المساعد الشخصي الرقمي

مشاهدة النسخة كاملة : الاتحاد صاحب اكبر قاعدة جماهيريه بالخليج ...المباريات تشهد على شعبيته الجارفه..



MoonSun
20-04-2004, 22:58
اثبتت لقاءات الاتحاد انه صاحب

الشعبية الاولى في منطقه الخليج فالمباريات اللي يكون الاتحاد طرف فيها نجد ستاد جده

مكتظ بالجماهير الغفيرة المساندة له في جميع المباريات ...

بعكس جماهير الهلال(صاحب الشعبيه الثانيه خليجيا) اللي ماتحضر الا في المناسبات فقط

فلو قارنا بين جماهير الهلال وجماهير الاتحاد اللي تساند الفريقين في مختلف البطولات لوجدنا

الفرق شاااااااسع وكبير ...

هنيئا لهذا الصرح الاتحادي الكبير بهذة الجماهير الوفيه ...

فهدالسعودية
20-04-2004, 23:48
وشفيك اخوي:D وش دخل جماهير الهلال في السالفة:D يااخي لاتقارن استاد جده باستاد الملك فهد:rolleyes: وبعدين وش دخل الخليج:D اخوي شكلك مستانس من الفوز رح نم احسن:D ومبروك لكم:)

فيصل السعودية
21-04-2004, 00:05
مشكلتك ياموووون .. انك من كثر الفرحة ماتدري وش تقوووول :)



لاتقارن ملعب يتسع الى 30 ألف متفرج ,, بملعب يتسع 70 ألف ,, !!



ومدري ليييييييه جبت لنــا هالنظرية المونيــة ,, !!



اليوم جمهور الإتحاد يمكن 19 ألف متفرج فقط لاغير ,, !!


يمكــن من ناحية التأثير ,, فجمهور الإتي مؤثر جداً ... :)


يمكن كنت بوافقك الرأي ,, بس لأنك جبت أسم الزعيم ( وبإستخفاف ) .. كعادتك ياموووون ,, !!:)


طبعاً من ناحية التشجيع والحماس ... فجمهور الإتي الأول عربيــاً .. !!


لكن من الناحية العددية ,, فلا أعتقد .. !!


لاتخلي الفرحـة ياموووون تخليك تقول أشياء .. منت متأكد منهــا .. !!



أخوك فيصل ,,

فهد العجمي
21-04-2004, 00:29
انا مع فيصل انتم من حيث الحماس نمبر ون بسبب وجود انسجام بين الرابطه
ومبروك الرباعيه والمركز رقم ون

Alharbi
21-04-2004, 01:26
اكبر قاعدة جماهيرية بالخليج :D :D :D :D

Di^Canio
21-04-2004, 01:26
موون حبيبي ممكن تعطيني هدفك من هالموضوع بذكرك للهلال ؟ :cool:

alqadsawiah
21-04-2004, 01:34
الهلال وبس:cool:

Alharbi
21-04-2004, 01:39
س : كم عدد الاعضاء الخليجيين اللي يشجعون الاتحاد بالديوانية ؟

ج : ثلاثي الأبعاد - جينولا

بس 2 ‍‍‍‍‍‍:rolleyes:

========

http://members.lycos.co.uk/ss111/uploading/1030015405_63.jpg

http://www.alzaeem.com/gallery/data/media/12/jomhoor.jpg


ممكن صورة للجمهور الاتحادي ؟ (( اكبر قاعدة جماهيرية بالخليج :rolleyes: ))

MoonSun
21-04-2004, 01:53
انا مادري شلون كل واحد يفسر الموضوع بكيفه ....

يعني عشان انكم هلاليين ماتبغون تتقبلون الحقيقه !!!!!

حبيبي لاتجيب لي صورة من مباراة وحده وتقول عندك صورة زيها !!!!!!!!!!!!

المسالة مو بالصورة ....

رجاء انكم تفهمون الموضوع ....

الجماهيريه ماتجي بمباراة وحده ياحربي الجماهيريه ماتروح تصورلي صورة لنهائي بطوله

الانديه العربيه او نهائي كأس الملك وتجي تقول عندك صورة ؟؟؟؟؟ هههههههههههه

كلام مضحك يدل على انك منت فاهم الموضوع ...وبعدين الصورة الاولى واضح انها

للجمهور النصراوي ليش تنسبها للجمهور الهلالي؟؟؟؟؟

حبيبي الجماهيريه تبان من خلال المباريات طوال الموسم مو بس لمباراة وحده اولنهائي..

ولو ترجع بذاكرتك قبل كم يوم وتشوف جماهير الهلال اللي ساندت الفريق قدام الطلبه العراقي

مايتعدون الالف واحد ....

وبشهادة من رئيس الهلال اللي قال انه عاتب على جماهير الهلال .....وطالبها بالحظور ...

واللي يقول لاتقارن ستاد الملك فهد بستاد جده والله هذا مو ذنب الاتحاد !!!!

لو في جده ستاد يتسع لــ100 الف متفرج كان امتلأ عن بكرة ابيه ...

الموضوع باختصار هو شوفوا الجماهير اللي تساند الاتحاد والهلال وانتم تعرفون من هو

صاحب الشعبيه الاولى بالخليج...
الاخ ديكانيو / حبيبي انا ذكرت الهلال لانه اكبر فريق بالخليج بعد الاتحاد عشان كذا

انا دخلته بالموضوع ..


تشااااااااااو ...

بنت الزعيـ(11)م
21-04-2004, 04:34
الحين الاتحاد اكبر جماهيريه من الهلال حرام عليك خلك واقعي واتحداااااااااك تثبت ذلك والله لو اشوف ان الاتحاد اكثر جماهيريه والله اقوول بالعكس اتمنى له كل خير في الاخير هوا نادي سعودي بس صدقني الهلال اكبر جماهيريه باسيا كلها اعرف كثير شرق اسيا يشجعون الهلال لانه مو غريب عليهم وحقق 6بطولات اسيويه . وبالنسبه للوطن العربي جماهير الهلال اكبر وكذلك في الخليج روح ادخل اي موقع هلالي سواء شبكة الزعيم او شبكة الهلال او موقع سامي او يوسف وشوف كم من الاعضاء من العرب والخليجين واتمنى من الكل يكون حيادي ويقول رايه من جميع الاعضاء الموجدين في الديوانيه .... اخي الكريم جماهير الهلال في الممكله في كل مكان وانتا تشوف كيف الكثافه الجماهيريه في الشرقيه والمنطقه الشماليه ومنطقة القصيم وكذلك في جده وايضا في بطولة الصداقه في المنطقه الجنوبيه ((عسير)) .....حتى اكبر دليل تصريح سمو رئيس الهلال بنقل مباريات الهلال للقصيم او الشرقيه لكثرة الحضور لان جمهور الرياض تعرف مطالبه ودلعه حتى يرجع يحضر المباريات ....الادله كثيره والمره الوحيده اللي امتلئ بها مدرجات استاد الملك فهد يوم مباارة الهلال الاسيويه مع جابليو الياباني كان الاستاد كللللله ازررق بتقول فيه جماهير اندية اخرى لان المهمه وطنيه ارد عليك واقول حتى لوفيه الاعظم كلهم جمهور الهلال زعيـــم اســــــيا
وارجع واقول خلك واقعي.....
ولايغرك عدم تواجد جمهور الهلال لانك عارف الحضور الجماهيري في الدوري ضعيف وله اسبابه
وبيجي اليوم او المباراة اللي تثبت لك كثافة الجمهور الازرق


.................................................. .................................................. ....
http://arabic.ajeeb.com/images/KSA/logo.jpg
http://arabic.ajeeb.com/images/KSA/welcom_ara.gif
http://arabic.ajeeb.com/images/KSA/mr_zero_ara.jpg
تحية طيبة وبعد،
الرجاء أخذ العلم بالتعديل الحاصل في أرقام الجوال في المملكة العربية السعودية، والذي سيسري ابتداءً من 2 ربيع الأول 1425 هـ الموافق 21 أبريل 2004، حيث سيتم إضافة صفر بعد الرقم خمسة:
- للاتصال برقم جوال من داخل السـعودية، يرجى إضافة صفر بعد (05) ليصبح الرقم (××××××× 050)
- للاتصال برقم جوال من خارج السعودية يرجى إضافة صفر بعد الخمسة ليصبح الرقم (××××××× 9665+)
نتمنى عليك أيضاً إعلام أصدقائك والأشخاص الذين يتصلون بك عادةً بهذا التعديل.

