المساعد الشخصي الرقمي

مشاهدة النسخة كاملة : شي ما شفتوه في مباراة السعودية و عمان



ابن عمان
15-04-2004, 23:12
كثير من الأحداث التي تجري بالملعب لا يشاهدها الناس الذين يتابعون المبارايات امام شاشات التلفزيون .. و انا لسوء حضي شاهدت المباراة بمجمع السلطان قابوس الرياضي في بوشر ، و أقول لسؤ حضي نظراً للسلوكيات المشينة التي شاهدتها أمام عيني من قبل السعوديين و هذه بعض المواقف التي يمكن ان اسردها لكم في عجالة :
1 . عماد علي نجم منتخبنا العماني يتعرض لعرقلة و ضرب متعمد و مستمر من لاعبي السعودية لأنهم لم يستطيعوا ايقاف خطورته بالطرق المشروعة ، و في احدى الكرات عرقل و عندما نهض حاول مصافحة اللاعب السعودي ( كبير و الله يا عماد ) و لكن السعودي لم يقبل مصافحته ... غريبة ..

2 . ضرب متعمد و بدون كرة مع مهاجمي منتخبنا ... اسلوب تعودناه من السعوديين في كأس الخليج ...

3 . لاعب عماني يسقط على الارض و الكرة على الرغم من بعدها عن المرمى لم يحاول السعوديين اخراجها لمعالجة اللاعب المصاب ...

4 . مدرب المنتخب السعودي يحاول ضرب الحكم بعد نهاية الشوط الأول ( يوم ما رامت ترقص قالت الميدان ضيق )

5 . اداري سعودي يحتك باحد افراد الشرطة المتواجدين بالملعب و يتحدث معه بأسلوب مشين لرجل المفروض انه يمثل دولة .

المهم في النهاية خسرنا هذا اللقاء بتعادلنا معهم و لكن لقنا الآخرين دروساً في الاخلاق نتمنى ان تضل عالقة في اذهانهم ...

و السموحة

اليوفي
15-04-2004, 23:18
كلامك عدل مع اني نا شفت المباره لاكن حتى بالكويت كانوا تدخلاتم قويه وياسر القحطاني طق مساعد ندى
الله يعين الازرق ضدهم بالسعوديه

رحّـــال
15-04-2004, 23:46
انا شفت المباراة ، وانت صادق في كل كلمه

الظاهر هذا الحل عندهم لي شافوا روحهم بيخسرون :rolleyes:

المدريدي
15-04-2004, 23:54
لا تجمع

يضلون السعوديين اخوانا وحبايبنا

رامز
16-04-2004, 00:17
نص مقتبس من رسالة : اليوفي

كلامك عدل مع اني نا شفت المباره لاكن حتى بالكويت كانوا تدخلاتم قويه وياسر القحطاني طق مساعد ندى
الله يعين الازرق ضدهم بالسعوديه


الحين ياسر القحطاني هو اللي طق مساعد ندى :confused: :confused:

ارجو ان تعيد مشاهدة المباراة مرة ثانية .... وتتاكد ..


رحال .... الظاهر انك تشوف مباراة حنا مانشوفها :D :D

23 October
16-04-2004, 00:23
مشكور ابن عمان على هالايضاحات
وبالفعل انا ملاحظ الخشونة والتكسير في بعض لاعبي السعودي الاولمبي
الله يحفظ لاعبينا منهم بجدة :rolleyes:

رحّـــال
16-04-2004, 00:24
نص مقتبس من رسالة : رامز

نص مقتبس من رسالة : اليوفي

رحال .... الظاهر انك تشوف مباراة حنا مانشوفها :D :D


الظاهر انت شفت اول 10 دقايق من المباراة ونمت :rolleyes:

ليش تنكر ان المنتخب العماني هو اللي كان مسيطر؟؟ :rolleyes:




بس شنقول ... ساعات التحيز يعمي العين :cool:

رامز
16-04-2004, 00:32
وش جاب طاري السيطرة :D

انا قصدت اللي يقوله عن الخشونة ...وانت تقول في كلامك هذا الحل اذا شافوا روحهم بيخسرون :D :D


وبعدين انا شفت كل المباراة مانمت بعد 10 دقايق .... لكن الظاهر اني بنام الحين :D :D

رحّـــال
16-04-2004, 00:36
نص مقتبس من رسالة : رامز

وش جاب طاري السيطرة :D

انا قصدت اللي يقوله عن الخشونة ...وانت تقول في كلامك هذا الحل اذا شافوا روحهم بيخسرون :D :D


وبعدين انا شفت كل المباراة مانمت بعد 10 دقايق .... لكن الظاهر اني بنام الحين :D :D

استغفر الله ...

اقصد انكم تلجأون للخشونه اذا فقدتوا السيطره على المباراه وشفتوا نفسكم بتخسرون او اتعادلون :rolleyes:


روح نام ابرك ... نوم الظالم عباده :D

رامز
16-04-2004, 00:39
اقص يدي اذا انت شايف المباراة :D :D

رحّـــال
16-04-2004, 00:41
نص مقتبس من رسالة : رامز

اقص يدي اذا انت شايف المباراة :D :D

عيل قصها وقص ايدك الثانيه بعد :D

شكلك صج ما شفت الا اول 10 دقايق ونمت :D

بدر الاتحاد
16-04-2004, 00:43
نص مقتبس من رسالة : المدريدي

لا تجمع

يضلون السعوديين اخوانا وحبايبنا

انسان فاهم

ولد قطـر
16-04-2004, 01:08
1 - ماشفت هالشي :confused: يمكن لاني كنت اغير القناة كل شوي عشان اشوف
مباراة الكويت والعراق

2 - نفس اللي فوق :rolleyes:

3 - هاذي شفتها ... بس عادي تصير في كل مباراه

4 - هاذي بعد شفتها :o

5 - ما شفتها


بس تظل هالمواقف شي عادي ممكن تصير في اي مباراه :cool:

الاخضر
16-04-2004, 01:18
مثل ما قال "ولد قطر" هالمواقف شي عادي ممكن تصير في أي مباراة بس بعض الاخوان عندهم عقدة من كلمة "سعودي".

MoonSun
16-04-2004, 01:30
ياحليلكم ... وناسه ..

الحين انت تشوف والحكام الثلاثه الدوليين مايشوفون ... الله يشفيك

(..)...

ياحبيبي بلا كلام فارغ كلنا شفنا المباراة ومافي داعي تلعب علينا ...

اللعب كان رجولي وخل عنك هالتعليقات اللي مالها داعي ...



آآآآآآآل خشونه آآآآآآآل :D

shansawi
16-04-2004, 01:37
نص مقتبس من رسالة : الاخضر

مثل ما قال "ولد قطر" هالمواقف شي عادي ممكن تصير في أي مباراة بس بعض الاخوان عندهم عقدة من كلمة "سعودي".

عزيزى والله لا عقده ولا شى كلنا اخوان ونحب بعض هذا شى الكل متاكد منه
بس انا شفت الاعب رقم 3 يوم راح له عماد يبى يسلم عليه رفض اكثر من مره يمد ايده على شان يصافح عماد وظل عماد مصر على مصافحة الاعب وهو ظل مصر على رفضه وبعدين تدخل الحكم وتصافح الاعبين والاعب السعودى ما كان عاجبه الوضع
اما بالنسبه للخشونه فهذى تصير عادى فى كل المباريات وخاصه الحساسه
عموما انتهت المباراة على ما انتهت عليه
واحنا اولا واخيرا حبايب قبل الكره وسنظل بعدها حبايب ان شاء الله لايفرق بيننا اى شى

وراح نقول كلنا للمتاهل عن المجموعه الف مبروك وتستاهل
عزيزى بو مروان خلك كبير

WiSeMan
16-04-2004, 01:38
شي شفناه من جهلة في المنتدى

فعلا جهال:cool:

فيصل السعودية
16-04-2004, 03:23
جيل اليوم .. جيل النيدو


بتــاع الـــ ( يــاي ) .. !!


مايفرقون بين اللعب الرجولي والخشونة المتعمدة .. !!


هالجيل أكثره صاير ( خكري ) .. !!


أجل أنتوا شلون لو تلعبون ضد منتخب أفريقي ,, !!




ياحيييييييييييف على الرجال ياحيف .... !!



والمنتخب العماني ( مع احترامي الشديد له ) ... ماشكل خطورة حقيقية ( الا في بعض الفرص ) .. !!


