المساعد الشخصي الرقمي

مشاهدة النسخة كاملة : سؤال الى المهتمين بكرة القدم السعوديه ..



اساهيم
22-04-2005, 04:18
فيه سؤال رياضى ويمكن قديم بعض الشى ..

ولكن صار عليه جدال ومراهنات وهو متى فازت السعوديه بكاس العالم للناشئين فى الدوره التى اقيمت باسكوتلندا..

اتمنى احد يفيدنا بالتاريخ بالضبط ..

MoonSun
22-04-2005, 04:35
ولا يهمك اخوك مرجع ...

1989

واذا تبغى اليوم والشهر ماعندي مانع..

بس مين اللي تراهنو ومين اللي تجادل على التاريخ..؟؟؟

Insan
22-04-2005, 04:37
في اسكتلندا 1989 م.

اذا كنت انت الفايز بالرهان عطني حلاوة الفوز...

:)

Che Guevara
22-04-2005, 04:46
احلى صوره :)

http://www.fifa.com/images/cms/static/U17_1989.jpg


هذا الرابط بالإنجليزي وفيه معلومات مختصره عن البطوله والنهاءي

http://www.fifa.com/en/comp/U17/tournament/0,6288,U17-2005-21,00.html

MoonSun
22-04-2005, 04:53
البطوله بدت من10/6 وانتهت 24/6 /1989

وهذا الرابط فيه كل التفاصيل اللي تبغاها مباريات و نتائج :

http://www.fifa.com/en/mens/comp/U17PrevTournaments/0,5877,2-U17-1989,00.html (http://)

سعودي أنا
22-04-2005, 04:59
وان بغيت اهداف منتخبنا في النهائي انا حاظر
والمباراة انتهت بالاشواط الاصلية والاضافية 2-2
بعد ما كان متقدمة اسكتلندا 2-0 في الشوط الاول لكن الاخضر ادرك الهدف الاول ثم تلاه التعادل في الشوط الثاني وحسمت المباراة بركلات الترجيح

عميد السعــودية
22-04-2005, 05:20
http://www.saff.com.sa/ara_pages/Youth.htm

MoonSun
22-04-2005, 05:24
وهذي يابعدي تشكيله المنتخب السعودي :

1- محمد الدعيع (حارس)
2-سليمان الرشودي
3- عدنان عبدالشكور
4- عارف بو رشيد
5- عبدالله الحمدي
6- خالد الرويحي ( الله يرحمه)
7- سعود الحمالي (كابتن)
8- جبريت الشمراني
9- وليد الطرير
10-سالم سرور
11- عبدالله الثنيان

الاحتياط:
شاكر شجاع(حارس)
خالد الصويلح(حارس)
عبدالله الاحمدي
منصور الموسى
فؤاد انور
محمد التمياط


ياعيني على الخدمات ...شي يشق اللي:)

سعودي أنا
22-04-2005, 05:35
6- خالد الرويحي ( الله يرحمه)



يا ساتر توني ادري ان هالاعب متوفي
من متى وش سبب الوفاة ؟ :(

Insan
22-04-2005, 06:10
مقتطف مما قاله الفيفا, ركز على ما بالاحمر:


A glance at the semi-final line-up is enough to tell you that 1989 was the year of surprises. No one in their right mind would have bet on a last four of Saudi Arabia, Bahrain, Portugal and Scotland - and if they had they would still be rich today!

لم يكن احد ليراهن على تأهل هذه المنتخبات الاربعه لنصف النهائي...

:o

Bahrain caused one of the biggest upsets in the history of the competition by knocking out Brazil in a penalty shoot-out.

احدثت البحرين واحده من اكبر المفاجأت في تاريخ البطوله باخراجها للبرازيل بضربات الترجيح...

