المساعد الشخصي الرقمي

مشاهدة النسخة كاملة : نجم العمــيد افضل لاعب في كأس الخليج والحبسي افضل حارس والحوسني الهداف



الكويتاوي
25-12-2004, 00:48
حصل لاعب نادي الكويت والمنتخب البحريني لكرة القدم اللاعب طلال يوسف على جائزة افضل لاعب بالدوره

وسبق لطلال يوسف ان توج هدافا لدورة الخليج السابقه التي اقيمت بالكويت


الف مبروك لطلال يوسف يستاهل وعقبال مايتوج افضل لاعب بدوري ابطال العرب :)


ونال جائزة افضل حارس بالبطوله الحارس المتألق والمحترف بالدوري النرويجي ونجم الدوري الانجليزي القادم الحارس العماني علي الحبسي

وتوج العماني عماد الحوسني هدافا للبطوله برصيد 4 اهداف

الف مبروك :)

DELL
25-12-2004, 00:50
لو تكتب نجم البحرين احسن

الكويتاوي
25-12-2004, 00:52
لو تكتب نجم البحرين احسن

ماعتقد شي يزعل :) وانا ماكتبت شي غلط :) والموضوع مكتوب فيه نجم العميد ومنتخب البحرين:)

ثلاثي الأبعاد
25-12-2004, 00:54
و اللقب الاخير من قلبي ..

عمان بطلة القلوب :(

Bo Msheal
25-12-2004, 00:56
ماشاء الله 2 من عمان كبار يا الحبسي ويا الحوسني .. رفعوا راسكم انتوا ابطال ..

وياسلام عليك يا طلال يوسف فعلا امتعتنا والف مبروك تستاهل ..

DELL
25-12-2004, 00:56
ماعتقد شي يزعل :) وانا ماكتبت شي غلط :) والموضوع مكتوب فيه نجم العميد ومنتخب البحرين:)
ادري الشي مو غلط و ما يزعل .. بس اللي مشارك بهالبطوله منتخب البحرين مو العميد !!

الاعب تألق مع المنتخب مو مع العميد ..

هذي صح و هذي صح .. بس هذي افضل من الثانيه !!

رامز
25-12-2004, 00:57
مبروك لطلال والحبسي والحوسني ...

كنت اتوقع ياخذها بدر الميمني

القدساوي المحنك
25-12-2004, 00:57
يستاهلون ..

بس طلال مايستاهل .. :rolleyes:

لو وليد جاسم أحسن :cool:

الكويتاوي
25-12-2004, 00:59
ادري الشي مو غلط و ما يزعل .. بس اللي مشارك بهالبطوله منتخب البحرين مو العميد !!

الاعب تألق مع المنتخب مو مع العميد ..

هذي صح و هذي صح .. بس هذي افضل من الثانيه !!


:) يعني لازم العميد يشارك عشان اقول نجم العميد؟ :)

عموما مشكور اخوي ويحق لنا ككويتاويه نفرح بلاعبنا:)

DELL
25-12-2004, 01:04
:) يعني لازم العميد يشارك عشان اقول نجم العميد؟ :)

عموما مشكور اخوي ويحق لنا ككويتاويه نفرح بلاعبنا:)لا مو لازم .. دام جذي عيل اكتب عماد الحوسني نجم الرياض و شوف الحبسي شنو ناديه و كتبه :rolleyes:

انا قلت بردي اللي طاف ان هذي احسن من الثانيه يعني بس هذا اللي كنت بوصله .. ليش تعيد و تزيد ؟

خليجي17
25-12-2004, 01:22
يستاهلون ..

بس طلال مايستاهل .. :rolleyes:

لو وليد جاسم أحسن :cool:

ليش ما يستاهل !!!

لو تبي تتفلسف فيها

ترى حتى الحبسي ما يستاهل افضل حارس

شوف كم من قول سجلوا عليه و في حراس حافطوا على شباكهم اكثر منه


و ليد جاسم كان يستاهل جائزة افضل لاعب صاعد بس للاسف هذي الجائزة غير موجودة.


سلاااااام
:)

غلا
25-12-2004, 01:28
:

الف مبروك .. وكل لاعب خذ جائزة يستحقها عن جداره ..

:

:)


:

عرباوي عجيييب
25-12-2004, 01:31
مبرووووووووك ياعمان

اصلا الكاس عماني مو قطري :)

Qatari
25-12-2004, 01:35
صراحه انا اشوف حسين ياسر هو افضل لاعب بالبطوله

kuwaitya777
25-12-2004, 01:38
حاارس عمااان يستااهل والله :p

Barca4eveR
25-12-2004, 01:41
يستاهل والله والحبسي والحوسني بعد

khaleed
25-12-2004, 02:26
بصراحه (( حسين ياسر )) أفضل لاعب بالبطولة

وااااااااااااااالله لو مرزوق الغانم يقدم هالهدية لمحبي العميد ويتعاقد معه .. ;)

الصقر الجريح
25-12-2004, 02:30
مبروووووووووك لطلال افضل لاعب
مبرررررررروك للحبسي الكبير أفضل حارس
ومبروووووووك لعماد هداف الدورة

وأأأأأأأأأأأأأأأأااه يالحظ :(

DELL
25-12-2004, 02:31
حسين ياسر عاد !!

صدقوني مقلب .. سيد بشير البطئ احسن منه .. لا جسم و لا طول و لا تمريرات سنعه .. بس سرعه زايده .. و لما يركض يشوف الارض !! :confused:

وليد علي 2 ..

زافي
25-12-2004, 02:59
طلال يوسف والحبسي مايستاهلون .. توقعت وليد جاسم وحارس قطر محمد صقر.

الحكم
25-12-2004, 03:15
و اللقب الاخير من قلبي ..

عمان بطلة القلوب :(

اي والله يا شيخ المنتخب العماني بطل القلوب وسنظل جميعا نشجع هذا المنتخب الذي سرق الأضواء :)


وألف مبروك لأصحاب الجوائز :)

الأزرق حبي
25-12-2004, 03:21
الصراحة يستاهلون
بس صج الحظ القطري فاز على التفوق العماني
حسااااافه يا عمان :(

الحقاني
25-12-2004, 03:24
أعتقد أكثر واحد يستحق جائزة أفضل لاعب في البطولة هو

حسين (أفندي) ياسررررررر

لاعب ممتع و مؤثر و يؤدي بروح عالية!

alaseel
25-12-2004, 03:37
مبروك لطلال والحبسي والحوسني

خليجي17
25-12-2004, 03:59
خلاااااااااااااص يا شباب

الموضوع ما يحتاج لنقاش و اطالة على الفاضي

الجوائز و تم توزيعها و الطيور طارت بارزاقها

:)

Mr.Real Madrid
25-12-2004, 04:04
يستاهلون ..

الحبسي و الحوسني و طلال يوسف

افضل مافي البطوله



;) ;)

GoLcHia
25-12-2004, 04:12
مـبروك للحبـسي خـوش قـولجي ..!

tangawy
25-12-2004, 04:40
عمان بطلة القلوب :(
:11:

((عمان عمان اكسبت كأس قلوووبنا))

ابو جرّاح
25-12-2004, 04:58
يستاهلون

فلج بوصالح
25-12-2004, 05:03
يستاهلون ..

بس طلال مايستاهل .. :rolleyes:

لو وليد جاسم أحسن :cool:

اتفق معاك
الجائزة كانت لازم تكون محصورة بين 3 لا غيرهم
العماني عماد الحوسني
القطري وليد جاسم
الكويتي بدر المطوع

على اي اساس طلال يوسف يكون احسن لاعب
الصراحة كان شبه غائب في البطولة ... و هذه الصراحة و مالازم احد يزعل

فواز
25-12-2004, 10:39
صراحه انا اشوف حسين ياسر هو افضل لاعب بالبطوله
اتفق معاك بالرأي

أزرق كويتي
25-12-2004, 10:45
اختيارات غير موفقه بصراحه وطلال يوسف في وايد افضل منه خاصه بمنتخب قطر

الكويتاوي
25-12-2004, 11:02
لا مو لازم .. دام جذي عيل اكتب عماد الحوسني نجم الرياض و شوف الحبسي شنو ناديه و كتبه :rolleyes:

انا قلت بردي اللي طاف ان هذي احسن من الثانيه يعني بس هذا اللي كنت بوصله .. ليش تعيد و تزيد ؟

موملاحظ انك الوحيد اللي قاعد اتعارض؟ :) ، انا حبيت اكتب الموضوع بهالطريقه ، وبالنهايه هدف الموضوع ان توزيع الجوائز ذهبت لمنو ، وانا كتبت الحبسي وين يلعب ، وماراح اكتب الحوسني وين يلعب :) عندك مانع؟

اذا عندك اضافات وحاب اتقول الحوسني يلعب باي نادي تفضل :) المجال مفتوح لك :)

GuNNeR
25-12-2004, 11:31
يستاهلوووون :cool:

ابـ عسكر ـن
25-12-2004, 11:46
على اي اساس تم اعطاء اللاعب طلال يوسف افضل لاعب بالبطولة ؟

في السابق كان يتم اختيار افضل لاعب على اساس اكثر لاعب يتم اختياره في المباريات ..
واكثر لاعب اخذ جائزة افضل لاعب هو بدر المطوع مرتين ..
واذا انا غلطان صلحولي ..

ليش اخذها طلال يوسف وهو اخذ افضل لاعب مرة وحدة ؟!!

ياليت تفيدونا مشكورين .....

ياكويت
25-12-2004, 11:49
باعتقادي افضل لاعب حسين ياسر وافضل حارس شهاب كنكوني

busala7
25-12-2004, 14:23
على اي اساس تم اعطاء اللاعب طلال يوسف افضل لاعب بالبطولة ؟

في السابق كان يتم اختيار افضل لاعب على اساس اكثر لاعب يتم اختياره في المباريات ..
واكثر لاعب اخذ جائزة افضل لاعب هو بدر المطوع مرتين ..
واذا انا غلطان صلحولي ..

ليش اخذها طلال يوسف وهو اخذ افضل لاعب مرة وحدة ؟!!

ياليت تفيدونا مشكورين .....

talal also had it more than once... just as I predicted in another discussion.... I knew he would get it

good day everyone

مغرووم
25-12-2004, 17:26
على اي اساس تم اعطاء اللاعب طلال يوسف افضل لاعب بالبطولة ؟

في السابق كان يتم اختيار افضل لاعب على اساس اكثر لاعب يتم اختياره في المباريات ..
واكثر لاعب اخذ جائزة افضل لاعب هو بدر المطوع مرتين ..
واذا انا غلطان صلحولي ..

ليش اخذها طلال يوسف وهو اخذ افضل لاعب مرة وحدة ؟!!

ياليت تفيدونا مشكورين .....
طلال حصل على لقب افضل لاعب مرتين . امام السعودية وامام الكويت في مبارة المركزين الثالث والرابع

توزيع الالقاب به كثير من المجاملات ووالتوازنات بين الفرق ..
لو لم يفز الفريق القطري باللقب لحصل احد لاعبي منتخب قطر على جائزة احسن لاعب

الحبيب
25-12-2004, 17:45
يسـتاهلون كلهـم والله .. بالفعل الحبسي أفضل حارس والحوسني الهداف وطلال أفضل لاعب هذي فيها نظر ..

MaMa 3oDa
25-12-2004, 18:06
ماشاء الله 2 من عمان كبار يا الحبسي ويا الحوسني .. رفعوا راسكم انتوا ابطال ..

وياسلام عليك يا طلال يوسف فعلا امتعتنا والف مبروك تستاهل ..
يستاهلون ..:)

محرقيه87
25-12-2004, 18:29
طلال يوسف حصل على جائزة افضل لاعب في المباراه مرتين
بس ما يستاهل يكون احسن لاعب في البطوله وانه وحده تفاجات اللصراحه يوم عطوه الجائزه

وحتى الحبسي بعد ما يستاهل يكون احسن حارس في البطوله

ابـ عسكر ـن
26-12-2004, 00:06
مشكورين على تصحيح المعلومه ..
يمكن سووا قرعة سرية واخذها ..
يستاهل .. طلال حركة دائمة لا تهدأ ..

DELL
26-12-2004, 00:32
موملاحظ انك الوحيد اللي قاعد اتعارض؟ :) ، انا حبيت اكتب الموضوع بهالطريقه ، وبالنهايه هدف الموضوع ان توزيع الجوائز ذهبت لمنو ، وانا كتبت الحبسي وين يلعب ، وماراح اكتب الحوسني وين يلعب :) عندك مانع؟



انا قلت بردي اللي طاف ان هذي احسن من الثانيه يعني بس هذا اللي كنت بوصله .. ليش تعيد و تزيد ؟
مادري ليش تعيد الكلام !! :rolleyes:

و حلوه عباره "عندك مانع" !!

NADER
26-12-2004, 00:34
يستاهل ولدنا الكويتاوي " طلال يوسف " ألف مبروووووك . وتستاهل وين ماتروح .

وأن شاءالله تحصل أفضل لاعب في دوري ابطال العرب . مثل ما قال أخوي الكويتاوي ابو وليد .

شفيهم الناس معصبين .






.

Qatari
26-12-2004, 00:41
مع احترامي لمشجعي النجم طلال يوسف ولاكن في اعتقادي ان حسين ياسر افضل منه بكثير ولاكن قد يكون اختياره مجاملة لملك البحرين الذي كان موجود في ختام البطوله

noon
26-12-2004, 00:42
ألف مبرووك الحبسي والحوسني وطلال يوسف .. تستاهلون :cool:

اما الكويتاوية أقولكم سويتوا فينا خير الصراحة يوم طلعتوا طلال يوسف من الرفاع .. كان مأذينا في مباريات المحرق والرفاع :p ;)

الله يوفق طلال وين ما راح .. أهم شي مستواه تطور بعد الاحتراف :)

خليجي17
26-12-2004, 01:13
مع احترامي لمشجعي النجم طلال يوسف ولاكن في اعتقادي ان حسين ياسر افضل منه بكثير ولاكن قد يكون اختياره مجاملة لملك البحرين الذي كان موجود في ختام البطوله
عفوا اخوي

بس ممكن اعرف بشنو احسن من طلال ؟!؟!

طلال يراوغ و سريع و يصنع اهداف و يجيد الضربات الثابته و اضف إلى ذلك انه هداف.

حسين ياسر لاعب جيد لكن بنيته الجسدية ضعيفة و ما عنده تركيز يعني يبالغ بالمراوغة و بالآخر تنقطع منه الكرة و فوق هذا ما يجيد الضربات الثابته !!

انا الوحيد إللي عجبني في منتخبكم و راح يآخذ افضل لاعب لو استمر بمستواه في البطولات القادمة هو وليد جاسم لان و قتها طلال بكون يمكن معتزل بخليجي 19 او 20 .

و وليد مستواه احسن من حسين ياسر و بنفس الوقت يجيد الضربات الثابته.

يعني ابشر طلال يوسف الجديد هو وليد جاسم.

:)

مصري
26-12-2004, 10:45
يستاهلون ..

بس طلال مايستاهل .. :rolleyes:

لو وليد جاسم أحسن :cool:
صحيح طلال ما يستاهلش . لو مديين اللقب لوليد جاسم او حسين ياسر او بدر اليمني كان احسن

GuNNeR
26-12-2004, 10:58
ههههه حلـوه حسيـن ياسـر احسـن :D .. لاعـب وربـي عادي . سريع يراوغ اوكـي بس ماتشوفـون ان كـل يطيـح ؟؟ ومايسجـل اهـداف ؟؟ يركض ويركض ويطيـح :confused:

طلال يستاهــل ونص ونـص ونــص ;)

الكويتاوي
26-12-2004, 11:06
ديل : اي حلوه تبي اكثر منها؟ ( ترى نادر ماقولها ) :p

حفيد الروح
26-12-2004, 11:15
يستهلون والكـل يستحقها


http://www.w6w.com/w6w.php?pic=186342

تستاهل يالقمر :p

Blaugrana
26-12-2004, 13:48
اختيارات غير موفقه بصراحه وطلال يوسف في وايد افضل منه خاصه بمنتخب قطر
أنا أتفق معك ، صحيح هو لاعب جيد بس ما ظهر بمستواه الحقيقي في هذه البطولة وفي لاعبين أحسن منه