المساعد الشخصي الرقمي

مشاهدة النسخة كاملة : بين المبارات النهائية لكأس اسيا



افضل مدرب
06-07-2004, 00:14
بسم الله الرحمن الرحيم

بين منو تتوقع المبارات النهائيه
انا اتوقع

الكويت -----------------------اليابان
او
الكويت """""""""""""""ايران

البرنس
06-07-2004, 00:29
السعودية & اليابان

iRaQ
06-07-2004, 00:33
كوريا - اليابان

البرنس
06-07-2004, 00:41
اخوي افضل مدرب

احترم توقعك واقدرك لاكن الكويت لا اعتقد انها

قادرة علىتجاوز الدور الاول صحيح ان المنتخب

الكويتي عريق لاكن يحتاج الى اعادة بناء من الناشئين

سعودي والنعم
06-07-2004, 01:56
مع احترامي لك وللمنتخب الكويتي اخوي افضل مدرب لكن الكويت بتخرج من الدور الاول اذا استمر مثل ما كان في خليجي 16

النهائي سيكون بين المنتخبات التالية
كوريا الجنوبية
السعودية
البحرين

وتوقعي هو السعودية vs كوريا الجنوبية

بحريني13
06-07-2004, 05:30
السعودية × (فريق من شرق اسيا )
و يمكن يكون نسخة من نهائي البطولة اللي راحت × اليابان

الرافدين
06-07-2004, 05:37
ما اعتقد ان النهائي بيكون فيه اي دوله من شرق اسيا
والله اعلم

اتوقع دولتين خليجيتيين

xavi barcelona
06-07-2004, 06:14
اليابان - الصين



و راح تكون البطوله يابانيه

فنجاوي
06-07-2004, 07:09
الكويت في النهائي :eek: :D

الكويت اذا صعدت من الدور الاول نقول الحمد لله

شخصيا اتوقع النهائي بين البحرين والصين

scholes
06-07-2004, 09:27
اتوقع دولتين خليجيتيين

DvD
06-07-2004, 09:38
نص مقتبس من رسالة : فنجاوي

الكويت في النهائي :eek: :D

الكويت اذا صعدت من الدور الاول نقول الحمد لله

شخصيا اتوقع النهائي بين البحرين والصين

:mad: يعني فريقكم بيسوي شي فريقكم راح يكون مطقاقه للفرق

واتمنى النهائي كويتي واي فريق شرق اسيووي

افضل مدرب
06-07-2004, 13:04
يا جماعة اللي معارضين ترى المنتخب تغير
وحتى نتائجة كذلك انشاء الله مادام الله معانا
الكأس للأزرق هذا اليونان محد توقع انه بيفوز وفاز



الازرق بقيادة بونواف غير







:mad: :mad: تحذير اذا ثارت امواج الازرق فلن يقف في وجهه احد

شاندو
06-07-2004, 14:18
يا حبيبي افضل مدرب ترى المنتخب اللي يفوز على نادي سويسري من الدرجة الثالثة ما يأهله مستواه حق كاس اسيا

شوف استعدادات المنتخبات الثانية اليابان لعبت مع انجلترا وتعادلت 1/1 في انجلترا والبحرين بتلعب مع كوريا الجنوبية في سيئول والاخضر السعودي غني عن التعريف لكن الكويت تلعب مع اندية اي كلام وفي الدوري السويسري اللي كلش مو معروف على المستوى الاوروبي :eek:


النهائي بحريني ياباني


باي باي شاندوو :cool:

افضل مدرب
06-07-2004, 14:24
اخوي شاندو
والله لو يلعبون مع البرازيل

وحنا نلعب مع ماكاو


مفي مشاكل دام الفريق مصر على الفوز


وبأذن الله نشوف نتايج طيبة للمتخب


المنتخب فشلنا امام سوريا مرتين

لكن بالاخير حقق نتيجه مرضيه

وبعدين حتى لوخسر مايعيبه

ترى المشوار توبدا مع الكابتن بونواف

:eek: :eek: راح تطير قلوبكم من الفرحه انشاء الله

شاندو
06-07-2004, 14:32
يعني مثلاً المنتخب الكويتي لو يلعب مع البرازيل حتى لو كان مصر على الفوز والله لو شيسوي الازرق ما راح يقدر يصمد

افضل انا متفهم شعورك لانك كويتي يحب الخير لوطنه ومنتخبه لكن خلنا نكون واقعيين ونشوف مستويات المنتخبات الثانية اللي قامت تلعب مع الدول الاوروبية من دون خوف يعني مو معقوله البرازيل تساوي نادي سويسري من الدرجة الثالثة

انا صراحة اتوقع الكويت راح تطلع بالمركز الاخير في المجموعة وان شاء يطلع توقعي غلط في غلط