:cool:

ndeed, the enormity of that exploit seemed to get to them in their remaining games and they had to be content with a fourth-place finish. Any team with a young Luis Figo in its ranks had a chance, and so it was for Portugal, whose third-place finish showed they were worthy European champions. It could have been better but the Iberians came up against a pumped-up home side in their semi-final clash.

اشاره لوجود فيغو مع البرتغال...

:rolleyes:

Portugal were out and the Scots were in the Final, where they went down on penalties to the valiant Saudis.

خرجت البرتغال وتأهلت سكوتلندا للنهائي حيث هزمت من قبل البواسل السعوديين...

:cool: :cool: :cool:

النمر الذهبي
22-04-2005, 06:13
صحيح المنتخب السعودي حقق كأس الناشئين واللي كان وقتها تحت 16 سنة
لكن لم نستفيد من ذلك لأن بعض اللاعبين كانت اعمار غير قانونية
واكبر دليل هو الكابتن سعود الحمالي كان في ذلك الوقت طالب جامعي يعني عمره على الاقل 19 سنة !!!

وبعدها بدأ الاتحاد السعودي في التقيد بالسن القانوني في المنتخبات السنية

ونفس الشي منتخب البحرين كانت اعمارهم غير قانونية وكان واضح الفرق بينهم وبين بقية المنتخبات الاخرى

وهذا اللي ساهم في تحقيق نتائج غير متوقعة

المدريدي
22-04-2005, 06:26
مون سن

اشفيك معصب!:d

رافع الراس
22-04-2005, 06:36
صحيح المنتخب السعودي حقق كأس الناشئين واللي كان وقتها تحت 16 سنة
لكن لم نستفيد من ذلك لأن بعض اللاعبين كانت اعمار غير قانونية
واكبر دليل هو الكابتن سعود الحمالي كان في ذلك الوقت طالب جامعي يعني عمره على الاقل 19 سنة !!!

وبعدها بدأ الاتحاد السعودي في التقيد بالسن القانوني في المنتخبات السنية

ونفس الشي منتخب البحرين كانت اعمارهم غير قانونية وكان واضح الفرق بينهم وبين بقية المنتخبات الاخرى

وهذا اللي ساهم في تحقيق نتائج غير متوقعة

اتمنى انك تصحح معلوماتك :)
لا تجزم على اشاعة اطلقها بعض الحاقدين ;)

النمر الذهبي
22-04-2005, 06:59
ماهي اشاعة
هذه حقيقة
يعني ممكن تسأل سعود الحمالي عن عمره الان ... اذا قالك 32 سنة او اقل ساعتها يكون معاك حق وانها اشاعة

لكن احب اقول شيء انا متأكد منه زمان قبل هذه البطولة وفي مباريات الدوري كان الحمالي يلعب في الفريق الاول للنصر واسمع المعلق دائم يردد انه طالب جامعي في جامعة الملك سعود

الحق حق .. والصراحة راحة وماهو عيب الواحد يغلط ويصحح غلطه

وبعدين مو كل واحد قال شي قلتوا حاقدين وحاسدين ومادري ايش ... هذا زمن انتهى

وفعلا الاتحاد السعودي بعدها بدا يتقيد بالسن القانوني لأنه عرف ان النتائج المؤقتة مالها فايدة

عـ9ـالمي
22-04-2005, 15:56
ماهي اشاعة
هذه حقيقة
يعني ممكن تسأل سعود الحمالي عن عمره الان ... اذا قالك 32 سنة او اقل ساعتها يكون معاك حق وانها اشاعة

لكن احب اقول شيء انا متأكد منه زمان قبل هذه البطولة وفي مباريات الدوري كان الحمالي يلعب في الفريق الاول للنصر واسمع المعلق دائم يردد انه طالب جامعي في جامعة الملك سعود

الحق حق .. والصراحة راحة وماهو عيب الواحد يغلط ويصحح غلطه

وبعدين مو كل واحد قال شي قلتوا حاقدين وحاسدين ومادري ايش ... هذا زمن انتهى

وفعلا الاتحاد السعودي بعدها بدا يتقيد بالسن القانوني لأنه عرف ان النتائج المؤقتة مالها فايدة

اكره شي عندي ..يجيك واحد مواليد 1410 ماهو فاهم شي ويقول مغالطات انتشرت كاشاعه في الاعلام ..

القصه الحقيقيه غيررر .. لها علاقه باصدار شهادات الميلاد والتواريخ المتبعه بالسعوديه.. والفرق بين الهجري والميلادي..

ولكن بعد ان درس الفيفا القضيه .. حسب الانجاز للسعوديه ومعترف فيه بالفيفا.. وادخل على صفحة الفيفا تلقاه مكتوب..

ياكويت
22-04-2005, 17:16
الكويت حصلت على كاس العالم للشرطه وكانو اغلب الاعبين بالمنتخبات العالميه موجودين بتلك البطوله عام 1980 اما بالنسبه للناشئين فعمان ابدعت بكاس العالم للناشئين واليمن اعتقد ايضا ابدعت بتلك البطوله واخيرا الامارات ابدعت بكاس العالم للناشئين مع العلم ان افضل لاعب بالعالم للناشئين بفتره من الفترات كان لاعب عماني

النمر الذهبي
22-04-2005, 19:07
والله العظيم انت اللي مانت فاهم شي ياعالمي

سعود الحمالي ووليد الطرير كانوا يلعبون للفريق الاول بالنصر من ايام 1407 مع ماجد والهريفي والجمعان يعني قبل البطولة بسنتين ... وجبرتي الشمراني كان يشارك الفريق الاول للاتحاد ...

والفرق بين الهجري والميلادي مايفرق كثير يعني مايصير الفرق سنة كاملة الا اذا واحد عمره 33 بالهجري يكون عمره بالميلادي 32 بسبب انه يوجد فرق 11 يوم بين السنة الميلادية والهجرية ... شكلك مادخلت مدارس واول ماقالو لك تاريخ هجري وميلادي صدقت ههههههههه

اما في حالة الواحد عمره 16 فالفرق ماراح يكون اكثر من 6 شهور فقط

عرفت مين اللي يتكلم وهو مو عارف

وبعيدن ليش الواحد يستمر يغالط نفسه ؟؟

ومنتخبات كثيرة زورت في الاعمار واشهرها عمان والبحرين وهذا سر تفوقهم على مستوى اسيا وتاهلهم ...
السعودية كانت في السابق تتبع نفس الطريقة ولكنها منذ بداية التسعينات بدات تفكر بالالتزام بالسن بغض النظر عن الخسائر والمكاسب المؤقتة لأن هذا هو المفروض

وانت ممكن تتأكد بنفسك
راجع مبارايات الدروي عام 1407 وشوف مين كان يلعب للنصر
راجع الصحف الرياضية عام 1407 وشوف تشكيلة فريق النصر عام 1407

معقولة كان عمره 14 سنة ويلعب في الفريق الاول والمعلق يقول انه طالب جامعي راجع اي مباراة منقولة للنصر في تلك الفترة

وحتى لو قلنا ان الفرق في التاريخ الهجري يعني كم بيكون 6 شهور ... وخلينا نقول سنة
يعني برضه عمره 15 !!!

عيب الواحد يقفل عقله ويحاول يقنع نفسه بشي غلط

وبعدين انت ليش زعلان
اللي يشوفك يقول انت اللي مزور الاعمار :p

النمر الذهبي
22-04-2005, 19:21
وبعدين حكاية مواليد 1410 هذي يمكن تنطبق عليك
لأنك شكلك ماشفت البطولة وتابعتها
انا متابع البطولة بنفسي وعارف اللي فيها واللي قبلها

يعني مو الاعلام اللي قال لي انا بنفسي وقتها استغربت كيف طالب جامعي وله سنتين في الجامعة ويكون عمره 16 .. وخلينا نقول 17 علشان ماتزعل

