النتائج 1 إلى 17 من 17
    #1

  1. الحالة :لحلاح غير متصل
    تاريخ التسجيل
    18-05-2005
    المشاركات
    764

    Thumbs up الانديه الصحيه في الكويت .

    بعيدا عن هدفها التجاري الواضح اتمنى من الاعضاء الكرام و بالاخص من مرتادي الانديه الصحيه التجمع في هذا الموضوع و تشارك المعلومات .

    أفضل الانديه .. مميزات كل نادي .. جدول التدريب .. النظام الغذائي .. المكملات الغذائيه ( البروتينات ) و مميزات كل نوع عن الاخر ..

    عن نفسي جربت 3 انديه بالكويت اثنين منهم حرام اسميهم انديه و الثالث برايي افضل نادي بالكويت متخصص بالحديد ( أوكسجين ) الاجهزه اللي فيه متجدده بشكل مستمر و متطوره .. صحيح ان الاداره ( دزتها ) بسالفه الاعبين العالمين و اختيارهم اوكسجين كمعسكر لبطولاتهم لكنه يبقى نادي متكامل للاعب الحديد .. اللي يعجبني فيه تعامل المدربين مع المشتركين و قعدتهم على راسك من تدخل النادي لما تطلع .. و من مميزاته بعد صاله السويدي و جدول التدريب اليومي .. التمارين من ( 1.00 الظهر - 9.00 بليل ) تقدر تختار الوقت اللي يناسبك .

    اذا بتشترك بنادي للحديد بس .. فهذا افضل نادي بالكويت .. سعر الاشتراك 40 دينار بالشهر .. وتقدر تاخذ فره بالنادي قبل لا تشترك و ابلاش اعتقد

    عيوبه .. الزحمه باوقات الذروه .. 5:00 - 9:00 PM .. انا نوعيتي اركز بكل تمرين مالي خلق يدش علي واحد يخرب حسبتي و يغير القعده و مادري شيسوي .. و هم ماحب اقعد انطر عند الاجهزه .. رغم الكلام اللي فوق لكن هالسبب بالنسبه لي كافي لترك النادي !!

    بالنسبه للنظام الغذائي من سنتين تقريبا ملتزم بنظام ليلحين ما كسرته ( ماكو مطاعم باستثناء بعض الاكلات - و لا مشروبات غازيه - الاهتمام بتناول الخضرا و الفواكه ) .

    و عن البروتينات صارلي سنه اخذ Whey Protien هالنوعيه ميزتها انها ما تمتن لقله الكاربوهيدرات فيها .. مع اني مو متين و وايد قالوا ان ما يصلحلي لكن هالبروتين داش مزاجي و بقوه! .. على العموم انصح فيه أصحاب الاوزان ( الغير ثابته ) ..

    و بالنسبه للكرياتين و الفيتامينات و الكالسيوم و هالسوالف ما اقدر افيد احد فيها ..

    بانتظار مشاركاتكم ..

  2. #2
  3. AZzuRri_Q8i
    زائر
    اشـتركت بـ بلاتينـوم بـس .. صـالة الحـديد زينـة بس مـالت اوكـسجن احسـن و اكـبر

    مـيزته راقـي .. صـالة الكـارديوفاسكيولار تعـجبني .. اليهـال فـيه اقـل من باقـي النـوادي .. الطـابق الثـاني اللي فـيه صـالات الاسـكواش و البـلياردو حـلو حق تضـييع الوقـت .. عـندهم مسـاج بس مـا جـربته .. و احـلى شـي لمـا تكـون هـلكان من التمـارين و تقـط نفسـك بالحـوض

    بـس مـدربينـه مو ذاك الـزود .. غـرفة اللوكـرات بالدور الارضـي صـغيرة .. و الزلمـة الاصـلع مـال الريسـبشن باط جـبدي

    و بالنسـبة لـ البروتينـات .. مـا عـندي اي فـكرة عن هالسـوالف

  4. #3
  5. عبد العزيز الحمادي
    زائر
    كلامي عن بلاتينوم نفس ما قال ازوري .. احس براحة نفسية فيه اكثر من باقي الاندية رغم اعترافي بأن صالة الحديد في اوكسجين افضل بوايد .. لكن يبقى عندي بلاتينيوم موفر كل اجهزة الحديد اللي ابيها ..

