المساعد الشخصي الرقمي

مشاهدة النسخة كاملة : مشاعر عائلتي لحظه فوز البحرين



الـــيــــازي
30-07-2004, 22:15
في البدايه اهني حبيبتنا البحرين واهني كل الشعب الخليجي على هذا المستوى الراقي والمواهب الجميله الي يضمها هذا المنتخب الجميل وباذن الله تصعدون للنهائي وترجعون البحرين والخليج بالكاس ...
حبيت انقل لكم مشاعر عائلتى وحنا نشاهد المباره لحظه بلحظه ...
الكل كان على اعصابه وكانه منتخب الامارات يلعب ولا اخفيكم سرا احسسنا انه نشجع البحرين حتى اكثر من منتخبنا ...
في كل لحظه تكون فيها الكره بحوزة البحرين او تكون هناك هجمه ممكن انها تثمر عن هدف ( ننط) من مكانا حتى ماشاءالله عليهم كل واحد فيهم ( يصرخ) اذا ضاعت فرصه مؤكده ...
هدف التعادل الاوزبكي الثاني ( اسكت الجميع ) وقالوا خلاص انتهت ... بس ولله الحمد انا وايد كنت متفائله وبانها راح تنتهي بحرينيه وفعلا جت ضربات الترجيح واول ضربة ترجيح كان بامكان علي سعيد انه يصدها وكانت فعلا كره محظوظه لفريق الاوزبكي بس بعد كنا وايد متفائلين وكره ورى كره حتى لحظه تصدي الحارس الاوزبكي الكل زعل واشوي ( ونصيح ) لانه خفنا ان علي سعيد ما يكون مركز وتروح منا المباره , المهم بعدها جت كرتهم الضايعه وفرحناااااااااااااااااااااااا وايد وقعدنا ندعي ندعي حتى يت لحظه الحسم ولله الحمد طارت الطيور بارزاقها وطارت فرحت الاوزبك وانطلقت افراحنا المنزليه بالتصفيق والغناء بصوت واحد هذا البحريني ما تغلبووووووووووووووووووونه :D وطرشت مسج حق رفيجتي البحرينيه وقلت لها تستاهلين الف مبروك وعقبال النهائي ..

وباذن الله تواصلون المسير واتفرحون كل خليجي ...

اختكم اليازي :)

ألماني
30-07-2004, 22:18
والله هذا العشم في اهل الخليج ,, كلنا اهل الخليج ديرة وحدة وما في شي يفرقنا ,, بالفعل شعور طيب منكم وهذا وان دل يدل على وفاءكم وحبكم للخير لجميع دول الخليج ..

Mr.Real Madrid
30-07-2004, 22:19
يستاهلون حبايبنه اهل البحرين ..
والله هم انا شجعت المنتخب البحريني بكل حماس
وانشالله يكملون المسيره لحد النهائي يارب

:) :)

الـــيــــازي
30-07-2004, 22:21
يستاهلون كل خير والله يوفقهم يارب وفعلا مثل ما ذكرت اخويه عاشق مساعد ندا انه كل قلوب هل الخليج يا بعضهم والله يجمعنا دايما وياكم على الخير يارب ...

اختكم اليازي

AL-JASSEM
30-07-2004, 22:22
نفس حالي اليوم:D

علياء
30-07-2004, 22:29
تسلمين ياليازي والله يخليكم ونبي وقفتكم معانا على طول ;)

في البلنتيات غمضت عيوني بس اسمع المعلق :D

الـــيــــازي
30-07-2004, 22:31
لا تحاتين اختي علياء احنا وياكم للنهائي ان شاء الله ...

اختج اليازي :)

$ DROGBAH$
30-07-2004, 22:54
لا لا لا ما يستاهلون الفوزبعد ضرب علاء حبيل للاعب الاوزبكي كأن يلعب مصارعه (...) ان شاء الله و الله ما يطق بعصا و بإذن الله ستخرج من النصف النهائي لأن الرياضه اخلاق اولا ;)


عيب ..!

توته
30-07-2004, 23:07
والله اختي اليازي نفس الحاله بالبيت وماتطورين شلون فرحان لمن فازت البحرين

وكان متفاعلين مع المباراة البحرين يمكن اكثر من منتخبنا وان شاءالله

يرجعون البحرين والكاس معاه ويفرحون اهل الخليج مو بس البحرين

arganteny
30-07-2004, 23:37
نص مقتبس من رسالة : Mr.Rial Madrid

يستاهلون حبايبنه اهل البحرين ..
والله هم انا شجعت المنتخب البحريني بكل حماس
وانشالله يكملون المسيره لحد النهائي يارب

:) :)

;) ;)

الكاس لنا
30-07-2004, 23:39
وايضا هذا حال كل اهل قطر .. يستاهلون البحرين .