سيطرة ,, لكنها بدون فعاليييييية .. !!



يقولون ( حجة البليد مسح الصبورة ) ... عدل يارامــز يابعدي ,, :)

نور النمور
16-04-2004, 03:45
يعني شي مايدخل المخ
تعالو نحللها شوي
في كم نقطه;)
1 / اللاعب السعودي يكسر اللاعب العماني
2 / بدل مايعتذر اللاعب السعودي من العماني
يجي اللاعب العماني ويقعد يطرد ورى السعودي عشان يسلم عليه
(..)(..)

شول
16-04-2004, 03:53
كلام فاضي من حاقد:o

فهدالسعودية
16-04-2004, 04:05
الموضوع ماله داعي وهدفه التفرقة بين الاعضاء ومهما كان احنا حبايب:)

سعودي والنعم
16-04-2004, 04:21
شوف ترا انا وربي أحترم العمانيين مررررررررررررررة لانهم يستاهلوون
لكن شكلك بتغير نضرتي لكم بموضوعك هذا <<<<<<<< الا تغيرت وخلصت :D
واسمح لي اقولك انه موضوعك هذا ما هو إلا إفراغ الغيظ اللي بداخلك الناتج عن التعادل على أرضكم :D
والتعادل على أرضكم وبين جمهوركم لصالح منتخبنا السعودي ولا يخدم أبدا منتخبكم العماني
بل يخرجه تقريبا من المنافسة على بطاقة التأهل الى أولمبياد أثينا :D

الله يعيين قلوب العذال

(..)
حبيبي ( ابن عمان ) لا تخلينا نغير فكرتنا عنكم ;)

سوبر ستار
16-04-2004, 05:08
عــزيزي

مهـما تطـــّـور مستوى المنتخب العمــاني .... أنسى يفــوز على السعــودية :)


بالمناسبة ...

معلومات عامـة :

تاريخ عمـان مع السعودية في دورات الخليج => فوز =0 تعادل =0 ==> هــزائم في كـل الدورات

واتمنى تكون روحك رياضية وماتزعل ....... الحق ماينزعل منه

الاخضـــر أفضــل وأكثــر خبــرة

الطيب
16-04-2004, 09:11
اخوي هسى انته ناقل هالموضوع او كاتبه هنانه شنو هدفك منه

تفرقة ومشاكل وفتنة

اما بخصوص بعض المشاكل اللي صارت في الملعب فهذا شي عادي في مباراة حساسة

ما يمكن تحكم على اخلاق شعب او فريق من خلال مباراة تكون فيها الاعصاب مشدودة

ولو انه اللي يمر على حدود السعوديه ياخذ فكرة بمرة عن طبيعة الناس في هالبلاد من زين او شين

111
16-04-2004, 09:19
شباب ترى إذا ماركدتو ، وعينتو من الله خير ، ترى أبكلم صديقي المراقب عرباوي دووووم .

111=====> مساعد مراقب :cool:

العنقري
16-04-2004, 10:35
الشباب ماقصروا و ردوا..
يوم تقول ان لاعبكم بعد ماقام مد ايده يصافح و لاعبنا رفض.. انت ماذكرت وش اللي صار بالضبط
ماذكرت ان لاعبكم ذا هو اللي كاسر لاعبنا و راميه بالارض!!!!

و يوم تقول ان لاعبينا معتمدين عالخشونة.. ليش ماتصير منصف و تذكر الخشونة اللي كانت منكم؟؟؟!!
ناجي مجرشي و عبدالرحمن البيشي تكسروا و قلبتوهم داخل منطقة الجزاء و الحكم لا حس و لا خبر..

يعني احمد ربك ان الحكم كان من هونق كونق و عيونه صغار

و بعدين لاجيت تكتب موضوع زي ذا.. غير العنوان و اكتب " شي ماشفتوه من السعوديين"
لاني صراحة دخلت موضوعك و توقعت القاك حيادي
لكن للأسف.. الكبر اعماك..
و اقول للي ردوا و ايدوا كاتب الموضوع.. ماراح ازيد على اخوي " الاخضر".. اقروا رده

تحياتي للحياديين و المنصفين

ولدالكويت
16-04-2004, 10:46
لاتعليق :confused: :confused:

راجع لها
16-04-2004, 11:05
(((( راي محايد )))

للاسف اااانا شفت المباراه والصراحه الكلام إلي انقال كله صحيح :mad: :mad:

هذه التصرفات مو مستغربه من السعوديين :mad:

(..)اينما ذهبت اخلاقهم ذهبواااااااااااااا

:D

shansawi
16-04-2004, 11:24
نص مقتبس من رسالة : نور النمور

يعني شي مايدخل المخ
تعالو نحللها شوي
في كم نقطه;)
1 / اللاعب السعودي يكسر اللاعب العماني
2 / بدل مايعتذر اللاعب السعودي من العماني
(..):D :D

من هو الكبير يا عزيزى
احنا نعرف ان الكبير من اذا فيه احد يبغى يسلم عليه ويصافحه ما يرفض ابدا لانه كبير
وايظا الكبير هو من يسرع فى المصافحه والغفران وليس التكبر على خلق الله
وعذرونى اخوانى السعوديين غروركم وصلكم لدرجة يجب ان يعاد النظر فيها
والاخلاق اهم من اى نتيجه

111
16-04-2004, 12:32
نص مقتبس من رسالة : shansawi [QUOTE]
[B]نص مقتبس من رسالة : نور النمور

من هو الكبير يا عزيزى
احنا نعرف ان الكبير من اذا فيه احد يبغى يسلم عليه ويصافحه ما يرفض ابدا لانه كبير
وايظا الكبير هو من يسرع فى المصافحه والغفران وليس التكبر على خلق الله







(( صح لسانك أخوي شنسوي وجزاك الله خير وكثر الله من أمثالك ))










== وعذرونى اخوانى السعوديين غروركم وصلكم لدرجة يجب ان يعاد النظر فيها
والاخلاق اهم من اى نتيجه ==

(( بس ياخوي تراك خربتها بالرد هذا وضميتني معهم وأنا مالي ذنب :D

طيب قل بعضهم عشان مايزعلون من يعزون أهل عمان :) ))

وياشباب تراها كوره ماراحت ولا جت ، نعنبو هالكوره هذي ، تصدقون أن الأمريكان مايعرفون يسببون فتنه بين العراقيين .

أسهل طريقة للأمريكان في العراق وبدون مايصير لهم يد ولا يقتلون هي أن يغيرو طريقتهم في العراق ، وأن يأمرون بتكوين أربع أندية رياضية في العراق فقط لاغير . فريق السنة وفريق الأكراد وفريق التركمان وفريق الشيعة وشوفو وشلون تقوم الفتنة بينهم .

وأحسن من طريقتهم هذي .

وسلامتكم
111====> مساعد صديقي المراقب عرباووووي دووووم

ابن عمان
16-04-2004, 14:13
نص مقتبس من رسالة : نور النمور

يعني شي مايدخل المخ
تعالو نحللها شوي
في كم نقطه;)
1 / اللاعب السعودي يكسر اللاعب العماني
2 / بدل مايعتذر اللاعب السعودي من العماني
يجي اللاعب العماني ويقعد يطرد ورى السعودي عشان يسلم عليه
(..):D :D

الحين انته تأكد كلامي ... وبقولك شي بعد ترى ها الحركة ما يسويها ودالاصل ...

على فكرة اسلوبكم مكشوف و واضح ...

اتمنى انكم تتعلمو كيف تتحاوروا مع الناس ...

وبالنسبة للاخوان اللي قالوا ان سبب طرحي لهذا الموضوع هو التفرقة ... اقولهم اني لو تسببت في التفرقة شو بستفيد .... :D صج :cool:

فيصل السعودية
16-04-2004, 14:19
نص مقتبس من رسالة : راجع لها

(((( راي محايد )))

للاسف اااانا شفت المباراه والصراحه الكلام إلي انقال كله صحيح :mad: :mad:

هذه التصرفات مو مستغربه من السعوديين :mad:

(..)

اينما ذهبت اخلاقهم ذهبواااااااااااااا

:D

خلينــا الأخلاق لك يابو الأخلاق ,, !!


لالا من جد رأي مُحايد .. !!!!!



مشكلة اذا كنت تعيب على الناس .. وأنت كلك عيووووووب .... ؟؟

راجع لها
16-04-2004, 14:50
فيصل السعودية ..

شلونك يا رجال :D :p :D

(..)

ملك يافيصل
16-04-2004, 14:59
الموضوع مغلغ حقوق الطبع محفوظه للعضو شليويح

العنقري
16-04-2004, 15:01
الاعضاء:
اليوفي
رحّـــال
23 October
راجع لها
و لا أنسى كاتب الموضوع ابن عمان

صراحة......... ماعندكم سالفة
كل هذا حقد!!! لا يجيني واحد و يقول ماهو حقد.. الحقد وااااااااااااااااااااااضح

اذا على قولتكم اسلوب التكسير هو اسلوب منتخباتنا في احراز البطولات.. كسروا و خلونا نشوف شطارتكم
و لا يجيني نفس هالواحد و يقولي ماناخذ بطولاتنا الا بشرف
ترى معروفة الطرق الملتوية اللي منتخباتكم يلجؤون لها عشان البطولات..

بتقولون مغرورين.. قولوا اللي تقولونه.. مايهمنا
و لا يجيني نفس هالواحد يقول ماقلنا.. ترى من جد رفع ضغطي

عالعموم.. مسيرتنا تمشي و لله الحمد و خلينا الكلام لكم.. لأن هذا هو الاسلوب الوحيد في الترويح عن انفسكم

تحياتي للحياديين و المنصفين

ابن عمان
16-04-2004, 15:48
نص مقتبس من رسالة : العنقري

الاعضاء:
اليوفي
رحّـــال
23 October
راجع لها
و لا أنسى كاتب الموضوع ابن عمان

صراحة......... ماعندكم سالفة
كل هذا حقد!!! لا يجيني واحد و يقول ماهو حقد.. الحقد وااااااااااااااااااااااضح

اذا على قولتكم اسلوب التكسير هو اسلوب منتخباتنا في احراز البطولات.. كسروا و خلونا نشوف شطارتكم
و لا يجيني نفس هالواحد و يقولي ماناخذ بطولاتنا الا بشرف
ترى معروفة الطرق الملتوية اللي منتخباتكم يلجؤون لها عشان البطولات..

بتقولون مغرورين.. قولوا اللي تقولونه.. مايهمنا
و لا يجيني نفس هالواحد يقول ماقلنا.. ترى من جد رفع ضغطي

عالعموم.. مسيرتنا تمشي و لله الحمد و خلينا الكلام لكم.. لأن هذا هو الاسلوب الوحيد في الترويح عن انفسكم

تحياتي للحياديين و المنصفين

ما حد قال انكم تاخذون البطولات بالتكسير غيرك انته .... احنا قلنا هذي الملاحظات اللي شاهدناها امام الملاء ... المفروض انك ترد على الملاحظات ... لا ان تأتي و تقول حقد و حسد ... نحقد عليكم على شو ... خبرني بالله عليك على شو نحقد عليكم ...

كان عندك كلام و رد قوله ... لا ن ردك ضعيف جداً ...

MoonSun
16-04-2004, 15:57
موضوع ماله داعي ... :confused:

ولدالكويت
16-04-2004, 16:55
صدقت ياخوي يامون سن

الاخضر
16-04-2004, 17:19
نص مقتبس من رسالة : ابن عمان



ما حد قال انكم تاخذون البطولات بالتكسير غيرك انته .... احنا قلنا هذي الملاحظات اللي شاهدناها امام الملاء ... المفروض انك ترد على الملاحظات ... لا ان تأتي و تقول حقد و حسد ... نحقد عليكم على شو ... خبرني بالله عليك على شو نحقد عليكم ...

كان عندك كلام و رد قوله ... لا ن ردك ضعيف جداً ...

ايه طبعا طبعا في هذي معاك حق كل السالفة 3 مرات كأس أسيا من أصل 5 مرات متتالية في النهائي، و3 مرات متتالية تأهل الى كأس العالم و3 بطولات كأس الخليج ومرتين كأس العرب بالاضافة الى كثير من الانجازات بالنسبة للمنتخبات السنية والاولمبية على المستوى الخليجي والاسيوي وعد واغلط بالنسبة لانجازات الاندية على المستوى الخليجي والعربي والاسيوي يعني تحقدون علينا على شو مادري

:D

KinG^BaLL
16-04-2004, 17:27
مو كل السعوووووووووووووووووووودييييييييييييييييييييييييي ييييييييين بغضهم ونعم وبعضهم ((......)):o :o :( :confused:

راجع لها
16-04-2004, 18:56
الصراحه مغرورين وايد :mad: :mad:

شول
16-04-2004, 19:17
الله يشفيكم كل هذا حقد

ومشكووووووووور ابن عمان على تاليف الكلام وتصلح تكون مؤلف:D

سارة
16-04-2004, 20:14
نص مقتبس من رسالة : رحّـــال

انا شفت المباراة ، وانت صادق في كل كلمه

الظاهر هذا الحل عندهم لي شافوا روحهم بيخسرون :rolleyes:

Aggressive
16-04-2004, 20:24
(..)

السحابة 9
16-04-2004, 20:56
الرجاء من السعوديين ما يردون على هالموضوع ..................


الشاعر يقول :

ألم ترى أن السيف ينقص قدره ** إذا قيل أن السيف أمضى من العصى



يعني خلوا كاتب الموضوع يطلع الحقد اللي في قلبه ............


يا جماعة ما ينلام منتخباتنا وأنديتنا قاعدة تحقق البطولة ورا البطولة وهم قاعدين يتفرجون علينا .......


لما يرتقي مستوى منتخبهم ويوصل إلى 5% من مستوى منتخبنا أنا أوعد ابن عمان إنا نرد عليه ..........


بس دام الوضع على ما هو عليه ...............

(..)


وأتمنى لهم التطور إن شاء الله فهم مهما حصل إخوانا ونفرح لما نشوفهم يفوزون بالبطولات ..........


(..)

رحّـــال
16-04-2004, 21:04
نص مقتبس من رسالة : العنقري

الاعضاء:
اليوفي
رحّـــال
23 October
راجع لها
و لا أنسى كاتب الموضوع ابن عمان

صراحة......... ماعندكم سالفة
كل هذا حقد!!! لا يجيني واحد و يقول ماهو حقد.. الحقد وااااااااااااااااااااااضح

اذا على قولتكم اسلوب التكسير هو اسلوب منتخباتنا في احراز البطولات.. كسروا و خلونا نشوف شطارتكم
و لا يجيني نفس هالواحد و يقولي ماناخذ بطولاتنا الا بشرف
ترى معروفة الطرق الملتوية اللي منتخباتكم يلجؤون لها عشان البطولات..

بتقولون مغرورين.. قولوا اللي تقولونه.. مايهمنا
و لا يجيني نفس هالواحد يقول ماقلنا.. ترى من جد رفع ضغطي

عالعموم.. مسيرتنا تمشي و لله الحمد و خلينا الكلام لكم.. لأن هذا هو الاسلوب الوحيد في الترويح عن انفسكم

تحياتي للحياديين و المنصفين


اقول حبيبي ...

(..)
الحين احنا ما حققنا بطولات !!! احنا محققين بطولات قبل ما انتو تحققونها ، وهذا كلامك اللي مادري من وين سامعه وجيت تكتبه هني ما ينقال لنا حبيبي ... المنتخب الكويتي معروف بتاريخه وبطولاته وماكو داعي اعدها لك

(..)
بس شنقول !!! شكلك انت ما تعرف ولا تفهم شي في الرياضه وامجادها :rolleyes: معذور

راجع لها
16-04-2004, 22:17
نص مقتبس من رسالة : السحابة 9

الرجاء من السعوديين ما يردون على هالموضوع ..................

يا جماعة ما ينلام منتخباتنا وأنديتنا قاعدة تحقق البطولة ورا البطولة وهم قاعدين يتفرجون علينا .......


لما يرتقي مستوى منتخبهم ويوصل إلى 5% من مستوى منتخبنا أنا أوعد ابن عمان إنا نرد عليه ..........


بس دام الوضع على ما هو عليه ...............


(..)

وأتمنى لهم التطور إن شاء الله فهم مهما حصل إخوانا ونفرح لما نشوفهم يفوزون بالبطولات ..........


أدري(..)...........

الحين الناس تتكلم عن سلوكيات سيئة اصدرت من بعض لعيبة السعودية وانت ياي وشاد روحك وتقول انجازاات وبطولات ومدري شو :confused: الحين من تكلم عن بطولاتكم !!!!! وبعدين احسن خلوكم ساكتين ولا تفضحون نفسكم معروف البير وغطاه ؟؟؟
(..)ن حد .

ولدالكويت
16-04-2004, 22:25
وحححححححححححححححححححححححش


يالاماراتي راجع لها

راجع لها
16-04-2004, 22:35
نص مقتبس من رسالة : ولدالكويت

وحححححححححححححححححححححححش


يالاماراتي راجع لها

وغلاتــــك عندي اكثر إذا استمر السعوديين في غرورهم وتماديهم :mad:

وقد اعذر من انذر :mad: :mad:

ولدالكويت
16-04-2004, 22:46
نص مقتبس من رسالة : راجع لها

نص مقتبس من رسالة : ولدالكويت

وغلاتــــك عندي اكثر إذا استمر السعوديين في غرورهم وتماديهم :mad:

وقد اعذر من انذر :mad: :mad:


قول حبيبي قووول

الديمقراطيه وحريه الراي عندنااااااا قول حبيبي

الطيب
16-04-2004, 22:58
نص مقتبس من رسالة : ولدالكويت

نص مقتبس من رسالة : راجع لها


قول حبيبي قووول

الديمقراطيه وحريه الراي عندنااااااا قول حبيبي


اه يالابليس

قول وقول ومعانا ديمقراطيه ليمن ياخذ باند :D :D :D

بصراحة السعوديين بطوا جبودنا بهالبطولات والبطولات

صدعتوا راسنا

(..)

ابن عمان
16-04-2004, 23:20
نص مقتبس من رسالة : راجع لها

نص مقتبس من رسالة : ولدالكويت

وغلاتــــك عندي اكثر إذا استمر السعوديين في غرورهم وتماديهم :mad:

وقد اعذر من انذر :mad: :mad:

تعجبني حبيب قلبي :D

السحابة 9
16-04-2004, 23:22
نص مقتبس من رسالة : راجع لها



وغلاتــــك عندي اكثر إذا استمر السعوديين في غرورهم وتماديهم :mad:

وقد اعذر من انذر :mad: :mad:



إنذار للشباب السعودي ...................


راجع لها يهددكم ويا ويلكم ويلاه .................


راجع لها الله يخليك سوي أي شئ فينا ....................


بس لا تعاقبنا العقاب الكبير وتخلي الامارات تلعب مع السعودية ..............


يمة يمة يمة يا رب راجع لها ما يرسل لنا منتخب الامارات العظيم يمسخرنا ...............


راجع لها من حقنا ننغر ................


لاعبينا مغرقينا بطولات ....................


مو مثلكم ..............



أنا لو مكانك ما أتكلم في شئ اسمه كرة قدم ...............


صدقني بتفلح أكثر بسباق التحمل للخيول لانكم صراحة متفوقين فيه مرة ولا نقدر نجاريكم ..............



بس شئ اسمه كرة قدم ................


أتمنى من أجل صحتك إنك تبتعد عنها .............

رامز
16-04-2004, 23:30
اخوي شنصاوي .... انا على خبرك :) :) وجزاك الله خير على الكلام الطيب ...


شكرا لك يالسحابة
وللاسف فيه اعضاء ادعوا الحياد ...... ومادرينا عنك ياللي في الظلام تغمز :D :D :D

فيصل السعودية
16-04-2004, 23:31
:)

الاخضر
16-04-2004, 23:43
أشوف الاقنعة أنكشفت وكل الاحقاد طلعت:D صراحة ما تنلامون 20 سنة من سيل البطولات المتواصلة وانتوا تتفرجون مع فتات الفتات اللي تحصلونه من ورانا شي مب هين أبد;)

رحّـــال
16-04-2004, 23:51
تبون الصج ... كلكم ما عندك سالفه ، الموضوع مو مستاهل هذا كله

مغلق ... :p

MoonSun
16-04-2004, 23:54
اكرر موضوع سخيف ... وردود اسخف من بعض الاعضاء ...

الله الشافي من العقول المريضه ...

مايستاهل الرد عليه ...

جبريت
17-04-2004, 00:11
(..)

ولد قطـر
17-04-2004, 00:16
انتو ليلحين على هالسالفه الماصخه !!!

قلنالكم هاذي اشياء عاديه تستوي في اي مباراه ... فكونا