:cool:

ازرقاوي00وبس
06-07-2004, 14:53
ههههههههه

والله انتو معطين البحرين اكبر من حجمها

صدقوني البحرين بتطلع من الدور الاول واحساسي قوي
ان ابن النهائي بين

ايران----اوزباكستان;)

شاندو
06-07-2004, 14:59
ازرقاوي شلون احنا عطينا البحرين اكبر من حجمها نسيت يوم طقتنا البحرين بالاربعة في الكويت وتقولي نعطيها اكبر من حجمها

واحنا منتخبنا يلعب مع اندية اي كلام والمنتخبات الثانية مبارياتهم مع منتخبات على مستوى خلنا نكون واقعيين

ومنتخبنا هو اللي بيطلع من الدور الاول بس البحرين اتوقع النصف النهائي أو النهائي


:rolleyes: :( :rolleyes:


تحياتي شاندوو

ناقد رياضي
06-07-2004, 15:27
الصين× الأردن






ناقد رياضي

ازرقاوي00وبس
06-07-2004, 16:27
هههه بس علشان طقونا اربعة بيصيرون ابطال اسيا:D


حبيبي هذا مو مقياس البحرين ليست سوى منتخب من 16 منتخب

وبعدين تقولي احنا بنطلع من الدور الاول هههههه
احنا اذا حطينا شي في عيونا لازم يكون ومتاهلين يعني متاهين
الى الدور الثاني

وعلى فكرة ترة مجموعة البحرين تضم الصين وقطر
يعني في شوكتين حادتين على طريق البحرين

واخر مبارة بين قطر والبحرين
انتهت 3/0لقطر وكانت مبارة ودية استعداد لمباراتهم مع سوريا

ولاتقعد تستهزء من الازرق لان لاكوريا ولا الاردن ولا الامارات قادرين عل منعنا من التاهل

شاندو
06-07-2004, 16:43
بنشوف اذا ما خسر المنتخب الكويتي من الامارات

المباريات الودية اللي يلعبها منتخب البحرين ما يلعبها بكامل قوته لانه هذا يدل على ذكاء المدرب فهو مايكشف الخطط للمنتخبات المنافسة

بنشوف اذا تاهل الازرق للدور الثاني لانه هذا الشي من سابع المستحيلات


:D

شاندوووو يا جمالوو

ولد زايد
06-07-2004, 16:51
(....)

شاندو
06-07-2004, 16:58
مشكلة مشجعي المنتخب الكويتي يتغنون بانجازات الماضي سنة سكتوو ويقولون فزنا على اليابان وكوريا عام 2000 يعني قبل اربع سنين لو سجل المنتخب الكويتي هدف واحد في كاس اسيا بيكون انجاز

الى مشجعي المنتخب الكويتي لا تستهزؤون بالمنتخبات لانه بيصير لكم مثل كاس الخليج استهزءتوا وقبل لا تبتدي البطولة توجتوا نفسكم الابطال ولو لا اليمن جان كنتوا بالمركز الاخير وخسرتوا من الامارات والبحرين وقطر

:eek: :eek:

ليس الفتى من قال كان أبي إن الفتى من قال ها أنا ذا


يا جمالو مصراوي :D

بوعكه اشكناني
06-07-2004, 16:58
اندونيسيا واوزباكستان

shansawi
06-07-2004, 17:01
شباب الموضوع رياضى بحت ويجب ان تكون لدينا روح رياضيه وماكو مانع الواحد يشجع منتخبه الوطنى بس نحترم الاخرين ولا نقلل من الاخرين ابدا
وخلك كووووووووووووووووووووووووووووووووووووووووووووووووو وووووووووووووووووووووول

شاندو
06-07-2004, 17:06
هلا اخوي شنصاوي لكن هناك بعض الناس عايشين في العصور الحجرية ايام كان ينقال حق منتخب الكويت ازرق لكن الحين ازييييييييييييرق


لحد يزعل مني لانه هذا الواقع ويوم منتخبك يكون اي كلام لا تقلل من قوة المنتخبات الثانية

قال كاس اسيا ازرق قال :D


في الاحلام السعيدة


باي يا جمالو :cool:

هنري 14
06-07-2004, 17:15
التوقع شئ والتمنى شئ ثانى .... طبعا اتمنى يكون النهائي الكويت واى دوله خليجيه......... بس ما اتوقع ولا دوله خليجيه بتوصل النهائي واذا فى دوله خليجيه بتوصل النهائي فهى الكويت

على فكره بالنسبه للسعوديه ما اتوقع تعدى الدور الاول ( على الرغم من سهوله مجموعتها ) ...... وتذكرووووووو كلامى

فنجاوي
06-07-2004, 17:35
السعوديه ما تصعد للدور الثاني :eek:

على اي اساس بني هذا الراي

بالنسبة لمنتخب الكويت لو كان عنده مدرب اجنبي كان بيكون ممكن كثير انهم يتقدمون بعيد في البطوله

اما مع بو نواف فبصراحه المنتخب احسه متلخبط وفكر المدرب الوطني احسه محدود وماشي عالبركه

بالنسبة للبحرين فاعتقد انهم ما وقفوا عن الاستعداد بالاضافه الى استقرار المدرب وتفاهم اللاعبين




شاندوووووو انته كويتي ولا بحريني

y2bear
06-07-2004, 18:35
مممم ...

