المساعد الشخصي الرقمي

مشاهدة النسخة كاملة : شرايكم بأستاد خليفة وحفل التدشين



عرباوي قطري
04-06-2005, 23:43
شرايكم بستاد خليفة وحفل التدشين البسيط والمعبر اتمنى اشوف أرائكم بصراحه ؟

حايلاووي
04-06-2005, 23:49
أحسن ما في الملعب الأرضية رائعة

لكن الباقي عاااااااادي

أزرق 2006
05-06-2005, 00:34
هلا اخوي ..

اولا مبروكين ان شاءالله على الاستاد المميز و ان شاءالله يكون فال خير للكره القطريه

وتحقق انجازات بعد هالتطور الكبير في المنشات الرياضيه و هو تطور سريع فعلا يعني

يمكن تذكرون قبل ثلاث سنوات مافي ملاعب تسوى في قطر غير استاد خليفه ..

اما الان هناك ملاعب السد و الريان و الغرافه و اليوم اعادة افتتاح استاد خليفه ..

وان شاءالله يشمل هالتطور بقية الانديه القطريه خصوصا اللي ماعندها مدرجات نهائيا ..

ويكون نظام الدوري ذهاب و اياب و كل نادي يلعب على ملعبه ..

بس عندي كلام بالنسبه لاستاد خليفه اهو فعلا استاد مميز لكن مو بالصوره اللي سمعناها

توقعنا افضل من هالشي خصوصا بعد ما شفنا استاد السد .. لكن تفاجات انا ان الملعب

مدرجاته مكشوفه عدا المقصوره .. المنصه الاميريه ايضا مكشوفه .. اعتماد كبير على

نظام المؤثرات الضوئيه يحاولون يظهرون الاستاد بشكل غير حقيقته .. وانا شفت اعلان

الاستاد و كان تصويره بالنهار كان شكله عادي بالنسبه لمستوى استاد دولي .. لكن تبقى

فعلا الارضيه ولا اروع ..

و اخيرا لاحظت برجين لاضاءة الملعب موجودين في المدرج المواجه للمقصوره .. اعتقد

منظرهم مشوه شكل الملعب .. و يبقى المميز فيه القوس اللي مغطي الملعب هذا شي جديد

والحين بعد ما شفنا استاد خليفه .. اعتقد ان في الوقت الحاضر استاد الملك فهد الدولي

هو الاميز و فعلا درة الملاعب اسم على مسمى على الرغم من مرور 17 سنه على

افتتاحه لكن تحس في كل مره تشوفه انه شي خيالي ..

و اعتقد بعد انه استاد جابر من الصور اللي شفناها راح ينافس استاد الملك فهد الدولي

اذا ماتفوق عليه بعد خصوصا انه فيه ابداع بالتصميم ..

وبالتوفيق للجميع

استاد جابر الدولي
http://www.kuna.net.kw/Picture.asp?DSNO=-15830
استاد الملك فهد الدولي
http://www.schools-ksa.com/album/riyadh/images/ryd8.jpg

شوف ولك الراي

حايلاووي
05-06-2005, 00:40
استاد الملك فهد ( المعرف لا يعرف ) ومع احترامي لاخوي ازرق ماعتقد فيه استاد عربي راح ينافس درة الملاعب على الأقل في ال 100 سنة القادمة

عرباوي قطري
05-06-2005, 00:50
عفوا شفنا مثل ما تقولون درة الملاعب امس الارضيه تعبانه ووسائل التكنلوجيا ناقصه كثير


على فكره اللي يميز استاد خليفه مو الشكل فقط ولكن المدينه باكملها ووسائل التكنلوجيا المتطوره والنفق اللي تحت الاستاد المؤدي الى ملعب التسخين وغير ذلك السويتات اللي بالاستاد وكل طابق له شكل معين وخصوصا بأنه يتكون من 6 طوابق
ستوديوا مجهز بأحدث الاجهزه المتطوره وبعدين بخصوص تغطية الاستاد ماعتقد انها فكره تنفع بالخليج وخصوصا مع درجات الحراره المرتفعه والرطوووووووووووبه

اتصور الاستاد جميل ومناسب لدولة قطررررر

وعلى فكره يا أزرق 2006 نسيت تذكر نادري قطر اللي اقيمت فيه بطوله القراند لالعاب القوى بعد التجديد

وملعب نادي العررررررررربي والبقيه تاتي

الرافدين
05-06-2005, 00:53
قمة الروعه........لكن لو سووا المدرجات على طبقات كان يطلع تحفه

العـنابية
05-06-2005, 00:59
استاد خليفة لين الحين ماخلص اللي جهزت اساسيات الاستاد بس وباقي مدينة رياضية بتنبني وفي اضافات عليه :) منظره اليوم حلوووو ويكفيني كقطرية اني اشوف بلادي تتطور في كل مكجال بس للحق ملعب السد احلى من استاد خليفة اليوم خصوصا وان المدرجات كانت بنفس الشكل القبلي تقريبا :confused:

وبعدين لاتقارنون بين اي شي في دولتين لان هالمقارنات ماوراها الا المشاكل وعوار الراس طبيعي انا قطرية بشوف اللي ببلادي هو الاحلى والاميز لانه بإختصار شي في بلادي اللي هي قطعة مني واللي هي بعيونى احلى مكان في العالم فكل شبر فيها حلو ونفس الشغلة بالنسبة لاي واحد من اي جنسية ثانية

السنعه
05-06-2005, 01:20
مـلعب قمـة في الـروعه ..
وإفتتـاحيه حـدها عجـيبه ..
عــقبال مـانشوف إستاد جـابر ;)

أزرق 2006
05-06-2005, 01:28
بالراحه علينا اشفيكم :)

انا ما قلت شي بالعكس الاستاد مميز ويكفي انه بالكويت الى اليوم مافي نفسه و شهاده

انا اقولها انتم اليوم متفوقين كثير بالنسبه للملاعب المتخلفه عندنا ..

بس انت ماعتقد فتحت الموضوع عشان تسمع مدح و بس ..

الاستاد مميز لكن بالنسبه لاستاد دولي اسمحلي استاد عادي مافيه يعني لمحه جماليه في

التصميم .. و عشان تفهمني اكثر ..

عندك مثلا استاد السد .. تحس انه فيه فكره جديده بالتصميم يعني شي مختلف يميزه عن

الملاعب الثانيه و ان كان حجمه صغير الا انه مميز ..

عندك مثلا استاد الملك فهد الدولي تحس فيه فكره فيه شي يميزه عن غيره تصميم الملعب

على شكل خيمه و بشكل فخم ..

عندك مثلا استاد جابر ولو انه تحت الانشاء ولكن وهو الان يبنى و ما خلص تمر عليه

تحس انه في شي متعوب عليه راح يصير و فيه تميز بتصميمه على شكل سفينه يعني

فكره جديده ..


هذا اللي انا اقصده بكلامي ..

وعلى سالفة تغطية الاستاد .. اخالفك بالعكس شي ضروري .. الموسم الرياضي يبدا

تقريبا من شهر 10 الى شهر خمسه الجو بالفتره هذي معتدل و التغطيه عن حرارة

الشمس اصلا اذا اقيمت المباره في العصر و عن الامطار و انت شفت كيف صار استاد

نادي الكويت في خليجي 16 اللي تقريبا ما مر يوم الا فيه امطاااار و كيف تبهذلت

الجماهير ..

و حتى تفهمني اكثر و اكثر قولي شنو المميز اللي تشوفه باستاد خليفه ؟! اعتقدعادي ..


و بالنسبه لموضوع المدينه الرياضيه الاخ تكلم عن الاستاد فقط مو عن المدينه الرياضيه


و المدينه الرياضيه مالها علاقة بالاستاد لانها بتكون مجموعة صالات بجانب الاستاد

فقط ..

ومره ثانيه مبروكين :cool:

عاشق قطر
05-06-2005, 02:33
- الملعب مايحتاج تغطية كل المباريات تقام بعد غروب الشمس والأمطار نادرة جدا في قطر وعدا ذلك الأسياد سيقام في فترة الصيف. :)

- استاد خليفة ربما ليس أجمل استاد في العالم من المظهر الخارجي لكن من الداخل والتجهيزات وغرف الاستقبال والضيوف من الأفضل في آسيا على الأقل كما أن أرضية الجري في سباقات ألعاب القوى هي الأفضل على مستوى العالم. :)

- أخ أزرق 2006 الملعب له شخصية وشكل مميز وهو طريقة إحاطة الملعب بالقوسين! ولاتنسى الملعب مب جديد كليا بل مجرد إعادة صنع أو remake. :)

حايلاووي
05-06-2005, 11:01
من السهل القول بأن بيتي احسن بيت في العالم
وسيارتي افضل سيارة في العالم
وساعتي اغلى ساعة في العالم
هالكلام يذكرني بايام الطفووووووووووووووولة

شقردي
05-06-2005, 11:39
واللــه ابصراحــه استــاد لا يعــلى عليــه..top

السحابة 9
05-06-2005, 12:32
ما شفت الحفل ..............

بس شفت مقاطع في قناة الجزيرة .............

صراحة استاد جميل .............

