المساعد الشخصي الرقمي

مشاهدة النسخة كاملة : (( اخوانى العمانين بكل صراحه هل انتم مع استمرار ماتشالله ام لا ))



اخضر عرباوي
04-12-2004, 03:11
الصراحه احنى كجماهير كويتيه نحب هذا المدرب حب كبير وله في قلب كل مشجع كويتى مكان وماننساه لمن جاب البسمه في قلوب الجماهير

واليوم ماتشالله جاب البسمه في قلوب الجماهير العمانيه حتى لوكانت البطوله وديه بس ارجعت البسمه للجمهور العمانى والكل في عمان اكيد والخليج يدري ان المنتخب العمانى راح ينافس بقوه علي كأس الخليج ويعود لماتشالله بعض هذا الفضل

ابي اعرف رايكم ياأهل عمان هل انتم مع استمرار ماتشالله ام لا :)

Alreem
04-12-2004, 04:17
رأينا ما راح يضيف جديد اخوي اخضر عرباوي لانه ماتشالا يريد ينتقل في كل الاحوال...صعب تربط نفسك بشخص ما يريد يستمر وياك...فاذا هذي رغبته بالتأكيد احنا ما نقدر نجبره على البقاء

بالنسبه لرايي شخصيا لو رغبة ماتشالا معدومه في الانتقال....انا ما تفرق عندي لاني انا عندي وجهة نظر طرحتها في اكثر من موضوع من قبل وهي اذا كان ماتشالا هو بس اللي وصل عمان لهالمستوى بمعنى انه ماتشالا فقط وليش جهود اللاعبين او موهبتهم او التخطيط فاحنا ندين له بالفضل لكن راح يي اليوم اللي بيتركنا فيه ماتشالا وبينكشف ظهرنا وبالتالي احسن انا نعرف مشكلتنا وين من الحين بدل ما نظل نأجلها لغايه ما يروح ماتشالا يمكن سبحان الله نقدر نعالجها....ماتشالا بنى اساس ممتاز ولابد نكمل عليه بس اننا نرهن تكمله البناء ببقاء ماتشالا اعتقد بيكون شي في غير صالحنا ابدا

في النهايه ماتشالا بصمته واضحه على المنتخب العماني وله قدر كبير عندنا مستحيل ننكر هالشي...بس الاعتماد على شخص واحد عمره ما يبني منتخب صح
:)

اخضر عرباوي
04-12-2004, 17:08
كلامج صحيح ان المنتخب العمانى كان زين قبل لايجي ماتشالله بس اعتقد ان ماتشالله اضاف الكثير للمنتخب العمانى وتكفي الثقه الموجوده في الاعب العمانى والجماهير العمانيه :)

وعن مسألت انتقاله انا ماأدري عنها هل ماتشالله الي طالب بالانتقال ام الاتحاد العمانى الي سمحله بالانتقال ؟؟

البارز
04-12-2004, 17:53
هذا المدرب يليت اخوانا العمانيين مايفرطون فيه بصراحه مدرب خبرته كبيره في الكرة الخليجيه ورسم البسمه على منتخب عمان

shansawi
04-12-2004, 19:43
اعزائى لا احد ينكر بان ما تشالا لم يقدم شى للكرة العمانيه وهذا واضحا جدا
ولكن ايضا له جانب سلبي وهو محاربته للنجوم وهذا معروف عنه وواضح فى منتخبنا
وبعدين العيب الاساسى فى منتخبنا الهجوم ماذا قدم ما تشالا لعلاجه ليش ما يجرب مهاجمين جدد ليش ما يعطى الاخرين الفرصه ولو فى المباريات الوديه ليش ما جرب مجدى شعبان فى بطولة البحرين الاخيره ولا خلاص مكانه الاحتياط
لاعب على وزن محمد مبارك مهاجم العروبه مايشارك مع المنتخب شارك فى مباراة الهند الاولى وسوى العجب وبعد ذلك وينه من التشكيله
يعنى ما تشالا له مزايا وله عيوب ومن وجهة نظرى مزاياه اكثر عن عيوبه بقليل وهو مدرب يعرف كيف يتعامل مع الاعبين نفسيا وليس خططيا او تكتيكيا
عموما يبقى ما تشالا اشهر من نار على علم واستمرارة راح يفيد المنتخب العمانى بس يبى له شوية شروط منها تعديلات على الدورى التعبان لى عندنا اذا اصلا جاز ان نطلق عليه اسم دورى لكن يالله مجازا اسمه الدورى العمانى
الخلاصه انا مع استمرارة لحد 2007

