المساعد الشخصي الرقمي

مشاهدة النسخة كاملة : ياعيني شفتوا العين يا عينيه.. هذا الزعيم المكتسح عيناوي



الحر الاماراتي
07-04-2005, 09:15
أولا : أبارك لشعب الامارات على المكرمه الساميه من سيدي صاحب السمو رئيس الدوله برفع الرواتب 25% للمواطنين 15% للوافدين ..
ماهي قريبه على بو سلطان ..الله يطول عمره .. خير خلف لخير سلف

ثانيا : ابارك للزعيم الاماراتي التقدم الرهيب في التصنيف العالمي والقفزه الكبيره من المركز 327 الى المركز 184 .. عقبال القائمه المئويه يالزعيم


ثالثا : وياعيني شفتوا العين يا عينيه ..هذا الزعيم المكتسح عيناوي
الاعصار لمن سار ماهو اشويه ..يترك خصومه في وضع مأساوي

مبروك ألف مبروك للجماهير العيناويه والاماراتيه تصدر المجموعه ..

على حساب فريق كبير كالشباب السعودي .. الي اعتبره خساره للبطوله فريقين بهذا المستوى في مجموعه واحد ..

ثلاثيه ولا اروع سطرها نجوم البنفسج في القطاره

قدم نجوم البنفسج اليوم دروس في فن الكره والابداع الكروي .. من الحارس مرورا بالدفاع وخط الوسط المتألق ونهايتا بالهجوم الضارب..

اديلسون الشايب المكير..يمارس هوايته ويقنص هدفين ..

وبعد الفن الكروي الرائع الذي قدمه لابد ان يتوج المرعب سبيت خاطر بهدف صاروخي لينهي المباراه بطريقته الخاصه ..

مباره كبيره الفريقين .. لم يعكر صفوها الا الحكم القطري الذي لم يكن موفق في بعض قراراته ولكن لم تأثر على سير المباراه ونتيجتها ..

وها هو توسونامي الامارات يضرب السواحل الاسيويه .... ويا ويلكم يا اهل المحليه ;)

وصدق من قال لا توقف في وجه العين والاعصار ..تحذر توقف في وجه اذا الاعصار عيناوي




خويكم
الحر الاماراتي


تعديل المراقب ..
ياريت لو تكتفي اخوي بكلمه منقول من موقع العين
لانه ممنوع وضع روابط لمنتديات اخرى
شكرا لك :)

Fc BaRcElOnA
07-04-2005, 10:03
- تستاهلون رفع الرواتب يالاماراتيين :cool:

الحر الاماراتي .. ما اعتقد بان الحكم كان فيه شي ! :rolleyes: كان جيد و الله

غلا
07-04-2005, 10:15
\
:


ياليتني اشتغل انا الحين جان بتصير الفرحه فرحتين .. :D

بس يالله بنبارك لك على هالخبرين يا الحر .. مبروك زياده الرواتب و فوز العين .. :D

وان شاءالله يظلون بــ هالمستوى الحلو الي شفنا منهم .. ^___^

P.S

بس انا سمعت انه بيمشون رواتب بعد الطلاب المجتهدين >> ( شراتي يعني ) .. :p خبرني عن صحة هالخبر :D





:
\

سوبر ستار
07-04-2005, 12:31
مبروك لكل عيناوي ،،،

بصراحة فريق كبير وأمتعنا بلعبه

C@$h B0X
07-04-2005, 12:43
مبروك للعين بس كبيره 3 اهداف على الشباب :confused:
ويعني لازم سبيت خاطر يطلق صواريخ :p :D

مبروكين الفوز وتستاهبون :)

Mr.Real Madrid
07-04-2005, 12:51
مبروك الف مبروك للعين
نادي كبير وان شاء الله يكمل التألق الى اللقب
ومبروك عليكم زياده الرواتب .. تستاهلون

:) :)

Fc BaRcElOnA
07-04-2005, 12:56
غلا .. انتي مجتهده ؟! :D :p ;)
سوبر ستار .. الله يبارك فيك تسلم :)
cash box .. قول ماشالله بس ;)

القائد
07-04-2005, 15:42
الف .... الف مبروك لأهل العين و لأهل الامارات كلها هذا الفوز الكبير و المستحق .... فرحوتنا

ManćҢestỆг UŇiţEĎ
07-04-2005, 16:33
بس اتخرج انشالله بروح الامارات اشتغل ... :d

مبروكين تستاهلون ياحلوين ..