بنت الزعيـ(11)م
21-04-2004, 04:40
انا اتفق معاك ان جمهور الاتحاد اكثر من يساند فريقه ويحضر لكن مو هذا كافي حتى تقيس ان جمهور الاتحاد اكبببر ومنت مجبور تقول هالحكي لان معروف الهلال وكم مره امتلئ استاد الملك فهد بالجمهور الهلالي بعشرات الالاف وكم مره حققنا بطولات حتى برى الرياض تلقى جمهور الهلال وتذكر انتا مباارة الاتحاد والهلال اخر مره على نهائي الدوري كان موجود جمهور هلالي كبير ..... وصدقني لو وضعنا استاد في جده جمهور الاتحاد اللي يحضر معروووف والله حفظت اشكالهم هما نفسهم اللي يحضورا واليوم مباراة مع الايراني الملعب وهوا صغير ماامتلئ!!!

واذا انتا تشوف ان فريق الاتحاد اعظم فريق في الخليج فانتا غلطان
لاتنســـــى الهلال
واتوقع الجمهور الخليجي يعرف الهلال جيـــدا

Alharbi
21-04-2004, 04:49
بنت الزعيـ(11)م

كلامج صحيح .. بس في شغله قلتيها (( قوية صراحة :eek: :D ))


اعرف كثير شرق اسيا يشجعون الهلال

:D :eek:

يعني في سنغافوريين وماليزيين وسيلانيين وهنود وكوريين ويابانيين وصينيين يشجعون الهلال ..

:eek: :D

بنت الزعيـ(11)م
21-04-2004, 04:54
نص مقتبس من رسالة : Alharbi

بنت الزعيـ(11)م

كلامج صحيح .. بس في شغله قلتيها (( قوية صراحة :eek: :D ))



:D :eek:

يعني في سنغافوريين وماليزيين وسيلانيين وهنود وكوريين ويابانيين وصينيين يشجعون الهلال ..

:eek: :D

والله فيه عند ابوي عمال من شرق اسيا وخبراء يابانين يعرفون الهلال ويقولون في بلادنا هو الفريق السعودي المعروف والله هالحكي صدق ...بعدين لاتستغرب الهلال هو اكثر الانديه مشاركه في البطولات الاسيويه ومنافسات قووويه بينا وبين الانديه اليابانيه والكوريه والصينيه

عاشق هالبلد
21-04-2004, 14:37
بنت الزعيـــــــــــم..........اسخفيتي.....:eek:


أقوووووووول سميلنا عشرة من هذولي الجماهير..........:D :D


أقووووووول أعقلي بس......:)

متى أمداكم تسون عملية مسح على الدول الخليجية والعربية والآسيوية وتعدون وتعرفون ميول

سكانهـــــــاااا لا وبعد وصلتي الأمــــــــر لشرق آسيا.........:rolleyes:


أقووووووول مريتى على الصين معك والا لأ..........(( الا والله طلعت كاتبه الصين كمانه )):eek:

ترى فيه فرق بين انك تعريفين الفريق لكونه اشتهر من خلال الاستحقاقات والمشاركات

وبين انك تشجعينـــــــــة..........؟؟؟؟؟؟

فمثلا في السعــــــــــودية نعـــــــــــرف جيداً فريق اسمه الاستقلال الايراني مثلا ً قد سمعت

واااحد يقول جماهير الاستقلال في المملكة كثيرة :rolleyes: ؟؟؟؟؟

وقيسي على ذلك.......

ـ ــــــــــــــــــــــــــــــــــــــــــــــــــ ــــــــــــــ

مختصر القول..........

الشعبية لا يعرفهــــــــــــا أحـد الا اللة.........؟؟؟

أتحداكـــــــــــــم تثبتون كلامكم يا بنت الزعيم وأنت كمان يا مون سن........!!!!!

تتكلمون في أشياء ما عندكم عليها براااااااااااهين........؟؟؟

لكـــــــــــــن من حيث الفعلية والتأثير والامتاع.........

فمن وجهة نظري ان جماهير الاتحاد هي الأفضل؟؟؟؟

وكذلك هي الأقوى حضورا ً................وكفـــــــــــى.......

ورجـــــاء ً لعد تقولون مين الأكثر..............!!!:cool:

تحيــــــــــاتي........

Diouf
21-04-2004, 14:49
و منو قال !!!!
أكبر قاعدة جماهيرية هي للعين :p

Di^Canio
21-04-2004, 16:13
شفت شلون يا مووووووووون .. الكل فهم موضوعك غلط لا تلوم احد ;)

لأنك ب1كرك للهلال فتحت باب للمقارنه بين جماهير الاتحاد والهلال .. كان من الممكن ان تنقل وجهة نظرك من خلال عدم تطرقك لأي قاعدة جماهيرية اخرى :)

تبقى وجهة نظر ..

23 October
21-04-2004, 16:18
بنت الزعيم .. ودي اصدق بس قوية قوية

يالله ماعليه حاولي مرة اخرى

رامز
21-04-2004, 18:40
موووون اسمع نصيحة مراقبنا ديكانيو ....ولاتقرب للزعيم .... ترى مااقدر افكك من جماهيرية الزعيم وبالذات هنا في الديوانية :) :)

استلقى وعدك ياحلووو :D

3arbawi_doom
21-04-2004, 19:18
رامز : فض الرسايل عندك شوي

Persian
21-04-2004, 22:52
Athad has the most fans :D :eek:
go look at the perozi fans in Iran and then you won't say that anymore
qadsia.....Perozi va bas

رامز
21-04-2004, 23:09
نص مقتبس من رسالة : 3arbawi_doom

رامز : فض الرسايل عندك شوي

تراك حبيبنا ياعرباوي ....انافهمت قصدك ;) وانا اسحب الرسالة خلاص !

3arbawi_doom
22-04-2004, 00:20
رامز : تسلملي والله :)

M63OON
22-04-2004, 01:14
نص مقتبس من رسالة : بنت الزعيـ(11)م

.................................................. .................................................. ....
http://arabic.ajeeb.com/images/KSA/logo.jpg
http://arabic.ajeeb.com/images/KSA/welcom_ara.gif
http://arabic.ajeeb.com/images/KSA/mr_zero_ara.jpg
تحية طيبة وبعد،
الرجاء أخذ العلم بالتعديل الحاصل في أرقام الجوال في المملكة العربية السعودية، والذي سيسري ابتداءً من 2 ربيع الأول 1425 هـ الموافق 21 أبريل 2004، حيث سيتم إضافة صفر بعد الرقم خمسة:
- للاتصال برقم جوال من داخل السـعودية، يرجى إضافة صفر بعد (05) ليصبح الرقم (××××××× 050)
- للاتصال برقم جوال من خارج السعودية يرجى إضافة صفر بعد الخمسة ليصبح الرقم (××××××× 9665+)
نتمنى عليك أيضاً إعلام أصدقائك والأشخاص الذين يتصلون بك عادةً بهذا التعديل.
[/B][/QUOTE]


_________

تعالي انتي في صفر بجوالج ولا لاء؟؟:D

armadaa
22-04-2004, 01:25
مونسن ... اعمل مقارنه للجمهور بين النهائيات اللي يلعبها الهلال او النصر في استاد الملك فهد ..

وبين جمهور الاتحاد في النهائي الاخير على استاد الملك فهد ....

بنت الزعيـ(11)م
22-04-2004, 04:55
لا استخفيت ولا حاجه هذا الواقع ومو شرط نسوي مسح على الدول . انتا تابع القنوات والاخبار والتقارير والمنتديات وشوف كيف الجمهور الهالي منتشر في الوطن العربي
وخلوكم واقعين
ولاتقنعوني بحاجه مخلوص منها من زماااان


http://www.omdbbab.com/up/pic/rayan206-1053108987.gif
ستبقـــــى البــــلد الاول للامــن والامـــان 000
اساليب ساذجه
عقول فارغه
قلوبا ضعيفه
لن تنالوا من امن هالبلاد ماحيينا 000

الكويتاوي
22-04-2004, 21:50
لاتبالغ يامون:)

شوف انا بتكلم عن الكويت بحكم انها بلدي وانا ادرى فيها منك:)

اكثر جمهور بالكويت تقريبا لنادي سعودي؟ هو الهلال بلا منازع

رامز
22-04-2004, 22:39
نص مقتبس من رسالة : الكويتاوي

لاتبالغ يامون:)

شوف انا بتكلم عن الكويت بحكم انها بلدي وانا ادرى فيها منك:)