    اوقات الذروة هذي يا اخ لحلاح بكل النوادي نفسها ما تتغير وانا عن نفسي احاول قد ما اقدر اروح النادي على الساعة 10 يكون افضل

    whey protien يعني بروتين صافي .. او خلاصة البروتين .. وهو ترى النوع الاغلب المستعمل في البروتينات اللي موجودة بالسوق ... لكن اذا كنت تبي افضل الشركات استعمل متركس Met-Rx
    او يونيفرسال .. بس ميتركس ممتاز

    ازوري .. بالنسبة لمدربين بلاتينوم انصحك تستمر مع مدرب واحد افضل من انه كل يوم تروح لمدرب .. وانا اشوف مدربينهم ممتازين جدا
    بالنسبة للوكرز .. اشوف اللي تحت مساحته زينة .. بس اللي فوق اضيق

    المساج عندهم ممتاز .. انا شهريا آخذ جلسة .. لتفكيك العضلات .. ترى شي صحي .. وانصحك بعد المساج ريح يوم او يومين ..

    انا بالنسبة لي اقدم نصيحة شخصية للشباب الراغبين في ارتياد الاندية الصحية .. لازم يحافظون على مثلث الغذاء والتمرين والراحة ... يعني اكل عدل وتمرن قوي .. وريح وايد .. اقصد بالراحة النوم الكافي ... ولا تتوقع تصيل معضل بشهر ولا شهرين .. اذا تبي جسم ممتاز ومتناسق .. تحمل اقل شي 3 سنين عشان تطلع بأحسن النتايج .. وهذا ما يمنع انه الجسم ممكن يتغير وايد باقل من هالمدة .. لكن الحديد بالذات يبي بال طويل ونفس صبورة .. ونصيحة مجانية اخرى .. اخذ قياسات قبل لا تبلش بالحديد ... وبعد اخذ قياس ثاني كل شهر او شهرين وقارن النتايج

    لحلاح .. بالنسبة للأنتظار على الاجهزة لازم تشوف بدائل .. مو الا تلعب نفس التمرين .. ممكن تلعب نفس التمرين وتحرك نفس العضلة بطريقة مختلفة .. فالحلول دائما موجودة .. غير تمرينك افضل من انك تنتظر .. لان الانتظار يطيل فترة التمرين .. اللي انا ما احبذ تكون اكثر من ساعة واحدة فقط .. او بالكثير ساعة ونص

    ونتمنى لكم الصحة والعافية واجسام قوية ومتناسقة باذن الله

  6. #4
  7. بـوصــالـح
    زائر
    أفضـل نـادي " بـلاتينيوم " ..
    الزحمه مو ذاك الـزود ..

    بس الي نحشني منه اهو المغنّي " عبدالقادر الهدهود " !!
    اشـكثر يسـولف !!
    بـط إذنـي !
    ما يخلي الواحد يتمرن ..
    فهدّيت النادي ..
    طـقّيت فـرّه بـ أوكسجـين ..
    الـصراحه من ناحية الاجهزه لا يـعلى عليه .. بس الـوضع ما عـجبني ..
    ما حـسيت ابـراحه ..
    كـافي الي عـالكاونتر والإسـتعلامات يخلّونك اتـفِج !

    رحـت " راس الـسالميه " .. الـحلو الي فيـه ان أغلب الموجودين أعـرفهم وصار لي فتره مو شايفهم .. فإذا ما لقيت جهاز عـادي أشوح واحد فيهم وأقـعد مـكانه ..

    طـلعت من راس الـسالميه بعد ما زادو " الـيهال " فيه ابشكل مو طبيعي ..

    وقـريبا راح اشتـرك ابـ " تشامبينز " بالـجابريه !
    بس انشاء الله " الـهدهود " ما يكون هناك !

  8. #5
  9. AZzuRri_Q8i
    زائر
    فـان باسـتن الحمـادي ..

    يمـكن الوحـيد من مـدربينهم اللي حسـيته فـاهم ابراهـيم المصـري الطـويل مـال الحـديد .. طـبعا لا تعـليق على مـدرب اللياقـة الدايـخ بو لحـية .. المـدربين الفـلبن يونسـون حق ضـحك .. اذكـر كـانو اردى مـدربين مـلوت السـويدي بـس مـادري يمـكن يـابو يـدد زينـين لان اخـر مـرة رحـت صـوب السـويدي من 4 شـهور تقـريبا

    غـرفة اللوكرز اللي تحـت مكـانها اسـتراتيجي فـ وقـت الزحمـة تتضـايق و مـا تاخـذ راحـتك

    اشـتراكي منتـهي خـل اجـدده .. اخـذ جـلسة مسـاج و ابـاريك اسـكواش

  10. #6
  11. Bo Msheal
    زائر
    من ناحيتي جربت 3 نوادي الارقى ايليزيوم بس مو مال حديد وعيبه غويلي شوي ..
    بلاتينيوم ممتاز .. بس مكانه موذي .. ونوعيه الاوادم جيده
    اوكسجين اكبر ميزتين فيه القرب من البيت والاجهزه ويعيبه نوعيه الناس !!! والزحمه .
    اول ما فتح كان الاول بلا منازع ..

    يمدحون champions هاليومين .. يبيله من يطل عليه .
    ويعطيك العافيه .. خوش موضوع

  12. #7
  13. عبد العزيز الحمادي
    زائر
    بو صالح ... الهدهود كله بالحوض .. وصارلي دهر ما شفته .. وكله بحاله ماله شغل بالناس .. ليش غاثك مادري .. عيل انت ما جربت مشاري البلام يتميق على راسك باللوكرز .. ويييييييييع هالآدمي شنو دمه ثقييييييل

    بالنسبة لراس الارض .. ابيخ نادي شفته بحياتي من حيث ترتيب الاجهزة .. ومن نوعية الاوادم اللي فيه ... هذا اسميه حيات سنتر اليديد

    ازوري .. تدري عاد ابراهيم هذا كان يوم من الايام لاعب منتخب مصر بالكرة الطائرة .. خوش مدرب عاد ..

    الاسكواش وخرني عنه .. كله اقعد اطالع الربع وما العب .. ركبتي ما تتحمل اي لفة ومالي خلق تطق علي مرة ثانية .. بس المساج توكل على الله .. خوش شي .. واعتقد لك جلسة مجانية مع كل اشتراك شهري نص ساعة ..

    بو ميشيل .. معاك حق بالنسبة لمكان بلاتينوم .. الزحمة مشكلة معاه .. لكن انا واحد من الناس رميثاوي .. فبلاتينوم اقربلي .. واوكسجين مشكلته المصافط بعد .. ساعات تنطر وايد على ما تحصل مصفط ..
    اما ايليزيوم فهو منتجع اكثر منه نادي صحي اتوقع . شكله مال شياب مو شباب ..

  14. #8

  15. الحالة :Nutty VaMpIrE غير متصل
    تاريخ التسجيل
    29-11-2005
    الدولة
    بالكويت
    المشاركات
    4,658
    كاشتراك طويل اشتركت في بلاتينيوم الصيف مو اللي طاف اللي قبله وعجبني واستمريت عليه
    مريح خوش ناس اجهزة زينة خوش دج كل ماكعيت ابوزن تلقى مدرب على راسك

    اندية ثانية :
    جربت راس السالمية تقزيرة بس شنو قمتة اووووف
    جربت النادي اللي بالشعب عند فيلا فيروز نسيت اسمه اظنه فليكس
    نادي هيلتون المنقف الزين فيه مثل نوادي بره بس وايد صغير

    نظام اكل :
    اول سنة بدون شي اكل عادي مهم تعود نفسك فالبداية طبيعي مو تي اول اسبوع لك وتخربط ماينفع تاثير عكسي
    بعدها وقف وزني ! فجربت بروتين شيك لفترة قصيرة مع كرياتين وماغنيسيوم بس لفترة وقطعت يمكن شهرين

    ورديت عادي

    بس ملاحظة عن البروتين اخوي فانباستن واخوي لحلاح
    في whey protien وفي casien protien
    مو مثل ماقلت بروتين خالص الوي نوع من البروتينات يطلعونه من الجبن
    اكثر نوعين يستخدمونهم واثنينهم من بروتينات الحليب ويتشابهون بتركيبتهم بس يختلفون في عملهم
    الوي بسرعة الجسم يمتصه ساعة بالكثير
    الكايسين على فترة طويلة يمكن ٥ ساعات
    والبروتين شيكس ياخذونهم عشان توقف هدم العضلات

    بس اهم شي بداية طبيعية لمدة سنة بعدين كيفك

  16. #9

  17. الحالة :Nutty VaMpIrE غير متصل
    تاريخ التسجيل
    29-11-2005
    الدولة
    بالكويت
    المشاركات
    4,658
    واللحين البنات نصهم اندية صحية

    احسن شي سووه

  18. #10

  19. الحالة :Bianconri غير متصل
    تاريخ التسجيل
    05-05-2005
    الدولة
    في قلب اليوفي !
    المشاركات
    11,762
    انا بلاتينوم قعدت في 4 سنين و لعبت اسكواش فتره و دشيت بطوله و خسرت اول مباراه مع الشايب اللي يقدم النشره الاخباري بالقناه الثانيه بس طبعا مقطع ..

    حاليا في فيكتوري .. حديد و سويدي جيد ..

  20. #11
  21. دمي ازرق وقلبي كويتي
    زائر

    QFiTNeSs

    ياجماعه دشيت نادي صحي بصراحه انصدمت انه هالنادي موجود بالكويت

    طبعا هالنادي موقعه مخشووش هههههه بس راح اقولكم وين بعد ماتشفوون الصور الي صورتها وبصراحه النادي عجبني وشتراكه هم عجيب ويتكون النادي من صالة كمال اجسام اولمبية +3 صالات اسكواش +معلب كرة قدم ايبااخ +ثلاث احواض سباحه اولمبية +صالة سويدي +ملعبين تنس ارضي +كافيه +جاكوزي 6 اشخاص +سونا + بخار +الوكرات ترد الروح هههه
    وطبعا اجهزة المشي كل جهاز على تلفزيون LCD ياجماعه وفي شغلات مو ذاكرهم اخليكم ويا الصور وابي رايكم وهذا اول موضوع اشارك فيه وتصوري كان بالخشاشي وسامحوني
    وطبعا هالنادي بالرقعي خلف مجمع المحاكم واسمه QFiTNeSs واهتمامهم بالاعبين ممتاز وخدماتهم بعد الاهم انه مافيه يهال وبصراحه احس انه صك على اوكسجين

  22. #12

  23. الحالة :قدساوي انتراوي غير متصل
    تاريخ التسجيل
    30-07-2005
    المشاركات
    30,838
    هلا أخوي ..

    آنه كنت بنادي أنفينيتي بالجابريه .. و كانوا المدربين زينين و أكثر زينين .. ((طبعا كويتيين)) .. بس النادي ما فيه لا حوض سباحه ولا جاكوزي ولا بخار .. و هذا إلي خلاني أطلع ..

    بعدها قطعت جم شهر .. و بعدين رديت سويدي و حديد .. بنادي بلدوزر بالجابريه .. السويدي زوين مو وايد .. يشقك شق مدرب السويدي و ما يحط إعتبار حق المتان .. يعني يقولك تسوي 100 معده أول يوم ما يتدرج معاك بالتمارين .. و الحديد تمام بس مدربين مصاروه .. و النادي فيه جاكوزي و سونا و بخار بس ما فيه حوض سباحه .. المهم خلص إشتراكي ..

    و ألحين شكلي ببدأ بنادي قرطبه (إحياء التراث) .. خوووش نادي .. وايد سمعت عنه .. كل شي فيه .. رحت شفته .. حوض سباحه و جاكوزي و سونا و بخار و صالة حديد زينه و سويدي يمدحونه .. فشكلي بروح أسجل فيه

  24. #13

  25. الحالة :T-MAC غير متصل
    تاريخ التسجيل
    26-11-2002
    الدولة
    .......
    المشاركات
    4,076

    ويييه صارله فتره قاطع عن الرياضة..

    بخصوص المعهد انا عندي جمعية الاصلاح الاجتماعي معهد الشباب الي فيهم وايد زينين وغير جذي وقت الصلاة كل شيء يتوقف يعني تقدر تحافظ على صلواتك بخصوص الاجهزة وايد زينه
    بس مو مثل الاكسجين ..


  26. #14

  27. الحالة :Shag7a غير متصل
    تاريخ التسجيل
    11-08-2004
    الدولة
    kuwait
    المشاركات
    6,277
    وينكم يا بناات قولولنا عن نواديكم ..

    طبعا إحنا البنات مقصه .. إذا نبي نادي مرتب إشتراكه 150 120 مو أقل .. مع إن البنات ما يستخدمون غير صالات السويدي و أجهزة المشي و حوض السباحه .. يعني مو محتاجين مدربين مثل الصبيان حق سوالف الحديد و مادري شنو و مع هذا أحلى نادي رياييل مو أكثر من 50 بالشهر ..

    المهم

    أنا عن نفسي الحين مشتركه في فليكس إلي بالشعب .. خووش نادي زقرتي و نظيف مرتب .. أول ما أيي إذا حصلت بالجدول في كلاس سويدي حلو ألعب معاهم aerobics , boot camp (ysthbaaa7 :\ ) , steps ,Tennis (yaqteeeeeeeeeel :x )z و إذا ماكو شي عجبني بالجدول أروح غرفة الأجهز أمشي و لا أسوق قااري ...

    وبعض المرات أروح أسبح و نسوي تمارين تحت الماي مع المدربه ..

    طبعا ميزة فليكس إن مرتب و كبير فيه أكثر من صاااله و فيه صاالووون و مال الأظاافر مثل nail bar و إذا تبين ينظمون أكلج بعد مثل سوالف diet center و ربعه هم بعد عندهم .. و بس


    إشتركت قبل في فزيييك إلي بالسره .. بس مو شي صغير و بس صاله وحده فيها شوي أجهزه و بالنص إناقز مع المدربه طبعا ماكو مقارنه مع فليكس
    -----------------------------------------------------
    اللهم آجرني في مصيبتي و اخلف لي خيرا منها

  28. #15
  29. الحمادي
    زائر
    انظف نادي دشيته من جميع النواحي وحتى النفسيه تكون مرتاحه فيه من نظافته والاجهزه النظيفه بلاتينيوم كيفان حده عجيب والتايبوه عندهم حده عجيب والديجي تعال وارقص ..بس سويد شيشني على شارك شكلي بروح له هناك اي مكان في دي جي يشيش انا موجود ..

  30. #16
  31. Corvette
    زائر
    الحمادي أنا أدري ليش تحب بلاتينيوم !

  32. #17

  33. الحالة :Shag7a غير متصل
    تاريخ التسجيل
    11-08-2004
    الدولة
    kuwait
    المشاركات
    6,277
    اقتباس المشاركة الأصلية كتبت بواسطة الحمادي مشاهدة المشاركة
    عندهم حده عجيب والديجي تعال وارقص ..بس سويد شيشني على شارك شكلي بروح له هناك اي مكان في دي جي يشيش انا موجود ..

    عاااش الحمادي أيوااا بس إذا هييك مو زين تشتغل بمحل تسجيلات .. 24 فاصل و مخلي المحل يولي
    -----------------------------------------------------
    اللهم آجرني في مصيبتي و اخلف لي خيرا منها

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •