المساعد الشخصي الرقمي

مشاهدة النسخة كاملة : فليشهد التاريخ ... اعصار بحريني



بحريني zen
10-01-2004, 19:34
رغم مرارة خسارة الفوز بأول لقب خليجي نتوج به لمنتخبنا

الا ان لاعبينا أكدوا لنا أحقيتهم بالفوووووووز

والله ما نخذلك يا بحرين ... بالحلوة والمرة معاك


والله عاش هالجمهور الوفي اللي رغم عدم أهمية هذي المباراة الا انه واصل تشجيعه للمنتخب ليسرق لقب أفضل جمهور من المنتخب الكويتي لأنه آزر المنتخب لآخر رمق


هاردلك يا الازرق
ولفت نظري لافته حملتها فتاة مكتوب فيها
كنا في الماضي الازرق
وصرنا في الحاضر أزيرق
ومنصير في خليجي 17 مزروق


لااااااااااااااااااااااااااا يا الازرق ... لا يامشجعي الازرق
لا للتشائم


هاردلك .. هاردلك .. هاردلك


مبرووووك يا بحرييييييييييييييييييييييين




ولكم مني كل الود:cool:

قـــدســاوي
10-01-2004, 19:41
تستاهلون كل خير

والف مبروك لكم هذا الفوز التاريخي

ولا عزاء للكرة الكويتية

شقردي كويتي
10-01-2004, 19:53
مثل كل موضوع

و الله العظييم قاعد اشجع البحريين لانهم يستاهلووون

فريقنا فرييق لعب شوارع ما يستاهل نسمييه ازرق

و كنت اتمنى خمس و ست اهداف مو بس اربعه

و مبروووك لااحلى بحرييين

و يانار شبي في احمد اليووسف و احرقييييييه

سلمان
10-01-2004, 20:02
مبروك للبحرين .. والله يستاهلوون

ولاعبين الكويت هذيله مو كفو يلبسون فنيلة زرقه ..
كلهم يتحملون المسؤولية ويه الجهاز الفني والإداري .. وحتى الحكومة لأنها مقصرة وايد بحق الرياضة .. شكثر عندهم فلوس بس مو عارفين شيسوون فيها .

والله قهر .. كافي تلاعب في مشاعر الجماهير !!

وأشوة إن هالدورة فيها اليمن .. جان طلعنا المركز الأخير .

البحريني933
10-01-2004, 20:20
مبرووك يا الاحمر .. ولكن هارد لك يا الازرق .. وربنا يوفقك ويرجعك لنا .. صرنا نتحدى الحين وكبر راسنا شو نسوي :D

كامارا
10-01-2004, 20:23
والله اداء ولا احلى عاد
كان يستاهل البطوله
هاردلك منتخبنا:( ;)

ولد قطـــر
10-01-2004, 20:29
مبروك للمنتخب البحريني

وهاردلك للكويت

الحـر الاماراتي
10-01-2004, 20:29
مبروووووك الفوز يالاحمر




وننتظر البحرين في كأس آسيا


هل سيكون بنفس المستوى في الصين ؟؟؟؟؟

Fc BaRcElOnA
10-01-2004, 20:55
البحريني933 .. و ليش ما تتحدون ؟! فريقكم قدها و قدود

البحريني933
10-01-2004, 20:57
كبر راسنا اقوولك ... هههههههههه من بعد هل لعب المشرف .. اقول لكل لون من الوان الخلييج

انتضر فالاحمر قاادم بذيااابه واقوى من الذيابه

Rio Ferdinand
10-01-2004, 20:58
تستاهلون والله .. احسن فريق قدّم اداء حلو بالبطوله المنتخب البحريني
حراام يضيع منكم الكاس

والمفروض النتيجه 5-0 .. الحكم ما حسب قول للبحرين .. شوته من لاعب بحريني طقت العارضه وعدت الخط وطلعت بسرعه البرق

السالم
10-01-2004, 21:01
مبروووووووك للمنتخب البحريييييييييني وشكرا على هذا الفوز الكبير واللذي بفضل الله ثم بفضله طلعنا من الشبح اللي كان خايفين يينا وهو المركز السادس يعني الاخير بين دول الخليج

وهردلك المنتخب الكويتي وما تستاهلون وانشاء الله بتعوضونها في بطولات جاية وانا اعتقد بتغيير هذا المدرب البارد بيتغير حال الازرق لانه لاعبي الكويت لديهم مهاره ولعبهم زين بس كله من المدرب

نشوفكم على خير يا حبايبنا يا اهل الكويت الطيبين

البحريني933
10-01-2004, 21:07
انتضرووونا فنحن قاادموون

بحريني zen
10-01-2004, 21:29
شكرا لكم جميعا


والملتقى في دوحة الخير
في خليجي 17





ولكم مني كل الود:cool:

Fc BaRcElOnA
10-01-2004, 21:36
اووكي انتوا تطورتوا و خلصتوا .. لكن انتظروا ازرقنا بتطوره الرائع و المذهل بخليجي 17 .. دربالكم يالبحرينيين

نور النمور
10-01-2004, 21:43
الف الف الف مبروووووووووووووووووك
من كل قلبي والله
صارت مثل مابغيتها من اول
الاخضر والاحمر منتخبين يستاهلون الكأس
بس خساره ان الكاس ماياخذه في النهايه الا فريق واحد
الف تحيه للاعبين البحرين
واباركلهم هذا المستوى الرائع
واتمنالهم كل التوفيق


============
توقيعي من مبارات السعوديه والبحرين ماغيرته
واعتقد كان منصف:)

الاحمر غالي
10-01-2004, 22:19
مبروووووووووووووووووووووووووك

للبحرين على هالفوز الكبير وعقبال الكاس


تحياتي

سعوديه ولي فخر0
10-01-2004, 22:43
الف مبروك للمنتخب الشقيق البحريني وبصراحه تستاهلون الفوز لعبتو بجد ومثابره ودرستو اللعب مضبوط وبصراحه مباره كانت في قمه الروووعه وتستاهلون الفوز


اما بنسبه للفريق الكويتي بصراحه مايرضي الجميع وبصراحه يبيلكم يالكويتين تدريب مكثف لان بصراحه انتم واليمن مستوى واحد ويمكن اليمن افضل


والف مبرووك للشعب السعودي الا هو تاج راسي

وابارك الى : ابي الغالي : الملك فهد بن عبدالعزيز أل سعــود
والى صاحب اليد البيضاء: صاحب السمو الملكي وولي العهد : الامير عبدالله بن عبدالعزيز أل سعــود
والى سيدي: صاحب السمو الملكي : الامير سلطان بن عبدالعزيز أل سعــود

والف مبروك الكاس يالشعب السعودي

ماجد
10-01-2004, 23:32
طلع حتى ازيرق كبيره عليه الا قولو الازيرييييييقي الصغير

امووووت بالاخضر
10-01-2004, 23:35
مبرووووووووك للبحرينين والله لعبتوا بجداره وثقه والله انكم تستحقون الكاس
والف الف الف مبرووووووووووووووك لكم

FLOOODZ
10-01-2004, 23:37
مبروك للبحرين اداء راقي ومنتخب واعد

بحريني zen
11-01-2004, 14:21
شكرا للجميع هذه التهنئة الحارة


وكلنا نتمنى عودة الازرق لهيبته وحالته الطبيعية .. فبعودته تحلى البطولات





ولكم مني كل الود:cool:

عاشق البحرين
11-01-2004, 22:36
الف مبروك لمنتخب البحرين وعشاق وجماهير الاخطبوط الاحمر

بحريني13
11-01-2004, 22:42
الف الف الف مبروك للاحمر
و الله تاريخية
و كبيرة على الازرق
توقعتها 1 لو 2
بس ربعنا سباع
و هاردلك للازيرق

عاشق البحرين
12-01-2004, 03:44
صاج