المساعد الشخصي الرقمي

مشاهدة النسخة كاملة : ماجد والعويران والهريفي يدخلون قائمة أفضل لاعبي آسيا



Insan
17-04-2005, 06:04
ماجد والعويران والهريفي يدخلون قائمة أفضل لاعبي آسيا

جدة: عوض الرقعان

وضع الاتحاد الدولي لتأريخ وإحصاءات كرة القدم لاعب النصر والمنتخب السعودي ماجد عبدالله في المرتبة الثالثة لأفضل لاعبي آسيا خلال 100 عام، وحل لاعب الشباب سعيد العويران في المركز السادس، ولاعب النصر فهد الهريفي في المركز 27 في القائمة التي ضمت 30 لاعباً.

وإضافة للسعوديين الثلاثة جاء العراقي أحمد راضي في المركز التاسع، والكويتي فيصل الدخيل في المركز 14 والإماراتي عدنان الطلياني في المركز 30.

وبقي الحارس السعودي محمد الدعيع الحارس رقم 1 في آسيا تلاه الإيراني ناصر حجازي.

وكان حظ عرب إفريقيا أفضل في الظهور ضمن قائمة أفضل اللاعبين حسب ذات الاتحاد، حيث حل الجزائري الأخضر بلومي في المركز الرابع، تلاه مباشرة مواطنه رابح ماجر، فيما جاء المغربي أحمد فراس تاسعاً، والمصري محمود الخطيب في المركز 11، والمغربي عزيز بودرباله في المركز 15، والتونسي طارق ذياب في ذات المركز مكرر، والمصري إبراهيم يوسف في المركز 19 ومعه المغربي العربي بن بركة، ثم المصري طاهر أبوزيد في المركز 23، والمصري علي أبوجريشة في المركز 28.

:cool:

السحابة 9
17-04-2005, 11:22
وتتوالى الإنجازات .............

مبروك للوطن ولماجد والدعيع والعويران والهريفي ............

paulo-love
17-04-2005, 11:31
لاعبين اعتدو على حكم ما توقفو و فوق هذا يصيرون افضل لاعبين باسيا و الثاني محد ينسى فضيحته مع الغشيان الي استبعدو من المنتخب صج اتحاد يعرف شلون يجامل

عـ9ـالمي
17-04-2005, 12:16
طيب منهو المركز الاول ؟؟ المفروض ماجد المركز الاول .. مافيه مهاجم مر على اسيا مثله

ومبروك للدعيع حصوله على افضل حارس .. اتمنى يحافظ على تاريخه الكبير ويعتزل اللعب الدولي .. مستواه في تراجع..

السحابة 9
17-04-2005, 12:54
لاعبين اعتدو على حكم ما توقفو و فوق هذا يصيرون افضل لاعبين باسيا و الثاني محد ينسى فضيحته مع الغشيان الي استبعدو من المنتخب صج اتحاد يعرف شلون يجامل



ألف ألف مبروك لنا هالإنجاز ...............

حنا بنفرح بهالانجازات وخل بعض الناس (يعرفون نفسهم) يموتون قهر ..............

paulo-love
17-04-2005, 13:34
ألف ألف مبروك لنا هالإنجاز ...............

حنا بنفرح بهالانجازات وخل بعض الناس (يعرفون نفسهم) يموتون قهر ..............



كفو والله اذا افتخر بلاعبين ما عندهم اخلاق يا راب لاتبلينا :rolleyes:

عاشق هالبلد
17-04-2005, 13:55
paulo-love

على فكرة حبيبي ، لا تخليني افتح صفحة اخلاقيات الاعبين ... ;) علشان راح

تقرا شئ ما راح يعجبك ..... ;) :)


++ مبرووووك للوطن

السحابة 9
17-04-2005, 14:08
كفو والله اذا افتخر بلاعبين ما عندهم اخلاق يا راب لاتبلينا :rolleyes:




بعض الناس ميتين قهر وااااااااااااااااااااااااااااااااااااااااااااااااو

بسنا إنجازات يا عالم وااااااااااااااااااااااااااااااااااااااااو

ارحموا اللي في بالي يا عالم وااااااااااااااااااااااااااااااااااااااو

صراحة أنا أطالب لاعبينا السعوديين بالتوقف عن الانجازات علشان اللي في بالي ما يموت قهر وااااااااااااااااااااااااااااااااااااااااااااااااا ااااااو

AC-Milany
17-04-2005, 14:38
مبروك لكل السعوديين و الخليجين على الأنجاز




ماجد عبدالله و الهريفي يستاهلون الصراحه لكن العويران ما يستاهل



في لاعبين ظلمو لكن التاريخ يسطر إنجازاتهم مثل يوسف الثنيان و سامي الجابر من السعوديه و أحمد الطرابلسي, فتحي كميل و جاسم يعقوب من الكويت و حمود سلطان من البحرين و منصور مفتاح من قطر



الدعيع حارس إعلامي و برأي الخاص في الكثير أفضل منه



السحابه 9:



أتمنى إنك ترتقي إشويا بردودك

فيصل السعودية
17-04-2005, 15:46
ألــف مبروك

ومن تقدم إلى تقدم ياوطــن !


بوعبود دوم رافـع راسنـا فوق .. بعدي والله ياماجد :)


والدعيـع برضوا حـارس إسطوري , لكن مستواه الحالي سيء للأسف , لكن كمشوار وإنجازات .. مافوقه شي .. !


وبرضوا الموسيقار فهـد .. لاعب كبير


يكفيه الهدف اللي سجله في مرمى ريال مدريد ..






الأخ paulo-love

عصير الليمـون تراه مفيد لك في أوقات الإنجازات السعوديه , ومع كل إنجــاز سعودي أنصحك بإعداد عصير ليمون .. وحبة [ بندول إكسترا ] .. !

أسمح لي أخوي .. لا أستسيغ مناقشة المتعصبين أمثالك , والذين لايرون الأشياء إلا بعينٍ واحدة .. ويعتقدون دائمـاً أنهم الصواب دومـاً .. !


يا أخي الكريم , الإتحاد الدولـي لماذا إختار مارادونـا لاعب القرن في بلاده وفي العالم أيضاً , على الرغم من إنحطاط أخلاقـه .. !

هل مستوى أخلاقه منـع الفيفا والناس من الإعتراف بفنــه وموهبته وعبقريتـه !


عنــدك يوسف الثنيان .. ترى عليه حركات في بداياته :) يسوي نفسه فنان زمانه , كان يدق عـود :p بس يظل هاللاعب أسطورة في بلاده ..


