المساعد الشخصي الرقمي

مشاهدة النسخة كاملة : من السعودية أقول...؟



وحدة العرب
02-12-2004, 22:19
بما أني سعودي ومتعصب لمنتخب بلادي العزيزة
الا انه بغض النظر عن المستويات لا يستحق الكأس الخليجية الا المنتخب البحريني الممتااااز جدا
وهو من افضل المنتخبات العربية والاسيوية بالمستوى ولكن للأسف الحظ السئ يلاحقه في كل بطولة
ولكن اتمنى امنية جادة ان الكأس لأخواني البحرينيين
لانهم حقيقي ما يستاهلها الا المنتخب البحريني لا تقولولي كويتي ولا عماني ولا اماراتي ولاقطري ولا غيرهم
مايستاهلها الا شباب البحرين
لانهم كانوا يستحقون وبجدارة كأس العرب وكأس الخليج وكأس أسيا الاخيرات لانه افضل منتخب مستوى في كل تلك البطولات ولكن للأسف مثل العادة الحظ السيئ يلاحقهم ...
بالتوفيق للمنتخب البحريني مع امنياتي الشديدة بفوزه بالبطولة...
اتمنى تقولولي رأيكم بكلامي ؟؟؟!!!

تحياتي
()وحدة العرب()

عنابي 11
02-12-2004, 22:24
كاس الخليج ماتعترف بالمستوى والكاس عنابي باذن رب العالمين

Lovely Camel
02-12-2004, 22:33
في كأس الخليج الماضية 16, كان منتخب البحرين هو الأحق بها من ناحية المستوى

و لكنه سقط أمام السعودية 0 - 1 , و أنا كنت حاضر هذه المباراة و أذكر أن البحرين أضاع كودة

فرص لو سجل أحدها لتعادل و فاز باللقب, و لكن شاء الله أن يفوز الأخضر بالمباراة و بالتالي بالكأس

و المنتخب البحريني تطور منذ ذلك الحين كثيرا, و نتمنى له التوفيق للوصول لكأس العالم مع الأزرق و الأخضر كذلك

وحدة العرب
02-12-2004, 23:26
اخوي عنابي نتمنى البطولة تذهب للي يلعب بالمستوى الأفضل لانه كلنا في الاخير ابناء وطن واحد ومافي احد خاسر وهذا الكلام ابد مو مجاملة...؟
بس السيناريو الي حصل في كاس الخليج الاخيرة كان غير عادل كان المفروض العكس السعودية الثاني والبحرين الاول لانه مستوى البحرين كان افضل من جميع المنتخبات ...انا اقولك هالكلام وانا من اكبر المتعصبين لمنتخب بلادي السعودية .لكن.(الحق أحق أن يقال)...
-----------------
Lovely Camel أخي: انا اوافقكك القول بأن المباراة الي جمعت السعودية والبحرين كانت حماسية ومثيرة ومتكافئة واثبتوا فيها ابطال قدرتهم على مواجهة اي فريق سواء اي كانت قوته.. والمباراة تلك اتوقع شخصيا ان نسبة اللعب الافضل كانت للبحرين 52% وللسعودية 48% بس تدخل عامل الخبرة واستغلال الفرص في حسم النتيجة لمنتخبنا الوطني....
مع امنياتي بالتوفيق لمنتخبي الكويت والسعودية وقطر والبحرين وعمان وأي منتخب خليجي اخر يلعب بمستوى ممتاز ومشرف لبلده...
--------------

اخوكم
()وحدة العرب()

سعودي أنا
03-12-2004, 01:00
المباريات تعترف بالاهداف مو بالمستوى
صحيح المستوى له دور لكن ايضا يحتاج خبره مثل منتخبنا

وعلى فكرة انا اشد المعجبين بالمنتخب البحريني

القائد
03-12-2004, 01:30
الله يوفقهم هل البحرين يستاهلو كاس الخليج

ابـ عسكر ـن
03-12-2004, 02:19
ما كامو فريق يستحق الكاس الا































اللي ياخذه بالنهاية :)

Saree7
03-12-2004, 03:45
كل المنتخبات الخليجيه بدون استثناء تستاهل ان تذوق طعم وحلاوه كاس الخليج ..
ولكن .. ارد واقول .. مع احترامى لكل المنتخبات .. كلهم .. اعتقد ((حان الوقت)) انه
المنتخب البحرينى يحرز اللقب .. وطبعا كلامى اساسه هو ..

1- التطور الكبير جدا للمنتخب البحرينى بالسنوات الاخيره .. منها تاهله الى التصفيات النهائيه
لكاس العالم عندما اخرج منتخبنا .. وبعدها قدم مباريات بطوليه وكبيره مع انه اول مره فى تاريخه
يوصل للمرحله هذى ومع هذا قدم نتائج طيبه جدا .. وكان قريب من التاهل بكاس العالم
لو ما الخبره خانته .. ولا ننسى الفوز الساحق على المنتخب الايرانى 3-1 انذاك ..

2- كان قاب قوسين او ادنى من تحقيق كاس الخليج الاخيره .. ولعب مباريات كبيره جدا ..
واثبت للجميع انه الشباب البحرينى قادر على الابداع والفوز بكل جداره

3- حصوله على رابع اسيا .. انجاز اكثر من رائع .. وتطور رائع وكلنا شفنا الاحمر البحرينى
شلون كان فى كاس اسيا .. ولو ما التسرع والرعونه لكان البحرين بالنهائى والله العالم ممكن
كان يحقق كاس اسيا .. ولكن هذا كان نصيبه ..

ارجع واقول انه الكل يستاهل .. ولا نقلل
من شان اى منتخب كلهم على الراس .. ولكن حااااااااااااان وقت المنتخب البحرينى لكل يصبح بطلا
لكاس الخليج .. ويفرحون فيها والله يستاهلون انهم يحسون بحلاوه هالفرحه لانها ما تنوصف
ابداااااااااااااااااااااااااا .. وبالتوفيق للجميع

BLUE_12
03-12-2004, 04:00
كل التوفيق للفرق الخليجيه الافضل هو الي يستحق الكاس

Stop
03-12-2004, 04:08
نعم يستاهلون البحرين
واتمنى الكاس بحريني :72:

C@$h B0X
03-12-2004, 04:55
بكأس العرب و الكأس الخليج .. حنى الاحق فيها .. واخذناها .. :)
اما مستوى البحرين صح مرتفع بس ما يشفع له .. بطوله !؟

بوشملوخ
03-12-2004, 06:07
مع احترامي لمنتخب البحرين صج انه يقدم اداء حلو
بس مو مال بطولات وماراح ياخذ بطوله الخليج اليايه بس من ناحيه الاداء يمتعنا اهوا ويا عمان

تحياتي

بوشملوخ
03-12-2004, 06:11
اعتقد ((حان الوقت)) انه
المنتخب البحرينى يحرز اللقب .. وطبعا كلامى اساسه هو ..


ليش مسوين دوره احنا :confused: خل نعطي البحرين الكاس ومع السلامه :o

ماكو شغل البحرين تاخذ الكاس وين راحت "السعوديه والكويت وقطر والعراق" هذيلي الاربعه بس اللي لهم الاحقيه انهم ياخذون الكاس مع احترامي للمنتخاب الغير مذكوره

ابـ عسكر ـن
03-12-2004, 06:43
مع احترامي لمنتخب البحرين صج انه يقدم اداء حلو
بس مو مال بطولات وماراح ياخذ بطوله الخليج اليايه بس من ناحيه الاداء يمتعنا اهوا ويا عمان

تحياتي
والسبب انهم ( البحرين وعمان والامارات ) ما وصلوا الى مرحلة النضج وشلون ياخذون الكاس او يحافظون على تقدمهم بالمرحلة الحساسة ..

Alreem
03-12-2004, 06:56
ليش مسوين دوره احنا :confused: خل نعطي البحرين الكاس ومع السلامه :o

ماكو شغل البحرين تاخذ الكاس وين راحت "السعوديه والكويت وقطر والعراق" هذيلي الاربعه بس اللي لهم الاحقيه انهم ياخذون الكاس مع احترامي للمنتخاب الغير مذكوره

عيل ليش يلعبوا فرقنا بالله دام الكاس تسجل باسم هالفرق...لا يكون بتحطوا الفرق الباقيه وصيفات ملكات الجمال :p ياخي ريحونا وكل واحد فيك لو يمد ايده طول لسانه ويدق على اتحاد بلده ويقول ياريت تطلبوا انسحاب البحرين وعمان والامارات واليمن يكون سوى خير وفكنا

انا الحين ما اتكلم عن الفرق اللي تقدر تاخذ الكاس لانه كل واحد ورايه... اتكلم عن هالاسلوب اللي ماشاءالله ماعرف في اي مدرسه اخونا بوشملوخ درسه...تعلم الغيب اخوي؟ ولا حكمك رب العالمين في الاقدار عشان تقول هذي الفرق بس لها الاحقيه ؟ عيل شو رايك بالمره تعطينا ترتيب الفرق دام عالم بالاولي والتاالي

بذمتك في اي سوق يمعه يالس... تقول هالكلمه "ماكو شغل البحرين تاخذ الكاس" ليش بالله طايحين من عينك باقي الفرق؟ حتى لو تشوف انهم ما وصلوا للمواصيل اللي تخليهم يفوزوا بالكاس ..ما تعلمت اشقايل تعبر عن رايك باسلوب افضل وكلمات ارقى؟

