هالناس هذي وبالذات الحريم يعرفون يسووقوون السيارات ولا لأ..؟ [الأرشيف]

مشاهدة النسخة كاملة : هالناس هذي وبالذات الحريم يعرفون يسووقوون السيارات ولا لأ..؟

Sebastian Deisler

15-05-2005, 15:41

السلام عليكم ورحمته الله وبركاته

يا جماعه الخير من القهر والحرة ألي فيني

صارلي موقف يعني مادري شنو اقول

وبالذات الحريم

كمثال :
بنت تسوق او مرأة عمرها 30 وما فوق
تسوق سيارتها وتطالع قدامها وما تطالع الي حواليها اذا في سيارة جنبها ولا لأ
وهذي مشكلة بصراحه حتى وحده بقت تحوش سيارتي وزين اني بعدت عنها
حتى صارت فيني عقدة والله وكله منهم كل ما اشوف سيارة بنت او أمراه ابعد عنها شوي
ولا اقرب منها
الانك ما تتوقع شنو ألي يصير منها وهي تطالع قدامها وانا اصلا ما اعمم على الكل
بس في نسبه كبيرة منهم يعني طريقة قيادتهم جذي
ليش
شنو السبب..؟ واذا حاشت سيارتك تقول السبب انت مو انا وانا ارفع عليك قضيا.!!!
يبيله نقاش هالموضوع
وحتى في بعضهم وانا على الطريق السريع وان دايس 120 تقريبا يجي واحد وراك وملازق بسيارتك يعني بعد عني
أزين لاسمح الله وقفت وكانت قدامي سيارة شنو يصير بألي وراي ..؟
ةالله حالات الله لا يبلانا فيها

http://perso.wanadoo.fr/skrime/gifs/metal_slug_018.gif $$$ F.W.Z $$$ http://perso.wanadoo.fr/skrime/gifs/metal_slug_018.gif

GuNNeR

15-05-2005, 15:48

كـل هـذا بسبـه الواسطـات عنـد (( تـراي الليسـن )) :) .

عسـى الله يكافينـا شـر الحـوادث بـس .

Sebastian Deisler

15-05-2005, 15:50

كـل هـذا بسبـه الواسطـات عنـد (( تـراي الليسـن )) :) .

عسـى الله يكافينـا شـر الحـوادث بـس .

خل عنك الواسطات بس الحريم هذولا والله العظيم مادري اشلون عطوهم سيارة ...
حتى قبل يومين وانا من صوب مارينا وانت طالع للخليج
وانا مار بالسفاري مالي ولا وحده طاااايرة والشارع ضيق ياخوي
بس طايرة واللفه ما خففت ..بقت تدعمني والله لو ما بعدت عنها :mad:

GuNNeR

15-05-2005, 15:54

بس الحريم هذولا والله العظيم مادري اشلون عطوهم سيارة ...

عطوهـم بالواسطـه :)

الانجــليزي

15-05-2005, 16:17

خل عنك الواسطات بس الحريم هذولا والله العظيم مادري اشلون عطوهم سيارة

والسواق بعد . ياخي شلون يسوقون مادري
وانت راد من الدوام بعز الشمس وحرررررر موت ويمشون جدامك صفر وانت تدق هرنات لهم وهم طاااف

sahaaaar

15-05-2005, 17:30

NOT ONLY WOMEN THERE ARE SOOOO MANY MEN THEY ARE CRAZY
WHILE DRIVING THE CAR

I WILL COME SOOOON

I WILL WRITE MY OPINION IN ARABIC TO BE CLEAR 4 ALL READER

SEEEE
SOOON

aljazar

15-05-2005, 18:29

حتى صارت فيني عقدة والله وكله منهم كل ما اشوف سيارة بنت او أمراه ابعد عنها شوي
ولا اقرب منها

حالي من حالك
قبل كانوا خوافين درجة اولى في السواقة الي تطلع 80 في الخط السريع معجزة الحين صاروا اجرئ من الشباب في الشارع العام يمشون على ال 100 عادي وبالخط السريع شي طبيعي 160-180 واي شي يصير انت الغلطان تلف عليك انت الغلطان تدعمك من ورى انت الغلطان تشكل هرنات مني والطريج على اي شي وفيك خير بس التفت عليها شيفكك من لسانها