وخذ عندك بيليه .. تراه كان داشر في ساوباولو .. ومعذب بنات البرازيل أيام الخمسينات .. !

C@$h B0X
17-04-2005, 15:49
مبروك لنا هالانجاز ..
مع ان فيه اكثر من لاعب انظلموا حتى انهم افضل من بعض الموجودين ,, الثنيان و الجابر ..

paulo-love
وش فيك محتر !؟

السحابة 9
17-04-2005, 15:50
[b]السحابه 9:

أتمنى إنك ترتقي إشويا بردودك


[SIZE=4]وانا كنت اتمنى انك تكون عادل ............

والا يمكن ما شفت اللي انكتب ...........


او انك تطبق المثل : انا واخوي على ابن عمي


على اي حال شكرا على النصيحة ولو اني كنت اتمنى منك الانصاف ...........

C@$h B0X
17-04-2005, 18:49
[b][size=5]
الدعيع حارس إعلامي و برأي الخاص في الكثير أفضل منه



الله يازمن الدعيع صار حارس اعلامي ,,
اذا طاح الجمل كثرت سكاكينه ...

النمر الذهبي
17-04-2005, 19:35
معروف ان ماجد عبدالله هو اخطر هداف مر على تاريخ الكرة السعودية والاسيوية وكان مجرد حظوره يثير الرعب في اي دفاع لما يتميز به من المكر والدهاء والهدوء ... وهو اكثر لاعب يعرف اقصر الطرق للمرمى بعيدا عن الفلسفة التي نشاهدها من مهاجمين الوقت الحاضر

وفي رأيي انه ظاهرة من الصعب ان تتكرر في الملاعب السعودية

اما العويران فبصراحة لا يمكن ابدا اعتباره من المميزين
لكن يمكن هدفه في بلجيكا في كأس العالم هو اللي اعطاه شهرة اكبر من مستواه واللي كان متابع للدوري يعرف انه اقل بكثير

انا العويران والجمعان ماهم داخلين مزاجي ولا يمكن اتصور انهم لاعبي كرة قدم ليش مادري .... لكن تحس انهم يلعبون بدون تفكير ؟؟؟!!!!

أسياد آسيا
17-04-2005, 19:55
ماجد عبدالله يستاهل الأول بصراحة

واللي كان يقارن ماجد بفيصل الدخيل اقوله شوف الاحصاء وشوف الفرق
فيصل الدخيل 14 وماجد 3


ماجد عبدالله و الهريفي يستاهلون الصراحه لكن العويران ما يستاهل

الله يادنيا الحين سعيد العويران ما يستاهل ؟!!
نسيت هدفه الشهير على بلجيكا في نهائيات كأس العالم 1994
ونسيت هدفه الشهير على الارجنتين في نهائي كأس القارات 1993
ونسيت هدفه عليكم في تصفيات كاس العالم :D

AC-Milany
17-04-2005, 21:00
الأخ الفاضل سحابه 9 :

أنا صح كويتي لكن معظم أهلي سعوديين و أصلي من الأحساء و أحب أقولك إنا السعوديه في قلبي دايمآ و المثل أنا و أخوي على ولد عمي ما يتطبق علي لأنا أولاد عمي سعوديين!

Paulo Love رده حيل عنيف ..كان ممكن يعقب على العويران بأخف من هذي اللهجه بس إنتا الله يهديك و يهدي الكل قلبتها كويت و سعوديه!

أحب أقولك إنه إنجازات السعوديه يفرح فيها كل كويتي و خليجي لأنا بالأخير أكثر من أهل و أخوان

الرياضه إنشاء الله ما تفرق بينا

هلالي كويتاو
17-04-2005, 21:26
لاعبين اعتدو على حكم ما توقفو و فوق هذا يصيرون افضل لاعبين باسيا و الثاني محد ينسى فضيحته مع الغشيان الي استبعدو من المنتخب صج اتحاد يعرف شلون يجامل

يمكن الاخ ناسي فصيحه مساعد ندا..;)

سوبر ستار
18-04-2005, 00:55
يستاهلــون ،،، فعلا ً يستاهلون هالمراتب المتقدمـة آسيويـا ً

وبإذن الله الجيل الحالي للأخضـر يحقق مثلهم وأكثــر

النمر الذهبي
18-04-2005, 01:51
يعني نريد ارائكم بحيادية وعقل

هل فعلا سعيد العويران يستحق المركز السادس على قارة اسيا ... وفي نفس الوقت نجد فهد الهريفي 27 معقولة واحمد راضي 9 ؟؟؟ ليش احنا مالنا عقول نفكر

لاحظوا السادس على قارة اسيا خلال 100 سنة !!!

وفي الحقيقية لو صنفنا اللاعبين على مستوى السعودية فقط وليس اسيا ... سعيد العويران ماراح ياخذ المركز السادس لو قطع نفسه مليون قطعة .. بالكثير عليه المركز العشرين

والمسألة ماهي هدف او هدفين او ثلاثة ... الكلام عن مستوى عام على فترة طويلة

السحابة 9
18-04-2005, 11:05
الأخ الفاضل سحابه 9 :

أنا صح كويتي لكن معظم أهلي سعوديين و أصلي من الأحساء و أحب أقولك إنا السعوديه في قلبي دايمآ و المثل أنا و أخوي على ولد عمي ما يتطبق علي لأنا أولاد عمي سعوديين!

Paulo Love رده حيل عنيف ..كان ممكن يعقب على العويران بأخف من هذي اللهجه بس إنتا الله يهديك و يهدي الكل قلبتها كويت و سعوديه!

أحب أقولك إنه إنجازات السعوديه يفرح فيها كل كويتي و خليجي لأنا بالأخير أكثر من أهل و أخوان

الرياضه إنشاء الله ما تفرق بينا



اول شئ يا اخوي شكرا على اسلوبك الراقي ............


ثاني شئ ما عندي أي شك بقوة العلاقة بيننا وبين اخواننا في الكويت .............


وثالث شئ ما ادري شلون فهمت انت انني قلبتها السعودية والكويت لانني ما ذكرت شئ مثل هذا في أي رد بس يمكن انت فهمتها غلط ...........


على أي حال انا اعتذر اذا زعلتك والله لا يجيب الزعل .............

paulo-love
18-04-2005, 12:53
(................................................. .............)

AC-Milany
18-04-2005, 14:31
السحابه 9 : الله يسلمك على الرد الجميل و شكرآ على توضيحك و إنشاء الله ما أزعل على كره

Paulo-Love:

أفضل حارس مر علينا أهوا أحمد الطرابلسي و جنسناه و نفس الحال لجاسم يعقوب البصاره و مؤيد لفته الحداد



مافيها شي و مو ممنوع التجنيس ..كاهو زيدان و تورام و بلاتيني مو أصلهم فرنسي و نفس الشي مارادونا أصله مو أرجنتيني!! إوقفت على ماجد عبدالله؟

هلالي كويتاو
18-04-2005, 16:21
بس ما ادري وين الثنيان؟؟!!

هلالي كويتاو
18-04-2005, 16:25
(...........)

(.....................)

بس وين المراقبين من هذي الردود؟!؟!

ولا يستغربون ويتفاجئون اذا صارت مشاكل!!

Mehmet Scholl
18-04-2005, 16:42
يستاهل النجم الكبير ماجد عبدالله اسطورة الكرة السعودية:)

ballack_q8i
18-04-2005, 18:01
المشكلة ان مو حاطين جاسم يعقوب !!
ومخلين العويران احسن من الدخيل

والله اعتقد ان مو بس اشاعة اعتقد ان تألييييييف

النمر الذهبي
18-04-2005, 18:12
(...................)

(................)
الناس وين وانتم والعالم وين :eek:

هذا اللي العرب فالحين فيه الاصل والفصل والكلام .. لكن اذا جا الجد صارو مثل النعام لدرجة ان الواحد منهم يخاف يتأهل لكأس العالم علشان مايخسر بنتايج كبيرة

والله اني اتمنى الكويت تتأهل ونشوفها تلعب مع فرنسا او حتى نيجريا ونشوف منتخبهم الخردة كيف يتصرف وكيف يلعب ؟؟
خطة 9-1-0
او خطة 9-0-1

اختاور وحدة منها :p

aljazar
18-04-2005, 18:22
الهريفي يدخل القائمة والثنيان برة :confused:

النمر الذهبي
18-04-2005, 18:22
انتم ايام ماجد عبدالله يلعب كنتم تجهزون 3 مدافعين لمراقبته ومع هذا كله لا بد يسجل في فيكم هدف على الاقل

الاخضر
18-04-2005, 21:00
السحابه 9 : الله يسلمك على الرد الجميل و شكرآ على توضيحك و إنشاء الله ما أزعل على كره

Paulo-Love:

أفضل حارس مر علينا أهوا أحمد الطرابلسي و جنسناه و نفس الحال لجاسم يعقوب البصاره و مؤيد لفته الحداد



مافيها شي و مو ممنوع التجنيس ..كاهو زيدان و تورام و بلاتيني مو أصلهم فرنسي و نفس الشي مارادونا أصله مو أرجنتيني!! إوقفت على ماجد عبدالله؟

:D :D :D خلاص يالسحابة 9 أعتقد انه خذ بثارك من الي في بالك :D :D :D
بس احب اقوله شي بعد...كفو انت تنتقص من قدر ماجد والهريفي والعويران الي حرثوا الملاعب حرث وأدخلوا الرهبة في قلوب الخصوم ورفعوا الكؤوس وتوشحوا الذهب مرات ومرات في شرق اسيا قبل غربها ؟ يعني ممكن تقارنهم مثلا بالفقارى المساكين علي دائي وعزيزي وكريمي ;) الي ما لامست أيديهم الذهب ولا يحلمون يشوفونه ما غير انجاز وحيد حققوه في خلال ربع قرن وهو التاهل الصعب العسير لنهائيات كاس العالم 98 عقب ما صفوا كالعادة خلف الاخضر ثم انطقوا من اليابان، وامام استراليا جاء الفرج في الدقايق الاخيرة من عمر المباراة وتاهلوا بما يشبه المعجزة :eek: :D :D

ballack_q8i
18-04-2005, 21:12
الصراحة مو عادل الترتيب
معقولة ماجد احسن من فيصل الدخيل وجاسم يعقوب ؟؟؟
معقولة العويران احسن من فيصل الدخيل و جاسم يعقوب ؟؟؟ !!!

معقولة الهريفي احسن من اي لاعب كويتي من العصر الذهبي ؟؟؟!!!!

AC-Milany
18-04-2005, 21:30
هذا كلام واحد من العصر الحجري :D .. الى الان انت عايش في خرافة "اصله وفصله"
الناس وين وانتم والعالم وين :eek:

هذا اللي العرب فالحين فيه الاصل والفصل والكلام .. لكن اذا جا الجد صارو مثل النعام لدرجة ان الواحد منهم يخاف يتأهل لكأس العالم علشان مايخسر بنتايج كبيرة

والله اني اتمنى الكويت تتأهل ونشوفها تلعب مع فرنسا او حتى نيجريا ونشوف منتخبهم الخردة كيف يتصرف وكيف يلعب ؟؟
خطة 9-1-0
او خطة 9-0-1

اختاور وحدة منها :p

صراحه ردك مو و اقعي و إستفزازي

المنتخب اللي تقول عنه خرده فاز على السعوديه في الكثير من المناسبات ..هل معناته إنه المنتخب السعودي خرده بعد؟؟؟؟؟؟

أنا أقول المنتخبين مستواهم متقارب و يحتاجون للتطوير و الكثير من الأعداد لكن ما أقول عنهم "خرده"

نعم السعوديه أنجزوا الكثير لكن الكويت كان ند و منافس و ما خلى السعوديه تنجز الألقاب بكل سهوله!
طبعآ نفس الشي صاير معا الكويت : السعوديه طول عمرها ند و منافس للكويت و ما خلت الكويت تظفر بألقابها بسهوله!

بوجود هذي المنافسه الشريفه, الفريقين راح يتطورون و تأهل السعوديه أو الكويت للنهائيات شرف لكل الخليجين

ballack_q8i
18-04-2005, 23:13
والله اني اتمنى الكويت تتأهل ونشوفها تلعب مع فرنسا او حتى نيجريا ونشوف منتخبهم الخردة كيف يتصرف وكيف يلعب ؟؟
خطة 9-1-0
او خطة 9-0-1

أحسن ما نخسر 8-0 ومع الرأفة ونك نيمي ياب عليك جم قول ؟؟؟ :p
اب 3 مباريات 12 قول عليكم + هجومكم إذا كان عندكم هجوم بذيج البطولة ما شات ولا شوتة عالحراس يعني كانوا مخيمين الفرق اللي تباريكم عند منطقة جزاءكم
الحمدالله احنا ما نتأهل ولا إن نتهزء حبيب قلبي بالثمانية

GianLuCa
18-04-2005, 23:25
معروف ان ماجد عبدالله هو اخطر هداف مر على تاريخ الكرة السعودية والاسيوية وكان مجرد حظوره يثير الرعب في اي دفاع لما يتميز به من المكر والدهاء والهدوء ... وهو اكثر لاعب يعرف اقصر الطرق للمرمى بعيدا عن الفلسفة التي نشاهدها من مهاجمين الوقت الحاضر
!

روح .. أسأل ماجد عبدالله .. قوله اي احسن انت ولا جاسم يعقوب وسمع رده بذنك مو بقلبك !!

وعلى فكره استضافوه القناه الثالثه الكويتيه .. في قصة مباراه .. قال اتعلم من جاسم يعقوب :cool:

وهذا مايقلل من قيمة ماجد عبدالله .. ما انكر ان هداف مميز .. لكن بوحمود غير :cool:

وشي غريب .. عويران احسن من الدخيل ؟! الي اختروه في 82 لنجوم العالم ! ويا مرادونا :confused:


والله اني اتمنى الكويت تتأهل ونشوفها تلعب مع فرنسا او حتى نيجريا ونشوف منتخبهم الخردة كيف يتصرف وكيف يلعب ؟؟
خطة 9-1-0
او خطة 9-0-1

اختاور وحدة منها :p


همم .. شلون لعبتو بكاس العالم ؟! 4/2/4 ولا 4/3/3 ؟! يوم اخذتو الثمانيه ؟! :confused:


احترم السعوديين .. ولكن البعض مادري شلون !!

الاخضر
19-04-2005, 00:37
والله اني اتمنى الكويت تتأهل ونشوفها تلعب مع فرنسا او حتى نيجريا ونشوف منتخبهم الخردة كيف يتصرف وكيف يلعب ؟؟
خطة 9-1-0
او خطة 9-0-1

أحسن ما نخسر 8-0 ومع الرأفة ونك نيمي ياب عليك جم قول ؟؟؟ :p
اب 3 مباريات 12 قول عليكم + هجومكم إذا كان عندكم هجوم بذيج البطولة ما شات ولا شوتة عالحراس يعني كانوا مخيمين الفرق اللي تباريكم عند منطقة جزاءكم
الحمدالله احنا ما نتأهل ولا إن نتهزء حبيب قلبي بالثمانية

أعرف منتخب (الله يستر عليه) بمباريتين وديتين مع منتخبين اوروبيين أستقبل بكل سعة صدر 15 قول، ولا والمشكلة انهم مو مكتفين ويبون يوصلون علشان الفضيحة الودية تصير رسمية عالمية وال 15 تصير 30 :D

أسياد آسيا
19-04-2005, 01:02
أعرف منتخب (الله يستر عليه) بمباريتين وديتين مع منتخبين اوروبيين أستقبل بكل سعة صدر 15 قول، ولا والمشكلة انهم مو مكتفين ويبون يوصلون علشان الفضيحة الودية تصير رسمية عالمية وال 15 تصير 30 :d

هذا منتخب الكويت صح ؟
لأنه لعب مع البرتغال وفازت البرتغال 8 - 0
ولعبت مع ألمانيا وفازت ألمانيا 7 - 0

النمر الذهبي
19-04-2005, 01:18
تراكم ازعجتونا بفيصل الدخيل هذا
انا متأكد لو لعب في هذا الوقت ماراح يسوي شي
هذا واحد من عصر السبيعنات وشطارته بس في كأس الخليج اللي ماكان احد داري عنها غير الخلجيين

كأس اسيا مرة واحدة على ارضكم
وتاهل مرة واحدة لكاس العالم
وكلها قبل اكثر من 22 سنة !!!
يعني جات اجيال وراحت اجيال وانتم ماسكين على الدخيل ويعقوب

وبعدين معذورين

يمكن ماحد يعرفهم علشان كذا سقطوا سهوا مع تعاقب السنوات والاجيال والقرون ههههههههههههههههههه

GianLuCa
19-04-2005, 01:46
النمر الذهبي

لول .. فيصل الدخيل يوم كان يلعب كان يغنون عليكم "حيو السعودي بواربعه" !

فيصل الدخيل .. حط قول في كاس العالم على تشيكسلوفاكيا .. من 40 يادره !

فيصل الدخيل يكفيه لعبه في نجوم العالم بجوار مرادونا ..


انا ماعندي مانع اقول اني خسرت ودي من البرتغال 8 ومن المانيا 7 ! .. وقول ان منتخبي مستواه هابط ..

لكنبعض مشجعين السعوديه الي مالهم بلكره لاناقه ولا جمل .. يحسبون ان منتخبهم فعل المستحيل .. وتفوق على اسيا بكل شي..

يليت فيهم واحد يقول ! منتخبي دش كاس العالم ثلاث مرات ! مره وحد فلح فيها ..!
ومرتين .. الله يعلم شلون تبهدل .. :rolleyes:

لو السعوديه مسويه مثل كوريا .. وصايره رابع العالم ؟! جان جمهوركم طلب نقل يلعبون تصفيات ويا امريكا الجنوبيه !!


كلامي ماينطبق على الكل في مشجعين سعودين محترمين انفسهم وعارفين قدرهم .. وهذول على العين والراس :)

الاخضر
19-04-2005, 02:01
هذا منتخب الكويت صح ؟
لأنه لعب مع البرتغال وفازت البرتغال 8 - 0
ولعبت مع ألمانيا وفازت ألمانيا 7 - 0

الله يهديك يا أسياد اسيا تراك زعلتني...ربنا أمر بالستر :cool:



تراكم ازعجتونا بفيصل الدخيل هذا
انا متأكد لو لعب في هذا الوقت ماراح يسوي شي
هذا واحد من عصر السبيعنات وشطارته بس في كأس الخليج اللي ماكان احد داري عنها غير الخلجيين

كأس اسيا مرة واحدة على ارضكم
وتاهل مرة واحدة لكاس العالم
وكلها قبل اكثر من 22 سنة !!!
يعني جات اجيال وراحت اجيال وانتم ماسكين على الدخيل ويعقوب

وبعدين معذورين

يمكن ماحد يعرفهم علشان كذا سقطوا سهوا مع تعاقب السنوات والاجيال والقرون ههههههههههههههههههه

لا ياأخ "النمر الذهبي" ما سقطوا سهوا ولا شي بس كل السالفة أن الفيفا ما يعترفون باي انجازات او بطولات حصلت في القرون الوسطى :3:

أسياد آسيا
19-04-2005, 03:50
1- فيصل الدخيل .. حط قول في كاس العالم على تشيكسلوفاكيا .. من 40 يادره !

2- فيصل الدخيل يكفيه لعبه في نجوم العالم بجوار مرادونا ..

3- انا ماعندي مانع اقول اني خسرت ودي من البرتغال 8 ومن المانيا 7

4- يليت فيهم واحد يقول ! منتخبي دش كاس العالم ثلاث مرات ! مره وحد فلح فيها ..!
ومرتين .. الله يعلم شلون تبهدل ..



1- سعيد العويران سجل هدف على الارجنتين من 40 ياردة في نهائي كأس القارات عام 93
فؤاد أنور سجل هدف على هولندا من اكثر من 40 ياردة في نهائيات كأس العالم 1994
سعيد العويران تلاعب خمس لاعبين بلجيكيين من بداية الملعب الى ان سجل هدف في نهائيات كأس العالم 1994
فهد الهريفي سجل هدف في ريال مدريد قذيفة لا تصد ( مشتبه هل هو الهريفي أو ماجد ياليت احد يصحح لي لو كنت غلطان )
مرزوق العتيبي سجل هدفين ولا احلى في البرازيل في كأس القارات

2- حسين عبدالغني لعب مع منتخب نجوم العالم عام 1998

3- لعبنا ودية مع البرازيل بس خسرنا 1 - 0 واضعنا ضربة جزاء
لعبنا ودية مع انجلترا وتعادلنا 0 - 0 واضاع ابراهيم السويد فرصة ما تضيع كنا بنفوز عليهم
لعبنا ودية مع السينغال وفزنا عليهم 1 - 0
لعبنا وديتين مع الاورغواي وفي الاولى فزنا 3 - 2 وايضا في الثانية فزنا 3 - 2

4- لعبنا في كاس العالم ثلاث مرات مرة كنا مبدعين
والثانية نتايجنا مقبولة وخسارة فرنسا 4 - 0 تكون مقبولة اذا عرفنا ان فرنسا فازت على البرازيل 3 - 0 بالنهائي
المرة الثالثة خساراة كبيرة بس ظروف خاصة بحتة لم يعلم بها احد حتى الان والامير سلطان قال انه صارت مشكلة في الفندق لهذا السبب كانت النتائج سلبية

Insan
19-04-2005, 04:09
فؤاد أنور سجل هدف على هولندا من اكثر من 40 ياردة في نهائيات كأس العالم 1994


على المغرب...

:)



مرزوق العتيبي سجل هدفين ولا احلى في البرازيل في كأس القارات


تنعد على اصابع اليد الوحده ان يسجل هدفين على البرازيل في مباراه واحده...!

:cool:




لعبنا ودية مع انجلترا وتعادلنا 0 - 0 واضاع ابراهيم السويد فرصة ما تضيع كنا بنفوز عليهم


1ـ1 في الرياض 88 م

0ـ0 في ويمبلي 98 م

:cool:




لعبنا ودية مع السينغال وفزنا عليهم 1 - 0


3ـ2

:)

أسياد آسيا
19-04-2005, 04:37
على المغرب...

:)



تنعد على اصابع اليد الوحده ان يسجل هدفين على البرازيل في مباراه واحده...!

:cool:




1ـ1 في الرياض 88 م

0ـ0 في ويمبلي 98 م

:cool:




3ـ2

:)

شكرا على التصحيح
لا تلومني فيني النوم وعندي محاظرة من الصبح والى الان ما نمت :D

النمر الذهبي
19-04-2005, 05:03
طيب انا عندي سؤال

طالما ان المنتخب الكويتي افضل ليش مايتاهل مكان السعودية ؟
مع اليابان وكرويا وايران

حتى لما جاتهم الفرصة للتاهل عام 2002 بسبب عدم مشاركة كوريا واليابان في التصفيات ماشفناها تأهلت ؟!

على ماذا يدل هذا ؟

انا متأكد انه لو اعطو قارة اسيا 7 مقاعد ماراح تتاهل الكويت ..

لاحد يزعل هذه الحقيقة ... صحيح السعودية مستواها انخفض من بعد 2002 لكنها مرحلة عدم توازن وبدأت تعود من جديد
لكن الكويت من منتصف الثمانينات ومستواها في النازل وماتفوز غير في كأس الخليج .. حتى انديتها مانسمع بها في المسابقات الاسيوية !!!!!

يعي باختصار الكرة الكويتية كانت ايام السبعينات مع بداية دورة الخليج فقط ووصلت قمة مستواها في بداية الثمانينات وفازت بكأس اسيا 80 ووصلت لكأس العالم 82 .... وبعدها بدأ العد التنازلي يعني كانت مجموعة تلعب ومع اعتزالهم انتهى كل شي

ومعروف ان الاندية هي دليل قوة الكرة في اي بلد .. اين الاندية الكويتية من المنافسات القارية او حتى العربية ؟؟؟؟؟

قبل فترة شفت نادي كويتي يخسر بستة اهداف من فريق ايراني !!!!

النمر الذهبي
19-04-2005, 05:18
لول .. فيصل الدخيل يوم كان يلعب كان يغنون عليكم "حيو السعودي بواربعه" !



هههههههه هذا الكلام قبل 25 سنة يمكن من ايام الغوص عندكم ههههههههههههه
الاربعة اللي اتذكرها هي اربعة سنغافورة 84 يوم تبهذلتو تحت المطر ووقتها كنتم حاملين اللقب ... مشكلة والله حامل اللقب جاي يدافع عن لقبه ويخسر بأربعة !!

وانا متأكد ان هذه الاربعة هي اللي غيرت مسار الكرة الكويتية :p

أسياد آسيا
19-04-2005, 05:26
هههههههه هذا الكلام قبل 25 سنة يمكن من ايام الغوص عندكم ههههههههههههه
الاربعة اللي اتذكرها هي اربعة سنغافورة 84 يوم تبهذلتو تحت المطر ووقتها كنتم حاملين اللقب ... مشكلة والله حامل اللقب جاي يدافع عن لقبه ويخسر بأربعة !!

وانا متأكد ان هذه الاربعة هي اللي غيرت مسار الكرة الكويتية :p

ليش رحت بعيد 84
اقرب شي اربعة البحرين في خليجي 16
واربعة كوريا في كاس اسيا 2004

سمعت ان الهند فازت على الكويت بالثلاثة
مادري هل هي نكته ام حقيقة ؟ ياليت احد يوضح لي لو سمحتوا :)

ballack_q8i
19-04-2005, 08:28
1- سعيد العويران سجل هدف على الارجنتين من 40 ياردة في نهائي كأس القارات عام 93
كأس القارات منو يطالعه غير السعوديين ؟؟

فهد الهريفي سجل هدف في ريال مدريد قذيفة لا تصد ( مشتبه هل هو الهريفي أو ماجد ياليت احد يصحح لي لو كنت غلطان )
جم النتيجة بالنهاية ؟؟؟

مرزوق العتيبي سجل هدفين ولا احلى في البرازيل في كأس القارات
تحبون الثمانيات الظاهر انتو جنه النتيجة بالنهاية 8-2

3- لعبنا ودية مع البرازيل بس خسرنا 1 - 0 واضعنا ضربة جزاء
لعبنا ودية مع انجلترا وتعادلنا 0 - 0 واضاع ابراهيم السويد فرصة ما تضيع كنا بنفوز عليهم
لعبنا ودية مع السينغال وفزنا عليهم 1 - 0
لعبنا وديتين مع الاورغواي وفي الاولى فزنا 3 - 2 وايضا في الثانية فزنا 3 - 2
ودية مو رسمية لو رسمية جان اقل نتيجة هي 8

4- لعبنا في كاس العالم ثلاث مرات مرة كنا مبدعين
والثانية نتايجنا مقبولة وخسارة فرنسا 4 - 0 تكون مقبولة اذا عرفنا ان فرنسا فازت على البرازيل 3 - 0 بالنهائي
المرة الثالثة خساراة كبيرة بس ظروف خاصة بحتة لم يعلم بها احد حتى الان والامير سلطان قال انه صارت مشكلة في الفندق لهذا السبب كانت النتائج سلبية
الاولى - احسن منتخب شارك بكاس العالم وشرف الكرة العربية
الثانية - زفت
الثالثة زفت الزفت

ballack_q8i
19-04-2005, 08:32
ومعروف ان الاندية هي دليل قوة الكرة في اي بلد .. اين الاندية الكويتية من المنافسات القارية او حتى العربية ؟؟؟؟؟
وين أسبانيا عن كأس العالم

سمعت ان الهند فازت على الكويت بالثلاثة
مادري هل هي نكته ام حقيقة ؟ ياليت احد يوضح لي لو سمحتوا
حقيقة بس ودية مو رسمية لو رسمية جان شفت اللعب انتو تحبون تفوزون بالوديات وتخسرون بالثمانية بالرسميات

مو انتو حدكم الوديات وكاس العالم 2006 اذا تاهلتو
ركز على اذا

تتمنون تطبون بمجموعة ألمانيا

ballack_q8i
19-04-2005, 08:40
أعرف منتخب (الله يستر عليه) بمباريتين وديتين مع منتخبين اوروبيين أستقبل بكل سعة صدر 15 قول، ولا والمشكلة انهم مو مكتفين ويبون يوصلون علشان الفضيحة الودية تصير رسمية عالمية وال 15 تصير 30
الحمدالله انك قلتها على لسانك ان وديتين وليست رسميتين

تراكم ازعجتونا بفيصل الدخيل هذا
انا متأكد لو لعب في هذا الوقت ماراح يسوي شي
هذا واحد من عصر السبيعنات وشطارته بس في كأس الخليج اللي ماكان احد داري عنها غير الخلجيين
انت لو تلعب بداله راح تاخذ بطولات العالم كلها
والله ان الكابتن ماجد مالكم مايوصل نص مستواه

كأس اسيا مرة واحدة على ارضكم
وتاهل مرة واحدة لكاس العالم
وكلها قبل اكثر من 22 سنة !!!
يعني جات اجيال وراحت اجيال وانتم ماسكين على الدخيل ويعقوب
واذا كانت من 22 سنة يعني شنو !!!
انتو شوفو منتخبكم الحين بس مقطع السما

واللي يتكلم عن فضيحة مساعد ندا ترا اقوله هم انا عندي فضيحة ياسر القحطاني بتليفوني حبيب قلبي

النمر الذهبي
19-04-2005, 09:05
واذا كانت من 22 سنة يعني شنو !!!

يعني انه من هذا التاريخ ومافيه بطولات رسمية
قول لي اي بطولة للكويت غير دورات الخليج

مو شرط المنتخب الاول
الشباب او حتى الناشئيين كم مرة وصلوا كأس العالم وكم مرة اخذوا كأس اسيا ... كم مرة لعبوا على نهائي للشباب او الناشئين ؟ ؟
مافيه اي شي ابدااااااااااااا يعني حتى عمان والبحرين وقطر افضل منكم في هذه الناحية

انا اقول هذا الكلام مو تحدي ولكن اوضح لكم الوضع الحقيقي للكرة الكويتية وانتم بنفسكم عارفينه والكلام عن الماضي مايفيد

ballack_q8i
19-04-2005, 09:12
يعني انه من هذا التاريخ ومافيه بطولات رسمية
قول لي اي بطولة للكويت غير دورات الخليج
يعني كأس آسيا مو بطولة رسمية !!

أسياد آسيا
19-04-2005, 09:46
كأس القارات منو يطالعه غير السعوديين ؟؟
كأس القارات كل العالم تطالعه لانها بطولة رسمية ومعتمد من قبل الاتحاد الدولي لكرة القدم
والدليل على قوتها ان كل المنتخبات تشارك بكامل نجومها
البرازيل لعبت بكامل نجومها ما ينقص منهم ولا لاعب حتى روماريو على وقته لعب وريفالدو ورونالدو ورونالدينو
والارجنتين بكامل نجومها وأظن ماراداونا شارك في بطولة 93



فهد الهريفي سجل هدف في ريال مدريد قذيفة لا تصد ( مشتبه هل هو الهريفي أو ماجد ياليت احد يصحح لي لو كنت غلطان )
جم النتيجة بالنهاية ؟؟؟

النتيجة 3 - 1 لريال مدريد يعني نتيجة جيدة بالنسبة لفريق اول مرة يشارك في بطولة عالمية وفريق تاريخة مرصع بالذهب العالمي



مرزوق العتيبي سجل هدفين ولا احلى في البرازيل في كأس القارات
تحبون الثمانيات الظاهر انتو جنه النتيجة بالنهاية 8-2

نعم النتيجة النهائية كانت 8 - 2
لكن لاحظ في ذاك الوقت ناااادر ما يسجل منتخب على البرازيل
ذاك الوقت ما كان منتخب يقدر يوصل منطقة الـ 18 للبرازيل لكن رغم ذلك سجلنا هدفين على ( ديدا )



3- لعبنا ودية مع البرازيل بس خسرنا 1 - 0 واضعنا ضربة جزاء
لعبنا ودية مع انجلترا وتعادلنا 0 - 0 واضاع ابراهيم السويد فرصة ما تضيع كنا بنفوز عليهم
لعبنا ودية مع السينغال وفزنا عليهم 1 - 0
لعبنا وديتين مع الاورغواي وفي الاولى فزنا 3 - 2 وايضا في الثانية فزنا 3 - 2
ودية مو رسمية لو رسمية جان اقل نتيجة هي 8

ودية ورسمية ما تفرق ... ليش يعني الرسمية نلعب عشان نفوز والودية لعب عيال ؟؟
كل منتخب يبي يفوز لان المباراة راح تسجل في التاريخ
طيب اذا احنا خسرنا من البرازيل 1 - 0 في ودية وعلى قولتك لو رسمية ما تقل عن 8
اجل اذا حسبناها على كذا انتوا خسرتوا من البرتغال 8 - 0 في ودية اها يعني لو كانت رسمية +8
ياساتر بتكون النتيجة 16 - 0 ..... زين احنا احسن منكم طلعنا ;)
مع العلم ان احنا لعبنا رسمية مع البرازيل وخسرنا 3 - 0 والنتيجة كانت 0-0 الى اخر ربع ساعة وبعدها تم طرد محمد الخليوي وجائت الثلاثة أهداف من الجهة اللي كان فيها الخليوي



4- لعبنا في كاس العالم ثلاث مرات مرة كنا مبدعين
والثانية نتايجنا مقبولة وخسارة فرنسا 4 - 0 تكون مقبولة اذا عرفنا ان فرنسا فازت على البرازيل 3 - 0 بالنهائي
المرة الثالثة خساراة كبيرة بس ظروف خاصة بحتة لم يعلم بها احد حتى الان والامير سلطان قال انه صارت مشكلة في الفندق لهذا السبب كانت النتائج سلبية
الاولى - احسن منتخب شارك بكاس العالم وشرف الكرة العربية
الثانية - زفت
الثالثة زفت الزفت
اذا المشاركة الثانية زفت
اجل انتوا مشاركتكم اللي قبل 22 سنة زفت الزفت لانكم ما فزتوا ولا تعادلتوا
على الاقل احنا تعادلنا مع جنوب افريقيا وكنا بنفوز بس في اخر دقيقة احتسب الحكم ركلة جزاء لجنوب افريقيا




سمعت ان الهند فازت على الكويت بالثلاثة
مادري هل هي نكته ام حقيقة ؟ ياليت احد يوضح لي لو سمحتوا
حقيقة بس ودية مو رسمية لو رسمية جان شفت اللعب انتو تحبون تفوزون بالوديات وتخسرون بالثمانية بالرسميات
هههههههههههههههههههههههههههههه
قبل شوي تعايرنا ان احنا خسرنا من البرازيل في ودية وتقولي هذي ودية
والحين تقول خسرنا من الهند لانها ودية
لاحظ الفرق بين البرازيل والهند
على فكرة مرة في التلفزيون فيه برنامج وذكر ان لعبت البرازيل مع الهند ( اذا ماني غلطان )
المهم النتيجة كانت للبرازيل 31 - 0 :eek:
يعني اذا لعبتوا انتوا مع البرازيل الحين بتكون النتيجة 32 - 0 :D :D :D

كشكول
19-04-2005, 09:49
(............................)
ترى قبل كم اسبوع سمعت انكم عطيتوا جاسم يعقوب الجنسيه والله الفشيله رجال رافع اسم منتخبكم وجاحدينه لمدة ثلاثين سنه وتوكم تعطونه الجنسيه

ballack_q8i
19-04-2005, 11:20
ترى قبل كم اسبوع سمعت انكم عطيتوا جاسم يعقوب الجنسيه والله الفشيله رجال رافع اسم منتخبكم وجاحدينه لمدة ثلاثين سنه وتوكم تعطونه الجنسيه
لا تألف

نعم النتيجة النهائية كانت 8 - 2
لكن لاحظ في ذاك الوقت ناااادر ما يسجل منتخب على البرازيل
ذاك الوقت ما كان منتخب يقدر يوصل منطقة الـ 18 للبرازيل لكن رغم ذلك سجلنا هدفين على ( ديدا )
أصلا كان منتخب البرازيل بذاك الوقت ماكان مشارك بفريقه الأول كان رونالدينهو صغير و ديدا ماكان حارس البرازيل الأول كان الحارس الأساسي ماركوس اللي شارك بكاس العالم 2002 يعني لعبتو صد الصف الثاني بالبرازيل وخسرتو 8-2 ومستانس عالنتيجة الله يعينك اب حياتك

ودية ورسمية ما تفرق ... ليش يعني الرسمية نلعب عشان نفوز والودية لعب عيال ؟؟
كل منتخب يبي يفوز لان المباراة راح تسجل في التاريخ
طيب اذا احنا خسرنا من البرازيل 1 - 0 في ودية وعلى قولتك لو رسمية ما تقل عن 8
اجل اذا حسبناها على كذا انتوا خسرتوا من البرتغال 8 - 0 في ودية اها يعني لو كانت رسمية +8
ياساتر بتكون النتيجة 16 - 0 ..... زين احنا احسن منكم طلعنا
مع العلم ان احنا لعبنا رسمية مع البرازيل وخسرنا 3 - 0 والنتيجة كانت 0-0 الى اخر ربع ساعة وبعدها تم طرد محمد الخليوي وجائت الثلاثة أهداف من الجهة اللي كان فيها الخليوي
ودية يا حبيب قلبي المدرب يجرب لاعبين يعني عادي لو خسرنا ماراح تهم ماراح تأثر اب بطولة ولا شي قاعد يجرب خطط

اذا المشاركة الثانية زفت
اجل انتوا مشاركتكم اللي قبل 22 سنة زفت الزفت لانكم ما فزتوا ولا تعادلتوا
على الاقل احنا تعادلنا مع جنوب افريقيا وكنا بنفوز بس في اخر دقيقة احتسب الحكم ركلة جزاء لجنوب افريقيا
احنا تعادلنا ضد منتخب تشيكوسلوفاكيا وكنا متقدمين 1-0 وهما يابو بلنتي مشكوك في صحته
وخسرنا من انجلترا 1-0
وخسرنا من فرنسا 4-1

هههههههههههههههههههههههههههههه
قبل شوي تعايرنا ان احنا خسرنا من البرازيل في ودية وتقولي هذي ودية
والحين تقول خسرنا من الهند لانها ودية
لاحظ الفرق بين البرازيل والهند
على فكرة مرة في التلفزيون فيه برنامج وذكر ان لعبت البرازيل مع الهند ( اذا ماني غلطان )
المهم النتيجة كانت للبرازيل 31 - 0
يعني اذا لعبتوا انتوا مع البرازيل الحين بتكون النتيجة 32 - 0
حبيبي انتوا خسرتوا من البرازيل 8-2 بقبل النهائي مال كأس القارات واللي رونالدينهو اعتقد صار الهداف بسبب الدعيع فيها

خل الوديات لكم والرسميات لنا

على فكرة يالسعوديين :
بوقت العصر الذهبي لمنتخبنا كان فيه كويتيين بوقت رمضان او الحج يسافرون السعودية بالسيارات يعتمرون فاللي بالحدود يؤخرون الكويتيين تدرون ليش ؟

على شان فيصل الدخيل و بوحمّود(جاسم يعقوب) وقهرهم للكرة السعودية بتلك الفترة كانت أقل شي نتيجة تكون 2-0
وأذكر في تصفيات كأس العالم فيصل الدخيل لعب وهو مريض في انفلونزا ضد منخبكم وياب قولين وفزنا 2-0 ووين بالسعودية

هذا غير فتحي كميل و عبدالعزيز العنبري و و و و و . .. ... ... . .. . .. ..

بخيت
19-04-2005, 11:40
خلوووووووه يتهنى بافراحه ... زماااااااااااان ما داوى جرااااحه

يا الربع ليش النقاش وش جاب القمر للنجوووووووووووووم :rolleyes:

يكفي من سبع مرات تأهلنا لكأس اسيا فزنا بالكاس اربع مرات ومرتين المركز الثاني ومره بدون مركز

يعتبر بحد ذاته انجاز :cool:

والي ما يعرف ماجد يشوف هدفه بالصين سواااااااااهم شوربه مثل ما قال محمد رمضان
وعميد لاعبين العالم يااااااااااااااااناس :)

يا عااااااااااااااالم شوفوا التصنيف العالمي والسعوديه

الهريفي موسيقااااااااااااااااااار لن ينجب الخليج ولا اسيا مثله

اهاااااااااااااه العويران يكفيه هدف بلجيكا

والي ما يطوووووووووووول العناب حامض عنه يقووووووووووووول :D

في النهايه الي حده الخليج لا يحلم بالعااااااااااااااالم واسيا يكفيه كاس ابو ست نجمات ههههههههههه :D :D

امووووووووووووووووووووت يا السعودي والله

في النهااااااااااااااااااايه

انشاااااااااااااااااااااااااااااااااااااااااااء الله الاخضر والازرق في طائرة الاير باص الى المانيا

نوااااااااااااااااف

GianLuCa
19-04-2005, 13:15
ترى قبل كم اسبوع سمعت انكم عطيتوا جاسم يعقوب الجنسيه والله الفشيله رجال رافع اسم منتخبكم وجاحدينه لمدة ثلاثين سنه وتوكم تعطونه الجنسيه

جاسم يعقوب البصاره ! .. ابوه اول شرطي بلكويت ! .. توىمعطينه الجنسيه ؟! وبيت اهله بنزهه بأحد ارقى مناطق الكويت .. :confused: من وين تألف اخبار انت .. من أبطك ؟!

وبعدين بتخيل ان كلامك صح خيال بس عشان لا ازعلك .. ترى الجنسيه الكويتيه عزيزه ! ماتنعطى حق اي واحد .. ياما مثلو الكويت ! وماخذو جنسيه لأن مايستحقونها ! مو على اساس واحد يحطلي قول اروح اعطيه جنسيه ! شنو اسم البلد لعبه ؟


أسياد آسيا

شلون تبيني ارد عليك ونص معلوماتك غلط وصحهها انسان جزاه الله خير:rolleyes:

عموما ردي على الكل .. موبس عليك .. الكويت قدمت نجوم يستحقون اكثر واهمهم ثلاثه (فيصل وجاسم وفتحي) .. وسأل لاعبين السعوديه الي عاصروهم ;)


ولكني ماشككت بهمية لاعبين السعوديه "الهريفي" أستاذ اعتبره ويعجبني .. او عويران او اي احد ثاني مثل ماقعد يسون الاعضاء السعودين :rolleyes: يقولي جاسم وفيصل لاعبين عاديين :o

ياشين التعصب العمي .. وياشين الي مايعرف قدر نفسه .. :o

ballack_q8i
19-04-2005, 13:39
ما خلا لي شي الكابتن بويول على شان ارد
كفيت ووفيت يا بويول

Insan
19-04-2005, 15:56
puyol-27 ,ballack_q8i:

الله يعينكم على انفسكم...

:rolleyes:

GianLuCa
19-04-2005, 16:01
ولكني ماشككت بهمية لاعبين السعوديه "الهريفي" أستاذ اعتبره ويعجبني .. او عويران او اي احد ثاني مثل ماقعد يسون الاعضاء السعودين :rolleyes: يقولي جاسم وفيصل لاعبين عاديين :o




كلامي ماينطبق على الكل في مشجعين سعودين محترمين انفسهم وعارفين قدرهم .. وهذول على العين والراس


:) Insan ..

امين يعيني على نفسي .. الدنيا مو بخير .. والشيطان موجود .. والذنب سهل .. يعني ممكن انا ادخل الموضوع وتفلسف .. وبعدين اقلل من قدر نفسي .. وكون بحاجه إلى هذا العون الالهي ..

يالله تعيني على من زاغت قلوبهم .. وعميت ابصارهم ..

يارب تشفي اخوانى مرضى القلوب قبل .. مرضى الاجسد ..

امين

ballack_q8i
19-04-2005, 16:08
Insan
آمين والله يعين جميع المؤمنين على أنفسهم

paulo-love
19-04-2005, 16:08
هذا منتخب الكويت صح ؟
لأنه لعب مع البرتغال وفازت البرتغال 8 - 0
ولعبت مع ألمانيا وفازت ألمانيا 7 - 0


http://redsky.vip.sina.com/fifa2002/misc/germany_8_0_saudi_arabia.jpg

:rolleyes:

Bo Msheal
19-04-2005, 16:45
مغلق .. وسيتم اتخاذ الاجراء اللازم بحق بعض الردود !