ومبرووك العيناويه مفخره الامارات

Paolo rossi
07-04-2005, 18:46
سبيت خاطر اسمع بشوتاته و لا اشوفها ! :rolleyes:

ممكن واحد يحط القول اذا مافيها كلافه :cool:

التشيلساوي
07-04-2005, 19:35
مبرووك للعين


و مبروك زيادة الرواتب

:) :)

7aSoOoN
07-04-2005, 20:04
الف الف مبررروك عيناوووي

مثل ما قال محلل بوظبي

(لو ما كنت عيناوي غصب عني بشجع العين)

غلا
07-04-2005, 21:21
/


والله اني مجتهد :( ماقلت اني عبقريه :o

i got 2 ( A) and 2 ( B) in this semester

يعني شو مجتهد :D

اذا ( مو ) مصدق بصورلك شهاده .. بعد :D

لاتشك بقدراتي رجاء .. يا Fc BaRcElOnA :p


Fc BaRcElOnA نسيت ابارك لك بفوز العين .. يا العيناوي .. مبروووك .. ;)


/

الحر الاماراتي
07-04-2005, 22:05
Fc BaRcElOnA

الله يبارك فيك حبيبي ..

بس والله الحكم نرفز السعوديين ..وفي قرارات ما كان لها داعي ..فريق كبير مثل الشباب خسران بثلاثيه المفروض من الحكم يتعامل بخبره وما يثير المباراه ..

الحمدلله عدت على خير .. والصداره عيناويه ..



غلا

حيالله الوحداويه .. الله يبارك في حياتج ..وفوز العين فوز الجميع :rolleyes:

والله المكرمه شملت حتى المتقاعدين ..مب بعيده تشمل الطلبه .. السنه البلاد ياينها خير تزرعلكم بدل النخل ذهـب .. اللهم لك الحمد والشكر على النعمه ..

وسمعنا ان اذا بيشملون الطلبه .. بيشملون الطلبه العيناويه فقط :D .. لانهم يستاهلون ومبيضين الويه

وهالله هالله بعماركم اليوم ,, لا تضيعون عماركم جدام الشارجه...

ويا ويلكم من العين يا ويلكم .. والله لا تتقطعون في القطاره ..

تبون الدوري ألحقوا عماركم قبل لا تيون العين .. نصيحه :p




سوبر ستار

الله يبارك فيك عزيزي .. وكلنا استمتعنا بالاداء الرائع ..وهذا هو الزعيم




cash box

حيالله راعي الاحساس ;) ..

والثلاثيه ماهي كبيره على الزعماء ... ومنكم نتعلم :D

وسبيت قلتلك الولد حاضر تدريبات الشباب ناوي على الشر .. هدف صاروخي ماركه اسبيت ..

و ان شاء الله نشوف صاروخ ثاني باستاد الملك فهد في الرياض .. والعين لابد يترك ذكرى في الرياض ولاهل الرياض ;)



Mr.Real Madrid


الله يبارك فيك عزيزي ...

وان شاء الله يكمل الزعيم المشوار .. ولازال هناك 3 مباريات هي من تحدد المتأهل ..وكلنا ثقه بالزعيم الاماراتي..

زادن الرواتب .. يا خوفنا يزيدن الاسعار :o


Tyson

الله يبارك فيك حبيبي .. يستاهل الشعب الطيب ..

وخلنا نشغل خريجينا بالاول :D ..



التشيلساوي

الله يبارك في فيك حبيبي... والله يطول بعمر بوسلطان :)




7aSoOoN

يا اخي وش حياته الي ما يكون عيناوي :D ..

بوسعود
07-04-2005, 22:23
بإذن الله اللقب اماراتي ان كان عيناوي او اهلاوي بس يعود للامارات


....
الحر:-
لو في رواتب حق الطلاب العيناويين مستعد البس كندورة بنفسجية و اتمشى في السناتر من الصبح لين آخر الليل :p


غلا:-
بيلس ادعي لج اتيبين (A) في الثلاث مواد ... بس عطيني 25% من الراتب ان جان عطوج
انتي طيبة وانا استاهل
( بشجع الوحدة جان تبين )
:p

C@$h B0X
07-04-2005, 22:34
cash box

حيالله راعي الاحساس ;) ..

والثلاثيه ماهي كبيره على الزعماء ... ومنكم نتعلم :D

وسبيت قلتلك الولد حاضر تدريبات الشباب ناوي على الشر .. هدف صاروخي ماركه اسبيت ..

و ان شاء الله نشوف صاروخ ثاني باستاد الملك فهد في الرياض .. والعين لابد يترك ذكرى في الرياض ولاهل الرياض ;)
مبروكين الفوز وتستاهلون ..
وعن سبيت عيني عليه بارده .. الشباب مافهمو جيت سبيت لمعسكرهم (ناوي صاروخ)
وعن الاياب الشباب من الافرقه اللي تستحي على وجهها بالاياب لازم يفوزون :p :D

ان شاءالله امنيتي تتحقق
العين X الهلال in درة الملاعب :rolleyes:

على فكره مدري من قالي بس اذا تاهلتم بتقابلون الاتحاد :eek:

غلا
08-04-2005, 01:02
//



الله يحيك .. يا الحــر ..

وصح فوز العين هو فوز للجميع .. وان شاءالله نشوفهم دوم بهذا المستوى الحلو :D >> انا طيبه ترى ومب متعصبه :p

الله يديم الخير علينا و على دول الخليج كلها يارب .. ,, بس شو هالتحيز .. ياخوي .. حتى في المعاشات تبا تسوي حساسيه بينا وبين جيرانا .. :p


لاتشيل همنا .. الوحدة اليوم انفرد بصداره .. :D والى الامام سر .. :D

ودوري وحداوي ..بتقول غــلا ام العريف ماقلت :D


\\

بوسعود

ههههههههه تشجيع مصلحه يعني هااا :p

انا عاد ويني وين شغل درب طويل .. باقي واايد اطمح شهادة الماجستير يا بوسعود :D

بس انت ادعي لي والله يسمع منك ويستجاب دعاك يارب .. بتكون سويت خير فيني علشان افرح امي :D وتقول حق كل الي تعرفه ( بنتي شطوره :D .. )



//

cassano
08-04-2005, 02:24
تستاهلون كل خير فوز وزيادة رواتب ... الناس الي مثلكم وشرواكم .. :cool: بس الوافدين يقلبون عليكم باجر .. اسئل مجرب .. :o


العين .. ان شاء الله ينتصر .. وترى مستواهم بتصاعد جمييل .. :cool: (محلي يستريح خلوه لأهله )

تحيياتي

Fc BaRcElOnA
08-04-2005, 02:30
غلا .. اي و الله يريت لو ادزيلي شهادتج !! :D :p ;) :cool: , الله يبارك فيج تسلمين :cool:
الحر الاماراتي .. الحكم كان سليم لا تقول حجي ماله داعي ! :D :p ;) :cool:
cash box .. صعب هفوز الشباب علينا بالاياب ! ;) :cool:
cassano .. لا تستعيل على المحليه كل شوي بوقته حلو ;)

النمر الذهبي
08-04-2005, 09:25
مبروك للعين بس كبيره 3 اهداف على الشباب :confused:
ويعني لازم سبيت خاطر يطلق صواريخ :p :D

مبروكين الفوز وتستاهبون :)

ماهي كبيرة ولا شيء
غيره خسرو بالخمسة مو ثلاثة :rolleyes:

C@$h B0X
08-04-2005, 10:57
ماهي كبيرة ولا شيء
غيره خسرو بالخمسة مو ثلاثة :rolleyes:
طيب وبعدين اهم شي مبسوط .. الموسم اللي راح البلى من المدربين
واسال اهل الامارات عن المدرب "طويل القامه شين الخشم" اديموس

وانت وش يحرك بالهلال من مسجل بالديوانيه وانت دوبك ودوبه !

ترى اقدر اتكلم عن الاتحاد انه اخذ خمس اهداف بشوط واحد وانسحبتوا :rolleyes:
واتكلم عن التاريخ بناديك .. بس مو من طبعي !

لان اهل الزعامه ما يتكلمون بغير الانجازات و البطولات :cool:

الحر الاماراتي
08-04-2005, 18:33
في البدايه يسمحلي ..اخونا القائد و باولو روسي ..ردودهم سقطت سهوا :D

وتسلم يالقائد .. وخلك عيناوي وانت دوم خوي الفرح والسعاده ;)


وابشر يا روسي .. هذا قول سبيت على النصر .. صاروخ من اكثر من اربعين يارده


http://www.zaimuaemedia.com/movie/z...1_230205_02.ram


وهذا صاروخ سبيت على الشباب السعودي

http://www.zaimuaemedia.com/movie/z...01_60405_03.ram




بوسعود

العيناويه مب من كناديرهم طال عمرك ;)

وماعليك من غلا ..هاي ال A ما تشوفها .. تلقاها كل كورس عايده ماده :D .. وحداويه وين اتييب A ,, :eek:



ام العريف ..

تتشرفين ان العين اماراتي اصلن :cool:

واخ لو العين كان كامل من اول الدوري جان علوم ..

الله يغربل الشرجاويه ..قلنا بيسوون شي .. :o

لكن وين بعدكم .. الوحده ما يفوز في خمس مباريات ;)

وين بتروحون من النصر والشعب :D

وراكم وراكم وين بتروحون :D



cash box

هلا والله بالهلالي ..
واذكر الله على سبيت لا تصكه بعين .. مب ناقصين غيابات :o

ويا بعد جبدي جاييين الرياض وعينا على الثلاث نقاط .. ناوي نسطر تاريخ البطوله من الرياض :cool: ..


وان شاء الله يجي يوم ونشوف الهلال والعين باستاد الملك فهد .. وبتلقاني اول واحد بالملعب :D

عاد انتم صيروا رجال واتأهلوا للاسيويه .. واتركوا عندكم البطوله العربيه ما منها فايده



cassano

تسلم حبيبي .. والعين ان شاء الله ما يخيب الرجا .. لا في اسيويه ولا محليه .. وان راحت المحليه تراه معذور الي جاه ما هو اشويه .. لكن العين عودنا يقاتل لين الجوله الاخيره .. وهذا عشمنا فيه كجماهير عيناويه ..



Fc BaRcElOnA

ما عليك من غلا .. وحداويه حدها دبلوم :D .. وياحليلها تبا الماجستير بعد ..هذا مثل الي يقولك الوحده بيفوز بالبطوله الاسيويه :eek: :D :p

وفديت خشمك ..مب العيناويه الي يتكلمون عن الحكام ..تسمعون يا الي فوق :rolleyes:



النمر الذهبي

نحن والهلاليين حبايب .. فلا تحاول تصطاد في الماي العكره..

والهلال زعيم ويبقى زعيم لو يخسر بالعشره ... الزعامه ما تجي من مباراه

وألعب غيرها ..

غلا
09-04-2005, 02:39
هههههههههههههه الحين بيعطونا انذار و سبه خروجنا من النص .. :D

ياخي خلاص لاتصدقون . انا ايب F ... << عن العين اللهم يا كفي .. :eek:

دخلو دراسه في الكوره .. وختلط الحابل في النابل . :o

ماريد اعاشي .. خلاص :o

Fc BaRcElOnA
09-04-2005, 02:41
غلا .. لا يبا الله يوفقج انشالله و تييبين 7 A :cool:
الحر الاماراتي .. مالك شغل في غير الشارقه موجودين ;) اذا طافوا الشارقه فـ ماراح يطوفون غيرهم ;)

ابو شهد
14-04-2005, 21:38
مبروك الفوز على الشباب السعودي ياليت الموقف يسمح لي بالوعيد في الرياض لكن صدق مع وجود النادي الإيراني ومباراتنا معه في إيران وصغر سن لاعبينا كلها أسباب منطقيه تجعلني أقوووووووول ألف مبروك للعين وعقبال التأهل بس ترى قدامكم فريقين مو سهلين راح أتوعد فيهم وأنا مطمئن ولهم الاتحاد والثاني الأهلي



وأكرر


ألف مبروك الزيادة والمستوى الممتاز للفريق العيناوي مستوى مطمئن والإستاد الجديد من تقدم إلى مثله يا أهل الإمارات العزيزة

فعلا الحكم كاد أن يفسد المباراة

النمر الذهبي
14-04-2005, 23:12
النمر الذهبي

نحن والهلاليين حبايب .. فلا تحاول تصطاد في الماي العكره..

والهلال زعيم ويبقى زعيم لو يخسر بالعشره ... الزعامه ما تجي من مباراه

وألعب غيرها ..




الحق على اللي يرفع معنوياتكم :p

صحيح تذكرت انكم بعد مافزتم على الهلال بخمسة اكلتم خمسة مادري ستة من الفريق الكوري :D

علشان كذا كلكم في الخمسات سوا

الله يهنيكم

لكن وين بتروحون حدكم فريق من كوريا يصككم بخمسة وتخرجون شر خروج ...

Fc BaRcElOnA
15-04-2005, 02:29
النمر الذهبي .. عفووا احنا ابطال الاسيويه قبل سنتين و مطلعين فرق احسن من الفرق الكوريه , العين هذيل عيب ينطقون بالـ 5

C@$h B0X
15-04-2005, 14:13
النمر الوردي ..
موعيب تنهزم بخمسه او سته في مباراة .. ومستواك وقتها طايح
العيب انه يدخل في مرماك 5 اهداف بشوط واحد وتنسحبون .. صح كلامي ولا لأ

الناس تفكر بالبطولات .. وانت انهزمتم من علان وفلان
اهل العقول في راحه

والحمدالله مافيني عقدة النقص

النمر الذهبي
15-04-2005, 16:37
الناس تفكر بالبطولات .. وانت انهزمتم من علان وفلان
اهل العقول في راحه
-------------

شكلك ناسي ان الاتحاد هو اخذ الكأس في هذه البطولة

C@$h B0X
15-04-2005, 16:49
اوه صح !؟ متى هالكلام .. بالبطوله السابقه ..
اتكلم عن الوضح الحالي ..

من بعد ما اخذاوا كاس اسيا ومستواكم طايح .. حاولوا تركزون على النادي
اكثر من المؤتمرات و اعتزال 5/5/2005 ذكرتونا لـ 9/9/1999

,,

النمر الذهبي
16-04-2005, 15:27
والله عاد انت اللي تقول الناس يتكلمون عن البطولات وانا قلت اخر بطولة للاندية الاسيوية علشان اصير مثل الناس اللي تتكلم عن البطولات

وبعدين اتكلم عن البطولة السابقة افضل من اللي يتكلم عن بطولات قبلها بسنين ويقول زعيم اسيا على هذا الاساس

خلنا في الحاضر والوقت الحالي مثل ماتقول

C@$h B0X
17-04-2005, 04:03
طيب خلاص اخذتوا كأس اسيا .. مبروك عليكم ,,
بس قصدي من كلامك من بداية الموضوع
انك ماسك ان الهلال انهزم .. الخ
كأن مافيه الا هالفريق اللي انهزم !


وياليت ان كل واحد يركز بفريقه احسن

النمر الذهبي
17-04-2005, 09:29
الله يبارك فيك

C@$h B0X
17-04-2005, 16:06
وان شاءالله كأس اسيا 2005 يكون سعودي ^_~

عيناوي متعصب
18-04-2005, 19:44
النمر الذهبي...الهلال زعيم الانديه السعوديه غصبن عن خشمك وخشم غيرك...

انتو جايبين امس البطوله الاسيويه قمتوا تقولون نحن الابطال .. يا حبيبي العين يوم خسر من فريق كوري كان في كبوه كان مدربنا الان بيراان ما يعرف وين الله حاطه..واقول شي يالنمر..اتمنى اذا اتأهلنا انشالله نتقابل معاكم وبنشووف يا حلوو..لكن انصحك اذا تقابلنا اغسل ايدك بماي وصابون تراه الكاس عيناوي...وبعدين الاتحاد خذ الكاس لانه استغل كبوه الكبار لا اقل ولا اكثر وبعدين الواحد ما يعتز ببطوله وحده بسس.. رونا شطارتكم بالبطوله الاسيويه هاي...حبيبي والله


بس اقول حق كاش بوكس:((وش على الذيب من صراخ الياعده :cool: ))

النمر الذهبي
19-04-2005, 00:55
ياعيناوي متعصب

لاتتحمس زيادة عن اللزوم


واخاف انه تحصل كبوة هذه المرة ايضا ومدربكم يعيد نفس السيناريو ... وترجع السنة الجاية تعيد نفس الكلام وتقول كانت كبوة

واذا الاتحاد استغل كبوات الكبار وفاز بالكاس فهذا ماهو ذنبنا .. لنا نتأهل للنهائي وماعلينا باللي يطيح بكبوة واللي يصل .. هذي هي الكورة

النمر الذهبي
19-04-2005, 00:59
كلامك هذا غريب:

"انتو جايبين امس البطوله الاسيويه قمتوا تقولون نحن الابطال"

من اللي في رأيك المفروض يكون بطل اندية اسيا ؟؟
اللي يفوز بالبطولة الي قبل الماضية ؟
والاتحاد سبق وحقق بطولة سابقة ايضا يعني ماهي المرة الاولى

النمر الذهبي
21-04-2005, 01:39
كيف الحال :D

عيناوي متعصب
21-04-2005, 01:45
اصلا هاي البطوله اول مره خذها العين يعني اول مره خذها العين كيف يعني خذها من قبل انته تحلم يالحبيب...



واذا تباني اذكرك بأول تذكر يوم كان الاتحاد السعودي ويانا في دورة الخليج اللي فاز فيها العين ...؟؟؟؟


تذكر يوم نهينا البطوله قبل لا تنتهي نهيناها وكانت باقتلنا مباراة ويا الاتحاد السعودي..؟؟؟;)


الهلال السعودي هوه زعيم الانديه السعوديه وكلمته هيه الكبيره ...

يا عيني عليك يالهلال قاهرنهم وربي...:D

النمر الذهبي
21-04-2005, 04:18
اصلا هاي البطوله اول مره خذها العين يعني اول مره خذها العين كيف يعني خذها من قبل انته تحلم يالحبيب...


لكن نحن نتكلم في الحاضر الى الان البطولة باسم الاتحاد
وحنا فيها الان الاتحاد موجود والعين موجود ورونا شطارتكم ورجعوها

واذا انت من الي يحبون يتكلمون عن الماضي فاحب اقول شي
انا اول ماعرفت العين عرفته في مباراة لعبها مع اهلي جدة وخسرها 5-0
وهذا الوقت ماكان فيه شي اسمه كرة اماراتية وكانت فرق الامارات وعمان محطة استراحة

هذا اذا كنت تبغانا نتكلم في الماضي

السحابة 9
21-04-2005, 13:02
ما أدري ليش كل واحد طايح تنقيص في فريق الثاني ............


الاتحاد والعين كلهم كبار ............


العين بطل دوري أبطال آسيا الأولى والإتحاد بطل الثانية ...........

بس صراحة يا عيناوي ياليت تفهمني شقصدك إن الإتحاد استغل كبوة الكبار ............


العام الماضي الإتحاد كان كبير الكبار بدون منازع في كأس آسيا ..........


طلع الفريق اللي هزم العين بأربعة ولحقه بالفريق اللي هزم الشارقة بستة وخمسة ...........


لا وهزمه على أرضه 5-0 فما أدري ايش تقصد إنه استغل كبوة الكبار .............

عيناوي متعصب
21-04-2005, 15:03
استغل كبوه الهلال السعودي .. اللي خسر على الشارجه 5/2 ... انا كنت واثق انه بيتأهل .. وكنت متأكد انه العين ما بياخذ البطوله والمدرب الان بيران موجود عندنا..(يوم كان موجود المدرب الان بيران كنا سادس الدوري العام))..خسرنا جدام الشعب اللي يمر بحاله صعبه .. وخسرنا بسبت تكتيكه الفاشل .. وانصدمت يوم جفت الهلال انهزم بهاي التاريخيه..الاتحاد كان من افضل الافرقه السعوديه .. لكن كبوه الهلال السعودي والعين الاماراتي وداليان الصيني كانو في كبوه..العين كان يمر بضروف لا تسر صديق ولا عدو .. المدرب والاجانب كلهم دون المستوى .. يمكن غرور الاعبين..داليان اول مره اشوفه بها الشكل .. الهلال الله يعينهم انشالله ..
الاتحاد كان يمر في افضل حالاته .. وكان يستحق البطوله ..

النمر . لكن العين ما انهزم في الشوط الاول خمسه وانسحب ...:eek:

عيناوي متعصب
21-04-2005, 15:12
وهاي هديه للنمر وانشالله تعجبك




http://www.alrage.com/upload/uploads/abo%20omr2004.gif


يا عيني على الاهلي السعودي

GuNNeR
21-04-2005, 15:48
الموضـوع وايـد خـذى حقـه ..

والردود اطلعـت عـن الموضـوع وايـد ..

مغلـق