ناقد رياضي
04-12-2004, 23:00
اعزائى لا احد ينكر بان ما تشالا لم يقدم شى للكرة العمانيه وهذا واضحا جدا
ولكن ايضا له جانب سلبي وهو محاربته للنجوم وهذا معروف عنه وواضح فى منتخبنا
وبعدين العيب الاساسى فى منتخبنا الهجوم ماذا قدم ما تشالا لعلاجه ليش ما يجرب مهاجمين جدد ليش ما يعطى الاخرين الفرصه ولو فى المباريات الوديه ليش ما جرب مجدى شعبان فى بطولة البحرين الاخيره ولا خلاص مكانه الاحتياط
لاعب على وزن محمد مبارك مهاجم العروبه مايشارك مع المنتخب شارك فى مباراة الهند الاولى وسوى العجب وبعد ذلك وينه من التشكيله
يعنى ما تشالا له مزايا وله عيوب ومن وجهة نظرى مزاياه اكثر عن عيوبه بقليل وهو مدرب يعرف كيف يتعامل مع الاعبين نفسيا وليس خططيا او تكتيكيا
عموما يبقى ما تشالا اشهر من نار على علم واستمرارة راح يفيد المنتخب العمانى بس يبى له شوية شروط منها تعديلات على الدورى التعبان لى عندنا اذا اصلا جاز ان نطلق عليه اسم دورى لكن يالله مجازا اسمه الدورى العمانى
الخلاصه انا مع استمرارة لحد 2007

كلامك أخويه شنصاوي سليم ميه في الميه , أنا مع أستمرار ماتشالا أذا تخلص من هذة السلبيات ولي ذكرتها .

ناقد رياضي

باااااح
04-12-2004, 23:19
اعزائى لا احد ينكر بان ما تشالا لم يقدم شى للكرة العمانيه وهذا واضحا جدا
ولكن ايضا له جانب سلبي وهو محاربته للنجوم وهذا معروف عنه وواضح فى منتخبنا
وبعدين العيب الاساسى فى منتخبنا الهجوم ماذا قدم ما تشالا لعلاجه ليش ما يجرب مهاجمين جدد ليش ما يعطى الاخرين الفرصه ولو فى المباريات الوديه ليش ما جرب مجدى شعبان فى بطولة البحرين الاخيره ولا خلاص مكانه الاحتياط
لاعب على وزن محمد مبارك مهاجم العروبه مايشارك مع المنتخب شارك فى مباراة الهند الاولى وسوى العجب وبعد ذلك وينه من التشكيله
يعنى ما تشالا له مزايا وله عيوب ومن وجهة نظرى مزاياه اكثر عن عيوبه بقليل وهو مدرب يعرف كيف يتعامل مع الاعبين نفسيا وليس خططيا او تكتيكيا
عموما يبقى ما تشالا اشهر من نار على علم واستمرارة راح يفيد المنتخب العمانى بس يبى له شوية شروط منها تعديلات على الدورى التعبان لى عندنا اذا اصلا جاز ان نطلق عليه اسم دورى لكن يالله مجازا اسمه الدورى العمانى
الخلاصه انا مع استمرارة لحد 2007


اعتقد انت وغيرك اللي تعارضون بقاء ماتشلا في منتخبنا ما عندكم سالفة

انته شدراك عن التخطيط التكتيكي ولا النفسي انته والاخت الريم وولد عمان وغيركم

يقولون ما عنده تكتيك انزين علمونا عن التكتيك كيف يكون فهمونا وضحوا للناس

كل واحد يريد فلان يلعب في المنتخب وليش ماتشلا ما يريده في المنتخب وماتشلا يحارب النجوم وليش يغير فلان وليش وليش

انا شخصيا مقتنع بوجهات نظر ماتشلا كلها ومصلحة المنتخب اهم من راي الجماهير

تقي مبارك لاعب لا يجيد سوى المراوغة والا فهو لا يجيد تسجيل الاهداف ولا حتى التمريرات المتقنة فهذا مثله مثل لاعبي الشوارع وعادة المدربين ما يحبون اللاعب اللي يحتفظ بالكورة وايد اثناء اللعب
وانا اشوف انه الموجودين افضل بكثير من تقي مبارك وماتشلا عنده حق في استبعاده

اريدك تذكرلي كم عدد التمريرات اللي مررها تقي وسجلوها اهداف ولا قولي عدد الاهداف اللي سجلها تقي مبارك

بالنسبة لمحمد مبارك لاعب قصير وانا شفته ما منه فايده فلا اعتقد بانه يجيد الضربات الراسية والاهداف اللي سجلهم على الهند شئ عادي فهي مجرد الهند لا غير

ترى كلام الجماهير عاطفي اكثر من ان يكون واقعي ولا ماتشلا ما يتفرط فيه فهو مدرب ذكي وممتاز ويعرف كيف يتعامل مع الخصم بس مشكلته انه لاعبينا ما يساعدونه على تنفيذ خططه فهم لا يجيدون تسجيل الاهداف وترجمة الفرص

اريدكم تعطوني اسم احد مدربين المنتخبات الخليجية اللي يعجبكم تكتيكه اللي تقولون عليه

كافي تشوفون عالكويت اللي من راح ماتشلا عنهم وهم متخسبقين يابو مدرب المانيا فوجتس ولا فلح معاهم بوجود بشار والهويدي وكل نجوم الازرق بس اختلف المدرب ويابو كربجياني وغيره ومافي فايده المنتخب يتلعوز وصار ينطق بالاربعة بعد ما كان يهدد اعتى فرق اسيا بوجود ماتشلا بعد فضل الله

تدرون انا اتمنى ماتشلا يطلع من المنتخب عشان بس مستخسر هالقدرات اللي معاه قاعد يضيعها مع منتخب لا يستطيع التسجيل ومنتخب سئ الحظ

اتمنى يروح العين ودي اشوف نادي العين كيف بيصير عشان اتابع الدوري الاماراتي مرة ثانية بعد ما ابتعدت عنه بسبب ابتعاد العين عن الانتصارات

مصري
04-12-2004, 23:25
ازا اخوانا العمانيين مش عاوزين المدرب ياريت يجينا مصر يدرب فريئنا

مصر ام الدنيا محتاجه لك يا ماتشالا

تعالا .. تعالا .. تعااااالاااا .. يا حبيب الألب تعالا

Alreem
04-12-2004, 23:43
اعتقد انت وغيرك اللي تعارضون بقاء ماتشلا في منتخبنا ما عندكم سالفة

انته شدراك عن التخطيط التكتيكي ولا النفسي انته والاخت الريم وولد عمان وغيركم

يقولون ما عنده تكتيك انزين علمونا عن التكتيك كيف يكون فهمونا وضحوا للناس

كل واحد يريد فلان يلعب في المنتخب وليش ماتشلا ما يريده في المنتخب وماتشلا يحارب النجوم وليش يغير فلان وليش وليش

انا شخصيا مقتنع بوجهات نظر ماتشلا كلها ومصلحة المنتخب اهم من راي الجماهير

تقي مبارك لاعب لا يجيد سوى المراوغة والا فهو لا يجيد تسجيل الاهداف ولا حتى التمريرات المتقنة فهذا مثله مثل لاعبي الشوارع وعادة المدربين ما يحبون اللاعب اللي يحتفظ بالكورة وايد اثناء اللعب
وانا اشوف انه الموجودين افضل بكثير من تقي مبارك وماتشلا عنده حق في استبعاده

اريدك تذكرلي كم عدد التمريرات اللي مررها تقي وسجلوها اهداف ولا قولي عدد الاهداف اللي سجلها تقي مبارك

بالنسبة لمحمد مبارك لاعب قصير وانا شفته ما منه فايده فلا اعتقد بانه يجيد الضربات الراسية والاهداف اللي سجلهم على الهند شئ عادي فهي مجرد الهند لا غير

ترى كلام الجماهير عاطفي اكثر من ان يكون واقعي ولا ماتشلا ما يتفرط فيه فهو مدرب ذكي وممتاز ويعرف كيف يتعامل مع الخصم بس مشكلته انه لاعبينا ما يساعدونه على تنفيذ خططه فهم لا يجيدون تسجيل الاهداف وترجمة الفرص

اريدكم تعطوني اسم احد مدربين المنتخبات الخليجية اللي يعجبكم تكتيكه اللي تقولون عليه

كافي تشوفون عالكويت اللي من راح ماتشلا عنهم وهم متخسبقين يابو مدرب المانيا فوجتس ولا فلح معاهم بوجود بشار والهويدي وكل نجوم الازرق بس اختلف المدرب ويابو كربجياني وغيره ومافي فايده المنتخب يتلعوز وصار ينطق بالاربعة بعد ما كان يهدد اعتى فرق اسيا بوجود ماتشلا بعد فضل الله

تدرون انا اتمنى ماتشلا يطلع من المنتخب عشان بس مستخسر هالقدرات اللي معاه قاعد يضيعها مع منتخب لا يستطيع التسجيل ومنتخب سئ الحظ

اتمنى يروح العين ودي اشوف نادي العين كيف بيصير عشان اتابع الدوري الاماراتي مرة ثانية بعد ما ابتعدت عنه بسبب ابتعاد العين عن الانتصارات

انزين ياخوي اعصابك...الاسلوب الله يهداك...اخونا اخضر عرباوي قال قولوا رايكم ما قال افرضوه بالقوه عالناس...وهذا راينا ما فرضناه عليك ولا على ماتشالا ولا على الاتحاد

قول رايك بذوق واحترام لنا واحنا ما دسنا لك على طرف اصلا.. ولو انت شايف ردي وقريت ردي زين كان عرفت انه راي يختلف عن راي اخواني شنصاوي وولد عمان ..صحيح انا ما يهمني انه يروح لكن اسبابي مختلفه عن اسبابهم ...هم يشوفوا السبب في ماتشالا وانا لو كان اي مدرب ثاني كنت بقول نفس الشي لانه خلاص الحين لسنتين قدام ما معنا اي التزامات فخلي المنتخب يكشف قدراته الحقيقيه بدل ما ننخدع فيه اذا كانت فعلا قدراته مرتبطه فقد بوجود ماتشالا...ماتشالا كشخص مصيره بينتهي بس منتخب عمان كاسم بيظل دام الله كاتب لهالحباه وجود وبالتالي لازم يكون تخطيطنا قايم على اساس صح ركيزته وطنيه ومستمره مش وافده ومؤقته

ياخوي انت ياي تهب فينا هبه وحده تقول ماكلين رزقك...اصلا ماتشالا لا بيشاورك ولا بيشاورني الريال متفق مع العين ومخلص...وصدقني ماتشالا ماراح يضيف شي للعين...

وبعدين تتكلم عن الواقعيه وتتهمنا بالعاطفيه؟ اي واقعيه هذي اللي تخلي منتخب بلد يعتمد على مدرب واحد...قولي هالمدرب بيتم طول عمره في عمان؟ حتى لو عطيناه الجنسيه تراه بشر بييه يوم ويموت وبعدها شو بيصير حسب واقعيتك وبعيد عن عواطفنا؟ بينهار المنتخب طبعا وبيختفي وبيرجع عصر العشره اهداف في المرمى لانك مؤمن انه المنتخب هو ماتشالا بس...طيب اذا هالشي بيصير اليوم ولا عقب سنتين شو المشكله يصير اليوم ...يمكن سبحان الله نقدر نلاقي حل بدل ما نأخره لسنتين غير ولا هي مجرد ابرة تخدير؟
الواقعيه تقول انه اي مدرب ما ممكن يسوي اي شي اذا ما عندنا تخطيط صح من قيادتنا الرياضيه...تقدر تقولي وين التخطيط اللي يخلي منتحب بلد قايم على شخص واحد يتحكم في كل شي...وشخص وافد بعد ياخذ راتب من اعلى الرواتب ويمنع رئيس الاتحاد من التدخل في اي شي ويرفض حتى انه يكلمه....تقدر تقولي ليش احنا نريد المنتخب يفوز..مش عشان كرامه وسمعة هالدوله؟ طيب شو الفايده اذا سمعة الدوله محفوظه برا وفي الداخل واااااااااااااااااااااااااافد مبهدل اهل البلد ومتشرط على كيف كيفه لانه هو وصل فريقهم فوق

تبا الصراحه عساهم يحلوه فريق كره القدم ولا يكبر واحد واااااااااااافد راسه علينا ويعتقد انه هو سبب استمرار دوله...وهذا هو يتحكم في كل شي رغم انه عقده بعده مجبور فينا يشوف نفسه يستحق الافضل...تعتقد شخص ما راضي باللي عنده يقدر يقدم شي للفريق؟ صراحه اذا في حد عاطفي فانت...لانك مرتبط بالشخص اللي حقق شي وما تشوف ابعد من هذا ..تبا تعرف هالكلام صح ولا لا ارفع تلفونك على اي واحد في التحاد ولا اي لاعب لو هو احتياط وبيقولك كل شي..وعمان ما من كبرها تقدر تسير وتتأكد

اوكي ماتشالا احسن مدرب انولد في التاريخ واعظمهم ويستاهل نسويله شوارع ذهب اوكي لكنه يتكبر ويتسيد ويفرض سيطرته خارج المربع الاخضر اسمحلي اقولك احنا ما عطينا هالصلاحيه لعلماء ودكاتره ما بنعطيها لمدرب كره لو على حساب فشل الفريق

Asian 2000
04-12-2004, 23:56
شوف انا مو عماني ولكن مع بقاء ماتشالا مع المنتخب العماني لسبب بسيط وهو :-

أن الفريق اصبح له هويه داخل الملعب يعرف كيف ينقل كره ومتى يهدى اللعب ومتى يهاجم .

وبصمات المدرب واضحه جدا على الفريق .

وشكرا :)

Rijkaard
05-12-2004, 17:29
"اعتقد انت وغيرك اللي تعارضون بقاء ماتشلا في منتخبنا ما عندكم سالفة

انته شدراك عن التخطيط التكتيكي ولا النفسي انته والاخت الريم وولد عمان وغيركم

"

?????

Shatha
05-12-2004, 23:22
يا شباب ماتشالا ما هو كل شي في المنتخب صحيح له دوره لكن لا تنسو أن المنتخب بدأ في التغير من أيام مهاجراني أي خطوه خطوه المنتخب ظهر بصورته الحالية في بطولة أبوظبي وكل النقاد شهدو على ذلك أي أن المنتخب ليس صناعة ماتشالا بل هو صناعة تخطيط طويل المدى بدء من الناشئين فاللاعبين الحاليين للمنتخب لهم دورهم الذي يتناساه الكثيرووووووووووووون للأسف الشديد وكل ما يذكرووونه هو ماتشالا .
صدقوني وبجي يوم وبتعرفوا أن المنتخب العماني ليس ماتشالا بل هو الشباب العماني الذي ظهر وأكتسب الخبره وتعلم من الهزائم التي علمته القوة وظهر بما ظهر عليه الآن .

رأي الشخصي ماتشالا له دور ولكن ليس بالهاله الأعلامية اللي تدور حوله ، فلا تنسو اللاعبون وتركزووون على ماتشالا
كما يحلو للبعض تسميته بمنتخب ماتشالا.

ودمتم سالمين

فارس الفرسان
05-12-2004, 23:51
اعتقد انت وغيرك اللي تعارضون بقاء ماتشلا في منتخبنا ما عندكم سالفة

انته شدراك عن التخطيط التكتيكي ولا النفسي انته والاخت الريم وولد عمان وغيركم

يقولون ما عنده تكتيك انزين علمونا عن التكتيك كيف يكون فهمونا وضحوا للناس

كل واحد يريد فلان يلعب في المنتخب وليش ماتشلا ما يريده في المنتخب وماتشلا يحارب النجوم وليش يغير فلان وليش وليش

انا شخصيا مقتنع بوجهات نظر ماتشلا كلها ومصلحة المنتخب اهم من راي الجماهير

تقي مبارك لاعب لا يجيد سوى المراوغة والا فهو لا يجيد تسجيل الاهداف ولا حتى التمريرات المتقنة فهذا مثله مثل لاعبي الشوارع وعادة المدربين ما يحبون اللاعب اللي يحتفظ بالكورة وايد اثناء اللعب
وانا اشوف انه الموجودين افضل بكثير من تقي مبارك وماتشلا عنده حق في استبعاده

اريدك تذكرلي كم عدد التمريرات اللي مررها تقي وسجلوها اهداف ولا قولي عدد الاهداف اللي سجلها تقي مبارك

بالنسبة لمحمد مبارك لاعب قصير وانا شفته ما منه فايده فلا اعتقد بانه يجيد الضربات الراسية والاهداف اللي سجلهم على الهند شئ عادي فهي مجرد الهند لا غير

ترى كلام الجماهير عاطفي اكثر من ان يكون واقعي ولا ماتشلا ما يتفرط فيه فهو مدرب ذكي وممتاز ويعرف كيف يتعامل مع الخصم بس مشكلته انه لاعبينا ما يساعدونه على تنفيذ خططه فهم لا يجيدون تسجيل الاهداف وترجمة الفرص

اريدكم تعطوني اسم احد مدربين المنتخبات الخليجية اللي يعجبكم تكتيكه اللي تقولون عليه

كافي تشوفون عالكويت اللي من راح ماتشلا عنهم وهم متخسبقين يابو مدرب المانيا فوجتس ولا فلح معاهم بوجود بشار والهويدي وكل نجوم الازرق بس اختلف المدرب ويابو كربجياني وغيره ومافي فايده المنتخب يتلعوز وصار ينطق بالاربعة بعد ما كان يهدد اعتى فرق اسيا بوجود ماتشلا بعد فضل الله

تدرون انا اتمنى ماتشلا يطلع من المنتخب عشان بس مستخسر هالقدرات اللي معاه قاعد يضيعها مع منتخب لا يستطيع التسجيل ومنتخب سئ الحظ

اتمنى يروح العين ودي اشوف نادي العين كيف بيصير عشان اتابع الدوري الاماراتي مرة ثانية بعد ما ابتعدت عنه بسبب ابتعاد العين عن الانتصارات

في البداية .. صار المنتخب يكمل بعضة البعض .. الاعبين بماتشالا وما تشالا بالاعبين
.. وما تشالا ما قصر مع المنتخب
وبالنسبة للردود .. هذي كلها اراء .. ووجهات نظر .. بالنسبة للريم وولد عمان ويشكرو
والاخ باااح طرح المواضيع والردود المفترض ان يصاحبها شي من الموضوعية والاحترام للغير
.................................
وانا اشوف ان الموضوع بعد ما وصل لهاي المرحلة ... بتكون الردود والاراء بدون معنى فلذالك انسحب