المساعد الشخصي الرقمي

مشاهدة النسخة كاملة : >> قطر تتحدى الخليج و خاصه المملكه <<



شقردي كويتي
10-12-2004, 22:08
قطر تحدت الخليج و خاصه المملكه العربيه السعوديه

بتغييرها لشكل الكأس بدون اذن ولا احم و لا دستور

الكاس السابق ليس بقديم و ما صارله فتره (( من نهايه 2001 ))

و دفعت فييه المملكه ذاك السعر الفلاني لتصنيعه

و لم يملكه احد لحد الان

الكاس صنع في خليجي 15

و لعبنا بعده خليجي 16

يعني باقي على السعوديه فقط هذه البطوله لتفوز بها و تمتلك الكاس للابد

لكن جائت قطر و خربت كل الحسابات

فمع مجيئ الكأس الجديد كما هو معروف

بدأت حسبه جديده للامتلاك

و ضاعت البطولتين التي فازت فيهما السعوديه (( خليجي 15 و 16 )) من الحسبه



قطر خربت على السعوديه و تحدتها و تحدت الخليج معها بالحركه البايخه هذي


و نحن لا نرضى بها و عن نفسي اقول مالم يرجع الكأس الجديد

ان تنسحب السعوديه و الكويت حفاظا على قيمه البطوله و الكأس التي فرطت بهما قطر


للاسف لم اتوقع من قطر الحبيبه و الشقيقه كل هذا

Kuw
10-12-2004, 22:12
الكأس السعودي برأيي المتواضع اجمل وخاصه انه بلون الذهبي وفيه اعلام الدول الخليجيه

كأس قطر غير واضح الملامح الخليجيه ولونه فضي او بلاتيني ولا يوجد به اعلام

واعتقد قطر غيرت شكل الكأس الانه لا يتناسب مع الدول المشاركه

بالكأس السعودي كان فيه ست اعلام الكويت والبحرين وطبعا السعوديه والامارات وعمان وقطر

C@$h B0X
10-12-2004, 22:12
اجل يرجعون لنا كأسنا .. وخلاص :)

Kuw
10-12-2004, 22:13
اجل يرجعون لنا كأسنا .. وخلاص :)

اى شىء منكم حلو لو بيدي ماغيرت الكاس الانه من السعوديه

شقردي كويتي
10-12-2004, 22:17
يا اخوان

السالفه مو على الشكل

السالفه على القيمه و الاحترام لباقي الدول

يعني نقول سوى كاس جديد عشان العراق و اليمن

لكن بالحركه هذي

لغوا من رصيد السعوديه حساب البطولتين السابقتين

لأن بمجيئ الكاس الجديد بدأت حسبه جديده

و ايضا استغنوا عن كاس بقيم فلانيه دفعت من المملكه
و بهذا يعبرون عن عدم احترامهم للمملكه

و احنا ما نرضى بالشي هذا

ولد عمان
10-12-2004, 22:18
شباب الكأس القديم كان عليه اعلام دول الخليج الست ولكن مع عودة العراق ودخول اليمن زاد عدد الفرق صاروا ثمانية من الطبيعي يصير تغيير في شكل الكأس .

العـنابية
10-12-2004, 22:19
تحدي مرة وحدة :)

اشوف ان كل دولة من حقها تبتكر وتبدع اي شي ممكن يميز استضافتها وقطر ابد ماغلطت يوم حبت تسوي شي جديد الفكرة حلوة واجد من قبل البطولة وهم يحطون دعايات للشاب العراقي المهاجر وبعدين هو نفسه دخل الملعب ولاف الكاس بالشماغ العراقي مااعرف اسمه :d شفتها حركة مميزة

aljazar
10-12-2004, 22:19
اتوقع هالشي له علاقة في انسحاب السعودية

العـنابية
10-12-2004, 22:21
يا اخوان

السالفه مو على الشكل

السالفه على القيمه و الاحترام لباقي الدول

يعني نقول سوى كاس جديد عشان العراق و اليمن

لكن بالحركه هذي

لغوا من رصيد السعوديه حساب البطولتين السابقتين

لأن بمجيئ الكاس الجديد بدأت حسبه جديده

و ايضا استغنوا عن كاس بقيم فلانيه دفعت من المملكه
و بهذا يعبرون عن عدم احترامهم للمملكه

و احنا ما نرضى بالشي هذا
شدخل من قلب :confused:

لاحول ولاقوة الا بالله بالغصب تفرض هالفكرة.........يااخوي قطر اكبر من انها تسوي حركات الجهال هاذي وليش هالتفكير الاسود:confused:

Alreem
10-12-2004, 22:22
ما اشوف اي تحدي ابدا
الحين اذا السعوديه فازت تقدر تحتفظ بهالكاس والكاس اللي عندها او يحل هذا محل اللي عندها...ليش راح يبدوا حسبه يديده...مافهمت فهمني :confused:

dl piero
10-12-2004, 22:23
تحدي مرة وحدة :)

اشوف ان كل دولة من حقها تبتكر وتبدع اي شي ممكن يميز استضافتها وقطر ابد ماغلطت يوم حبت تسوي شي جديد الفكرة حلوة واجد من قبل البطولة وهم يحطون دعايات للشاب العراقي المهاجر وبعدين هو نفسه دخل الملعب ولاف الكاس بالشماغ العراقي مااعرف اسمه :d شفتها حركة مميزة

يا العنابيه في اسس وقاوعد لتغير الكــأس انا مو ملم كثير فيها بس اللي اعرفه ان ما يجوز تغير الكــاس او تصميم كأس يديد الا لما يمتلك هذا الكــاس لدوله ما ... :confused:

AZzuRri_Q8i
10-12-2004, 22:26
لا تعطون الموضوع اكبر من حجمه غيروه و لا لا .. انشالله مكانه العديلية

شقردي كويتي
10-12-2004, 22:27
شدخل من قلب :confused:

لاحول ولاقوة الا بالله بالغصب تفرض هالفكرة.........يااخوي قطر اكبر من انها تسوي حركات الجهال هاذي وليش هالتفكير الاسود:confused:

العنابيه

السالفه باينه و واضحه وضوح الشمس

التفكير الاسود طلع مع الفكره السوداء بتغيير الكاس

و معروفه العلاقه بين العنابي و الاخضر

Barilla
10-12-2004, 22:27
شوف انا واحد بردت قلبي بموضوع

اين علاء سعد وبرتقالته عن حفل الافتتاح وللأسف الصريح اغلق الموضوع بدون سبب وكأن الديموقراطية انعدمت عندنا

وهالموضوع برّد قلبي اكثر وانا أأيدك بكل كلمة واتمنى الانسحاب

لان اللي شاف حفل الافتتاح يتوقع ان البعثي صدام يدش الملعب بأي وقت

تحياتي لك

C@$h B0X
10-12-2004, 22:29
اى شىء منكم حلو لو بيدي ماغيرت الكاس الانه من السعوديه
تسلم يابعد قلبي :)

Q8i
10-12-2004, 22:30
يا قلبي السعودية امتلكت الكاس بعد فوزها فيه 3 مرات متفرقة ، صحيح الثلاث مرات ما كانوا بنفس الكاس لكنها امتلكته فعلا نفس الكويت لما امتلكت كاس الخليج اللي صنعته قطر بخليجي 11 بالله قولي شلون امتلكناه ؟ امتلكناه بعد فوزنا بخليجي 10 (شكل الكاس كان مختلف) وبعد فوزنا بالكاس الجديد اللي صنع بعد خليجي 10 مرتين (خليجي 13 وخليجي 14) بعدها امتلكناه ..

والسعودية بعد ما فازت فيه بخليجي 12 وخليجي 15 وخليجي 16 امتلكته :) وبجذي اصبحت السعودية ثالث منتخب يمتلك كاس الخليج بعد الكويت أولاً والعراق ثانياً ..

وبالنسبة للكاس الجديد شكله بصراحة روعة وكان مفاجئة فعلا ، بس اللي يعيبه لونه لو كان ذهبي كان احسن :) ..

Kuw
10-12-2004, 22:36
يا قلبي السعودية امتلكت الكاس بعد فوزها فيه 3 مرات متفرقة ، صحيح الثلاث مرات ما كانوا بنفس الكاس لكنها امتلكته فعلا نفس الكويت لما امتلكت كاس الخليج اللي صنعته قطر بخليجي 11 بالله قولي شلون امتلكناه ؟ امتلكناه بعد فوزنا بخليجي 10 (شكل الكاس كان مختلف) وبعد فوزنا بالكاس الجديد اللي صنع بعد خليجي 10 مرتين (خليجي 13 وخليجي 14) بعدها امتلكناه ..

والسعودية بعد ما فازت فيه بخليجي 12 وخليجي 15 وخليجي 16 امتلكته :) وبجذي اصبحت السعودية ثالث منتخب يمتلك كاس الخليج بعد الكويت أولاً والعراق ثانياً ..

وبالنسبة للكاس الجديد شكله بصراحة روعة وكان مفاجئة فعلا ، بس اللي يعيبه لونه لو كان ذهبي كان احسن :) ..

هممم كنت اعتقد انه تغير الكأس علشان سالفه الاعلام السته

اعتذر عن الكلام الى قلته بنسبه لسبب التغير الكأس في اول الموضوع

وشكرا اخوي كويتي لتوضيح الصوره

Alreem
10-12-2004, 22:37
يا قلبي السعودية امتلكت الكاس بعد فوزها فيه 3 مرات متفرقة ، صحيح الثلاث مرات ما كانوا بنفس الكاس لكنها امتلكته فعلا نفس الكويت لما امتلكت كاس الخليج اللي صنعته قطر بخليجي 11 بالله قولي شلون امتلكناه ؟ امتلكناه بعد فوزنا بخليجي 10 (شكل الكاس كان مختلف) وبعد فوزنا بالكاس الجديد اللي صنع بعد خليجي 10 مرتين (خليجي 13 وخليجي 14) بعدها امتلكناه ..

والسعودية بعد ما فازت فيه بخليجي 12 وخليجي 15 وخليجي 16 امتلكته :) وبجذي اصبحت السعودية ثالث منتخب يمتلك كاس الخليج بعد الكويت أولاً والعراق ثانياً ..

وبالنسبة للكاس الجديد شكله بصراحة روعة وكان مفاجئة فعلا ، بس اللي يعيبه لونه لو كان ذهبي كان احسن :) ..

رد منطقي ...مافي داعي نحمل الامور فوق طاقتها..تحياتي لك اخوي كويتي :)

شقردي كويتي
10-12-2004, 22:37
q8i

سنه 90 المدعو الدجال او اسف درجال مدرب الوكره (( سرق )) الكاس من الكويت سنه الغزو

فصنعوا واحد مكانه

لكن ما تغيرت الحسبه

لكن السعوديه فازت 92 و الكويت امتلكت الكاس 98

فمن سنه 98 بدأت حسبه جديده

اولها 2001 بالرياض و ثانيها 2003 بالكويت و اثنينهم فازت فيهم السعوديه

فكان باقيلها بطوله وحده لتكون اول دوله بعد الكويت تمتلك الكاس

لكن قطر بتغيرها الكاس بدون سبب مقنع (( مثل سرقه او شي نفس سنه 90 ))

طوفت عليهم الفرصه


عرفت شلون الحين ان السعوديه للحين ما امتلكت الكاس
و كان يمكنها تفوز فييه لكن قطر بتغيرها للكاس طوفت عليهم الفرصه

Alreem
10-12-2004, 22:39
q8i

سنه 90 المدعو الدجال او اسف درجال مدرب الوكره (( سرق )) الكاس من الكويت سنه الغزو

فصنعوا واحد مكانه

لكن ما تغيرت الحسبه

لكن السعوديه فازت 92 و الكويت امتلكت الكاس 98

فمن سنه 98 بدأت حسبه جديده

اولها 2001 بالرياض و ثانيها 2003 بالكويت و اثنينهم فازت فيهم السعوديه

فكان باقيلها بطوله وحده لتكون اول دوله بعد الكويت تمتلك الكاس

لكن قطر بتغيرها الكاس بدون سبب مقنع (( مثل سرقه او شي نفس سنه 90 ))

طوفت عليهم الفرصه


عرفت شلون الحين ان السعوديه للحين ما امتلكت الكاس
و كان يمكنها تفوز فييه لكن قطر بتغيرها للكاس طوفت عليهم الفرصه

اخوي انا سألت سؤال مباشر ممكن ترد عليه عشان نفهم؟ الحين السعوديه لو فازت بهالبطوله ما راح تحتفظ بهالكاس اليديد؟ الله يخليك فهمنا عشان نمشي معك عالخط :confused:

شقردي كويتي
10-12-2004, 22:40
اخوي انا سألت سؤال مباشر ممكن ترد عليه عشان نفهم؟ الحين السعوديه لو فازت بهالبطوله ما راح تحتفظ بهالكاس اليديد؟ الله يخليك فهمنا عشان نمشي معك عالخط :confused:

لأ

لان الكاس تغير بدون سبب لتغييره

Alreem
10-12-2004, 22:43
لأ

لان الكاس تغير بدون سبب لتغييره

عطنا مصدر يثبت كلامك ياخوي....انا اللي اعرفه الحسبه تنحسب بالبطوله مش بالكاس نفسه كجسم مادي...يعني لو فازت السعوديه بهالكاس بتحتفظ فيه مع احتماليه الاحتفاظ بالكاس القديم او استبدال الكاس القديم باليديد لكن في كل الاحوال راح ييلس هالكاس في خزانه الاتحاد السعودي اذا فازت السعوديه بالكاس

AZzuRri_Q8i
10-12-2004, 22:46
علامكم تهاوشتو عالكاس يبة خلاص الكاس تغير شكله ما بيدنا شي نسويه

Q8i
10-12-2004, 22:46
q8i

سنه 90 المدعو الدجال او اسف درجال مدرب الوكره (( سرق )) الكاس من الكويت سنه الغزو

فصنعوا واحد مكانه

لكن ما تغيرت الحسبه

لكن السعوديه فازت 92 و الكويت امتلكت الكاس 98

فمن سنه 98 بدأت حسبه جديده

اولها 2001 بالرياض و ثانيها 2003 بالكويت و اثنينهم فازت فيهم السعوديه

فكان باقيلها بطوله وحده لتكون اول دوله بعد الكويت تمتلك الكاس

لكن قطر بتغيرها الكاس بدون سبب مقنع (( مثل سرقه او شي نفس سنه 90 ))

طوفت عليهم الفرصه


عرفت شلون الحين ان السعوديه للحين ما امتلكت الكاس
و كان يمكنها تفوز فييه لكن قطر بتغيرها للكاس طوفت عليهم الفرصه
عيل شلون الكويت امتلكت الكاس اللي صنع بخليجي 11 ؟؟؟!! اكيد بعد فوزها فيه سنة 90 و96 و98 والسعودية 94 و2002 و2004 :) انا ما اقولك كاس خليجي 10 ما انباق اكيد انباق ومعاه كأسين احتفظنا فيهم هم انباقوا من العراقيين ..

شقردي كويتي
10-12-2004, 22:49
اختي الكريمه

احد القوانين الاساسيه لبطوله الخليج


- حين يفوز احد المنتخبات بالبطوله 3 مرات متتاليه او متفرقه
يمتلك الكاس الى الابد و يطلب من الدوله المنظمه للبطوله التي بعدها صناعه كأس جديده يبدأ معه حساب جديد للبطولات

و بما ان الكاس لم يكسر او يسرق (( يعني ما صارله شي ))

فان تغير الكاس تبدأ معه حساب جديد لأمتلاك الكاس

هذي الزبده

عموما اذا انا غلطان فأنا اسف

و باجر ان شاء الله كل شي راح يبين بالجرايد

شقردي كويتي
10-12-2004, 22:54
عيل شلون الكويت امتلكت الكاس اللي صنع بخليجي 11 ؟؟؟!! اكيد بعد فوزها فيه سنة 90 و96 و98 والسعودية 94 و2002 و2004 :) انا ما اقولك كاس خليجي 10 ما انباق اكيد انباق ومعاه كأسين احتفظنا فيهم هم انباقوا من العراقيين ..

اي اخوي

لكن مع امتلاك الكويت الكاس 1998

بدأ حساب جديد لمتلاك الكاس

و انمسح فوز السعوديه بالكاس 1992 لان الكويت امتلكته بعدها 1998


لو على كلامك كان العراق امتلك الكاس لانه فاز فيه 3 مرات 1979 و 1984 و 1988

لكن ما امتلكه

لان الكويت اسبقته و فازت فييه 1976 و 1982 و 1986

فمع فوز الكويت 1986 و امتلاكه الكاس
مسح رصيد العراق السابق 1979 و 1984

فعندما فاز العراق بالكاس 1988 ما امتلكه يعتبر اول مره بالحساب الجديد

Q8i
10-12-2004, 22:57
حبيبي اللي اعرفه ان العراق امتلكت الكاس مرة وحدة مقابل 3 مرات للكويت ومرة وحدة للسعودية ، عموما بنشوف انشالله الكلام الاكيد :) ..

اخضر عرباوي
10-12-2004, 23:00
يا قلبي السعودية امتلكت الكاس بعد فوزها فيه 3 مرات متفرقة ، صحيح الثلاث مرات ما كانوا بنفس الكاس لكنها امتلكته فعلا نفس الكويت لما امتلكت كاس الخليج اللي صنعته قطر بخليجي 11 بالله قولي شلون امتلكناه ؟ امتلكناه بعد فوزنا بخليجي 10 (شكل الكاس كان مختلف) وبعد فوزنا بالكاس الجديد اللي صنع بعد خليجي 10 مرتين (خليجي 13 وخليجي 14) بعدها امتلكناه ..

والسعودية بعد ما فازت فيه بخليجي 12 وخليجي 15 وخليجي 16 امتلكته :) وبجذي اصبحت السعودية ثالث منتخب يمتلك كاس الخليج بعد الكويت أولاً والعراق ثانياً ..

وبالنسبة للكاس الجديد شكله بصراحة روعة وكان مفاجئة فعلا ، بس اللي يعيبه لونه لو كان ذهبي كان احسن :) ..


حسبتك غلط لأن بعد امتلاك الكويت كأس الخليج في خليجي 14 بالبحرين صارت حسبه جديده للسعوديه السعوديه فازة في الكاس الجديد مرتين في خليجي 15 و 16 وتحتاج مره وحده لأمتلاكه واعتقد في حال فوزها بالمره الثالثه في هذه البطوله سيحسب لها فوزها في البطولتين السابقتين ويمتلكونه والله اعلم :)

شقردي كويتي
10-12-2004, 23:00
حبيبي اللي اعرفه ان العراق امتلكت الكاس مرة وحدة مقابل 3 مرات للكويت ومرة وحدة للسعودية ، عموما بنشوف انشالله الكلام الاكيد :) ..

صدقني و الله

المنتخب الوحيد الي امتلك الكاس هو الكويت و لم يمتلكه احد الى الان سوى الكويت

و كان اقرب منتخب هو السعوديه

لان بفوزه بهذه البطوله الحاليه كان بمقدوره امتلاك الكاس الى الابد

لكن بتغيير قطر للكاس

فوتوا عليهم الفرصه

شقردي كويتي
10-12-2004, 23:03
حسبتك غلط لأن بعد امتلاك الكويت كأس الخليج في خليجي 14 بالبحرين صارت حسبه جديده للسعوديه السعوديه فازة في الكاس الجديد مرتين في خليجي 15 و 16 وتحتاج مره وحده لأمتلاكه واعتقد في حال فوزها بالمره الثالثه في هذه البطوله سيحسب لها فوزها في البطولتين السابقتين ويمتلكونه والله اعلم :)

كلامك صحيح 100%

لكن مع تغيير قطر للكاس

راحت الفرصه على السعوديه

لان مع تغيير الكاس تبدأ حساب جديد لاحتساب الالقاب

و مو معقوله في حال فوز السعوديه في هذه البطوله

يمتلكون الكأس المصنوع هذه السنه الجديد

و تبدأ الدوله (( الامارات )) بصناعه كاس جديد

يعني مو معقوله 3 كوؤس جدد خلال اقل من 5 سنوات !!!

Bo Msheal
10-12-2004, 23:04
فعلا صدمه ..

سن الفيل
10-12-2004, 23:07
انا ما ضحكني إلا الغترة (( العراقية )) اللي لافين فيها الكأس (( الفضي )) الجديد ...

شكو؟؟؟

قطر وله العراق ؟؟؟

:d

وليش الكأس الجديد (( فضي )) ؟؟؟

يمكن ارخص من الذهبي ...

:d

العـنابية
10-12-2004, 23:12
انا ما ضحكني إلا الغترة (( العراقية )) اللي لافين فيها الكأس (( الفضي )) الجديد ...

شكو؟؟؟

قطر وله العراق ؟؟؟

:d

وليش الكأس الجديد (( فضي )) ؟؟؟

يمكن ارخص من الذهبي ...

:d
لا قطر :D

ياماما هذا مايسمونه فضة هذا ذهب ابيض اغلى من الذهب الاصفر :)

واعيد واقول كل دولة من حقها تسوي اي شي بفترة استضافتها

شقردي كويتي
10-12-2004, 23:15
العنابيه كلامج صحيح


ماعدا

انها تخرب على دوله اخرى

هذا مو من حقها

اذا كان ودها تغير الكاس بكاس اخرى

جان انطرت لغايه ما تمتلك السعوديه الكاس هذا

و بعدين قطر تطلب من الدوله الاخرى الي كانت من المفروض ان تصنع الكاس
ان تصنعه بدالها

مو تخرب على دوله فرصه امتلاك الكاس هذه السنه !!!

سن الفيل
10-12-2004, 23:16
لا قطر :d

ياماما هذا مايسمونه فضة هذا ذهب ابيض اغلى من الذهب الاصفر :)

واعيد واقول كل دولة من حقها تسوي اي شي بفترة استضافتها
و لكن هناك (( عرف )) و (( ادبيات )) و (( تاريخ )) و (( بروتكول )) ...

لا يمكن نسيانها بـ (( شخطة )) قلم ...

ثم ان كل دول العالم تعتز بتراثها الوطني ...

و لا اعلم حتى الآن بكل صراحة علاقة (( التراث العراقي )) بـ قطر !!!

على العموم ...

على هواكم ...

:)

QTR
10-12-2004, 23:19
والله مادري شقول بس كاتب الموضوع كتب هذا الموضوع للثرثره والحساسيات

وردي الي محد يعرفه انه السعوديه امتلكت الكاس وهذا ما اعلن عنه اليوم

واسف على الاطاله

سندريلا
10-12-2004, 23:21
مشكور أخوي شقردي على التوضيح وأكبر ظني كلام شقردي أهو الصحيح بموضوع امتلاك الكأس ... بس ما أعتقد من حق أي دولة تغير الكاس على مزاجه إذا كان قانون امتلاكه يحتاج 3 انتصارات حتى يحصلون عليه أكيد إذا فازت السعوديه تقدر تمتلك الكأس هذا والي قبل بس غير حلاوته لأن صار هذا من دون طعم

والموضوع مداخل لأن لازم غرامة أو اي شيء من هالنوع للي يتخطى القانون :confused:

الكأس اليديد شكله حلو لكن كأس الخليج شكلة قديم ويحمل تاريخ هالبطولة والكأس اليديد مصنوع من البلاتين على ماذكر المعلق ومن تصميم عرااااقي وصنع بروما على ما أظن


وخلونا نحسن الظن بأصحاب الفكرة هذي وإذا كان نيتهم بالسوء هذا من الحين أقولها إن شاء الله البطولة للصقور الخضر

شقردي كويتي
10-12-2004, 23:22
والله مادري شقول بس كاتب الموضوع كتب هذا الموضوع للثرثره والحساسيات

وردي الي محد يعرفه انه السعوديه امتلكت الكاس وهذا ما اعلن عنه اليوم

واسف على الاطاله

ممكن توضيح كيف امتلك السعوديه الكاس

و هي لم تفز فيه الا 2001 و 2003

و 1992 لا تدخل بالحساب لان الكويت فازت 1998 و امتلك الحساب فال1992 لا تدخل بالحساب

فالحساب يدخل فييه 2001 و 2003 فقط

اي مرتين

و امتلاك الكاس يلزم الفوز فيه 3 مرات

فكيف فازت بالكاس ؟؟

العـنابية
10-12-2004, 23:24
اوكي حبة حبة..

اخ شقردي مافي شي يضمن لك ان قطر ماإستأذنت مثلاً لو كانت بتفوت على السعودية فرصة امتلاك الكاس....اللي بينظم حفل بمستوا اللي شفناه اظن من ابسط الاشياء اللي راح يسويها انه يضمن موقفه ويتأكد من صحته ....وبعدين السعودية اخر بطل وهي مصنعة الكاس مافي شي يمنعها انها تحتفظ فيه ......


اخ سن الفيل....

و لا اعلم حتى الآن بكل صراحة علاقة (( التراث العراقي )) بـ قطر !!!

ماظن فقرة العراق كان بها شي من التراث لاالقطري ولاحتى العراقي..........ان كنت صدق تبي شي يدل على تراث قطر فهو كان الرزيف ببداية الحفل واعتقد انه كان حلو واجد واستمر لفترة كافية.......

ZiZO 5
10-12-2004, 23:27
سؤال بسيييط

مو اللي ياخذ الكاس و يحتفظ فيه لازم يكون ماخذه 3 مرات على التواالي؟

و شكرا

Insan
10-12-2004, 23:28
ثم ان كل دول العالم تعتز بتراثها الوطني ...

و لا اعلم حتى الآن بكل صراحة علاقة (( التراث العراقي )) بـ قطر

:)

:D

شقردي كويتي
10-12-2004, 23:30
اوكي حبة حبة..

اخ شقردي مافي شي يضمن لك ان قطر ماإستأذنت مثلاً لو كانت بتفوت على السعودية فرصة امتلاك الكاس....اللي بينظم حفل بمستوا اللي شفناه اظن من ابسط الاشياء اللي راح يسويها انه يضمن موقفه ويتأكد من صحته ....وبعدين السعودية اخر بطل وهي مصنعة الكاس مافي شي يمنعها انها تحتفظ فيه ......

.

نمشي حبه حبه ليش لا

اولا انا اموت بتراب قطر لكن حركه تغيير الكاس حدها بايخه

نرجع للموضوع

لماذا لم تعلن قطر انها استئذنت لتغيير الكاس حتى نتجنب نحن الغافلون مثل هذه المواضيع ؟؟

اذا كل دوله تصنع الكاس و من اول مره نفوز فيه نمتلكه عيل نخليها قاعده و موضه و تصير كل دوله تتحدى الاخرى بكل دوره بصناعه اغلى كاس الى ان يوصل سعر صناعه كاس الخليج الى 100 مليار


قطر فكرت بفكره جديده لاضفاء نوع من الاثاره زياده على الافتتاح (( و هذا يحسب لها ))


لكنها غفلت عن مسأله امتلاك الكاس (( و هذا يحسب ضدها ))


و المفروض تصحح خطأها و تعلن تأجيل هذا الكاس الجديد الى حين امتلاك كأس السعوديه

ثم تقدم هذا الكاس البلاتين هديه الى الدوله المستضيفه بدل ما تصنع كاس جديد

شقردي كويتي
10-12-2004, 23:32
سؤال بسيييط

مو اللي ياخذ الكاس و يحتفظ فيه لازم يكون ماخذه 3 مرات على التواالي؟

و شكرا


الفوز 3 مرات (( متتاليه او متفرقه )) يمتلك الكاس

بشرط ان خلال هذه المتفرقه لا يكون احد اخر امتلك الكاس

Q8i
10-12-2004, 23:36
بصراحة اخوي شقردي كلامك مقنع بس لازم ما نستعيل برمي التهم خلنا ننطر ونشوف ..

شقردي كويتي
10-12-2004, 23:39
بصراحة اخوي شقردي كلامك مقنع بس لازم ما نستعيل برمي التهم خلنا ننطر ونشوف ..

كلامك صحيح اخوي


لكن انا قلت من الاول

انا اموت بتراب قطر و اهل قطر

و انا اسف من الحين اذا كلامي كان خطأ

لكن هذا من حرتي ان اكو دوله انظلمت بالشغله هذي

GuNNeR
10-12-2004, 23:50
نتمنـى ماتكـون مقصـوده من اخواننـا في قطـر ..

وطـــن
11-12-2004, 00:46
أرجو من المراقبين اغلاق الموضوع

حبيبي شقردي لا تقعد تسوي روحك ذكي وفاهم وتبي تمسك شي على قطر .. حبيبي انا اقولها لك ( وكلي ثقه )




قطر لم تغير الكأس الا بموافقة جميع الدول واولهم الوفد السعودي ، والوفد السعودي عنده علم بذلك ، ولا تخاف مافي شي راح يأثر على امتلاك السعوديه للكاس في حالة الفوز ، واذا مب مصدق تقدر تروح تسأل اي واحد من الوفد الكويتي لخليجي 17





ولكن من الطبيعي جدا ان ماراح يطلع هذا الخبر للاعلام لانها مفاجاة الدوره

البارز
11-12-2004, 00:46
الكأس السعودي برأيي المتواضع اجمل وخاصه انه بلون الذهبي وفيه اعلام الدول الخليجيه

كأس قطر غير واضح الملامح الخليجيه ولونه فضي او بلاتيني ولا يوجد به اعلام

واعتقد قطر غيرت شكل الكأس الانه لا يتناسب مع الدول المشاركه

بالكأس السعودي كان فيه ست اعلام الكويت والبحرين وطبعا السعوديه والامارات وعمان وقطر
هذا الناس اللي تفهم
وبعض الاعضاء يدورون اي شي على قطر ليش مادري ترا احنا سندكم مش عدوكم

وطـــن
11-12-2004, 00:50
ارجو من المراقبين اغلاق الموضوع

حجة الاخ كاتب الموضوع هي عدم علم السعوديه بهذا التجديد

لكن في الواقع السعوديه لها علم سابق بتغيير شكل الكأس ليناسب الدوره ومنتخباتها


اقول هذا وانا واحد من الاشخاص اعمل في الجهه المنظمه للدوره

وطـــن
11-12-2004, 01:24
اطالب من المشرفين باغلاق الموضوع لانه لا اساس له من الصحه

وطـــن
11-12-2004, 02:41
اشوفكم ما تكلمتوا وخاصه صاحب الموضوع !! :rolleyes:

AZzuRri_Q8i
11-12-2004, 02:45
انا عن نفسي ما تكلمت لاني شايف الموضوع ما يستاهل .. ومتاكد ان قطر سوت الكاس اليديد بعلم الجميع وهذا شي من حق الدولة المستضيفة اذا وافقت بقية الدول

العـنابية
11-12-2004, 02:52
اخوي وطن ومحد بيتكلم الصراحة اللي صار اليوم صدمة فديتها قطر وفديت عيالها :( حتى كلمة يعطيكم العافية ماقالوها لهم شطار يطلعون عيوب مالها وجود على قولة المثل مالقوش
في الورد عيبة قالوا له ياأحمر الخدين :D :D :D مادري المثل صح ولا غلط وينه مصري خله يصلح المثل اذا كان مب عدل.......

سعودي أنا
11-12-2004, 02:59
يا قلبي السعودية امتلكت الكاس بعد فوزها فيه 3 مرات متفرقة ، صحيح الثلاث مرات ما كانوا بنفس الكاس لكنها امتلكته فعلا نفس الكويت لما امتلكت كاس الخليج اللي صنعته قطر بخليجي 11 بالله قولي شلون امتلكناه ؟ امتلكناه بعد فوزنا بخليجي 10 (شكل الكاس كان مختلف) وبعد فوزنا بالكاس الجديد اللي صنع بعد خليجي 10 مرتين (خليجي 13 وخليجي 14) بعدها امتلكناه ..

والسعودية بعد ما فازت فيه بخليجي 12 وخليجي 15 وخليجي 16 امتلكته :) وبجذي اصبحت السعودية ثالث منتخب يمتلك كاس الخليج بعد الكويت أولاً والعراق ثانياً ..

وبالنسبة للكاس الجديد شكله بصراحة روعة وكان مفاجئة فعلا ، بس اللي يعيبه لونه لو كان ذهبي كان احسن :) ..
كلامك صحيح 100%

QTR
11-12-2004, 03:01
اتمنى من انه نحمد ربنا على كل حال اهم شي انهم يكونون مرتاحين بديرتهم قطر


وكلمة الشكر العنابيه انه بطولة الدوحه تكون غير ومستواها الفني غير ... ونشكر كل من قدم كلمة شكر
ولا قعد يتلكك في امور الصراحه مالها داعي



اخص بالذكر اخوي Q8i

الي كلمتة عجبتني ولا اتبع منهج مع الخيل يا شقرا والي الكل ملاحظها اليوم

تحياتي لكم

Kuw
11-12-2004, 03:05
هذا الناس اللي تفهم
وبعض الاعضاء يدورون اي شي على قطر ليش مادري ترا احنا سندكم مش عدوكم

تسلم اخوي وكلمة الحق لازم تنقال بمصداقيه ..

shansawi
11-12-2004, 03:20
يا جماعه تغير الكاس ماله شغل بالامتلاك التغير فعلا مطلوب لان الكاس السابق كان عليه اعلام الدول السته وبما انه فيه فريقين جديدين على البطوله كان لازم يتغير الكاس
وبعدين لا تحملوا الامور اكثر مما تحتمل وحسن الظن فى الناس مطلوب

QTR
11-12-2004, 03:54
اقولك شي شقردي مع احترامي لك

الحين هديت كل المواضيع وجيت على موضوع الكاس ... الصراحه موضوع يبين انك تصيد في الماء العكر

بس احب اعقب في لجنا عليا لمجلس التعاون الي تحكم وتحدد مهب اتحاد واحد

سندريلا
11-12-2004, 04:05
أختي الغاليه عنابية منو قال ماقلنا يعطيكم العافيه أو مامدحنا الافتتاح الكل تكلم عنه لكن فيه أشياء سلبيه تطرقنالها وترى أحنا ننقد حتى نفسنا ولو تذكرين السنه الي فاتت سوينا مواضيع بالهبل ونقدنا أشياء مو طبيعيه لأن بديرتنا


فتحملونا من كثر مانمون أخذنا راحتنا ويعطيكم العاعفيه بالنيابه عن كل كويتي وجهد مو غريب عليكم

BlueFrost
11-12-2004, 04:08
يا جماعه تغير الكاس ماله شغل بالامتلاك التغير فعلا مطلوب لان الكاس السابق كان عليه اعلام الدول السته وبما انه فيه فريقين جديدين على البطوله كان لازم يتغير الكاس
وبعدين لا تحملوا الامور اكثر مما تحتمل وحسن الظن فى الناس مطلوب


انا مالي شغل بالموضوع بس عندي فضول... ليش ما غيروا الكأس لما دشت اليمن الدورة اللي طافت؟ :confused:

الحكم
11-12-2004, 04:19
اللي منه فايده ورونا الكأس الجديد :d

:D

عاشق قطر
11-12-2004, 04:24
هذا الكلام غير صحيح, مب شرط 3 مرات متتالية, أصلا هذي معلومة عادية المفروض أي متابع يعرفها. غريبة... :rolleyes:
وحتى لو تغير شكل الكأس ماتفرق, اسألوا البرازيل وكأس العالم.
طبعا هذا, إذا خذته السعودية. وأصلا خلاص, السعودية فازت 3 مرات واحتفظت بالكأس, هذي البطولة محد راح يشل الكأس وياه. :D

شقردي كويتي
11-12-2004, 08:31
اولا

انا ابي بس اعرف شلوون السعوديه امتلكت الكااس ؟؟؟؟


تاريخ كاس الخليج ==

1970 فازت الكويت 1
1972 فازت الكويت 2
1974 فازت الكويت 3 و امتلكت اول كاس و بدأ عد جديد لامتلاك الكاس
1976 فازت الكويت 1
1979 فازت العراق 1
1982 فازت الكويت 2
1984 فازت العراق 2
1986 فازت الكويت 3 و امتلكت الكاس و بدأ عد جديد لمتلاك الكاس
1988 فازت العراق 1
1990 فازت الكويت 1 (( خلال الغزو الصدامي سرق عدنان درجال الكاس من خزائن الاتحاد الكويتي ))
1992 فازت قطر 1 (( خلال هذه الدوره صنعت قطر كاس جديده لان الكاس السابقه سرقت مع عدم الغاء الحسبه لان الكاس مسروق ))
1994 السعوديه فازت 1
1996 فازت الكويت 2
1998 فازت الكويت 3 و امتلكت الكاس و بدأ عد جديد لأمتلاك الكاس
2001 فازت السعوديه 1
2003 فازت السعوديه 2
2004 ؟؟؟؟؟؟؟؟؟؟؟؟؟؟؟


فكيف امتلكت السعوديه الكاس ؟؟
و كيف صنع كأس جديد و الكاس القديم لحد الان لم يمتلكه احد ؟؟



قطر و الله العالم سوت الحركه هذي متعمده عشان تخرب على السعوديه مسأله امتلاك الكاس

لان السعوديه باقي لها بطوله واحده و تمتلك الكاس لكن قطر بتغييرها للكاس طوفت عليها الفرصه

لو كانت قطر تبي تسوي مفأجأه و تبي تغيير الكاس جان نطرت لغايه ما يمتلك
احد الكاس ثم تقترح هي ان تقدم الكاس الجديده مكان الدوله الي مفروض انها تقدمه


على فكره الي تكلم عن البرازيل و كاس العالم

اول كاس امتلكته البرازيك كاس (( بول ريميه )) لانها فازت فيه 3 مؤات

لكن الكأس الحالي بعد صناعته اقروا قانون بعدم امتلاكه
يعني البرازيل لو فازت 10 مرات متتاليه ماراح تقدر تمتلكه

لكن كاس الخليج لحد الحين ما غيروا القانون الخاص بامتلاك الكاس لازال على حاله

فمع تغيير الكاس تعاد الحسبه من جديد

الكلام الان لماذا قطر تعمدت هذه الحركه على ارضها
هل تريد انسحاب السعوديه من الدوره الحاليه ؟؟

المور راح تتكشف غدا

قطري منطقي
11-12-2004, 08:50
تغييــر الكـأس كـانت لـه أسبــاب عــديدة ..

ولكــن الي ما تعـرفونـه للحيــن أو نسيتــوه بـأن الإتحـادات الخليجيــة قــررت بـأن لا يـوجد مـالك للكـأس إبتـدأً مـن الدورة الماضيــة و أن يملـك الفـريق الفـائز نسخــة مصغــرة لـ كأس البطــولة كمـا يحــدث لـ كأس العــالم

امـا تفاصيــل تغييــر الكأس بوافيكــم بهـا الليلــة ..

ولكــن أخ شقـردي بينــت بكــلامك الجـارح و سـوء النـوايا الـذي طغــا على حسـن النـوايـا عنـدك بـأن الكــره الدفيــن لـك لـ قطـر كـ ( دولـة ) ظهــر في امـر أثــرته لا يمـت للرياضــة بـ صلــه .. حتـى بـوجـود أفكـار لـم يفكــر بهـا احـد سـواك !! ومـن تخمينـك بـدون التحــري في الموضوع

نظــف قلبــك أخــوي تـرى السالفــه مـا تســوى خاصــه بـأنك مـا تحريــت عن المـوضوع و نفثــت سمــومك لإفشــاء الكـرايــه نـحــو دولـة قطــر !!

ســـلام

JUVE
11-12-2004, 09:00
اخواني القطريين الاعزاء...


الموضوع مو حقد... وانتوا قبل لا نكون من خليج واحد... احنا اشقاء وابناء عمومة..

فلا تعتقد بان احد يكره قطر...

لكن الاخ طرح تساؤل.. ولحد الان محد عطاه الجواب الشافي...

وانت كونك قطري وانت يمكن اعلم بالموضوع عن غيرك... بأمكانك انك ترد على السؤال لا اكثر...


وصدقني العيــــــــــــــــــــــن اوسع لكم من الدار..

وكلنا نحب قطر...:)

وطـــن
11-12-2004, 09:20
الاخ قطري منطقي

مافي داعي تشرح ولا شي .. انا قلت له الزبده في رد يبط العين ..

ولكن الاخ كويتي شقردي مازال مصر على انه ( يستعمى ) :rolleyes:

قطري منطقي
11-12-2004, 09:23
اخواني القطريين الاعزاء...


الموضوع مو حقد... وانتوا قبل لا نكون من خليج واحد... احنا اشقاء وابناء عمومة..

فلا تعتقد بان احد يكره قطر...

لكن الاخ طرح تساؤل.. ولحد الان محد عطاه الجواب الشافي...

وانت كونك قطري وانت يمكن اعلم بالموضوع عن غيرك... بأمكانك انك ترد على السؤال لا اكثر...


وصدقني العيــــــــــــــــــــــن اوسع لكم من الدار..

وكلنا نحب قطر...:)
أتمنـى قبــل تقــرا ردي يـا طويـل العمــر تقـرا ردود الأخ شقـردي و تبتعـد عـن العاطفـه سـواء انـك تكـره قطـر او العكـس وتشـوف الكــلام الي قـاله عــادي أو لا ؟!!
خلكـم منصفيـن ومـش هـذا ولــد بــلادي خــلاص أكـون في صفــه مـع أنـه غلطــان !! .. خلكـم منصفيــن و عـرفو قيمـة ردوده بـأنهـا إهــانه لـ قطـر كـ دولة في المقــام الأول
وأنـا مـا شفــت حتى السعـوديين تكلمـو عن المـوضوع ولكـن سـوء النيــه واضــح عنــد الأخ الـي حتـى مـا تحـرى عـن المـوضوع و حـب ينشــر الكـراهيـه بيـن الأشقــاء بأسلوبــه الفاضــح !!

شقردي كويتي
11-12-2004, 09:26
ولكــن أخ شقـردي بينــت بكــلامك الجـارح و سـوء النـوايا الـذي طغــا على حسـن النـوايـا عنـدك بـأن الكــره الدفيــن لـك لـ قطـر كـ ( دولـة ) ظهــر في امـر أثــرته لا يمـت للرياضــة بـ صلــه .. حتـى بـوجـود أفكـار لـم يفكــر بهـا احـد سـواك !! ومـن تخمينـك بـدون التحــري في الموضوع

نظــف قلبــك أخــوي تـرى السالفــه مـا تســوى خاصــه بـأنك مـا تحريــت عن المـوضوع و نفثــت سمــومك لإفشــاء الكـرايــه نـحــو دولـة قطــر !!

ســـلام

اول قسم الله العلي العظيم

اني اموت بقطر و حب قطر و حب اهلها
و الكل يدري
و الحمدلله لي من الاصدقاء في قطر العدد الكبير و ايضا صلات الرحم و القرابه مع عائله السويدي بقطر

لكن اخي قطري منطقي هذا لا يعني اني احابي قطر على حساب السعوديه التي ايضا احبها و احب قطر و كل دول الخليج الست
لانني تربيت على كلمه (( انا الخليجي و افتخر اني خليجي و الخليج كله طريجي ))

لييش تزعل من الحق اذا انقال

كلامي اذا انا قلت فهو انقال من شخص واحد لا راح و لا رد و انقال على الانترنت مو على صحيفه او جريده او على التلفزيون

لكن كلامي انقال من منطلق العتب بين الاخوان و الاشقاء

اخي قطري منطقي

انت الوحيد الي قال نقطه انا اول مره اسمعها من بد جميع الاعضاء
و لم اسمعها من قبل
و ما اقدر ارد عليها لان ما سمعت فيها من قبل الا لما اتاكد
و النقطه هذي هي

=================
ولكــن الي ما تعـرفونـه للحيــن أو نسيتــوه بـأن الإتحـادات الخليجيــة قــررت بـأن لا يـوجد مـالك للكـأس إبتـدأً مـن الدورة الماضيــة و أن يملـك الفـريق الفـائز نسخــة مصغــرة لـ كأس البطــولة كمـا يحــدث لـ كأس العــالم
=============================

و اذا صح كلامك هذا فهذا يفسر كل شي موجود و صار

و انا قلت من قبل ان اتضح العكس فانا اسف و سامحوني

و قلت هذا الكلام اكثر من مره مع حديثي مع الاخ q8i

لكن لحد الحين ما سمعت هذا الكلام الا منك

فزيدوني من معرفتكم عشان انا انتفع

و لا يجي واحد من الاعضاء و يقرأ نص الردود و يرد غلط على الباجي

اقروا الردود كلها ثم ردوا على كل ما لا يعجبكم و هذا حقكم

لكن لا تقرأ نص الردود و ترد بحجي مكتوب من قبل بدون لا تقرأ الرد عليه

عموما

انت قلت نقطه و انت سالفه امتلاك الكاس

لكن يبقى السؤال و ابي رده من يا قطري منطقي لانك اكثر واحد يمكن عندك خبر


ما مصير الكاس السابق (( الكاس السعودي 2001 )) ؟؟ بما ان الغوا مصير التملك للكأس ؟؟

شقردي كويتي
11-12-2004, 09:32
عموما انا الحين رايح الدوام (( عشان محد يقول وين صاحب الموضوع ما يرد على المكتوب :rolleyes: ))

و اول ما ارجع من الدوام نكمل حديثنا ان شاء الله

قطري منطقي
11-12-2004, 09:34
أتمنــى أنـك تمــر مـرور سـريع على ردودك و أنـك تعـرف معنــى كـل كلمـة ذكـرتهـا و إصـرارك بنـوايـا قطـر بإستـدراج المملكــه العـربية السعـودية نحــو الإنسحــاب و إصــرارك بـأن نــوايـا قطــر سيئــه وذكــرك لهــا بطريقــة مخجلـــة !!

وصـدقنـي لتو أن كــلامك لـه منطــق و فيــه ولـو مجــرد شــك بأنـه في حسـن نيــة كـان محـد رد عليــك ولكــن اسلوبــك الفاضــح و إشعــال الفتنــه واضـح وضـوح الشمـس ولا يحتــاج للتفكيـر أو للبـراهيـن فـ ( المكتـوب مبيـن من عنـوانـه )
ولا نـريد محـابـاة أو مـا شابـه ذلك ولكـن الي نطــالب فيـه أحـد سمــات المـسلميـن و الي أمـرنـا فيهــا الله و رســوله ( ص) وهـي ( حسـن النــوايـا ) الـي كـانت بعيــدة عنــك كـل البعــد و همـك الوحيـد إشعــال الفتنــه !! وكـان على أقــل تقــدير بـدلاً مـن إشعـال الفتنــه عليـك التحــري عن المـوضوع قبـل كتــابته

ســـــلام

JUVE
11-12-2004, 09:40
أتمنـى قبــل تقــرا ردي يـا طويـل العمــر تقـرا ردود الأخ شقـردي و تبتعـد عـن العاطفـه سـواء انـك تكـره قطـر او العكـس وتشـوف الكــلام الي قـاله عــادي أو لا ؟!!
خلكـم منصفيـن ومـش هـذا ولــد بــلادي خــلاص أكـون في صفــه مـع أنـه غلطــان !! .. خلكـم منصفيــن و عـرفو قيمـة ردوده بـأنهـا إهــانه لـ قطـر كـ دولة في المقــام الأول
وأنـا مـا شفــت حتى السعـوديين تكلمـو عن المـوضوع ولكـن سـوء النيــه واضــح عنــد الأخ الـي حتـى مـا تحـرى عـن المـوضوع و حـب ينشــر الكـراهيـه بيـن الأشقــاء بأسلوبــه الفاضــح !!


يا خوي.. انا الحين ابي اهدي الوضع... وانت تقول اني اصف مع ولد بلدي..:confused:

وما اعرف ايش...
ياخوي لو كان قصدي جذي .. جان من الاول اصف معاه وايد كلامة...

بس انا ما بغيتكم تزعلون...

هذا جزاي الحين...:(

وياخوي انا ما اكره قطر... وبصراحة ليش؟؟؟؟ نكره قطر..؟؟؟:confused: :confused:


مادري ليش مكونين هالفكرة..؟؟؟

على العموم انا كان كل قصدي تهدئة النفوس والجو العام...

بس انت الله يهديك شبيت علي نار...؟؟؟!!:confused: :(



شقردي.. حبيبي ... ياريت تسكر الموضوع... اذا اخوانا السعوديين محد علق على الموضوع... خلاص مانبي تكبر السالفة... والاخوان قاعدين يعممون ان احنا نكره قطر...


والله الشاهد ان قلبي معلق بقطر... بس.. شقول للاخوان والاخوات..

C@$h B0X
11-12-2004, 11:21
واخوي لو صار ومثل ما تقول ان صنعة كأس جديد على حساب كأس السعوديه ..
كان الصحافه مابتخلي احد بحاله .. بس اكيد ان عند المندوبين الخليجيين فكره عن اللي
يصير .. ولا ما تلاحظ .. الاعلان اللي يجي بقناة الجزيره الرياضيه عن الشاب العراقي
اللي تقريبا من اسبوعين وهم يعرضون المقطع الاول من الاعلان .. واخر يوم تقريبا كشفوا
عن الكأس "كمفاجأه" ...

اسـتـبـرق
11-12-2004, 11:26
اللي يشوف الكاس ما يقول انه كاس خليج ابد

C@$h B0X
11-12-2004, 11:45
اللي يشوف الكاس ما يقول انه كاس خليج ابد
ولا يهمك البطوله الجايه نودي الكأس لأي محل ذهب ويصبغه .. وخلاص :rolleyes:
عاد البطوله الجايه بالامارات ومحلات الذهب اكثر من البيوت (ماشاءالله) :D

مجرووحه
11-12-2004, 11:47
عاد شكله اليديد حلووووووو :) :)

فلج بوصالح
11-12-2004, 11:51
ما صار شي يبى كلها كاس
زعلانين علييه .... مو مشكلة نكسرهم اهما الاثنين و نسوي واحد جديد :)

اسـتـبـرق
11-12-2004, 11:57
للتوضيح فقط :

كاش بوكس انا ما اتكلم عن لون الكاس انا اتكلم عن شكل الكاس :confused: :confused: :confused:

شقردي كويتي
11-12-2004, 13:13
[



شقردي.. حبيبي ... ياريت تسكر الموضوع... اذا اخوانا السعوديين محد علق على الموضوع... خلاص مانبي تكبر السالفة... والاخوان قاعدين يعممون ان احنا نكره قطر...


والله الشاهد ان قلبي معلق بقطر... بس.. شقول للاخوان والاخوات..


خلاص اخوي ولا يهمك

انا بسكت عن الموضوع عشانك

و الاخوان الي يبي يعرف الموضوع

يقرأ الموضوع و يقرأ الردود

و انا مهما كان بسكت

كفايه اني وضحت نقطتي

و السلام عليكم و رحمه الله و بركاته

AZzuRri_Q8i
11-12-2004, 13:18
كاس حلو و انشالله مكانه العديلية .. مافي احد يقدر يشكك بحب الكويتيين لقطر و نهنيهم على الافتتاح الجميل و يعطيهم الف عافية
الاخ شقردي كويتي كان يتساءل و انا اعتذر بالنيابة عنه اذا فهمتوه غلط .. تكفى اخوي شقردي كويتي سكر الموضوع لان في ناس بيدشون و يزيدون النار حطب و يفسرون كلامك على هواهم

رامز
11-12-2004, 13:47
خلاص اخوي ولا يهمك

انا بسكت عن الموضوع عشانك

و الاخوان الي يبي يعرف الموضوع

يقرأ الموضوع و يقرأ الردود

و انا مهما كان بسكت

كفايه اني وضحت نقطتي

و السلام عليكم و رحمه الله و بركاته
تحية لاخوي شقردي كويتي ..لطرحه مثل هالموضوع ..ومن المناسب ان ننتظر قليلا قبل اصدار اي تعليق ... وطالما ان الكاتب وضح وجهة نظره بشكل كامل ... اجد من المناسب اغلاق الموضوع مع شكري للمشاركين جميعا