اللي يعانون من الوزن الزائد تعالوا شوفوا تجربتي في انقاص 18 كيلوا باركولي

[ورده]

السلام عليكم ورحمة الله وبركاته

اول شي باركولي لاني مو مصدقه لمه اوقف عالميزان اول الميزان كان رهبه بالنسبه لي وانحرج لمه اوقف عليه اعاني من السمنه فوق المعدل الطبيعي

فيأست ولاعت جبدي من الرجيم رحت حق عيادات بس المشكله انقص كيلوين واردهم 4 لاني احرم روحي واجهد نفسي فقلت بغير بنظامي لاني وايد اخربط

اكل بفك ككاو خرابيط ورا الاكل وبعد الاكل كنت أفه مادري شلون كنت عايشه كل ما ازعل اراضي نفسي بالاكل لين وصل وزني 90 انصدمممممممممممممممممت

قلت لازم اخلي حد حق الازمه اللي انا فيها ولو انه ارادتي شويه مو اوكي وثقتي بنفسي منعدمه قلت مالي الا اصبر وامسك روحي واتعود على اكل معين واغير في عاداتي بالاكل ولا احرم روحي حتى ككاو وبفك اكل قلت لمكن انزل ولو اني ادري ما انزل حدي ماكو ثقه ولا اتوقع اني بنزل كيلوا

قمت وحطيت نظام معين حق روحي وساعات اخربط واكل اكثر واعاقب روحي وكان عقابي اني اتحرك او ما اتعشا او اسوي اي شي واحاسب نفسي بنفسي واذا كليت اطالع شكثر كيت راح اختصر لكم :

مثلا اول ما اقعد من النوم 3 او 4 قلاصات ماي دافي ظروري دافي

بعدها بساعه اتريق اي شي ابيه بس نص بطني يعني اول اكل خبزتين او خبزه ونص الحين نص خبزه واحط فيها اللي ابي ويا عصير

ورا الريوق بساعه ارد اشرب ماي بفترات متقطعه بس قبل الغدا بساعه اوقف الماي

واتغدا عااااااااادي حالي حال البيت انا اعود جبد على الاكل الشويه واكل اللي خاطري فيه عيش قمت اكل بس احط وايد سلطه واكل شوي شوي يعني لمه اللقمه تروح اكل غيرها اول مشفوحه القمه بحلجي ولقمه بيدي ولقمه حاطه عيني عليها

اكل نص بطني بالغدا

ورا الغدا بساعه هم ماااااااااي بفترات متقطعه واذا حسيت باليوع اكل خيار تفاح اي نوع من الخضار او الفاكهه

العشا اتعشا توست وجبن او سلطه روب بالخيار او تبوله او فتوش

وطبعا اذا رايحين مطعم اتفنن واطلب سلطه او اطلب الطبق الرئيسي شي مشوي والخبز والعيش وايد خففت منه بدرجه القطاعه والككاو اذا ابي لي ككاو واحد باليوم وبفك واحد اكله باي حزه ابيه

وطبعا اشرب جاي اخضر اسمه كوالتي ورا كل وجبه يعني 3 مرات باليوم

واهم شي اني ما احب الرياضه رباديه هههههههههه فكنت شسوي اصفط بعييييييييييييييد بالدوام واتمشاااا واي مكان اروح اصفط ابعد شي عشان امشي وما استخدم الاصنصير استخدم السلالم والله متعه تره تتعودون

وهم وساعات بالبيت مثلا بنزل تحت وبنزل وياي الجريده واكل شسوي؟؟ انزل بالدري انزل الجريده وارد اصعد انزل الاكل يعني مو مره وحده انزلهم عشان اتحرك اكثر بدال الرياضه اسوي الطريج طريجين على قولة امي الله يحفظها وصايره مطراش عشان الحركه

والحين خلوني اقول لكم وزني قبل كاااااااااااااااااااااااااااااااااااااااان 90

والحييييييييييييييييييييييين

قولوا مشاءالله 72 وقابل لنزول لمه يوصل وزني 65 او 60

واي سؤال انا حاظر لانه ماكتبت التفصيل الممل عشان ماتملون

سلملم

[شاطر ومشطور]

والله ارادة عليج اختي

انا ودي انقص 180 كيلو واختفي من الدنيا

ترا اهم شي الارادة والله وان شاءالله تنقصين الباقي وتصيرين احلى بنت بنظر نفسج اولا ونظر اهلج

[اليوفي]

للحين متينه

[ورده]

شاطر ومشطور ياهلا والله تسلم احرجتني اهم شي بنظر نفسي على الاقل تكون فيه ثقه بالنفس ولو شي بسيط اول منعدمه وانته ان شاء الله بعيد الشر عنك لاتقول جذي موزين والله شد حيلك

[ورده]

اليوفي ياهلا والله لا مو متينه لاني مو قصيره مو مبين 72 يقولون لي اقل

و انا لين الحين ولله الحمد قاعده انزل بدون لا احس بروحي

وان شاء الله يوصل 65 او 60 عشان يصير وزني مثالي بأذن الله

[اوه يالازرق]

انا ابي رجيم اقدر آكل فيه اللي أبي و وقت اللي ابي و من غير ما اسوي رياضه شلووووووون؟

[ورده]

اوه يالازرق ياهلا فيك يا الغالي مافيه شي اسمه رجيم ولا حرمان ولا اكو شي اسمه اكل بكل وقت ابي

انته لمه تبي تحافظ على صحتك ووزنك لازم تكون بالنص يعني ماتحرم روحك ولا مره وحده تسرف بالاكل

يعني عندك تاكل ثلاث وجبات رئيسيه والعشا يفضل تكون خفيفه مع مراعاة شرب الماي بكثر وانك تتحرك يعني تقوم وتقعد مو شرط تروح الممشا او تمشي على رياضه معينه انته بتعود روحك على نظام معين بالاكل + زياده بالحركه

ولازم تحاسب نفسك ورا كل شي وتحط معدل يومي يعني اليوم اكل ككاو واحد وبفك وبيبسي ويفضل تبدله بالدايت وتم على هالنظام لمه تحذف يوم البفك ويوم تحذف الككاو بالتدريج على ما تتعود انك ماتاكل شي مو مفيد

واذا لقيت روحك كثرت بالغدا العشا خله خفيف..ألخ يعني لازم تحاسب نفسك وتعرف انته شنو تاكل

وبهالطريقه راح ينزل وزنك وانته مرتاح مو تتبع نظام معين مجرد ماتهد النظام وتاكل اللي انحرت منه يرد وزنك دبل

عرفت يا اخوي العزيز يعني اكل بعتداااااااااال بدون اسراف وتحرك وايد والماي الوايد ينزل الوزن بشكل رهيب + الجاي الاخضر ورا كل وجبه

واي سؤال انا حاظره

[بايعها]

انصحج تستخدمين كريم للسليولايت من بعد الرجيم علشان تزيلين الدهون اللي بالأرداف والبطن والخواصر

وشكراً

[اوه يالازرق]

اوه يالازرق ياهلا فيك يا الغالي مافيه شي اسمه رجيم ولا حرمان ولا اكو شي اسمه اكل بكل وقت ابي

انته لمه تبي تحافظ على صحتك ووزنك لازم تكون بالنص يعني ماتحرم روحك ولا مره وحده تسرف بالاكل

يعني عندك تاكل ثلاث وجبات رئيسيه والعشا يفضل تكون خفيفه مع مراعاة شرب الماي بكثر وانك تتحرك يعني تقوم وتقعد مو شرط تروح الممشا او تمشي على رياضه معينه انته بتعود روحك على نظام معين بالاكل + زياده بالحركه

ولازم تحاسب نفسك ورا كل شي وتحط معدل يومي يعني اليوم اكل ككاو واحد وبفك وبيبسي ويفضل تبدله بالدايت وتم على هالنظام لمه تحذف يوم البفك ويوم تحذف الككاو بالتدريج على ما تتعود انك ماتاكل شي مو مفيد

واذا لقيت روحك كثرت بالغدا العشا خله خفيف..ألخ يعني لازم تحاسب نفسك وتعرف انته شنو تاكل

وبهالطريقه راح ينزل وزنك وانته مرتاح مو تتبع نظام معين مجرد ماتهد النظام وتاكل اللي انحرت منه يرد وزنك دبل

عرفت يا اخوي العزيز يعني اكل بعتداااااااااال بدون اسراف وتحرك وايد والماي الوايد ينزل الوزن بشكل رهيب + الجاي الاخضر ورا كل وجبه

واي سؤال انا حاظره

مشكوووره على النصيحه و انا حاليا مخفف من الببسي و الماء تقريبا 7-8 جلاصات باليوم ...تشكرات

[AC-Milany]

برافو عليج

أنا صراحه ماشي على رجيم دشتي و ضعفان 39 كيلو

كان وزني 114 و الحين 75 في سنه!

وهذا وزني المثالي لأن طولي 173

[Immortal]

وجبة وحدة باليوم = الرجيم الامثل

[نهاش]

ماشاءالله عليج .. والفال لي ان شاءالله ..
أحنا الرياجيل عادي بس انتوا هههههاي لازم .. انا بنزل وزني عشان البدلات لا سافرت تلوق علي .. مو البنطرون أدخله بفازلين !! لوووووووول ...
أن زين جم المدة الي نزلتي فيها الوزن ؟؟ ..
بايعها غلطاان صج حدك بايعها لووول ...
وما انصحج بأي كريم لانه يقولون يشوه الأجسام .. ونادرا يحسن الجسم ..
نصحوني بأكل الأحبوب وطبعا رفضت لانه مرات يسبب الموت .. بعيد الشر عنا ..

[Mr.KehL 5]

مشكورة اختي على الموضوع

انا طولي 180 تقريباً أو أقل شوي

وزني كان 95 وشوي ويصك الـ100

قلت بسوي رجيم

رجيمي كان .. مافي ريوق

بالغدى آكل أي شي وانا طبعي بالغدى ما آكل وايد .. وبالعشى آكل توست وجبن وعصير

وطبعاً قاطعت البيبسي والكولا والمشروبات الغازيه

ووزني صار بعد شهر ونص تقريباً 70 !!

95 - 70 = 25 كيلو نزلت !!

طبعاً كل ربعي وأهلي لاحظوا اني ضعفت وايد

وطبعاً بعد ما صار وزني 70 هديت الرجيم اللي كنت متبعه وصرت آكل وأشرب أي شي

استمريت 5 أشهر ولاحظت ان وزني ما زاد وان زاد يصير بين الـ 70 والـ 75

بعدها بفترة مصختها حدي قمت آكل كله مطاعم ولازم البيبسي العائلي يومياً أشربه كامل لول

والحين وزني 90 !


والحمد لله راضي عن نفسي ما عندي مشاكل لو كنت مكرش شوي ^_^

[نهاش]

وجبة وحدة باليوم = الرجيم الامثل

لوووووووووووول لابالله رحنا فيها ...

[FaWaZ]

جم المده اللي ضعفتي فيها !
انا مشكلتي مشكله ! وزني طبعا ماراح اقدر اقوله .. بس وايد
قبل فتره سويت ريجيم بلندن .. ضعفت يمكن 15 كيلو بشهر ونص .. رديت الكويت جان اردهم مره ثانيه .. طبعا انا مشكلتي دايما غدا وعشا اكل بره .. ما اكل بالبيت .. وهذي مشكله ..
كنت اقص على عمري وانا ادري اقص على عمري .. اكل كنتاكي قطع دياي ..! على بو انه ما تمتن وانا ادري انها تمتن ..
و قبل فتره رحت حق دكتور "طالب الشمري" ضعفت يمكن 7 كيلوات وبعدها قطعت .. وطبعا كالعاده رديتهم وبزيـاده .!
هالمره عجبتني تجربتج .! وبجربها .. ما وراي شي.. ياريت تذكرينلي كل شي بالتفصيل

[Mr.337]

الصراحة انا علي ضغوووووووووووووووووط كبيرة من ربع ديوانية الأزرق و ربعي الخصوصيين و العايلة و كل الناس .. و كل يوم أقول باخذ من الوالد المشاية ( أنا أسميها الممشى ) و أنسى لأن الوالد حاطها بغرفته و ما يدري عنها .. و أبي نظام غذائي يصلحلي .. بس ماكو فايدة .. الأنظمة الغذائية كلها ما تصلحلي لأني ما أحبها ..

مشكلتي : ما أحب السلطة و جميع أنواع الخضار دون أستثناء .. شسوي ..
.. أنا عمري 12 و نص و وزني 72 بصراحة تامة و ما فيها شي أذا قلت وزني ( هذي سوالف الحضر ما يقولون أوزانهم ) و طولي يمكن 100 و بلـ اربعينات ..

[FaWaZ]

عبود بز

[Mr.337]

شنو البززز بالسالفة ..

[Corvette]

يحظج

[ورده]

بايعها ياهلا والله وبعدين انا ما احب استخدم كريمات ولا حبوب ولا اي شي يدخل بجسمي وانا مو متأكده منه مكتفيه بالحركه وناويه امارس السباحه لانها اكثر رياضه تشد الجسم