المساعد الشخصي الرقمي

مشاهدة النسخة كاملة : سيأتي الكأس للمنامة ... وحديثنا بعد البطولة



بنو بحرون
15-12-2004, 16:35
بسم الله الرحمن الرحيم ولاصلاة والسلام على محمد وعلى آله اجمعين

أول شي أحب أن أهنأ الإخوان الكويتين على التأهل للدور قبل النهائي لبطولة كأس الخليج

أما بعد ...

فالذي لا يعرفة إلا البحرينيون فقط .. هو شيء واحد أننا ما زلنا نثق بمنتخبنا الوطني البحريني

وأننا لا نقيم الدنيا ونقعدها من أجل تعادل مع اليمن أو الكويت ..... ولا نقيل مدربين من مباراة

خسرناها أو تعادلناها ... لأننا في المبارتين السابقتين ينقصنا فقط التوفيق أمام المرميين الكويتي

واليمني ....

إنني ومن خلال هذا الموضوع أحب أن أؤكد شيء واحد فقط ... أننا لن نتكلم إلا بعد بطولة كأس

الخليج ... لأنني على ثقة بأن الكأس سيكون في المنامه ... واننا لن نكون صيداً سهلاً أمام السعوديين

... وسوف نثبت لجميع المشككين بمقدرة المنتخب البحريني ....

وأسمحوا لي أخواني أنني أقول لكم .... أنني في حالة خسارتنا من السعودية لا سمح الله سأكون

موجوداً لأهنأ الأخوة السعوديين ... وإذا فزنا عليهم إن شاء الله ... فلن أكون معكم إلا بعد كأس

الخليج لأحتقل مع أخواني الأعضاء بفوز المنتخب بالبطولة ....


بالتوفيق يا ولد بلادي يا أحمر يا غالي


بنو بحرون

Q8i
15-12-2004, 16:39
حياكم الله ، انشالله نقابل بعض على النهائي :) بس بحكم محايد هالمرة ;)

AZzuRri_Q8i
15-12-2004, 17:52
تستاهلونه .. اهل البحرين يستاهلون كل خير

BlueFrost
15-12-2004, 17:55
حق مشروع و بالتوفيق لكم :)

aljazar
15-12-2004, 18:52
تعحبوني يالبحرينيين دايما متفائلين في منتخبكم ;)

مشعل75
15-12-2004, 18:59
اذا خذيتوه الكويت كلها بتقول لكم مبرووووووووووووووووووك من القلب.

shansawi
15-12-2004, 20:12
التفاؤل مطلوب فى الحياه الله يوفقكم ان شاء الله

الحكم
15-12-2004, 20:18
أولا رداً على كلامك أخوي كاتب الموضوع:

ما في فريق ضمن التأهل من مجموعتكم ولا تسبق الأحداث بالتهاني والتعازي :D

ثانياً:

أنا واثق من منتخبكم بعد ولكن يبيلكم تقدموا أفضل أداء بالبطولة عشان تقهروا أسياد آسيا

ثالثاً:

ألف مبروك إذا صعدتم وبكون موجود بالديوانية أبارك لك مع اخواني بحصولكم على الكأس إذا حصلتم عليه

بنو بحرون
16-12-2004, 18:06
رداً على أخوي الحكم

أنا لا أسبق الأحداث ولكنني متفائل ... وأسياد آسيا على عيني وراسي

بس صدقني ... المباراة راح تنتهي بنتيجه كبيرة لأحد الفريقين لسبب

واحد وانها راح تكون مباراة مفتوحة ... وهذا ما فقدناه في المبارتين

السابقتين لوقوف اليمن والكويت بجل لاعبيها في خط الدفاع ... والكل

شاهد :) .

