المساعد الشخصي الرقمي

مشاهدة النسخة كاملة : (( شكرا للجماهير القطريه ماقصرتوا وهاردلك لقواتكم الخاصه ))



اخضر عرباوي
21-12-2004, 18:16
انا من الجماهير الي حضرت ملعب السد اشكر نيابه عن الجماهير الكويتيه الجمهور القطري ماشالله يرفع الراس وحقا اخوان ونضل اخوان للابد

طبعا بعد انتهاء المبارات اكثر من 90% من الجمهور القطري الي كانوا يشوفونا كانوا يواسونا بكلام حلوا مثل ( يعطيكم العافيه و ماقصرتوا و خيرها بغيرها وكنتوا خير ممثل لبلدكم وو )

انتوا الي يعطيكم العافيه علي هذي المعامله الراقيه الي معروف فيها الجمهور القطري

وكان احد الجماهير وكان صغير بالعمر يتطنز علينا وطبعا الجمهور القطري منعوه وتأسفوا منا وقالوا مالكم شغل فيه هذا مو قطري ومايمثلنا واحنا مانرضي بهذا الشي :) الصراحه كنت حزين من الخساره وفرحان من ردت فعل الجماهير القطريه ومواستهم لنا

اما القوات الخاصه القطريه اقولهم هاردلك وايضا لأتحادنا الي ماعرف ينظم اماكن لجمهورنا يأتى بالطائرات وعن طريق البر ويقعد خارج اسوار النادي طول المبارات حتى نهايتها اكيد راح يكون غاضب وطالب بدخول الملعب وكان لازم علي القوات الخاصه القطريه تواسيهم وتقدر الظروف الي مروا فيها مشقت السفر واغلبهم قادمون عن طريق البر يعنى 8 ساعات طريق من الكويت الي قطر واخر شي مايدخلون الملعب والله منظر مؤسف وانت تشوف هذي الجماهير وهي بيدها الكلبجات والي متيبين ايده الله يسامحهم والله يكون بعونهم خاصه الي اتو عن طريق البر وايضا اخر طائره وكان عددهم كبير وماقدروا يشوفون المبارات وانشالله يكونون ردوا الكويت سالمين يارب وبدون بهذله في المخافر

وشكرا للجماهير القطريه واعذرونا اذا سببنا القليل من المشاكل خاصه من بعض جمهورنا الصغير في العمر

M63OON
21-12-2004, 18:21
شكرا قطر :)

جبر
21-12-2004, 18:36
هلا اخوى
اول احيك على روحك
والمشكلة الي صارت
ماهي مشكلة قوات الامن
حيث حدد لمنتخب الكويت 2000 مقعد
اما الاتحاد الكويتي جاب اكثر من المحدد لة
وعلى فكرة في قطرين اكثار مادشو الملعب
وانا كنت واقف عند شباك التذاكر من الساعة 2 الظهر
لين اخذت تكت الساعة 4 ونص
رغم انة عندي بطاقة منظم
لاكن امنعو البطاقات قالو التذاكر للجمهور
منظم او غيرة لازم يدخل بتكت

بس الكل شاف الملعب كان فول وناس واقفة في اماكن الوقوف
يعني الغلط من الاتحاد الكويتي
حيث حاولو ان يشتور 7000 بطاقة خارج الملعب لاكن انصادو
الي يبون يشترون

كويتاوي موجود
21-12-2004, 19:19
مشكورين ياأهل قطر واتحادنا سبب المشاكل

Bo Msheal
21-12-2004, 19:24
غلطة اتحادنا الفلته .. اذا انتو مو قد المسؤوليه شكو طاقين الصدر ومنظمين رحلات !!! مهزله والله !

أزرق كويتي
21-12-2004, 19:31
ابي اعرف شلون يدزون جماهير وماكو اماكن

بعدين ليش يكلبجون ربعنا شسووا؟؟؟

جبر
21-12-2004, 19:46
انا ما ادري كان كلبشو احد

بس صدقني محد يتكلبش غير الي امسوي شي
مافي شي من باب العنترة
تاكد
وفية قطرين تكلبشو وكلو عدس امس في النظارة
يوم سولهم شوية نقشرة

Sebastian Deisler
21-12-2004, 20:13
والله أهل قطر فيهم الخير والبركه

كيفي كويتي
21-12-2004, 20:18
غلطة اتحادنا الفلته .. اذا انتو مو قد المسؤوليه شكو طاقين الصدر ومنظمين رحلات !!! مهزله والله !
والقوات القطرية ما أعتقد تكلبج أحد مني والطريج الا واهو مسوي شي غلط عند البوابات ! لانه كان تعاملهم جداً راقي معانا لمن رحنا حق مبارات السعودية ..

كـنـت احـبك
21-12-2004, 20:42
طبعا الغلط من الاتحاد الكويتي لان سبق وتحدد

عدد الكراسي المتوفره للجمهور الكويتي ...

بالنسبه للي كلبجوهم ,, حسب ماسمعت انهم

اثنيين قطريين وواحد كويتي لكن شنو سبب توقيفهم

مادري والله ,, بس ان شالله نحاول نشووفلكم السبب

DvD
21-12-2004, 20:43
اللــه يــاعمري يـاقطر ومشـكورين الف الف شكـر والله على التنظيم الرائع والاستقبـال الاروع ماقصرتوا والله يوفقكم في النهائي

كويتاوي موجود
22-12-2004, 01:13
طبعا الغلط من الاتحاد الكويتي لان سبق وتحدد

عدد الكراسي المتوفره للجمهور الكويتي ...

بالنسبه للي كلبجوهم ,, حسب ماسمعت انهم

اثنيين قطريين وواحد كويتي لكن شنو سبب توقيفهم

مادري والله ,, بس ان شالله نحاول نشووفلكم السبب

انا واحد من الي تكلبجو وكان معاي 3 من ربعي يعنى 4 كويتين والسبب للاسف منظم من الاتحاد الكويتى :mad:

القدساوي المحنك
22-12-2004, 02:10
شكرا قطر ;) ;)

كـنـت احـبك
22-12-2004, 02:54
انا واحد من الي تكلبجو وكان معاي 3 من ربعي يعنى 4 كويتين والسبب للاسف منظم من الاتحاد الكويتى :mad:
اخوي ياريت تذكرنا شنو السبب بالضبط ؟؟
وهل صحييح بس قطريين 2 اللي كلبجوهم؟

Sebastian Deisler
22-12-2004, 02:57
كـنـت احـبك
انت ألي في قطر فوتبول ..؟

كويتاوي موجود
أوف اوف هذي معلومات خطيرة
نبيك تقول لنا شنو اسبابه وليش وشصار فيكم بعدين ..؟

QTR
22-12-2004, 03:14
يا شباب الي يتكلبجون لازم يكونون اخلو بالادب او حاولو يسون مشكله اما عن القطريين انا اقولكم


راعي الجراخي مسكوه وكذاللك قطري مادري وش سو حق جمهور الكويت على طول سحبوه النظاره تحت المدرجات

لانه هذا قرار من الشيخ جاسم بن حمد اي احد يحاول يقل ادبه او يقول كلمه غلط ويعكر المباريات والبطوله جزاه الحبس

ويعطيكم العافيه

الرافدين
22-12-2004, 03:16
لهذا اتمنى ان يكون كأس الخليج فقط في قطر

الثنيان15
22-12-2004, 04:02
يا رجال هاردلك تعوضونها في المرات الجاية انشاء الله في الامارات ان كنا طيبين0000000000000000:)

الكاس لنا
22-12-2004, 04:02
اول شي .. هارد لك الكويت .. وامعوضين انشالله ;)

ترا هاذي ديرة الكويت قبل القطريين .. واحنا الصراحه كشباب قطري كنا مستانسين لاقصى درجه واحنا انشاهد الجماهير الكويتيه الراقيه جدا جدا ..

ولا كان ودنا يرجعون زعلانين .. بس ماعليه في الاخير كلنا فايزين ;)

ترا قوات الامن عندهم تعليمات قويه وصريحه بالتعامل مع الجمهور بشكل اخوي وحبي .. خاصة الضيوف .. واذا بدر من احد الاخوان في الامن اي تقصير .. فصدقوني ماهو مقصود بس عشان الضغط الجماهيري ;)

الكويتاوي
22-12-2004, 04:10
اول شي احب اشكر الجماهير القطريه المضياف صراحه ، وكانوا فعلا راقيين في تعاملهم معنا ، وطبعا الفئه القليله الضاله مانحسبها ، لان الاغلبيه كانوا مضياف وينحطون على الراس صراحه

وغير ان الاخوان الجماهير القطريه كانوا يواسونا بعد المباراة ، كان واحد من الجماهير القطريه قاعد بين الجمهور الكويتي ، جزاه الله خير بعد ما احد الجماهير الكويتيه ذكر ان في جمهور كويتي بره ماعندهم تذاكر ومحتاجين تذاكر قام الاخ وسلم الشاب الكويتي تذكرتين ، لا وغير جذي راح بره ورد بـ3 تذاكر وسأل عن الولد اللي يبي يودي التذاكر للجمهور الكويتي بره لكن ماحصله ، ووقفة رجال من الاخ القطري يشكر عليها وماهي غريبه

بالنسبه للقوات الخاصه ، اعتقد غلط اللي صار مع جماهير اخر طياره ، لكن تعاملهم معانا احنا قبل المباراة كان راقي جدا صراحه


اخوي جبر : الجماهير الكويتيه بالملعب ماوصلت لـ1000 تقولي مخصص لكم 2000 وانتوا جيتوا اكثر؟ :) لا اهني اختلف وياك ، احنا سمعنا عن 2000 تذكره لكن اللي بالملعب كانوا اقل وهالشي يحسب على اتحادنا وعلي المنظمين ايضا

سندريلا
22-12-2004, 06:45
الموضوع انتهى بس أنا سمعت ما أدري شسمه الشيخ القطري منظم البطولة ذكر ان سبب تواجد بعض من الجمهور الكويتي خارج الملعب لأن يو متأخر وبسبب الأسباب الأمنيه ماقدروا إلا يدخلون مجموعه بسيطه منهم لأن الشزط الثاني بيبدي

يعني مو لأن عدد الجمهور الكويتي أكثر من الي متاح لهم وهو 2000 على ما أظن

كـنـت احـبك
22-12-2004, 06:57
ما أدري شسمه الشيخ

الشيخ سعود بن عبد الرحمن ال ثاني

كويتيه80
22-12-2004, 07:04
كانت روح الجمهور القطري حلووه..
يعطيكهم العافيه..
و هاردلك للي مادخلواا الملعب..

المطرف
22-12-2004, 08:48
مو غريبة على قطر الخير وشعبها الراقي

الخطا يا من اتحادنا ومن العلاقات العامة بالذات اهيا الي عنت هالناس لي قطر وقطتهم على صخر

ركزوا الانتقاد على العلاقات العامة الانصاري وربعه !