وبعدين بقولك شي...لو مطروح هالموضوع من كم سنه قبل فوز قطر بكاس الخليج كان قلت نفس هالكلام بس استبعدت قطر..زمعناها رايك ماله اي اساس غير اللي يقدر يمسك الكاس لكن اي اساس رياضي ما تملك عشان تطرح حكمك...يعني لو اليمن فازت بهالكاس بنلاقيك الدوره اليايه تقول السعوديه والكويت والعراق وقطر واليمن هي لها الاحقيه بالفوز...يعني ماعندك راي مجرد ترديد..والحشر مع الناس عيد

انا العاده ما تفلت اعصابي واعتبر اللي ينقال في هالمنتدى نقاش اخذ ورد لكن سبحان الله شي ناس اسااليبها ماعرف شقول عنها ...ياشين الخليج ودوره الخليج بهالنوعيه :mad:

بحرين فووق
03-12-2004, 08:34
كل هذا كلام ما قبل البطولة وبعد البطولة كل شي راح يبين وراح يكون واضح للجميع .
اما اذا سألتوني عن بطل البطولة فأقول انه لن يخرج عن ( عمان والامارات ) هذا توقعي الخاص والله العالم مع ان كل الفرق في مستوى واحد والكل يقدر ومهيأ للفوز بالبطولة لكن مدري ليش احساسي يقول لي ان هالفريقين راح تكون لهم كلمة في البطولة .
الاخت الريم :
والله ردج عجبني وأسلوبج في الرد مثالي , انا ملاحظ عليج هالشي منذ ان دخلت هذا المنتدى , دائما م تثرينا بردودج الحلوة واسلوبج الممتع والله يكثر من امثالج في هالمنتدى .

Saree7
03-12-2004, 16:51
ليش مسوين دوره احنا :confused: خل نعطي البحرين الكاس ومع السلامه :o

ماكو شغل البحرين تاخذ الكاس وين راحت "السعوديه والكويت وقطر والعراق" هذيلي الاربعه بس اللي لهم الاحقيه انهم ياخذون الكاس مع احترامي للمنتخاب الغير مذكوره

يا اخى الكريم .. اول شى .. ياليت تقرا كلامى عدل مره ثانيه .. انا قلت .. البحرين تستاهل
الكاس اكثر من اى فريق ((عوضا)) على المستوى المتطور الى قدمته بالسنوات الاخيره ..
وانا كلامى اسندته ((للتطور الى طرى)) على مستوى هذا المنتخب .. يعنى انا ما قلت انه خلاص
((عطو كاس الخليج للبحرين وخلاص)) ابدا ما قلت جذى .. هذا ماقاله تفكيرك .. وليس ((انا))

وثانى شى يالغالى .. ياليت هالتفكير الى فى بالك تغيره شويه .. لللاسف الكثير من جماهيرنا
ليلحين حاطه فى بالها هالفكره القديمه ((ماكو شغل البحرين تاخذ الكاس)) ((ماكو شغل عمان تاخذ الكاس)) .. ياخى شنو بحرين وعمان مثلا ما يستاهلون الكاس.. ؟ ولا الكاس ماركه مسجله للكويت
والسعوديه والعراق وقطر وبس؟؟ تره يا اخوى الفرق تطورت .. وراح زمن ((الاحتكار)) !!
والبحرين الى انت تقول ((ماكو شغل تاخذ الكاس)) تره قبل سنه بالضبط اذاقتنا اكبر هزيمه فلا تاريخنا
وعلى ارضنا وبين جمهورنا .. 4-0 .. ولا نسيت ؟؟ لا شفع لنا لا لونا الازرق الاصيل ولا تاريخنا
العريق .. كل ما حصل انه البحرين اجتهد بشبابه .. ولم يهاب تاريخنا ولا لونا .. الكره تعطى
الى يعطيها يا اخوى .. وهذا المهم وبس .. والتاريخ يبقى التاريخ .. ومسجل .. ولكن التاريخ هو الماضى .. ونحن الان بالحاضر .. وليعرف الجميع قدره ويحاول العطاء من القلب وعدم الاعتماد
على ((التاريخ)) او المقولات الاثريه (( ماكو شغل البحرين تفوز)) ((ماكو شغل عمان تفوز))

وشاكر لك :)

بوشملوخ
03-12-2004, 17:08
شباب هدو شوي ترا ماقلت شي غلط

المهم انا اللي حبيت اوصله انكم لاتعطون البحرين اكثر من حجمها والبحرين تظل البحرين


تحياتي