اكل ما تحبه ما تاكله = نقص غذاء :/ ..

[Pro]

كلنا عندنا نوعية من الاكل مانحبها او ما ناكلها .. مافي واحد ياكل كل شي .. اكيد عنده نوع من الاكل عالاقل مقلل منه ..

طبعا شي اكيد راح يفقد شوي من التغذية الي يمده هالنوع من الغذاء للجسم ..

طبعا انواع الغذاء ستة : فيتامينات - بروتينات - كاربوهيدرات - دهون - معادن - و ماي/ء ..

خل ابدي عن نفسي ..

ما اكل و ماحب بمعنى اصح اي شي من البحر للاسف :/ ..

يعني ما آكل كلش : سمج - ربيان - قبقب - ام الربيان - خثاق - محار - قواقع - حوت .. و الخ

و هم ما آكل البيض إلا نادرا :/ ..

طبعا بلاوي تنقصني بسبة هالعادة ... و انا ما اكل سمج من ولادتي للاسف .. اما البيض مادري من متى سحبت عليه ..

من الامراض الي ملازمتني بسبة عدم اكل السمج عالاقل .. " العشى الليلي " night blindness :/ ما اطالع بالليل كلش ملش .. يعني مرات ضوء خفيف موجود و هم ما اطالع ..

طبعا احد اهم اسبابه هو نقص في فيتامين A .. و هم مؤخرا اكتشف ان نقص في فيتامين D و اليود يسبب مرض العشى الليلي ..

طبعا السمج احد مصادر هالفيتامينات .. و اكيد له مصادر ثانية كاللحوم " الكبد خاصة " و السبانخ و الجزر و غيرها .. و هم هذيل ما اكلهم بكثرة .. فالنقص موجود موجود دام إن التوليفة الغذائية انقصت ..

يعني الفيتامينات وجدت بأكثر من غذاء عشان تاخذها من اكثر من مصدر .. و صعب بحياتك العادية تركز على نوع معين من الغذاء عشان اعوض النقص .. يعني صعب اقزرها جبده و سبانخ و جزر لاني ما اكل سمج :/ ..

للاسف حتى لو خذيت حبوب فيتامينات ما تعطيك مثل ما تعطيك مصادرها الطبيعية .. بس هم تفيد ..

جربت حبوب fish oil .. دهن سمج .. بس هذي صارت معاي سالفة و هديتها .. للاسف ضروري لازم تاكلهم مع الاكل .. لو تأخرت و كليتهم عقب الاكل بدقيقة .. قيصرية ما تحل مشكلتك بالحمام :/ ..!

ما علينا ..!

الحين السؤال شنو الاكل الي ما تاكلونه ؟! او ما تحبونه ؟! سواء لـ " ويييع " او " ريحته خايسة " او " يلوع الجبد " او " بس جذي " او " الخ .. "

و هل فكرتوا بالبديل الي يعوضكم خسارتكم للتغذية الي يمنحها هالاكل الي سحبتوا عليه ؟!

[DvD]

تــصدق اني احب كل انواع الاكل وما اكره شي!

[Pro]

^^
انت اصفط عاليمين شوي .. دام " عكرة الضب " تمزمز فيها :/ لووول ..

[خعاخع]

Pro
فيه مثل يقول" نفسٍ تعاف ما تسمن"
والحمد لله اكل كل شي قارشه هههههههههههههههههههه
وفيني ميزه مو حلوه اذا حبيت اكله معينه انام فيها نوم اسبوع شهر لما امل منها. بس ارجع لها ثاني.

كنت اكره الباذنجان<-- لغة عربيه .. بس حبيته
كنت اكره الملفوف .. بس حبيته
كنت اكره الربيان..بس حبيته
كنت اكره المعكرونه..بس حبيتها

لي اليوم اكره ريحه البيض بس اكله

ومدامك تبي شي ما اكله واخوني طايحين فيه " البلاليط" الله يديم النعمه
الملوخيه .. اخيه منها.. الله يدم النعمه

وفوق هذا فيني فقر دم

[Nutty VaMpIrE]

الحمدالله ريال مو نفسك سمش(سمج) ويي لااا

كل شي احبه

اللهم اكل ملح او دهن زايد .. ماكله الصحة مهمة

وبلا دلع ملا علي المفروض تاكل سمج يلابط بعد ..
نبي نشوف جناقلك

[DvD]

عليــوي انت على وشك زواج .. لازم تـحب الربيان


نفس الحاله خعاخع انا احب كل شي ومع هذا فيني نقــص حديد ! يبوني اكل حديد بعد

[Pro]

اي زوجوني و اشربلكم عصير ربيان مو مشكلة لووول ..

[DvD]

عليـوي حدك مــزنوء

طيــب ممكن استفسار اللي ماياكل لحوم حمـراء شنو يصير فيه؟

[Nutty VaMpIrE]

نقص بروتين .. مافيك قوة بعدين
افا ياولد الجهرا

ترى المسامير pure iron

[AZzuRri_Q8i]

اكـل كل شـي تقـريبا الا الخضـرة مو ذاك الزود ويـاهـا .. لو يحـصلي فـويز مشـوي اكـلته

ابي ريجـيم سـنع .. لو انـزل 10 كـيلو اصـير حـدي fit

[DvD]

نقص بروتين .. مافيك قوة بعدين
افا ياولد الجهرا

ترى المسامير pure iron

انا اكل عكرة الضــب ماتبـيني اكل لحم خروف!! عيــب:P

عبيــد انا لو يحصلي اكلك جان كليتك ! لحمك طري يم يم:P :P

[Pro]

اللحوم الحمراء برايي الشخصي سهل التعويض عنها باللحوم البيضاء او اي مصدر اخر للبروتينات ...

كثرتها مضرة لـ زيادة نسبة الكولسترول - املاح " النقرص " و غيرها ..

بالضبط لازم ابحث عشان اييب شنهي المكونات الي ما تقدر تحصل عليها الا من اللحوم الحمرا .. يمكن احد يفيدنا ..

بس بشكل عام .. الابتعاد عنها قطعيا .. شي اكيد راح يسبب نقص بالتغذية

[Pro]

ازوري - دفيدي .. واحد منكم يغير صورته ترا قمنا نتلخبط ..

و عبودي شفيه سايت اتحادكم السكة ... متى ينزل الحلقات ؟!

[Nutty VaMpIrE]

peanut butter

مصدر رائع حق البروتين .. دايما ريوقي مع عسل وتوست

[Nutty VaMpIrE]

لوووول حتى انا تخربطت

اقول ديفيدي يقول ابي رجيم !

استغربت شوي .. توني اجيك ولا ازوري

[AZzuRri_Q8i]

ازوري - دفيدي .. واحد منكم يغير صورته ترا قمنا نتلخبط ..

و عبودي شفيه سايت اتحادكم السكة ... متى ينزل الحلقات ؟!

خـلاص غـيرنا ..

هم بـوق و هم تتشـرط بعـد .. مـادري عـنهم الله يخـلي السـتليت


peanut butter .. رمـز من رمـوز امـريكا مـا يقـدرون يسـتغنون عـنه .. بس هم مـاحـبه

[overnet]

الحمدالله اكل كل شي ما عدا البيض مشكلتي وياه مشكلة

و انا بعد وياكم ضعت بين دي في دي و اتزوري

[DvD]

لو سمحتوا دكاترة المستـقـبل .. انا نـاوي اقط من وزني 5 كيــلو شسوي؟ ...

[AZzuRri_Q8i]

لو سمحتوا دكاترة المستـقـبل .. انا نـاوي اقط من وزني 5 كيــلو شسوي؟ ...

انا ابـي 10 .. يعـني دبل ريجيمـه .. و لحـد يقـولي اركـض

[overnet]

فويز سهلة 5 كيلوات دش نادي امش كل يوم ساعتين و اكل مشويات