المساعد الشخصي الرقمي

مشاهدة النسخة كاملة : زيمبابوي تهزم السعودية !!!



رامز
31-12-2001, 07:42
خسر المنتخب السعودي الليله مباراته التجريبيه الاولى استعدادا لكاس الخليج وذلك امام زيمبابوي بهدفين للاشي وقدم المنتخب السعودي مستوى اقل من المتوسط ، دخلت السعوديه المباراة باللاعبين :

الخوجلي - شليه - الصقري - رضا تكر - عبدالله سليمان - العويران- سعد الزهراني - المحمدي -الجابر - اليامي - الجمعان

علما ان منتخب زيمبابوي يصنف من المنتخبات الضعيفه على مستوى افريقيا
المهم في الشوط الثاني لعب ماطر بدل الزهراني ، ولعب الدعيع قبل نهاية المباراة ب3 دقائق لتحسب له مباراه دولية !!!

شوفوا التشكيله ، خط النص بعضهم اساسي في ناديه مايلعب ،

بعد هالمستوى كاس الخليج بعيده ، الاهداف من اخطاء دفاعيه والثاني هدية من الخوجلي .

مبروك كاس الخليج يا كويت اذا استمرت السعودية بها المستوى !!!

المتفلسف_ماكسيموس
31-12-2001, 08:13
:eek: :eek:

قصدك مبروك كاس الخليج يا عمان

اذا احنا تعادلنا مع سوريا و انتو تخسرون من زيمبابوي ما بقى الا نخسر من بوتان و السنغال بالقريب العاجل

:mad:

ابو تراب
31-12-2001, 08:27
كلنا بالهواء سواء

الله يوفقك ازرقنا

Q8i
31-12-2001, 08:34
المباريات الوديه ابداً مو مقياس

ثلاثي الأبعاد
31-12-2001, 11:39
بصراحه

ما يستاهل الخوجلي ان يكون الحارس الاول

مبروك اولى منه

و هم في لاعبين بالنص اولى من الي لعبوا !

بالتوفيق في المباريات الجايه يالسعودي ! :rolleyes:

سبع البحر
31-12-2001, 16:43
ما تقولونلي منو بيفوز بالدورة اذا الكويت والسعودية بهالحالة

31-12-2001, 17:27
مبرووووووووووووك الامارات او البحرين

هههههههههههههههه
والله السعوديه تضحك اليوم

اقول يالكويتين و يا السعوديين

وش رايكم نروح نصيد سمك و نترك كاس الخليج وصداعها
هههههههه
2-0 زمبابوي:D

31-12-2001, 18:43
هااردلك للسعووديه

واتوقع قطر يفوزووون بالبطوولة....تعادلوا مع منتخب مصر الذي يلعب بكامل محترفييينه ونجومه علماً بأن قطر كانت متقدمة 2-0 بس للأسف على آخر المباراة يابوا مصر الهدفين....

Di^Canio
31-12-2001, 19:16
يا وييييييلك يا منتخبنا :eek:

الأزرق
31-12-2001, 21:25
بس حالتكم نفس حالتنا المدرب دخل المباراة واهو بغرضه يجرب مراكز على لاعبين مو هدفه الفوز لو بيفوز جان الحين فوق ال6 اهداف للسعودية وايضا بالنسبة لمنتخبنا الي قاعد نر بمرحله تجريب الاعبين على مراكز يديده وايضا نكرر انه المباريات الودية لاتحسب كمقياس للفريق لانه الفريق اما لايهمه الفوز كثر الاستفاده او تجريب لاعبين جدد واراحة الكبار او تجريب لاعبين على مراكز غير الي تلعب فيها .. والمقياس الحقيقي بالمباريات الرسمية والبطولات .. وراح نشوف المنتخب الكويتي والسعودي ايضا وراح يثبتون انهم الاقوى في الخليج ;)

ManUtd
31-12-2001, 21:38
يا شباب عيبكم تتسرعون بسرعه على المنتخبات شووف مثلا المنتخب السعودي كذا مرة يخسر اولى مبارياته
في البطولات ويرد يكشر عن انيابه ويفووز ويتاهل وخير مثال كاس اسيا وتصفيات كاس العالم
هذا بالمباريات الرسمية بعد وانتو قاعدين تحكمون على المنتخبات من اول مباراة تجريبيه وبعدين اشوف
حطيتو على الخوجلي بس علشان هالخطا ونسيتو انه كان سبب رئيسي في فوز المنتخب السعودي في اغلب
مباريات كاس العالم بس مجرد توضيح لكم...

111
01-01-2002, 00:19
تبي الصراحه أخوي رامز . والله أنا قرأت الموضوع من أول ماحطيته إنت بس ماحبيت أرد . والسبب إنه صراحه أسلوبك في الموضوع لايشجع على النقاش والحلول .
يعني إنت وأنا نعرف وغيرنا يعرف منتخبنا في المباريات الوديه وأنت وأنا وغيرنا من محبي المنتخب السعودي كلنا نثق بمنتخبنا في جميع البطولات وأبصم بالمليون إنك أنت من ضمنا إنك تثق في منتخبنا . بس وضعك له ماأدري مالذي تريده يعني من الردود . طبعاً أسلوبك في الموضوع ليس لندرس ونقيم المنتخب لأننا نعرف من الذي لعب ونعرف إنها مباراة وديه وأول مباراة وديه .
والله أخوي رامز إني أكن لك كل الإحترام والتقدير . بس والله لم أتوقع ولا واحد بالميه إن كلامك يكون زي كذا ولا أعرف مالسبب . :confused:
أنا لا أقول إنك غلطت على منتخبنا واللي زي هالكلام حاشا لله . مجرد إستغراب يعني اللي أستغربه أكثر إنك في كذا موضوع تكتب تحت الموضوع كلمة ( تعليق ) وبعدين نقرأ التعليق الجميل والكلام والتحليل الجميل . بس إنت من تالي ماأدري وش جاك يعني تغيرت في يوم وليله . وخليت منتخبنا مثل إللي يقول صعبه إنه يحقق شيء . وأنا أعرف إن إللي في داخلك يقول إن البطولة 99 بالميه سوف تأخذها السعوديه . حتى لو تغيب اللاعبين الأساسيين .
اخوي رامز إختلاف الرأي لايفسد للود قضيه . والأخوان ماقصرو إللي قالو لاتستعجلون بالرد على المنتخب مع إنه بأول مباراة . يعني غريبه كيف تفوتك هالمعلومه . علماً إني توقعت إنك أول واحد راح هو إللي يقولنا عن هالكلام وعن ثقة منتخبنا وعن المباريات الوديه والاستعدادات .:eek:
وشكراً لك رامز أخ عزيز وغالي . :)

رامز
01-01-2002, 00:27
الاخوان الكرام :

ماكسيموس: الظاهر هذا اللي بيصير

Q8i-manutd : حنا ما نقول المباراة الاولى مقياس بس اللاعبين يلعبون كانه اول مره يطقون كرة .

الازرق: البطوله باقي عليها اسبوعين ولازلنا نجرب !!! وليش من الاساس اجرب لاعبين وانا عندي افضل منهم .
شقراوي : والله اذا بنصيد سمك زين ، بس خوفك نقزقز لب في الاخير هههههههه .

رامز
01-01-2002, 00:42
اخوي 111 اتمنى ان ما يكون سبب زعلك هو انتقادي لغلطة الخوجلي بصراحه اعتبرها كبيرة من لاعب دولي وحارس كبير تفلت الكره من يده بها السهوله .