اكثر جمهور بالكويت تقريبا لنادي سعودي؟ هو الهلال بلا منازع


بعد عمري والله ياهل الكويت

رحّـــال
23-04-2004, 00:04
هذا انت يامون ، اتكلم في اشياء ماتعرف فيها وبعدين تلاقي الكل يعارضك :rolleyes:

الهلال هو صاحب اكبر قاعده جماهيريه ، وبعدين يأتي الاتحاد في المرتبه الثانيه ولا الثالثه ولا الرابعه بعد الهلال في الخليج مو بس في السعوديه :cool:

رحّـــال
23-04-2004, 00:08
نص مقتبس من رسالة : بنت الزعيـ(11)م

لا استخفيت ولا حاجه هذا الواقع ومو شرط نسوي مسح على الدول . انتا تابع القنوات والاخبار والتقارير والمنتديات وشوف كيف الجمهور الهالي منتشر في الوطن العربي
وخلوكم واقعين
ولاتقنعوني بحاجه مخلوص منها من زماااان


وانا معاج يا بنت الزعيم ، وخلج دايمن جذي اتكلمين بثقه وما عليج من الباقي :)

MoonSun
23-04-2004, 03:02
مع الأسف الى الان اغلب الاعضاء مو فاهمين الموضوع ...!!!!!!

انا في وادي وبعض الاعضاء في وادي...

ياناس وش دخل الكويتيين اللي يشجعون الازرق وش دخل دول شرق اسيا في الموضوع ...!!!!

ياناس افهموا الموضوع يتكلم عن الاعداد الكبيرة اللي تحضر للمعلب طوااااال الموسم

فهمتوا ولا لسى ... الموضوع يتكلم عن الجمهور اللي يساند الاتحاد داخل الملعب ...

انا مالي شغل بالدول الثانيه ....

الشعبيه الاولى هي بمساندة الفريق داخل الملعب ... مو من خلف الشاشات ...

فرضا لو في الصين اكثر من 50مليون صيني ميولهم نصراويه هل معنى هذا انه صاحب شعبيه كبيرة

ابدا اللي اقصده هو الشعبيه داخل الملعب ...

وانا مالي باللي يشجع الهلال في الكويت ولا في اليمن وش دخل المشجعين برا المملكه بالموضوع؟؟؟

ارجعوا لمباريات الاتحاد وشوفوا اعداد الجماهير اللي تحضر لمبارياته وقارنوها باي فريق بالخليج

واتحدى فريق خليجي او سعودي جماهيرة تحضر بكثافه زي جماهير الاتحاد ....

واكرر للمرة الاخيرة لحد يجيب لي صورة لمباراة وحده ويقول شوف الجمهور الفلاني ...

الجماهيريه تقاس على مدى العام وليس بمباراة وحده او نهائي واحد ...

افهمووووووووووا ترا والله تعبت وانا اكتب ...

3arbawi_doom
23-04-2004, 03:11
غلطان يالكويتاوي النصر :D :p

الكويتاوي
23-04-2004, 03:11
قووووووووووول جذي من اول :)

جذيه صح كلامك :)

رحّـــال
23-04-2004, 04:04
نص مقتبس من رسالة : moonsun


انا مالي شغل بالدول الثانيه ....

وانا مالي باللي يشجع الهلال في الكويت ولا في اليمن وش دخل المشجعين برا المملكه بالموضوع؟؟؟



:confused:

شلون يعني الدول الثانيه شكو !!!

مو انت كاتب في العنوان " الاتحاد صاحب اكبر قاعدة جماهيريه ((( بالخليج ))) ...المباريات تشهد على شعبيته الجارفه.. " ، اذا انت تقصد السعوديه بس عيل ليش قلت الخليج !!!

ما علينا ... اذا ان تقصد من الموضوع مثل ما قلت في الرد الاخير ، جذي ممكن :D

MoonSun
23-04-2004, 12:03
نص مقتبس من رسالة : رحّـــال

نص مقتبس من رسالة : moonsun

:confused:

شلون يعني الدول الثانيه شكو !!!

مو انت كاتب في العنوان " الاتحاد صاحب اكبر قاعدة جماهيريه ((( بالخليج ))) ...المباريات تشهد على شعبيته الجارفه.. " ، اذا انت تقصد السعوديه بس عيل ليش قلت الخليج !!!