النهائي ... بكون بين غرب و شرق آسيا ... و هذا اكبر احتمال ...

و طبعا كما ذكرنا سابقا ان إللي بمثل شرق آسيا بكون او اليابان او كوريا او الصين

و لكن شرق آسيا صعب التوقع شوي لان عدد المرشحين شوي اكثر من غرب آسيا ...

السعودية: مرشح قوي جدا و بطل كأس الخليج... و يتبعون حاليا سياسة المنتخب المسكين إللي بس ياي يشارك.

البحرين: منتخب قوي و متطور و وصيف بطولة الخليج ... و لكن غير مرشح بقوة و ذلك لانقطاعه عن البطولة لفترة طويلة.

عمان: منتخب قوي و متطور و لكنه غير محظوظ و يفتقد للمسة الاخيرة ... قادم من الخلف ليحقق مفاجأة جديدة بعد تغلبه على رابع العالم في تصفيات كأس العالم.

الأردن: منتخب قوي و متطور ... نجح في هزيمة متصدر آسيا "ايران" في التصنيف العالمي مرة في التصفيات المؤهلة لكأس آسيا و مرة آخرى في تصفيات كاس العالم 2006 .

ايران: منتخب آسيوي عريق و احد المرشحين خصوصا بعد حصوله على كأس غرب آسيا قبل ايام... و لكن يعيبه كبر سن لاعبيه.

الكويت: تاريخيا من احد افضل المنتخبات الخليجية ... و لكن هبط مستواه بشكل كبير و ملحوظ في الفترة الاخيرة .

الامارات: مازال يبحث عن هويته المفقودة منذ عام 1996 بعد انتهاء الجيل الذهبي ... سيواجه صعوبات كثيرة في مجموعته الحالية و ذلك نظرا لمستواه المتذبب في مبارياته و بالمقابل قوة كوريا و الاردن.

قطر: منتخب غامض إلى الآن ... لكن من المتوقع ان تشكل مجموعة كبيرة من لاعبيه الذين شاركوا ببطولة الخليج الاخيرة نواة المنتخب الحالي ... و المخيف في امرهم مدربهم نظرا لقراراته الغريبة.


و البقية ماله داعي نذكرهم ... لاني اتوقع انهم بكونون كومبارس.

اخوكم

y2bear
:D

شاندو
06-07-2004, 20:00
الا المنتخب البحريني غير مرشح مو عشان منقطع لفترة طويلة الا الحقد الي مالي قلوب بعض الناس

بنشوف الوعد هناك في الصييين


:D :p :D


يا جمالو مصراوي :cool:

ازرقاوي00وبس
06-07-2004, 20:06
هههههههههههههههههههه

شاندو00ياخي ريح نفسكوقول انك بحريني

وبعدين اي حقد000قال حقد قال ههههه

اقول اذا عديتوا بيكون فيه كلام00هذا اذا عديتوا:D :D

Rose
06-07-2004, 20:12
مرحبا..

أتمنى من كل قلبي التوفيق للعنابي وان شاءالله ياخذ الكاس ولو انها صعبة بس مافي مستحيل..ومن بعد العنابي أتمنى التوفيق لكل المنتخبات الخليجية بشكل خاص والعربية بشكل عام..

وأتوقع كوريا واليابان..

شاندو
06-07-2004, 20:12
اي ليش بحريني ما يعجبك وبحريني حتى النخاع


وحاب اقول شغلة الحمدلله انا واثق من منتخبنا انه بيعدي مو نفسكم تعيشون نفسكم في احلام وتعرفون انكم بالمركز الاخير قبل لا تبتدي البطولة

اوكي حبيبي لا تشوف كاس اسيا احسن عشان قلبك لا يعورك على منتخبكم


:eek: :eek:

مسكين والله اشفق عليك

تحياتي اخوك شاندوو ;)

افضل مدرب
06-07-2004, 21:38
اخو قلبي شاندو
لا تصير متشائم
صدقني الربع
ماراح يقصرون

البرنس
06-07-2004, 23:31
نص مقتبس من رسالة : هنري 14

التوقع شئ والتمنى شئ ثانى .... طبعا اتمنى يكون النهائي الكويت واى دوله خليجيه......... بس ما اتوقع ولا دوله خليجيه بتوصل النهائي واذا فى دوله خليجيه بتوصل النهائي فهى الكويت

على فكره بالنسبه للسعوديه ما اتوقع تعدى الدور الاول ( على الرغم من سهوله مجموعتها ) ...... وتذكرووووووو كلامى


امممممممممممم

اختلف معك في وجهت النظر مجموعتنا لايوجد بها منتخب قادر على الصمود

امام السعودية فا اوزبكستان لايمكن ان تصل لقوة السعودية وتركمنستان

خسرت قبل اسابيع من السعودية بثلاثة اهداف مع الرأفة والعراق كما قرأت

بالصحف انه بيشارك بالاولمبي ولايمتلك الخبرة الكافية





وجهة نظر بالمنتخب الكويتي

المنتخب الكويتي يعز علينا بالسعودية ولانرضى له بالخسارة

لاكن اكون واقعي البعض منكم يعتقد ان محمد ابراهيم هو الحل

صدقوني المشكلة اكبر من المدرب القدير محمد ابراهيم المشكلة

في تنشئة اللاعب الكويتي نفسة و محمد ابراهيم مسكن لا اكثر

وعلى الاتحاد الكويتي ان يطبق خطط ترتقي بالرياضة لديكم

وفتح الميزانية على اللاعب لديكم كما هو مطبق لدينا

وعلى دروب المحبة نلتقي
:) :) :)

المدريدي
07-07-2004, 03:05
ياجماعه اشفيكم؟؟؟؟؟؟؟

صاحب الموضوع قالكم توقعوا منو بالنهائي مو كل من قال رايه عارضتوه!!!

كل واحد حر برايه

انا اعتقد ان لو الازرق ظهر بمستواه الحقيقي والمعروف وصوله للنهائي ماراح يكون مفاجئه وهو قادر على تحقيق اللقب لو ظهر بمستواه الحقيقي


بالنسبه لتوقعي اتوقع الصين × ايران

الرافدين
07-07-2004, 03:08
نص مقتبس من رسالة : البرنس

نص مقتبس من رسالة : هنري 14


امممممممممممم

اختلف معك في وجهت النظر مجموعتنا لايوجد بها منتخب قادر على الصمود

امام السعودية فا اوزبكستان لايمكن ان تصل لقوة السعودية وتركمنستان

خسرت قبل اسابيع من السعودية بثلاثة اهداف مع الرأفة والعراق كما قرأت

بالصحف انه بيشارك بالاولمبي ولايمتلك الخبرة الكافية




:) :) :)

نعم صحيح لكن إذا اردت رأيي الشخصي

الأولمبي اقوى بكثير واعني بكثير من المنتخب الأول وسوف يضم إليه 3 لاعبين ذو خبره من المنتخب الأول:D

BLUE_12
07-07-2004, 03:30
ههههههههههههههه تصدق

والله ما يسوى عليك يا راعي الموضوع

يا شباب قالكم توقعوااااااا
ما اعتقد ان التوقع راح يهين اي منتخب

اتوقع اكيد النهائي :- اليابان x وكوريا
او كوريا x مع اي فريق
اليابان x مع اي فريق

افضل مدرب
07-07-2004, 23:27
شكل الربع افلام هندية:D :D :D :D
يبه قلت توقعوا مو تهاوشو:mad: :mad:

مجرووحه
07-07-2004, 23:55
بالذمه الريال قال توقعوا ماقال كل واحد يستهزء بمنتخب الثاني ويحط من مستواه
يا ناس شفيكم كل واحد يشووف رووحه شقاعد يكتب تري الظاهر شكلكم موحاسين بروحكم

صج الله يهديكم

الموج الازرق
08-07-2004, 12:03
لو النهائي يصير بين الكويت & العراق

او الكويت & السعوديه

راح يكون نهائي غير

بس انا اقول ان عمان راح تسوي مفاجئه اليونان

van Hooijdonk
08-07-2004, 13:41
أتمنى أتمنى النهائي بين الكويت و البحرين . . . أو بين الكويت و العراق

و أتوقع النهائي بين اليابان و كوريا

Ronaldinho
09-07-2004, 04:16
انشالله الكويت / مع اي فريق

الكويتاوي
09-07-2004, 06:55
صاحب الموضوع قال توقع منو بالنهائي ماقال حلل المنتخبات ومنو بيتأهل من الدور الاول؟
وكاس اسيا مو بعيد واللي بالجدر يطلعه الملاس

مغلق : لان الردود مش ولا بد للاسف