اخوي اللي انا مستغربه تغييرات مالها داعي لمجرد التغيير يعني ليش ماتثبت المجموعه اللي تطلعت فيها لكاس العالم وتغير واحد او اثنين بالكثير ،

رضا تكر سبب الهدف الاول ليش ملعبه المدرب لاتقول ايجاد بديل ، طيب الاساسي ماشفناه يلعب اصلا واذا هذا مستوى البديل الله يخلف .
اخوي 111 خلك حقاني ولا تاثر عليك الميول اذا المجموعه الاساسيه ما العبت حتى اليوم مع بعض متى تلعب باقي اسبوعين على البطوله .

تحياتي لك وحنا نقول الكلام هذا حرصا على المصلحة وبامكاننا نقول كل شي تمام والوضع عال العال بس هذا مو من طبعي ، واقول في النهاية هذي ماهي ولا ربع التشكيله المفروض تلعب .

اخيرا اخوي ثلاثي الابعاد معاك 100%

111
01-01-2002, 00:59
هلا أخوي رامز وأرجو منك إنك ماتزعل من كلامي والله ماقلتلك هالكلام إللي لأني أمون عليك .
لكن والله العظيم يوم تقول إني أرجو إني مازعلت عشان الخوجلي تصدق والله العظيم إني توي أدري إنك كاتب عن الخوجلي هالحين بزعل صدق :) .
المهم رامز نعرف كلها لمصلحة المنتخب بس موضوع قلي ما معناته . يعني لو إنت خليتها مجرد موضوع عن نتيجة المنتخب أمام زيمبابوي كان أحسن . بس إستغربت شنك على المنتخب بهذا الإسلوب مع إنهم لسى بالتجريب وراجعين لسى . حتى لو كان على البطولة إسبوعين أيهم أهم عليك إنت رامز بطولة الخليج أم بطولة العرب أم بطولة العالم . ولكي تتفادى الإصابات أيضاً لكي لاتندم بالتالي بأهم بطولة على مستوى العالم .
ورموزي والله ثم والله إني مازعلت عشان إنك قلت الخوجلي أعطى هدية هدف لاوالله .
ومشكور

رامز
01-01-2002, 05:35
عموما اخوي 111 حنا يمكن نختلف بوجهات النظر لكن نتفق على حب المنتخب ومصلحته وانا رائي اذا خوف من الاصابات كان نلعب بالمنتخب الاولمبي لكن ان نعرض سمعة المنتخب الاول للانتقاص لا والف لا نلعب بتشكيله صح او نعطي فرصه للاولمبي ونتفرغ لكاس العالم اذا قصدك خوف من الاصابات .

بيركامب
01-01-2002, 10:11
للاسف خسر المنتخب السعودي الشقيق :(


والله ما توقعت .... هاردلك للاخضر إنشاء الله ما تأثر عليه خصوصا في مشاركاته القادمة واهمها كأس العالم


مع تمنياتي له بالتوفيق في مبارياته القادمة ...


ويعطيك العافية اخوي رامز


وشكرا....

01-01-2002, 11:30
ليش الزعل والاستغراب شى طبيعى يخسرون لاانهم اولا يلعبون من غير لاعبينهم الاساسين
ثانيا اهمة مقبلين على كاس العالم يعنى مومعقولة بيلعبون بحماس زايد علشان يتعور واحد منهم لانة حلمهم هو اللعب بكاس العالم.. يعنى مومعقولة الاعب بيلعب بكل قوتة ويهاجم علشان يتعور بكرة مشتركة تحرمة من اللعب بكاس العالم وهذا اهو طموح كل لاعبين منتخب السعودية اولا واخرا. فيقولك العب بس مااشد على نفسى موالمهم النتيجة المهم الاحتكاك البسيط معاهم واخذ الخبرة وتقوية اللياقة البدنية عندى

ثالثا كاس الخليج الان موطموحهم كثر ما اللعب باليابان طموحهم والوصول الى ادوار متقدمة واثبات وجودهم

يعنى لعبهم بهالطريقة وهالنتيجة شى طبيعى لانها مجرد مبارات تجريبية ودية للتسخين هذى تعتبر بالنسبة لهم موتجهيز لكا س العالم هذا تسخين لكاس العالم بس تسخين على الخفيف