ما علينا ... اذا ان تقصد من الموضوع مثل ما قلت في الرد الاخير ، جذي ممكن :D

برضو مافي فايده ههههههههههههههه

رحال ليش منت راضي تفهم !!!!!

لا انا قاصد منطقة الخليج .... ياخي مو معناته اني اذكر شعبيه الاتحاد على المستوى

الخليجي اني اتكلم عن مشجعين خليجيين للاتحاد لااااااااااااااااااااااا مو كذا ...

انا اقصد ان شعبيه الجماهير تفوق اي نادي اخر بمنطقه الخليج فهمت الحين !!!!

طبعا ما اقدر اقيس الشعبيه هذي على المستوى العربي ولا الاسيوي لانه فيه انديه

عربيه واسيويه قد تفوق الاتحاد في حضورها ومساندتها لانديتها طوال العام ..

فهمت يارحال ولا لسى ...

armadaa
23-04-2004, 12:54
نص مقتبس من رسالة : الكويتاوي

قووووووووووول جذي من اول :)

جذيه صح كلامك :)

بنت الزعيـ(11)م
26-04-2004, 05:03
خلاص ياحلوين الموضوع مايحتاج لان الحق حق ....
وحرام المقارنه وانا قلت من زمان اي احد يدخل بالمقارنه مع الهلال اكيد بيخسر ....
ومع احترامي للجميـــــع.... :)


http://www.omdbbab.com/up/pic/rayan206-1053108987.gif
ستبقـــــى البــــلد الاول للامــن والامـــان 000
اساليب ساذجه
عقول فارغه
قلوبا ضعيفه
لن تنالوا من امن هالبلاد ماحيينا 000

اخضر عرباوي
27-04-2004, 01:41
اكبر قاعده جماهيريه الاتحاد :eek:

قصدك جمهور الاتحاد اكثر جمهور يحضر مباريات في هذا الوقت لأن مستوا الاتحاد مرتفع ويفوز في البطولات فل جمهور يحضر واي نادي فريقه يقدم مستوي حلوه جمهوره يحضر بكثافه

Al-Mutairi
27-04-2004, 19:33
بالفعل الاتحاد هو اقوى فريق عربي من حيث الجماهير

هل تعتقدون ان لقب ريال مدريد العرب أتى من فراغ ؟

:)

انا شخصيا ما اعتقد

أتمنى محد يزعل من ردي

ودمتم

بنت الزعيـ(11)م
29-04-2004, 04:02
نص مقتبس من رسالة : Germany4ever

بالفعل الاتحاد هو اقوى فريق عربي من حيث الجماهير

هل تعتقدون ان لقب ريال مدريد العرب أتى من فراغ ؟

:)

انا شخصيا ما اعتقد

أتمنى محد يزعل من ردي

ودمتم

ماارح نزعل ليش نزعل ولاتنسى ان الاتحاد نادي سعودي واتمنى له كل خير ....بس اتمنى تحري الدقه ويمكن انتا نفسك تزعل منك لانك ماصدقت بلي قلته ......ولاتزعل بعد انا مني ....



http://www.omdbbab.com/up/pic/rayan206-1053108987.gif
ستبقـــــى البــــلد الاول للامــن والامـــان 000
اساليب ساذجه
عقول فارغه
قلوبا ضعيفه
لن تنالوا من امن هالبلاد ماحيينا 000

السيلاني
02-05-2004, 19:54
الكويتاوي غلطان ابوي الهلال راحت عليه ;)

عرباوي النصر ايام ماجد وانتهى :)

ويبقى الاتي افضل نادي خليجي واكثرهم مسانده جماهريا بعده الاهلي السعودي

اخييه لو الاتحاد نادي كويتي ;) <=== بدا يخورها :rolleyes:

بنت الزعيـ(11)م
03-05-2004, 08:27
نص مقتبس من رسالة : السيلاني

الكويتاوي غلطان ابوي الهلال راحت عليه ;)

عرباوي النصر ايام ماجد وانتهى :)

ويبقى الاتي افضل نادي خليجي واكثرهم مسانده جماهريا بعده الاهلي السعودي

اخييه لو الاتحاد نادي كويتي ;) <=== بدا يخورها :rolleyes:

اي راحت عليه .. حرام عليك ... والايام بتثبت لك ... ان الزعيــــــم زعيـــــم