والتوهم انه قدم مستوى لائق ولا لعبه فنيه لان لازال بأول الطريق والنتائج الي حصل عليها ليس بسبب لعبه الفني ولكن بسبب الروح الي فيه والروح ما تكفي عشان افوز بطولات واحقق نتائج ف نطروا عليه ولازم كنا نوقف معاه ويعطيكم العافيه

7-المنتخب السعودي :
من قبل بداية البطوله الى الآن نراهم فعلا قد الثقه الي يتكلمون فيها ... الجميع وصفهم بالغرور ولكن يا اخوان ويا اخوات الا ترون انهم يستاهلونها والله جد لان الى الان ما صار شيء خيب المنتخب السعودي توقعات جماهيره ولن يخيب واليوم راح تشوفون .... كلمه مبروك تستاهلونها والي اكثر تستاهلونه الفوز بكل جداره .. تستاهلون الغرور وتستاهلون الثقه الزايده .... احنا ليش نزعل من الحقيقه الي الكل ما يقدر اشكك فيها .... يا اخواني واخواتي الاعضاء ... انا ادري ان الجميع ما يقدر ينكر تفوق المنتخب السعودي الشقيق علينا جميعا وهالشيء الي محد قادر يقنع نفسه فيه او ابينه مع انه كلنا عارفين هالشيء ومحد ينكره ... يا اخوانا واخواتنا السعوديين والله جد تستاهلون الغرور وتستاهلون الثقه الزايده لانكم فعلا كنتوا قد هذه التوقعات والثقه ولم ولن يخيب منتخبكم هذه الثقه الكبيره لانكم عارفينه عدل وانشاء الله منها لأحسن

ف رجاء من جميع الاعضاء من الاخوان والاخوات من جميع الدول الخليجيه واليمن ان تبارك لهذا المنتخب الي فعلا امتعنا بلعبه ... بمستواه الفني العالي ... بجماهيره الوفيه .... من حقه الغرور من حقه الثقه تدرون ليش !!!
لانه ولا كلمه ولا موضوع قالها اخوانا واخواتنا الأعضاء كانت غير صحيحه واحنا ما نقدر نلومهم ولا نقلل من ثقتهم لانهم ما اغلطوا كلش ولا لنه حق نزعل الا من بعض الاعضاء الي قللوا من مستوى المنتخبات الاخرى .. اما بالنسبه للأعضاء الأخرين ف لكم حق والله .. لكم حق تفتخرون .. لكم حق الثقه ولكم حق تفرحون مبــــــــــروك الف مبروك لجميع جماهير المنتخب السعودي وهنيئا لكم هالمنتخب العريق واحنا كلنا نفتخر بوجود منتخب ((خليجي)) يحمل هالمستوى الفني العالي

بالنهايه مشكورين وسامحوني على الطواله :)

:)