وهم في شباب ما يقصرون فوق انهم يدوسون بجنون وهم يبتونون يعني ما يظر نفسه بس هم يظر غيره . ويولك نوعية الي خزني واخزك وتصير بينهم طق على اسباب تافهة .ولا الفصلات الي بشارع الخليج يطول المسجل على الاخر ويقوم يطلع من السيارة و يرقص بالشارع

وبسبب هالاستهتار قمنا نشوف حوادث بالهبل عيل بالسنة يموتون 356 بسبب حوادث السيارات شي مو طبيعي . وكل يوم بالطريق رايح وراد لازم اشوف حادث الي داخل بشجرة والي داخل باشارة ولا سيارة مخفوسة خفس . والله بلاوي قمنا نشوف بالشوارع الله يكافينا الشر

Lazio 4 Ever

15-05-2005, 19:06

الله كريم بس .. :)

GuNNeR

15-05-2005, 19:17

والله ذكرتنـي بـ وحـده الله يهديهـا ..

بـ خـط الفحيحيـل السريـع دايسـه 160 - 180 وتشتغلـك تكبـس واللي انصدمـت منـه "تبتـون" :d

الله يرحـم ايـام البنـت تسـوق 80 حدهـا :)

القدساوي المحنك

15-05-2005, 19:24

عطوهـم بالواسطـه :)

:eek: يبتها :p

cassano

15-05-2005, 19:47

الحريم ابرك من الهنود .. والشباب المستهترين الي مايحترمون الطريق ... :cool:

ممكن المره وكبار السن راكدييين وهاديين ..وصدقني حوادثهم بسيطه .. مو مجزره نفس الشباب ..

... قريت بالانباء انه الكويت من اكثر دول العالم حوادث .. وهم ربطو السالفه بالحريم بالكويت لنه الكويت من اكثر دول العالم يسوقون والاول عربيا ( ويبون حقوقهم :o )

لكن مو شرط ... بس شي يغث لما تشوفه ماسكه الحاره اليسار ( السرعه ) :rolleyes:

تحيياتي

ZiZO 5

15-05-2005, 21:13

السلاح السري للحريم بالسياره ( الهرن ) اشتغل عليه بضمير لما تقول يا ليتني ما طلعت من بيتنا :)
و السواويق قولهم ( بوليس, اقامه , تسفير , بلاك لست ) يتصرقعون :)
ترى انا شرير بالشارع بس خوش واحد :)

Lazio 4 Ever

15-05-2005, 22:18

والله ذكرتنـي بـ وحـده الله يهديهـا ..

بـ خـط الفحيحيـل السريـع دايسـه 160 - 180 وتشتغلـك تكبـس واللي انصدمـت منـه "تبتـون" :d

الله يرحـم ايـام البنـت تسـوق 80 حدهـا :)

لوووووول جان كلمتها .. ؟ :D

Abdullah Naqi

15-05-2005, 22:27

ولاااااااااا اللي تنام عليك و ترد و تصارخ مو عاجبها و بايدها التلفون :mad: ولااا السوااااااق !!

بس الصراحه انا بالشارع مرات اصير حد التكانه .. خصوصا بالروحه لانه الصبح و المزاج رايق :o بس بالرده الله لا يوريكم :cool:

Lazio 4 Ever

15-05-2005, 22:38

Abdullah Naqi

15-05-2005, 22:45

لازيو فور ايفر : يلا خل اخذك فره فيها :p و هالايام دايره عبدالمجيد اليديد بعد :cool: :D :p

Bo Msheal

15-05-2005, 22:48

حتى الصبيان مو مقصرين .. باختصار بالفئتين تلقى الزين والشين ..

Fc BaRcElOnA

16-05-2005, 02:05

و لا تييك ذيج الحرمه اللي ماسكه الشمال و دايسه 100 و ما توخر للسيارات اللي وراها !! يا حلاوه !!

Lazio 4 Ever

16-05-2005, 12:49

و لا تييك ذيج الحرمه اللي ماسكه الشمال و دايسه 100 و ما توخر للسيارات اللي وراها !! يا حلاوه !!

لوووووووووووول شكله صارت فيك .. :D

ياسمين

16-05-2005, 20:02

الحريم ابرك من الهنود .. والشباب المستهترين الي مايحترمون الطريق ... :cool:

ممكن المره وكبار السن راكدييين وهاديين ..وصدقني حوادثهم بسيطه .. مو مجزره نفس الشباب ..

ياسلام على هالرد
جان بتصيدني احدى هالمجازر او بروح فيها بس مكتوب لي اعيش :rolleyes:
في احدى التقاطعات طلعت عليي سيارة بسرعة .. انحرفت حتى اتفاداها
مع اني ما كنت مسرعة :p انحرفت على مدرج رملي يمكن مسافة متر عن الشارع واتشقلبت بالسيارة ثلاث شقلبات ( بس الحمد لله طلعت سليمة)

sahaaaar

16-05-2005, 20:10

اوه اوه سلامات ياسمين المرة اليايه خلي بالج زين ترى الرياييل يطلعون ع الشارع مرة وحدة حطي بالج زين

Fc BaRcElOnA

16-05-2005, 20:14

Lazio 4 Ever .. اي الف مره ! :D :p
ياسمين .. ترى مو كل الشباب مستهترين ! ;)

sahaaaar

16-05-2005, 20:28

أخيراً رديت البيت الحين اقدر اكتب الرد على راحتي :D

أنا ما أنكر ان سياقة الرياييل أفضل من سياقة الحريم بس بعد في رياييل الله لا يبلاني فيهم وانا اسوق ياكافي تقول اللي ماسك السيارة والعياذ بالله مينون شوي يسار ومرة وحدة تشوفه داش يمين وبعضهم سياقتهم تقول داش ريس مو في شارع عام والكل ماشي في حاله...

والله يوم من الأيام طالعة رايحة الدوام والا جدامي واحد شكله تقول شارب له شي ((سكران)) أنا مو متأكدة بس أقول شكله:rolleyes: لان الساعة كانت 8 الصبح ما توقع شارب شي يمكن مو نايم زين المهم وانا اسوق وهو جدامي والا مرة وحدة شوي يمين وشوي يسار أنا خفت ذيج الحزة خففت السرعة لاااااا خرطها الريال ومرة أجوف السيارة راحت على الرصيف أوه أوه شصاير شالسالفة خففت السرعة أكثر ومرة وحدة رد الشارع ومن الخط السريع نط للخط الثاني وييه الهرن من اللي يمي دست الريس عشان اوخر عنه لا يدوسني ... :D :D زين الله ستر وما رحنا في خبر كان...

بعد تبون مواقف اكثر ؟؟؟؟

مدريدية

16-05-2005, 20:57

ياسلام على هالرد
جان بتصيدني احدى هالمجازر او بروح فيها بس مكتوب لي اعيش :rolleyes:
في احدى التقاطعات طلعت عليي سيارة بسرعة .. انحرفت حتى اتفاداها
مع اني ما كنت مسرعة :p انحرفت على مدرج رملي يمكن مسافة متر عن الشارع واتشقلبت بالسيارة ثلاث شقلبات ( بس الحمد لله طلعت سليمة)

لا تذكرينا بهذا اليوم ياسمين كلنا اعصابنا كانت مشدودة من سمعنا عن الحادث والرقيقة طاحت دموعها واهي قاعدة تنتظر وخلتنا نصيح معاها كنا ننطر خبر يأكد لنا اللي صار لان سمعنا ان السيارة تشقلبت قلنا خلاص راحت ياسمين فيها بس الحمدلله طاف هذا اليوم على خير :rolleyes: :)

Lazio 4 Ever

16-05-2005, 21:29

Fc BaRcElOnA .. اي خلهم على راحتهم شفيك :P :D

ياسمين .. سلامااات :)

Aziziano

16-05-2005, 21:34

انا و الله كل ما اشوف سيارة جدامنا مسوية شي غلط اقول اكيد حرمة ... !!