يعنى لى متى ما راح تفهمون هالخطط.. حسبالكم اهمة مثلنا احنا لايايبا الاتحاد السعودى عارف شيسوى عدل
وهذا العدل طبعا

بيركامب
01-01-2002, 13:18
العضوة 3rbawya^ :

جايز يكون كلامج عدل ... بس التشكيلة تضم 6 لاعبين اساسين ( شليه - عبدالله سليمان - خميس العويران - سامي الجابر - اليامي - الجمعان ) :P

واعتقد ان المنتخب السعودي جرب نسبة قليلة من الاحتياط ماحولتا منه ليثبت على تشكيلة خاصة


واتفق معاج بالنقطتين الثانية والثالثة ,...


بس المنطق يقول السعودية لازم تفوز لان الفرق واضح ... ولكن الكرة دوارة .....

يعني مو معقولة احد توقع خسارة السعودية :) ولا لا :) وطبعا ومن الامر الطبيعي ان المنتخب السعودي لم يتوقع هذه النتيجة ..


وشكرا.....

Fc BaRcElOnA
01-01-2002, 18:19
رامز .. حتى الكويت مستواها طايح :) اتوقع كاس الخليج بحريني ولو اني اتمناه كويتي :)

المتفلسف_ماكسيموس - سبع البحر .. لاتنسون البحرين :)

Q8i - ثلاثي الأبعاد .. كلامكم صحيح

3rbawya^ .. بس كاس الخليج بأرضهم فمومعقوله يضيعونه منهم :)

111
01-01-2002, 18:47
عين الكلام والله يا 3rbawya^ .
أخوي بيركامب . المعذره لكن ليس صحيح إن بالمنتخب السعودي ستة أساسيين المعذره .
يعني شليه ليس أساسي بل إحتياطي للدوخي من فترة كأس آسيا 2000 .
خميس العويران من زمان منقطع عن المنتخب وقد لعب محله الواكد ومحمد نور .
الحسن اليامي لم يكن أساسياً أبداً في جميع مشاركات المنتخب لا أذكر أنه أساسي .
الجمعان أيضاً ليس أساسياً في المنتخب وأغلب الأحيان لايأخذ للمنتخب أساسياً . أو يضموه .
لايوجد أساسي من إللي إنت ذكرتهم سوى الجابر وعبدالله سليمان .
ومشكورين .

بيركامب
01-01-2002, 19:09
عفوا اخوي 111

بالعكس لاعبين أساسين وشاركوا في كثير من المباريات ... انا غير متأكد فقط بالنسبة لليامي

اما بقية الاعبين أساسين في الاندية والمنتخب ... واتفق معاك ان هناك اساسين اخرين ولكن السنوات تمر


وانا بنيت رأي كوني شاهدته في بعض اللقاءات ...

على العموم مشكور على التوضيح :)

111
01-01-2002, 21:37
العفو بيركامب

رامز
01-01-2002, 22:20
بيركامب يعطيك العافيه ، وبالنسبه للاساسيين فعلا كلام 111 صحيح بس هذا مايمنع ان اللي ذكرتهم دوليين والمفروض يظهرون بستوى افضل .

عرباويه والله يمكن كلامك فيه شي من الصحه بس اذا هذي نظرتنا مشكله !!! كيف نفرط في كاس غاليه مثل كاس الخليج ؟؟؟ مايمنع نركز هنا وهناك ( في الرياض - وفي اليابان )

برشلونه شوف البطوله بين الكويت والسعوديه حتى لوطاح المستوى .

Fc BaRcElOnA
01-01-2002, 23:19
رامز .. هالبطوله ماتقدر تحدد المنافسه بين منو و منو لان كل الافرقه مستواها صاعد ما عدا منتخبنا :o

رامز
02-01-2002, 22:24
وجهة نظر احترمها واحترم قائلها .