المساعد الشخصي الرقمي

مشاهدة النسخة كاملة : رحلة دندرن يوم الغرقه

دندرن
11-05-2005, 13:01
السلام عليكم ورحمة الله وبركاته

كان يوم الأربعاء 15 - 12 - 2004 مشهودا بسبب هطول الأمطار الغزيره على دولة الكويت .. أعاد لنا ذكرى يوم الثلاثاء الموافق 11 - 11 - 1997 يوم اغرقت الكويت بسبب هطول الامطار فقط لمدة ساعتين ... والحين تعالوا نشوف شنو صار في هاليوم الجميل والرائع في نزول الخير على الكويت ونتجول شوي في شوارع الكويت في وقت نزول المطر ووقت الزحمه ووقت الغرقه

قمت من النوم في الصباح الباكر وبكل همه ونشاط عشان اروح الدوام بدلت وخلصت شغلي ودقيت سيارتي سلف وانا قاعد اشوف المطر ينزل على السياره وانطر لين تسخن السياره عشان احرك خو برد بعد شنو ؟؟ لازم الواحد يحرر سيارته مو دق سلف وامش ... وهذي لكم يابعض الناس اللي يدقون سلف ويحركون على طول ^_^

المهم حركت من البيت باتجاه الدوام والا ماشاءالله اشوف هالمطر يرفرف ههههههه ترى موبدليه هذي سالفة شخص عزيز علي كله يقول المطر يرفرف مادري ليش رابط المطر بالعلم لما يرفرف ... والجو بديع والدنيا غيم والرؤيه شبه معدومه حتى ايدك ماتشوفها بززززززز

المراد ماطولها عليكم تعالوا نشوف الصور ونمشي حته حته مع الحدث من بداية ذهابي للدوام لغاية عودتي للبيت ..

http://www.hamaden73.com/ma6ar01.jpg

هني كانت الساعه سبع صباحا ... ماشاءالله جنه الساعه 7 بالليل وذلك لشدة المطر اللي كان قاعد يطق ... ياعمي اي مطر يرفرف اي بطيخ الله يستر بس :rolleyes:

http://www.hamaden73.com/ma6ar02.jpg

ويزداد المطر ماشاءالله تبارك الرحمن والشارع ماقام يبين منه شي لاشارع ولاسيارات اتبين الله يستر ان شاءالله

http://www.hamaden73.com/ma6ar03.jpg

هني خو ماكو شي بعد خرمس صار الشارع ... اتحدى اي واحد يقول انا كنت امشي في اي حاره بالشارع ؟؟ هههههههههه

http://www.hamaden73.com/ma6ar04.JPG

وقفت عند احد الجسور وهني كانت الساعه تقريبا سبع وخمس دقايق والدنيا ليل سبحان الله ... واشوف والله جنه الشارع فيه شوية ماي

يعني قعدت بين البينين في ماي والا مافي ماي مادري والله يعني ماكنت متأكد من وجود الماي

http://www.hamaden73.com/ma6ar05.JPG

هني تأكدت انه اكو ماي ... أحلف بس اكو ماي ؟؟ يعني بالله هالسياره اللي دشت بالماي ومومبين منها شي شنو معناته ؟؟ :p

http://www.hamaden73.com/ma6ar06.JPG

خلصنا من الجسر ولله الحمد والحين سلكت طريق الدائري الرابع باتجاه الدوام ماوعيت الا هاللي صار لي ^_^

http://www.hamaden73.com/ma6ar07.JPG

هوب هوب هوب شنو هذا يانااااااااس اوله اوله اشصاير بالدنيا يبا .. يواش يواش يامعودين ... جنه واحد ماسك له هوز مطافي وقاعد يصب ماي

http://www.hamaden73.com/ma6ar08.JPG

ولييييييييييييه ماقمنا انشوف يايبا ... بالله شوفوا اكو جدامي سيارات والا لأ ؟؟

والا شنو صاير ؟؟ وحده بنت حلال يايه مسرعه دايسه حدها حسبالها سيارتها الحين اسكت وموعاجبها الشارع كلش والماي تارس الشارع وسياره مسرعه شنو يصير ؟؟ كل الماي اللي بالشارع يطشر عليك جنه يايب هوز وقاعد يصب عليك ... الحمدالله زين مو امبطل الجام والا جان صار فلم موطبيعي :confused:

http://www.hamaden73.com/ma6ar09.JPG

يالله الله يسامحج :o

http://www.hamaden73.com/ma6ar10.JPG

الرصيف ماقام يبين من الماي اللي غطى كل شي

المهم وصلت دوامي ولله الحمد ومالقيت الا الفراريش بس وكنت اول واحد يوصل في دوامنا ... عيل وين الاوادم اللي وياي محد منهم وصل عسى ماشر ؟؟ انا خو ماادري ليما الحين انه الديره اغرقت حسبالي الوضع عادي ^_^ دق علي واحد من الربع جان يقولي يافلان ترى انا متغلقص بالشارع ويدق الثاني والثالث وغيرهم وغيرهم وشوي جان يوصلون بعض الزملاء معاي بالدوام المهم يومها صفينا على خمس موظفين بس ^_^ وتريقنا بالدوام كان احد الزملاء يايب معاه ريوق وشطبنا عليه كله خو الواحد بالمطر النفسيه تتعدل وتنفتح الشهيه للأكل ... المهم بلغونا انه اليوم عطله رسميه فقررنا الرجوع لبيوتنا وقعدنا شوي بالدوام على ماتخف الزحمه بالشوارع ولكن الاخبار قاعده توصلنا انه الوضع مأساوي بره فشنسوي يعني نقعد ننام بالدوام ؟؟ مايصير فقررنا انروح لبيوتنا والحين تعالوا نشوف رحلة العوده للبيت بعد ان توقف المطر ....

طلعت من الدوام والا اشوف هالمنظر بويهي لااله الا الله هذا بداية الخير هههههههههههه الاوضاع ماتطمن لوووووووول لكن يالله مابدهاش نتوكل على الله ونكمل طريجنا بعد لاحول ولاقوة الا بالله

http://www.hamaden73.com/ma6ar11.JPG

سيارات غرقانه واللي صاعده الرصيف

http://www.hamaden73.com/ma6ar12.JPG

هالشاب اللطيف مسكين قاعد يعابل بسيارته اللي اغرقت ويعابل شلون يطلع اهو من الماي

http://www.hamaden73.com/ma6ar13.JPG

حادث آخر ويشاهد بعض الماره يساعدون اصحاب السيارات في اخراج سياراتهم من الماي

http://www.hamaden73.com/ma6ar14.JPG

راح اللكزس ... الله يعينك عاد شلون اتروح سيارتك الحين ... سباحه ؟؟

http://www.hamaden73.com/ma6ar15.JPG

وهذي سياره ثانيه طابعه في الماي ...

لحظه مو تروحون راح انكمل بالجزء الثاني ... فاصل اعلاني ونعود اليكم
دندرن
11-05-2005, 13:04
عدنا اليكم من جديد ^_^

المهم خلصت الحين طلعت من الدوام قلت بغامر بعد جان اشوف فوقي والا شنو اشوف ؟؟ هليوكوبتر انا قعدت اتبعها اتبعها قلت بشوف لي وين بتوديني ؟؟ ووراها ووراها ... والله مااخليج اليوم .. خو اشمهنتكم غير تدلون الاوادم عدل ؟؟

عاد هذا يومكم

http://www.hamaden73.com/ma6ar16.JPG

اهااااااااااا خلوكم معانا وخلونا انكمل ونروح ونشوف وين بتودينا طائرة الانقاذ ^_^ يالله ويانا

يالله تعالوا الحين انكمل

المهم ماوعيت والا انا بوسط جامعة الشويخ .. ولييييييييه عاد اشعرفني انا الحين بمداخل ومخارج الجامعه ؟؟

http://www.hamaden73.com/ma6ar17.JPG

اطالع والا فعلا انا بوسط جامعة الشويخ ... انا اللي اذكره كان اكو دوار جك بم والا انا داخل الجامعه ^_^ بس خل اقولكم شغله ترى يومها كانت كل الطرق تؤدي الى الجامعه كل مااروح مكان والا الشرطه والجيش واقفين ويقولون مني مني مني لين ماقطوني بوسط الجامعه

http://www.hamaden73.com/ma6ar18.JPG

انا لما دخلت قلت الحين بشوف اوادم عشان يطلعوني والا ماكو الا انا والقطاوه لووووووول .. افا وينهم الطلبه ؟؟ وين الطاقم التدريسي ؟؟

وين الناسات وين الاوادم حشا مهجور هالمكان ؟؟

http://www.hamaden73.com/ma6ar19.JPG

المصافط خاويه من الطلبه والمدرسين

واقعد افتر واحوس واحوس بالجامعه وماشوف احد كلش ملش ... خو وين زحمتكم اللي كل مره امزاحمينا بالدخله والطلعه وينكم هالمره ها ؟

يوم الواحد احتاج لكم مالقاكم ؟؟ اوريكم :rolleyes:

http://www.hamaden73.com/ma6ar20.JPG

ههههههههههه صدنا واحد متوهق لوووووووووووول بل هذا المكان يخرع من اساسه وهالشاب اللطيف شموقفه هني بروحه ها ؟؟ ;)

والله شكلها السياره ماتوحي كلش عنده شي مني مناك :cool:

المهم وانا احوس بروحي ابي احد يطلعني من الجامعه ماكو احد ... شوي جان اييلي الفرج ^_^

http://www.hamaden73.com/ma6ar22.JPG

والا بنية هالحلال راعية هالجيب بويهي واقولها ترى انا متوهق وماعرف شلون اطلع جان تقول تعال وراي وانا وراها لين ماوصلتني بوابة الجامعه اللي صوب الميناء .. وطلعتني يزاها الله خير .. والا جدامي الجسر مال الميناء مادري عاد شيسمونه جسر ميناء الشويخ والا جسر الجامعه المهم اللي هو ... جان اشوف زحمه فوق الجسر قلت شالسالفه ؟؟

لازم اعرف شكو ماكو نياهاهاهاهاها

جان اصفط سيارتي فوق الجسر وانزل واروح اشوف الصوب الثاني والا اشوف هاللويه ههههههههههه

@@

http://www.hamaden73.com/ma6ar31.JPG

هذا سلمكم الله طريق الميناء صوب جامعة الشويخ ويبين انه الشارع معتفس عفيسه مالها أول ولاتالي ... سيارات غرقانه بوسط الشارع ... وسيارات فوق الرصيف هربا من الماء اللي غطى الشارع بأكمله

http://www.hamaden73.com/ma6ar23.JPG

رجال الداخليه يحاولون اخراج السيارات الغرقانه من هاللويه اللي انحطوا فيها

http://www.hamaden73.com/ma6ar25.JPG

ورجال الحرس الوطني بعد هم قاموا بدور فعال في اخراج السيارات الغرقانه

http://www.hamaden73.com/ma6ar24.JPG

سيارات فوق الرصيف منحاشين من الماي ^_^

http://www.hamaden73.com/ma6ar26.JPG

http://www.hamaden73.com/ma6ar27.jpg

أحد رجال الحرس الوطني قاعد يدور البالوعه عشان يمشّي الماي ... يقولك يمكن على الاقل يخفف شوي من هالغرقه ... الله يعطيك العافيه

http://www.hamaden73.com/ma6ar28.JPG

هذا الحبيب اللي قبل شوي كان داش عرض ... عفست الامه الله يهديك بسالفتك هذي :)

http://www.hamaden73.com/ma6ar29.JPG

روح طلع الاوادم اللي طابعين هناك يامعود لاتخليهم حرام عليك ... واي انته :eek:

هم بعد فاصل اعلاني ونعود اليكم ^_^
دندرن
11-05-2005, 13:08
عدنا لكم من بعد الفاصل الاعلاني الأخير ^_^

خلونا الحين انشوف بعض اللقطات

http://www.hamaden73.com/ma6ar30.JPG

http://www.hamaden73.com/ma6ar32.JPG

http://www.hamaden73.com/ma6ar33.JPG

هههههههههه جنه صاحبنا رجع الظاهر اكسروا خاطره الاوادم اللي طابعه سياراتهم ... الله يجزاك خير يامعود مشكور وماقصرت ^_^

http://www.hamaden73.com/ma6ar34.JPG

أوووووه شغل عدل بو الشباب راح ياب الربع والجماعه اللي عندهم جيبات وقاموا ينقذون الاوادم اللي بسياراتهم ... الله يعطيكم العافيه والله على راسي ربعنا ^_^ فيهم خير حق بعض والله .. الحمدالله هذا احنا يالكويتيين وقت الصجيه يطلع الخير ويبين المعدن الاصيل عسى الله يحفظكم ان شاءالله

http://www.hamaden73.com/ma6ar35.JPG

وهذا بو الشباب لي الحين يحوس فوق روسنا ... قوم زين مامنك فود محد وهقني غيرك الله يغربل ابليسك خليتني احوس من مكان لي مكان

ههههههههههههه الله يسامحك

http://www.hamaden73.com/ma6ar36.JPG

صوره تبين الزحمه اللي صارت في يوم الغرقه

http://www.hamaden73.com/ma6ar37.JPG

أحد المواطنين جزاه الله خير قاعد ينظم عملية السير فوق الجسر ... تحمل البرد القارص المسكين وطق اللطمه وقعد ينظم عملية السير

المهم عاد الحين انا حركت بسيارتي بروح البيت والا جسر الشويخ زحمه واقف خطرت على بالي فكره جهنميه وقلت بدش منطقة الشويخ الصناعيه ;)

والا ماكو الا ناخذ العمليه عكس السير لأنه اذا بنمشي سيده مع الاوادم ماراح نوصل

http://www.hamaden73.com/ma6ar38.JPG

وفعلا بدينا بالسير عكس الناس ... انا خابر هالجسر العالم اتيي من تحت لي فوق احنا خذيناها عكس من فوق لي تحت ^_^

يالله مع الخيل ياالشقرا

وليييييييييييه جنه اكو ماي ؟؟؟ يالله خنغامر واندش اشورانا خربانه خربانه

http://www.hamaden73.com/ma6ar39.JPG

والله وادش والحمدالله الله ستر علي واستطعت ان ادخل منطقة الشويخ الصناعيه

http://www.hamaden73.com/ma6ar40.JPG

لأول مره اشوف زحمه في الشويخ بهالشكل ... لأنه كل العالم انكتوا داخل هالمكان ... واللي ابتلشوا مساكين البنات والحريم لأنهم مايدلون شي داخل الشويخ الصناعيه واهمه مضطرين مالهم الا هالمنطقه فتعالوا وشوفوا اويووهم مساكين مايدلون ^_^

وانا ليما الحين ماوصلت البيت من الزحمه .. يعني تخيلوا الواحد يقعد بسيارته واقف بمكان واحد بالساعه والساعتين فشنو يسوي الواحد في هالحاله ؟؟؟

قلت ماكو الا اقزرها آكل من هالمكسرات اللي معاي بالسياره لين ماربك يفرجها ^_^

http://www.hamaden73.com/ma6ar41.JPG

وبدأت بأكل المكسرات اللذيذه ... بس انا مستغرب من شغله ... أكو حب لونه أصفر ؟؟؟ هذي الحبه اللي بالوسط لونها اصفر حيل اول مره اشوف جذي ^_^ خابرها بيضه

انزين الحين خلصت من اكل المكسرات ماعندي شي ثاني اسويه فقلت دام الكاميرا معاي خل اجكجك في هالشير لين نوصل بالسلامه ^_^

ملاحظه : شير = شجر باللغه العربيه الفصحى

فتعالوا معاي انشوف هالجم لقطه اللي ان شاءالله تعجبكم

http://www.hamaden73.com/ma6ar42.JPG

على ماخلصت من هالصور والا الحمدالله وصلت بيتنا بالسلامه بعد رحله ساعتين في السياره من الدوام لي بيتنا .. مع العلم انه المسافه في الاوقات العاديه من بيتنا لي الدوام هو عشر دقايق بس ... في هاليوم صارت ساعتين هىهىهىهى يالله ماعليه اتصير باحلى العوايل

http://www.hamaden73.com/ma6ar45.JPG

واشرقت الشمس على سماء الكويت الغاليه بعد هذا اليوم الحافل واصبحت السماء صافيه والطيور تغرد والشوارع متروسه من هالصخر اللي نزل من الساحات الترابيه على القار ... وطار بالهوى شاشي وانت ماتدراشي ياقدع

والسلام عليكم ورحمة الله وبركاته
هذي كانت وجبه خفيفه .. ان شاءالله تكون حازت على رضاكم واعجابكم .. واتمنى لكم كل خير وسعاده في دنياكم العلميه والعمليه :)

تصوير وتعليق أخوكم دندرن HaMaD
Q8i
11-05-2005, 13:10
هههههههه

أذكر يومها طلعت من البيت مبجر ووصلت الدوام تريقت وطلعت على طوول .. ما حاشتني مثل هالمأساة الحمد لله :):)

يعطيك العافية حمد أيها القدساوي المتعصب على قولة مبارك
Alazraq4ever
11-05-2005, 14:04
يعطيك العافيه يالمصور العزيز

فعلا يوم جميل :)


انا يومها بالفراش ولا ادري شالطبخه :p
dl piero
11-05-2005, 14:31
لوووول

ما أذكر السالفه عدل لأن وقتها كان عمري 7 او 8 سنوات :o

بس على ما اعتقد اليوم الثاني او اللي وراه رحنا البر :D <<حدنا فاضيين ..

وكنت أشووف بكل مكان طيــن والماي للحين ما نشف (الله يهداهم وزارة الاشغال مو حاطين بواليع بالتراب ):p


مشكور حبيبي على هالصور الحلوه .....

والله ستر علييك من سيــاقة البنات والحريم الخرافيــه :D
Pro
11-05-2005, 14:49
-مشكووووور

استمتعنا والله ، و ضحكنا

- بس الله يسامحك ... الصور ضربت عالوتر ... ابي ارد الكوييييييييت :( :o

الصور تبجي :(
Bo-Fahad
11-05-2005, 15:06
أبداع أبداع .... والله ضحكت على تعلقياتك الحلو ... وتبي الصج .. انت موفاضي إلا قاضي :)
وانا بهاليوم كنت بأحلى نومه .. ومأدري عن شيء كلش ..
Al 3arbawi
11-05-2005, 15:08
الله لايعود هذا اليوم .. اذكر كنت رايح الثانوية وللأسف غامرنا وغرقت فينا السياره .. بس حمدلله فور غرقنا وصلت سيارة مطافي وانقذتنا .. مشكور يامبدع ذكرتنا بما مضى
دندرن
11-05-2005, 15:17
هههههههه

أذكر يومها طلعت من البيت مبجر ووصلت الدوام تريقت وطلعت على طوول .. ما حاشتني مثل هالمأساة الحمد لله :):)

يعطيك العافية حمد أيها القدساوي المتعصب على قولة مبارك

ههههههههههههه اهم شي الريوق بو جويس ^_^ .. وعسى ربي يعافيك ان شاءالله ايها القدساوي الأشوسي ايضا على قولة مبارك ^_^
دندرن
11-05-2005, 15:18
يعطيك العافيه يالمصور العزيز

فعلا يوم جميل :)


انا يومها بالفراش ولا ادري شالطبخه :p

الله يعافيك طال عمرك ... اي والله فعلا كان يوم جميل ورائع واحلى شي انك كنت بالفراش عيل ماشفت اشصاير يومها ها ؟ :)
دندرن
11-05-2005, 15:21
لوووول

ما أذكر السالفه عدل لأن وقتها كان عمري 7 او 8 سنوات :o

بس على ما اعتقد اليوم الثاني او اللي وراه رحنا البر :D <<حدنا فاضيين ..

وكنت أشووف بكل مكان طيــن والماي للحين ما نشف (الله يهداهم وزارة الاشغال مو حاطين بواليع بالتراب ):p


مشكور حبيبي على هالصور الحلوه .....

والله ستر علييك من سيــاقة البنات والحريم الخرافيــه :D

ههههههههههههههههههههههه :eek: ليش وقتها عمرك سبع سنين ؟؟ ترى السالفه توها ماصار لها ست شهور يالحبيب ... هذي غرقة سنة 2004 شهر 12 مو غرقة 1997 :)
شكلك تقصد يوم 11/11/1997 عدل ؟؟

لا هذي الثانيه وراح تشوف ان شاءالله الغرقه الثالثه اللي صارت ان شاءالله في رحله قادمه ان شاءالله :)

وتحياتي لك :)
دندرن
11-05-2005, 15:23
-مشكووووور

استمتعنا والله ، و ضحكنا

- بس الله يسامحك ... الصور ضربت عالوتر ... ابي ارد الكوييييييييت :( :o

الصور تبجي :(

العفو وان شاءالله دوم تضحك ياخوي .. والله يعينك على الغربه ... ودام جذي عيل يامالك بتشوف من عوار هالقلب في هالقسم بقعد لك قعده وكل موضوع بعور قلبك فيه زياده لوووووووووول

عشان ترد الكويت :D
دندرن
11-05-2005, 15:24
أبداع أبداع .... والله ضحكت على تعلقياتك الحلو ... وتبي الصج .. انت موفاضي إلا قاضي :)
وانا بهاليوم كنت بأحلى نومه .. ومأدري عن شيء كلش ..

شكرا شكرا سعادة اللواء :) ان شاءالله دوم تضحك يارب ... بس عاد قاضي مشكله ياخوي يمكن مرات يحكم بشي ويحوشه تأنيب ضمير طول العمر :) ونوم العوافي على قلبك ان شاءالله ;)
دندرن
11-05-2005, 15:26
الله لايعود هذا اليوم .. اذكر كنت رايح الثانوية وللأسف غامرنا وغرقت فينا السياره .. بس حمدلله فور غرقنا وصلت سيارة مطافي وانقذتنا .. مشكور يامبدع ذكرتنا بما مضى

الحمدالله الله ستر عليكم عيل :)
ومشكور على مشاركتك ومرورك ... وعسى الله يعود الخير علينا يارب قول آمين :)
Sebastian Deisler
11-05-2005, 16:29
وييييييييييييييييييييييييييه توك تحطها هني...؟؟
حدك قديم ايام ألي هناك
الا اقول جم موقع انت مشارك فيه..؟
Jose Mourinho
11-05-2005, 17:14
اخوي دندرن تسمحلي أقولك شي ..


































سايتك .. روووووووعة ..
الد بنت يره
11-05-2005, 17:38
يعطيك الف عافيه اخووووي

صووور روووعة:)

يااحلوو اياام الشتاا واياام المطرر...ذبحنا الحرر:p


بس اهم شي انك مستعد للرحله..مكسرات..وكاميرة... :D

بس حساافه ماصورت داخل الجاامعة..كان هنااك زواارق :D ..وطرادات لنقل الطلبه في الشويخ لي سياراتهم...صرنا جنا في البندقيه مو بالكويت :D


مشكووور:)
دندرن
11-05-2005, 17:49
وييييييييييييييييييييييييييه توك تحطها هني...؟؟
حدك قديم ايام ألي هناك
الا اقول جم موقع انت مشارك فيه..؟

اهلين ابو الفوز :) اي والله توني احطها هني وتوني ادري انه فيه قسم لمشاركات الاعضاء فقلت خل احط المشاركه هذي :)
بس ثلاثه اما اذا في اكثر مادري عنهم والله يمكن احد ماخذ الموضوع وحاطه عندهم الله اعلم :)
دندرن
11-05-2005, 17:50
اخوي دندرن تسمحلي أقولك شي ..

سايتك .. روووووووعة ..

اسمحلي اقولك مشكووووووووووووووووور وهذا من ذوقك اخوي :)
ويعطيك العافيه على مرورك للسايت
دندرن
11-05-2005, 17:54
يعطيك الف عافيه اخووووي

صووور روووعة:)

يااحلوو اياام الشتاا واياام المطرر...ذبحنا الحرر:p


بس اهم شي انك مستعد للرحله..مكسرات..وكاميرة... :D

بس حساافه ماصورت داخل الجاامعة..كان هنااك زواارق :D ..وطرادات لنقل الطلبه في الشويخ لي سياراتهم...صرنا جنا في البندقيه مو بالكويت :D


مشكووور:)
الله يعافيج يابنت البلد .. وهذا من ذوقج ولو :) وعلى قولتج اي والله ياحلو ايام الشتا ^_^ وسالفة مستعد للرحله .. انا الكاميرا تقريبا كل مااطلع تكون معاي .. والمكسرات ماقصرت احدى الزميلات اللي معاي بالدوام عطتني المكسرات وقالت تسلى فيهم بالطريج :p ... والله انا زين طلعت من الشويخ قعدت احوس احوس لين بنت الحلال راعية الجيب طلعتني :)
والا لو شايف طراريد جان بيييييه بيه جان صار فلم :D
Sebastian Deisler
11-05-2005, 18:00
اهلين ابو الفوز :) اي والله توني احطها هني وتوني ادري انه فيه قسم لمشاركات الاعضاء فقلت خل احط المشاركه هذي :)
بس ثلاثه اما اذا في اكثر مادري عنهم والله يمكن احد ماخذ الموضوع وحاطه عندهم الله اعلم :)
لا انت حطيته
هذاك ألي انا فيه :d
ألي فيه ديرتي

أقول
عجبني السايت مالك بس مالت الحقوق عجبوني عارضات الأزياء : )
Bo Msheal
11-05-2005, 19:36
الله يا ذاك اليوم .. شي مو طبيعي ما جنه قاعدين بالكويت :D
صارت مواقف مو طبيعيه ..وانا طالع للدوام الصبح وصلت للدوار ولا الماي يدش لي داخل :eek: هذا وانا اسوق جيب .. :eek: :D
لفيت الدوار مره ثانيه ورديت بيتنا :D


يعطيك العافيه حمد خوش صور :cool:
Barilla
11-05-2005, 21:43
الله الله على موضوعك الخيالي

والصـــور الرائعة بمعنى الكلمة

وبيني وبينك انا ما اذكر وين كنت بيوم هالمطرة

اخوك نسّاي درجة اولــــى

تحياتي لك حمد والله يعطيك العافيه يا مبدع
DVD
11-05-2005, 21:50
يــعطيك العـافيه يــا حمد علــى الصـور الحلـوه
Abdullah Naqi
12-05-2005, 00:40
ضحكتني والله يا دندرن :D اشوه انه بهاليوم دق عليي صاحبي قتله مالي خلق شكله مطر ... واهو المسكين طلع و قعد عالغزالي ساعتين جنا او اكثر :o اي والله وين ايام الشتا مو الحين :rolleyes: مشكوور عالموضوع
Mr.Real Madrid
12-05-2005, 00:54
حزتها كان عندي اختبار بالجامعه ولازم اقدمه لانه تقريبا نص درجات اعمال الفصل على هالاختبار .. يوم شفت هاللويه وهالمطر وانا ماكنت دارس عدل فقلت فرصه انحش من الاختبار وما اروح واحط العلثه على المطر لوووول طبعا تميت بالبيت شابك على موقع الازرق وفاتح الراديو على بوكيه غنائي مال ناديه صقر ولا اسمعها تقول ماكو دوام والي للحين ماطلع لا يطلع من بيتهم جان اطمر من مكاااااان واقول هيااااااا لوووووول وبعدها طلعت بالسياره افتر بالفريج اشوف الوضع شلون صاير ولا عفيسه جان ارجع البيت واحط راسي وانام لووول


ذكرتني بهاليوم يا دن درن لووول تسلم حبيب قلبي على الصور الحلوه وعساك على القوه
انت مكسب كبير لنا وللديوانيه يا حمد :)
زرقاوي 2002
12-05-2005, 01:18
مشكوووووور دندرن خوش صور والله وخوش يوم بعد ..... كان عندي امتحان الساعة 2 الظهر والمطر بوقتها واقف والشرطة مسكرين طريج الجامعة بكيفان وقلته مايخالف خلني بس آنا أمر عندي امتحان وحدي متأخر وهذا اقرب طريج ... جان يقولي انت تبي تنتحر ولا شنو قلت له ليش لأني مادري شالطبخة جان يقولي أي امتحان أي بطيخ كل شي تأجل بهاليوم والطريج هذا مالك أمل إذا دخلت الله يرحمك خلاص :eek:

قلت لايمعود بلا امتحان بلا نيلة ابيع عمري عشان امتحان بالطقاق انشالله عمري ماامتحنت ... ورديت البيت بعد فرة عالشوارع أطمش على الوضع :D
Barca4eveR
12-05-2005, 05:08
ابداع رحالتنا :)
شكرا حمد وايام صعبه وتوهق
كظماوى محترف
12-05-2005, 12:58
يعطيك العافيه :) .. ماشاء الله زين لك مزاج تصور والحالة كسيفة.. :p بس والله شغل عدل.. :cool: وين الحميدى عنك يحطك مدير العلاقات العامة فى الاشغال :D :D
دندرن
13-05-2005, 13:09
$$$ F.W.Z $$$ ... مشكور ابو الفوز تشرفني زيارتك للسايت طال عمرك :)

Bo Msheal ... الله يعافيك طال عمرك ومشكور على مشاركتك :) عاد جيب وترجع البيت عيل انا شقول ههههههههههه وكملت ... الحمدالله الله ستر :D

QaDSaWi-15 ... الله يعافيك ياقدساوي ... ومشكور على مرورك ومشاركتك :)

DVD ... الله يعافيك اخوي ومبروك على الفوز وهاردلك للأخوه اللي مافاازوا :)

Abdullah Naqi ... ان شاءالله دوم تضحك :) والحمدالله على كل حال ياخوي ... اي والله انا بالنسبه لي الشتا احبه اكثر من الصيف ولو انه هذا له اجوائه الحلوه وذاك له اجوائه الحلوه بعد :)
وكل شي من رب العالمين حلو ولله الحمد

Mr.Real Madrid ... لووووووووووول عيل طاحت ببطنك ها ؟؟ ;) انزين وعقب شنو سويت بالاختبار اللي تأجل ؟؟ عساك بس قدمت عدل بعدين ^_^ وعسى ربي يسلمك ويخليك ويقويك ومشكور على هالكلمات الطيبه والديوانيه ماشاءالله زاخره بالنجوم حبيب قلبي :)

زرقاوي 2002 ... لوووووووووووول الظاهر الربع عجبتهم الفراره في هاليوم ^_^ يالله زين هم انت تأجل امتحانك لايكون بس مثل مستر ريال ماكنت دارس حق الامتحان ؟؟؟ :cool:

Barca4eveR ... العفو يالعبد ومشكور على مرورك :)

كظماوى محترف ... الله يعافيك .. والله بالعكس شي حلو والمزاج وقتها يصير ميه الميه ... والله انا سمعت قالولي انهم كلموا سعادة الوزير الحميدي وليما الحين ناطرين رد سعادته :)
Corvette
13-05-2005, 13:36
أشوه انه يومها سيارتي بالبيت وماطلعت فيها :) كشران حمد
eve
14-05-2005, 23:22
أيام الشتي .. أيام البرٍد

ئيـــــــــــه والله كان يوم حافل

لغينا كل مخططاتنا الصباحية ..فازين من الصبح عشان نوصل الجامعة مبجر و عقب ما شفنا الأوضاع هونا و قررنا نقضي اليوم بالنوم,بس أي نوم كل جم دقيقة أفز على صوت الموبايل من أرقام اعرفها و ما اعرفها,صرت مستشار ياخذون رايي نداوم وإلا ما نداوم ؟ و اللّي عندهم امتحان يسألوني ,يامعودين أملكم توصلون الشويخ بوقت الامتحان يبا حتى الدكاترة ما راح يجازفون باعمارهم يروحون, لا حتى أولياء أمور دقوا علي! بناااام ياناس,والله على هالتفزز و النقزة من السرير ظهري قام يعورني

بس كانت الأجواء روعة


خوش صورحطتنا بقلب الحدث
دندرن
15-05-2005, 13:56
Corvette ... بو شهيب اشوه انك ماطلعت لو طالع والله جني اشوفك متوهق ^_^ يامعود الحمدالله على كل حال :) والعفو ولو انت اللي مشكور على مشاركتك

eve ... يعطيك العافيه على مشاركتك :) والله يعطيك العافيه لو انا منك جان من زمان امسكر الموبايل ومعطيها النومه السنعه وخلي الاوادم يدقون لي باجر :)
HaYDoOo
02-06-2005, 21:46
دندرن

موضوعك روعه ...

و تصدق عاد ..راعي التاهو (المستقلة) اللي داش عرض هذا ...صاحبي و كنت داق عليه ابيه يساعدني :d

يسلمو :d
*owen
16-06-2005, 07:47
والله خوش سالفه صاير مخرج
مشالله عليك المهم ماتشوف شر
بس شرايك نسميها سنه الطبعه بن عيدان لا طبعه سيارات هاشرايك
لوووووول
>> Rainbow <<
16-06-2005, 11:06
الله يهداك الناس بحالة وبغرقة وانت تصور لووووووووووووول ..

ماتوهقت مثلهم ؟ يعطيك العافيه والصراحة كان يوم فظيييع :):)
دندرن
26-06-2005, 18:00
دندرن

موضوعك روعه ...

و تصدق عاد ..راعي التاهو (المستقلة) اللي داش عرض هذا ...صاحبي و كنت داق عليه ابيه يساعدني :d

يسلمو :d

تسلم اخوي هايدو هذا من ذوقك :) ههههههههههههههههههه عيل اكيد انت موجود بالصور :cool:

انزين لايكون انت راعي الجيب الشيروكي ؟؟ اللي رجع مع راعي التاهو؟؟؟ :)


والله خوش سالفه صاير مخرج
مشالله عليك المهم ماتشوف شر
بس شرايك نسميها سنه الطبعه بن عيدان لا طبعه سيارات هاشرايك
لوووووول


تسلم طال عمرك ... الشر ماييك ان شاءالله :)
يالله مو مشكله انسميها سنة طبعة السيارات :D


الله يهداك الناس بحالة وبغرقة وانت تصور لووووووووووووول ..

ماتوهقت مثلهم ؟ يعطيك العافيه والصراحة كان يوم فظيييع :):)


ههههههه عيل شتبيني اسوي ؟؟؟ ماكو شغل وضايق خلقي يومها من الزحمه قلت اقزرها تصوير :D
والحمدالله ماتوهقت الله سهل اموري الحمدالله ^_^ .. وعسى الله يعافيج ان شاءالله ومشكوره على مشاركتج ... ومره ثانيه مالج شغل فيني اصور والا مااصور :p :p :o :o خو كيفي هىهىهىهى
S-S
26-06-2005, 18:39
وليييييييييييه جنه اكو ماي ؟؟؟ يالله خنغامر واندش اشورانا خربانه خربانه

http://www.hamaden73.com/ma6ar39.JPG
المفروض تقول .. هي خاربة خاربة .. خلينا نعميها .:44: . مثل ما يقول صاحبنا المعصقل ..:p
لوووووووووووووووول ضحكتني والله

تسلم على الصور و التعليقات !!

:D
ToTTi q8
26-06-2005, 20:00
يعطيك العافيه
دندرن
15-07-2005, 16:49
وليييييييييييه جنه اكو ماي ؟؟؟ يالله خنغامر واندش اشورانا خربانه خربانه


المفروض تقول .. هي خاربة خاربة .. خلينا نعميها .:44: . مثل ما يقول صاحبنا المعصقل ..:p
لوووووووووووووووول ضحكتني والله

تسلم على الصور و التعليقات !!

:D

ان شاءالله دوم هالضحكه ويعطيكم العافيه على المشاركه :)

يعطيك العافيه


الله يعافيك :)