المشكلة يجيلك واحد من جيل سعيد العويران واللي ماعرفو الكورة الا من عام 94 ويتفلسف :eek:

Ŝmα®Ђ βộỳ
22-04-2005, 22:14
يا ساتر توني ادري ان هالاعب متوفي
من متى وش سبب الوفاة ؟ :(

خالد الرويحي -رحمه الله - ... توفي في شهر رمضان عام 1414 (على ما أظن!!) ... حادث مروري على طريق الأردن

عـ9ـالمي
22-04-2005, 23:03
راجع مبارايات الدروي عام 1407 وشوف مين كان يلعب للنصر
راجع الصحف الرياضية عام 1407 وشوف تشكيلة فريق النصر عام 1407

معقولة كان عمره 14 سنة ويلعب في الفريق الاول والمعلق يقول انه طالب جامعي راجع اي مباراة منقولة للنصر في تلك الفترة


مشكلتك كل كلامك راجع وراجع وراجع ؟؟ عندك برهان .. هاته .. قال راجع قال هههههههههههههه

بعدين اتحداك تثبت ان الحمالي كان لاعب في الفريق الاول عام 1407 ..

الحمالي لعب عام 1410 وفترات من عام 1411 مع النصر الفريق الاول.. بعدها انقطع في ظروف غامضه ويقال انها بسبب دراسته ..

وحتى لو لعب رغم انها ماصارت بس اعطيك شويت معلومات.. قبله محيسن الجمعان لعب مع المنتخب الاول وعمره 16 سنه وكم شهر .. شي عادي تصير .. النجوم يفرضون انفسهم ..

ثانياً .. مدري انت افهم من الفيفا ؟؟

الفيفا درسوا القضيه بعد شكوى من الاسكتلنديين وقرروا ان شكواهم باطله ؟؟ والانجاز انحسب للسعوديه .. ومسجل ضمن بطولات المملكه..


بقية كلامك لايستحق الرد عليه..

النمر الذهبي
23-04-2005, 01:52
انا اللي اثبت ؟
ليييييييييييه ؟ اللي مو مصدق هو اللي يجيب دليل ينفي هذا الكلام :p

انا اقولك كلام متاكد منه 100% واللي مو مصدق بكيفه ... واللي يحب يتأكد هو اللي يبحث عن ادلة

وبعدين والله انا مالي مصلحة في هذا الكلام ولكن شيء انا عارفه ليش اضحك على نفسي واحاول اقنعها بشي غير صحيح ؟؟؟


والمسألة ماهي انه لعب وعمره 16 في الدوري ... المسألة اني كنت اسمع انه طالب جااااااااامعي قبل كأس العالم بأكثر من سنة وحتى لو لعب وعمره 16 في عام 1407 يعني انه كان عمره 18 في كأس العالم !!


شوف هذا مقال قديم جدا للكاتب محمد الدويش وهو كاتب صحفي كان معروف .. المقال هذا من جريدة الملاعب وتاريخه 1407

المقال يتكلم عن ماجد عبدالله ... لكن فيه ذكر للاعب اسمه سعود الحمالي

ركز على النص التالي:

" انظروا كيف مرق ماجد عبد الله كالسهم من بين التكتل الدفاعي خلف تمريرة الهزاع .. ثم انظروا كيف ارتقى لهوائية سعود الحمالي بين غابة من الرؤوس "

تاريخ المقال 1407 هجري ويتكلم عن شيء ماضي

http://www.aldwaish.com/articals_s/4-2.htm

وبعدين انا ايش مصلحتي اني اكذب ؟؟؟؟؟؟؟؟؟؟؟؟

انا هدفي هو انك ماتتكلم عن شي وتدافع عن مسألة ماعندك ادراك لها

ومسألة ان الكاس باسم السعودية انا ماعترضت وعارف انه رسميا باسم السعودية

وانا اكيد اعرف اكثر من الفيفا لأني شفته وهو يلعب في الفريق الاول قبل البطولة بسنتين وعمره 18 او 19

عـ9ـالمي
23-04-2005, 02:17
حبيبي هذا موقع سواه واحد من معجبي الدويش لاتعتمد على تاريخه ..

اللي متاكد منه يتكلم على عام 1410 ..

AC-Milany
23-04-2005, 02:20
أنا اللي سمعته إنه السعوديه راح عليها اللقب و إنشطبت نتائج الفريق بس و الله مو متأكد و لا تعتبون علي

سؤال: منصور الموسى كان في أي نادي؟؟؟؟

النمر الذهبي
23-04-2005, 02:24
ياخي اقولك انا كنت اشوفه يلعب في الدوري عام 1407 ومابعده

تقولي لا تعتمد على التاريخ

هذا الموقع انا جبته لك وللي مو مصدق لأنك طلبت اثبات
ومع هذا مانت مصدق
خلاص حاول تحصل جريدة قديمة او تسجيل لمباراة للنصر من دوري 1407 او 1408

اما بالنسبة لي انا ماني محتاج له لأني عارف ومتأكد

وعلى العموم تصدق او ماتصدق انا مايهمني

اساهيم
23-04-2005, 03:24
اول شى اشكر الاخوان على المعلومه وللاسف طلعت انا الخسران ..

وسبب الرهان هو توضيح للاخوان اللى يتناقشون على اعمار اللاعبين ..

لى ابن عم مدرس بالسعوديه وكان طالب بالقصيم فى الفتره ما بين عام 1987 الى عام 1990..

وكنت اقول ان البطوله عام 1986 وهو قال لى لا البطوله عام 1989 ..

و الشى اللى يخليه متاكد ان سليمان الرشودى كان طالب معهم بالجامعه وقت البطوله ..

وان عام 1986 كان طالب ثانوى بالمدارس ..

على كل حال انا خسرت الرهان ههههههههههههههاى ..

النمر الذهبي
23-04-2005, 04:10
يالله هذا واحد ثاني طلع في الجامعة وقت البطولة ..

وبرضه في ناس تكابر وتتكلم عن اللي ماتدري عنه

ويقولون الفيفا مالفيفا
اللفيفا ايش يعرفهم كل اللي لهم الاوراق الرسيمة المقدمة لهم

اما احنا شايفين كل شيء قدامنا وصعب الواحد يضحك على نفسه :p

MoonSun
23-04-2005, 06:40
ياجماعه خلاص انتو جايين تتناقشوا في موضوع حصل قبل 16 سنه!!!!

خلاص فضوها سيره...

البطوله مسجله باسم المنتخب السعودي ...

حصل تزوير ولا ما حصل ماراح يفيد النقاش في هالموضوع...

الرجال اساهيم طلب التاريخ اللي حصلت فيه البطوله وانتو قلبتوها نقاش عن التزوير..

النمر الذهبي
23-04-2005, 08:04
صحيح هي لا تهم ولا تقدم ولا تؤخر

لكن اذا جالك واحد وقالك انت مانت عارف وتكتب كلام تسمعه وبس

اكيد لازم توضح له

شموخ
25-04-2005, 19:42
اكره شي عندي ..يجيك واحد مواليد 1410 ماهو فاهم شي ويقول مغالطات انتشرت كاشاعه في الاعلام ..

القصه الحقيقيه غيررر .. لها علاقه باصدار شهادات الميلاد والتواريخ المتبعه بالسعوديه.. والفرق بين الهجري والميلادي..

ولكن بعد ان درس الفيفا القضيه .. حسب الانجاز للسعوديه ومعترف فيه بالفيفا.. وادخل على صفحة الفيفا تلقاه مكتوب..

صدقت أخي .. وبالنسبة للأخ ( النمر الذهبي ) لديه قاعدة خالف تعرف وياكثر مايحرج نفسه بالمغالطات .
.