مهبوله86

16-05-2005, 22:01

الي يسوق يسوق بذكاءه مو بنت ولا ولد والحريم يسوقون بركاده اكثر حتى لو طارو يسيطرون عالسياره اما الشباب يخرعون الي يمشي جدامهم يلزقون فيه لزقه

ياسمين

16-05-2005, 23:05

sahaaaar .. اي يبيلنا نحط بالنا زين ( نسيتي ذيج الليلة اشتغلتي مخابرات حتى ما يوصل الخبر للوالدة) :rolleyes:
Lazio 4 Ever .. الشر ما ييك
Fc BaRcElOnA .. مو كل الحريم يمسكون شمال ويدوسون 100 ومايوخرون للسيارات اللي وراهم
مدريدية.. الحمدلله طاف اليوم على خير وانشاء الله ما يتكرر ( بس ترى الشقلبة تجربة نادرة :D )

بومساعد

16-05-2005, 23:29

يا اخوان بحكم عملى اللى اشوفة ان الرجال والحريم كبار السن هم الاكثر تقيدا بانطمة المرور ويأتى بعدهم الامراة الاصغر سنا واكثر الحوادث تحصل اسبابها من سائقى السيارات الذين يعملون بالبيوت سواق وكذلك للشباب من فئة الذكور فنجدهم الاكثر بتجاوز الاشارات الضوئية وقيادة السيارة بسرعة فوق المعدل والدخول عكس السير وعدم استعمال اشارات التنبيه للانعطاف وقيادة السيارات تحت تأثير المشروبات الروحية والمخدرات0 وللاسف اقول لكم ان الضحايا من الشباب من اصابات ووفيات هم الاكثر 0 وطبعا هناك من الشباب الكويتى المتعلم جيدا ونشأ لدى اهله نشاة طيبه من تجدهم متقيدين بالقيادة وبانطمة المرور0

Fc BaRcElOnA

17-05-2005, 01:35

ياسمين .. اي اكيد مو كلهم ! :) لان في بعضهم حلاوه :cool: ;)

المدريدي

17-05-2005, 02:10

لوووووووووووووووول انا يمكن قبل شهر تقريبا كنت عالرابع طالع من حولي ومتجه للعديليه

نزلت من تحت الجسر مال مستشفى مبارك وكانت الاشاره حمرا

والعالم واقفه بالنص وعاليسار وانا كنت امشي بالسايد الوسطي

والسايد الايمين حق الي يبون يلفون ويدشون شارع تونس

عاد انا وكالعاده انتقلت للسايد الايمن وابي اكمل سيده ما ابي الف ووقفت ورا السياره الي واقفه بالوسط

بس هم ساد الطريق على الي يبون يروحونن لشارع تونس

لصقت بالسياره الي جدامي وحشرت روحي كثر ما اقدر

ما وعيت الا وبنت الحلال طااااااااااااااااااااااااااااااااااااااااااااااااا اااااااااااااااااط طااااااااااااااااااااااااااااااااااااااااااااااااا اااااااااااااااط طااااااااااااااااااااااااااااااااااااااط

؟؟؟

شالسالفه؟

شغاله ما سكت طااااااااط وطاااااااااااط

ورخت والسيارات جدموا وجدمت معاهم والاخت طااااااااااط

اي لحظه خل تشب الاشاره شنو اطير ولا شسوي

صج انا غلطان بس مو تقعد تعلق علينا جذي

بالغصب عطيتها طريق

وهي ماره جنبي اشرت لها وقلت لها شوي شوي جان تقعد تخزني وتطالع الي يمها وترد تخزني مره ثانيه:D قعدت يمكن 10 ثواني على هالحاله

والله الحريم شغل عدل بس يبطون الجبد:D

ياسمين: الله واكبر كل هذا صار فيج واحنا ما ندري؟

ما تشوفين شر وديري بالج

ياسمين .. اي اكيد مو كلهم ! :) لان في بعضهم حلاوه :cool: ;)

عدل:p

Alreem

17-05-2005, 06:27

يا جماعة حرمة تنرفزك وتخدش سيارتك ولا واحد يقتلك ... على كثر الضحك على سواقة الحريم بس الاحصائيات في الخليج تقول انه حوادث الموت المنتشرة في الخليج سببها الرياييل وياليت بسبب عدم معرفتهم بالسياقة لا بسبب الفلسفة الزايدة في الشوارع ... الله يخليكم راعوا الله في ارواحكم وارواح الناس