سفير الحب
05-06-2005, 14:08
الاستاذ بعد التعديل حلو
والارضيه بعد
المدرجات لم تتغير وايد

اضافات لمسات حلوه صراحه

Jose Mourinho
05-06-2005, 14:49
استاد .. رائــــــــــــــــــــع !! :cool:

عرباوي قطري
05-06-2005, 14:53
يا اخ ازرق 2006

انا فعلا ما فتحت الموضوع عشان المدح وفي نفس الوقت مو عشان المقارنه

الاستاد ما قلنا لك احلى استاد بالعالم ولكن قلنا يان تجديده بأحدث وسائل التكنلوجيا والمعدات المتطوره

من ارضيات وتشطيب عالي المستوى .... يعني بصراحه ما يهمني انا شخصياً الشكل اذا كان الاستاد

تنقصه الكثير من الاشياء بس اللي شفته بعيني من مواقف سيارات وممراات وصالات استقبال وكل شي كان مبهر

وشكرا ِ

الـجـافـل
05-06-2005, 16:04
في الاول والاخير اشكر حكومتنا على كل ما تبذله لرفع
اسم قطر عالي في المحافل الدوليه

أزرق كويتي
05-06-2005, 17:02
اكثر من رائع هالملعب واستاد جابر راح يكون روعه يعني بس عالاستادين اما الباقي ولا شي

الد بنت يره
05-06-2005, 17:07
روووووعه...

والارضيه رائعه...وشكله من فوق ..جدا جميل
والحفل على الرغم من بسااطته..الا ان كان حلوو صراحه وممتع

منها لي احسن ان شالله يااهل قطر:)

انا قطري
05-06-2005, 17:48
امم .. استاد خليفه .. مب جديد .. هو مجدد

يعني الي صار .. تركيب القوسين .. وكراسي فالملعب .. والساعات

والارضية الحلوة

واستاد خليفه .. يعتمد على جماله فالاضاءة والتكنولوجيا .. حيث استخدمت التكنولوجياالاحدث .. في تجديده

اما الشكل .. ففي رأيي الشخصي .. ليس بتلك ... الصورة المتوقعة .. خصوصاً فالنهار :)

اشكركم


انا قطري

سعودي 2006
06-06-2005, 08:18
اذا تسمحون لي بمداخله صغيره



طبعاً حفل الافتتاح كان جميل جداً ومميز بصراحه ..

انا شخيصاً كنت اتوقع ان الملعب بيكون في اضافات كبيره


بس مثل ما ذكرو الاخوان الاضافات فقط في الساعه و القوس .. لكن يبقى الملعب جميل


اخوي عرباوي قطري :

"عفوا شفنا مثل ما تقولون درة الملاعب امس الارضيه تعبانه ووسائل التكنلوجيا ناقصه كثير"


بالنسبة للارضيه التعبانه على حد وصفك .. بالفعل مثل ها الوقت من السنه دايماً في نفس الشهر معروف تتم صيانة وتغيرالانجيله لجميع ارضيات الملاعب في المملكه لانه ينتهى تقريباً النشاط الكروي في المملكه .. لكن هذا الموسم استثنائياً صار طويل بسبب مشاركة المنتخب ومشاركات الاندية السعوديه في البطولات الاسيوية والعربيه .. وارضيه استاد الملك فهد ها الموسم استهلكت بشكل كبير في بعض مباريات الدوري وبعض مباريات كاس ولي العهد وكذالك البطولة العربيه وبطولة اندية اسياء وغير تدريب المنتخب


بس رغم هذا الارضيه كانت ممتازه لم تشاهد الكره تضرب في الارض ثم يتغير اتجاهها كما في بعض ملاعب الدول المجاوره :rolleyes: .. كانت الارضيه مستويه تماماً:)



وعموماً ملاعب المملكه معروفه با الارضيات الممتازه .;)



بالنسبة لوسائل التكنلوجيا اللي تقول ناقصه كثير ..هذي مو عيب با الاستاد العيب با التلفزيون السعودي


انا معك كاميرات النقل قديمه جداً .. ولو تابعت المباراه على قناة اوربت لوجدت الفرق الكـــــبيـــر جداً لدرجه انك تقول معقوله هذا نفس الملعب !! :)


لكن ان شاء الله فرجت قناة روتانا الرياضيه القادمه ستعيد هيكله النقل والاخراج التلفزيوني بكاميرات حديثه و بطريقه احترافيه 100% :)


بالتوفيق لجميع دول الخليج .. فرحنا امس في استاد خليفه .. وبكره بنفرح بستاد جابر اللي بيكون تحفه فنيه رائعه .. وبعده ان شاء الله نحتفل بستاد جدة الدولي :)

Bo Msheal
06-06-2005, 20:54
ماشاء الله .. ماشاء الله ..
الارضيه مو طبيعيه .. والملعب حلو .. والافتتاح بسيط وراقي ..
الله يهنيكم فيه ..