BATIGOL
31-07-2004, 00:35
ودااااااااااااار بوسلماااااااااااااااااااااااااان ...
مملكه حره وقائدها حمد ...
يا اغلى بلد ...

والله فرحتي ماتوصف للحبايب البحرينيييييييييييييين ...
شجعتهم بقلبي وروحي وكل شي فيني ...



حتى وطيارة الوالده لي البحرين تطير الساعه 5 ... ظلينا بالبيت لي 4 نطالع المباراه ...
ولمن اوصلت هناك تقولي طااااااااااافتك المسيره ...

الف الف الف الف الف مبروووووووووووووووووووك ..

القائد
31-07-2004, 00:44
شعور ليس بغريب على أهل الخليج
و إلى الأمام دائماً يا بحرين

بندر تميم
31-07-2004, 00:53
................

الأخ الي يقول ان حبيل ضرب الأوزبكي انت شوف لعب اوزبكستان بعدين تعال تكلم

زين ان حبيل ماتهور ولا لاعبين البحرين تهورو لكن الحمد لله ان الاعبين كانوا قدها وقدود

ولاعبين اوزبكستان يبون يطلعون لاعبين البحرين من التركيز ويدخلون في عقولهم النرفزة

لكن في الأخير هم الي راحت عليهم

مبروك للبحرين وعقبال الكأس نشوفه في المنامه

:)

رامز
31-07-2004, 01:20
بحريني من رأسي حتى اخمص قدمي ...حتى نوصل للكأس ..

محمد البكر اليوم بدع بصراحة وصوته راح وياالبحرين ويستاهلون اهلنا في البحرين ...اليازي هالشي معروف عن اهل الامارات دائما ...تلقاهم في صف اخوانهم العرب من الشيخ زايد الله يحفظه الى اصغر اماراتي ....

مبروووك يابحرين ....ومبروووووووووووووووووووووك ياخليج ومبروووووووووووووووووووووووووووووووووووووووووووووو ك ياعرب

ابومتعب
31-07-2004, 02:06
وناسة :)

عاشق البحرين
31-07-2004, 02:07
تسلمين تسلمين ياليازي وهاذا ماهو بغريب على اهلنا وحبايبنا بالامارات والله بالطيب والوفا معروفين وتسلمون كلكم على وقفتكم وتشجيعكم لمنتخبنا

ويارب يارب يرجع المنتخب وبايده الكاس

اليوفي
31-07-2004, 02:12
والله صج اليوم كنت اشجع البحرين وكانه الازرق:)

وانشاء الله الكاس خليجي;)

اخضر عرباوي
31-07-2004, 02:13
هذا البحرينى ماتغلبونه

ManćҢestỆг UŇiţEĎ
31-07-2004, 03:08
نص مقتبس من رسالة : عاشق مساعد ندا

والله هذا العشم في اهل الخليج ,, كلنا اهل الخليج ديرة وحدة وما في شي يفرقنا ,, بالفعل شعور طيب منكم وهذا وان دل يدل على وفاءكم وحبكم للخير لجميع دول الخليج ..

سندريلا
31-07-2004, 03:10
اليازي والله الحال كله متشابه

الصراخ على تضيع كل هجمه مو طبيعي حتى ماما مو من النوع الي يتابع إلا إذا كانت موجودة والكويت أو دولة خليجية تلعب مباراة حساسة بس اليوم لا قاعدة معاي وتدعي وحتى من الفرحه كل واحد يكلمها تقول شفتوا زين البحرين فازت والله جنا لكويت أهي الي تلعب

والمعلق بدع متنا من الضحك وحرق أعصابنا بس خوش معلق وبعون الله الكأس يرجع لدانة وكلنا بحرينيين

والله الفرحة مو للبحرين بس لنا كلنا والله يوفقهم

بحريني13
31-07-2004, 03:19
نص مقتبس من رسالة : عاشق مساعد ندا

والله هذا العشم في اهل الخليج ,, كلنا اهل الخليج ديرة وحدة وما في شي يفرقنا ,, بالفعل شعور طيب منكم وهذا وان دل يدل على وفاءكم وحبكم للخير لجميع دول الخليج ..

تسلمون و الحمد الله كلانا يد وحده

الجارح
31-07-2004, 03:19
ان شاء الله الكاس خليجي بحريني وهذه الاخلاق مو غريبة على اهل الامارات اهل الكرم والطيب
ونتمنى للبحرين التاهل للنهائي وان شاء الله ما تطلع البطولة من الخليج قولوا امييييييين
وهذا البحريني لو شتسوون ما تغلبونه

:D ;) :D

فرديناند
31-07-2004, 03:46
ما قصرتي اختي .. وهذا الشي مو غريب على الاخوان الخليجين .. وان شاء الله منتخبنا يمثل الكرة الخليجيه والعربيه في البطولة هاذي .. ويجاز المباريات الباقيه بنجاح .. وهذا البحريني ماتغلبونه ;)

شووووح
31-07-2004, 04:05
مبروك الفوز وعؤبال الكاس يارب

بحريني (2)
31-07-2004, 04:56
مشكووووووووووووورين حباايبي على روحكم الحلووووه


بوووووووسة لكل اماراتي
كويتي
عماني
قطري
سعودي


بعد قلبي و الله حباايبي فديت كل واحد هنا منتخبناا


و اليوم بعد ما قصروا اخوانة الخليجين شاركونة في المسيرات

منهم الكويتي و السعوودي و القطرري


الله يوفقنا و يوفقكم انشاااء الله و نشيل الكاس في المنامة


موفقين:)

Barca4eveR
31-07-2004, 05:59
شعور طيب ودووم الاحساس الخليجي:)

الديمقراطي
31-07-2004, 06:16
واحنا شكو بجوكم العائلي وشسويتوا؟ شنو الاهميه في ان احنا نعرف انتوا شسويتوا وانتوا تطالعون المباريات ؟

خبر عاجل يخصني:
انا ما اعرف اطالع المباراه الا وجيس الحب يمي ( نشروا الخبر بالمنتديات تراه مهم :D )

الكويتاوي
31-07-2004, 07:09
امس الخليج كلهم يتكلمون بحريني:)

آخر حبيب
31-07-2004, 11:35
الله يهنيهم وان شالله الكاس احمررررررررررررررر


والله أنا لمست نفس المشاعر في كل يمني
وسمعت صراخ الفرحة من جميع الشقق المجاورة
الف الف مبررررووووووك



----------------------------------------------------
سيغرق الجميع في بحر البحرين

كـاسر الامـواج
31-07-2004, 12:19
الف شكر لكم كلكم اخواننا و حبايبنا بالخليج بصراحة تشجعيكم لنا و لمنتخبنا هذا اكبر فخر لنا و تاج على راسنا و انشالله نشرف الكرة الخليجية و ناخذ الكاس



و تحية لاخواننا الاعزاء باليمن بعد و كل الدور الخليجية و العربية اللي ساندتنا ..


بصراحة لمسنا الفرحة بالشوارع و ماتتصورون اخوانننا الخليجيين اللي شفنا سياراتهم اكثر شي من السعودية و قطر بشارع المعارض و ايضا من سياراتالكويت و الامارات كلكم حبايبنا و مستانسين و حتى من عمان رغم بعد المسافة الحقيقة فرحة كبيرة جدا و احنا مشاعرنا مانتوصف بهالفوز و الانجاز الكبير و فرحتنا اكبر و ماتنوصف و احنا نشووف كل هالمشاعر الطيبة من اخواننا و حبايبنا في الخليج و عسى الله لا يفرقنا
:)

بحرينية حلوة
31-07-2004, 12:28
نشكركم يا اهل دبي واهل الامارات غلى مشاعركم الحلوة

بحريني zen
31-07-2004, 16:20
مو غريبة على أهل الخليج والعرب عامة


الله يديم المحبة بينا ونبني فوق هالجسور جسوووور من الحب والود والتآلف :D

كل مرة وفي كل بطولة اشوف ليي منتخب عربي وخليجي بوجه الخصوص اشجعه هعهعه هالمرة منتخبنا الحمدلله مواصل زحف


يعني اسيا 96 كنت اشجع الابيض الاماراتي وفي كؤوس العالم الاخيرة كنت مع السعودية ماعدا مباراتها ضد هولندا :D


بالتوفيق لمنتخبنا في مباراته القادمة
وان شاء الله النهائي يا رب



ولكم مني كل الود:cool:

الـــيــــازي
31-07-2004, 17:09
يستاهلون كل خير هل البحرين وان شاء الله تفوزون على اليابان بعد خروج الاردن ...

اختكم اليازي

الحبيب
31-07-2004, 18:10
قلتــــها من زمـــــــان ، كلنــــا يداً بيــــد ، مع الأحمــــر البحريــــني الخطيــــر ، وهذا البحريـــني ماتغلبوووووووونه ...

عاشق البحرين
31-07-2004, 21:55
تسلمون على هالمشاعر الحلوه والله :)

ولد_الكويت
31-07-2004, 22:32
والله هذا العشم في اهل الخليج ,, كلنا اهل الخليج ديرة وحدة وما في شي يفرقنا ,, بالفعل شعور طيب منكم وهذا وان دل يدل على وفاءكم وحبكم للخير لجميع دول الخليج ..

;)