المهم أبيك تكون على وعدك اخوي لما الكاس يصير أحمر بحريني

وانا متأكد من الروح الرياضية التي تسود هذه الديوانية المميزة

تمنياتي لكل الفرق بتقديم مباريات ممتازة تكشف مدى التطور التي

وصلت إليه الكره الخليجية خاصة والعربية عامة




بنو بحرون

ولـــيدي10
16-12-2004, 18:10
إنشاءالله ليش لا وتستاهلون يا شعب البحرين وأنتوا على الرأس والعين يبه ولا يغركم هاللي قاعد يصير من كلام ترى كلها كره وأنتوا حبايبنا وتستاهلون الكأس و لا بنسوي مسيره معاكم بعد :p

كويتاوي 2004
16-12-2004, 18:33
أي منتخب يفوز راح نقول له مبرووووك بالنهاية .
وإذا فاز منتخب البحرين بنقول مبروك ويستاهلون أهل البحرين .

Asian 2000
16-12-2004, 19:34
شي حلو انه الواحد مايفقد الامل بفريقه ويثق فيه :)

بس ما ادري ليش حاس انكم ما راح تعملون شي امام السعوديه :rolleyes:

هذا احساسي اتمنى انه يخيب :rolleyes:

على العموم بالتوفيق لبحرين وللسعوديه والمتاهل الى جانب الازرق الكويتي بنقوله مبروك :)

Om ABRAR
16-12-2004, 19:43
كلنا امل في منتخبنا وان شاء الله ما يخيب املنا :cool:
والفريق الافضل سيتأهل ;)

يعطيكم العافية خيوو ع الموضوع
ومشكورين يا الاعضاء الكويتيين :)
..

alone
16-12-2004, 19:46
يصير خير ، :)

موج البحر
16-12-2004, 19:56
:) :) :) :) :) :) :)

الانجــليزي
16-12-2004, 20:04
تاكد انه الفريق الى راح ياخذ الكاس راح نقوله مبروك وانت مبطل موضوع عشان تقول انه المنتخب
البحريني راح ياخذ الكاس وهذا اسمه غرور لما يوصل الكاس للبحرين لكتب الى تبيه وراح نكون اول المهنئين لكم وكافيه غرور

الباشا العود
16-12-2004, 21:23
آنا ما قريت لا المقدمه ولا الردود!!! بس أقول اللي ياخذ الكأس يستاهله :)

بس أسألك عن البحرين... كيف أهل المنامه
علهم يذكروني

تستاهلون يالبحرين كل خير... يا أهل الخير :)

Mr. Barca
16-12-2004, 21:57
بطاقة التأهل الثانيه سعوديه باذن الله

بطاقة التأهل الثانيه سعوديه باذن الله

بطاقة التأهل الثانيه سعوديه باذن الله

بطاقة التأهل الثانيه سعوديه باذن الله

بطاقة التأهل الثانيه سعوديه باذن الله

بطاقة التأهل الثانيه سعوديه باذن الله

التشيلساوي
16-12-2004, 22:05
اهم شيء التفائل و الامل و كل شيء جايز

و ان شاء الله نباريكم في النهائي
و هالمره نفوز عليكم:d :d

M63OON
16-12-2004, 22:35
حق مشروع لك كبحريني يريد احراز اللقب لمنتخبه و لكني اعتقد انكم ستفوزون على السعوديه و اتمنى ان نقع معكم بالنهائي و كما قال بو جسوم و بحكم محايد و سيكون الكاس باذن الله كويتي :)

الحكم
17-12-2004, 07:49
رداً على أخوي الحكم

أنا لا أسبق الأحداث ولكنني متفائل ... وأسياد آسيا على عيني وراسي

بس صدقني ... المباراة راح تنتهي بنتيجه كبيرة لأحد الفريقين لسبب

واحد وانها راح تكون مباراة مفتوحة ... وهذا ما فقدناه في المبارتين

السابقتين لوقوف اليمن والكويت بجل لاعبيها في خط الدفاع ... والكل

شاهد :) .

المهم أبيك تكون على وعدك اخوي لما الكاس يصير أحمر بحريني

وانا متأكد من الروح الرياضية التي تسود هذه الديوانية المميزة

تمنياتي لكل الفرق بتقديم مباريات ممتازة تكشف مدى التطور التي

وصلت إليه الكره الخليجية خاصة والعربية عامة




بنو بحرون

وأنا عند وعدي حبيبي :cool: