صفحة 1 من 3 123 الأخيرةالأخيرة
النتائج 1 إلى 20 من 52
    #1
  1. Fahad
    زائر

    أحمد الفضلي لـ alazraq.com : فوزنا ببطوله السوبر أعطتنا دافعا ً لتحقيق البطولات

    وها هو الـ alazraq يعود ليرسم التألق والتميز والإنفراد من جديد في سلسله لقاءاته الحصريه والمثيره مع نجوم الرياضه الكويتيه

    فمرورا ً بأحد نجوم الكره الكويتيه الجكوار فرج لهيب


    وإنطلاقا ً مع الجناح الطائر علي الشمالي


    وإبداعا ً مع الموهوب حسين الموسوي


    يعود الفريق الإعلامي لـ alazraq.com بالتألق وتسليط الضوء على كل ماهو جديد وفريد في ساحه الرياضه الكويتيه لنرسم لقاءا ً متميزا ً مع أحد النجوم الواعده بالرياضه الكويتيه وأحد من برزوا بالآونه الأخيره من نجوم رسموا لفرقهم طرق النجاح والإنتصار

    موعدنا الليله مع الخلوق والخلوق جدا ً " السوبر " أحمد الفضلي . . نترككم مع اللقاء الممتع بحيثياته ونعتذر عن أي قصور مقدما ً

    ::



    البطاقه الشخصيه :



    أحمد عبدالله الفضلي



    أعزب



    6/9 / 1982



    موظف بالتربيه


    *احمد الفضلي في البلنتيات امام التضامن لم يصد الا كرة وحده وهي الوحيدة التي كان توقعه صحيح فيها أما أمام القادسية فقد توقع أربع صح صد منهم ثلاث ، هل يعني هذا انك تعرف طريقة تسديد لاعبي القادسية أم حدس واحساس بوقتها أم ضربة حظ ؟


    للعلم فقط مباراتي مع التضامن كانت أول مباراه بحياتي ألعب فيها بلنتيات وكان في ربكه مني . . اما بمباراه القادسيه فكان في هدوء وتركيز والحمدلله توفيق من رب العالمين في المباراتين خلاني أصد ضربات الجزاء



    * شـنو شـعورك وانت اتصـد بـلنتي " فايز بندر " ..؟؟ شنو شعورك وات اتصد بلنتي لاعب كبير مثل " فوزي بشير " ؟؟



    فرحه كبيره بصراحه إنه عن طريق صد البلنتي الخاص بفايز بندر توجنا أبطال . . أما بلنتي فوزي فعطاني ثقه كبيره خصوصا ً إنه لاعب كبير وغني عن التعريف



    * شرايك ابـ " جمهور القادسيه " واهو تـارس الملعب عـ الآخر في نهائي السوبر ؟


    كلمه لهذا الجمهور ؟



    بصراحه جمهور اكثر من رائع وجمهور وفي بمعنى الكلمه وأحسد نادي القادسيه على هالجمهور



    * إنت تتمرن بـ " جمعية الإصلاح " ؟؟



    يضحك : كنت أتمرن بالمعهد الصحي الخاص بالجمعيه قبل سنتين



    * رأيك باللاعبين : " الخالدي .. بدر المطوع .. نهير الشمري .. عبدالعزيز المشعان .. مالك القلاف " ؟؟



    الخالدي : أفضل حارس مرمى بالكويت لي آخر سنتين ومن بطوله لي بطوله قاعد يتحسن مستواه للأفضل



    المطوع : بإختصار أفضل لاعب بالكويت ويستاهل أفضل لاعب بآسيا وأعتقد إنه ظلم بعدم إختياره للجائزه



    نهير : لاعب كبير ومن وجهة نظري عنصر مؤثر بالقادسيه



    المشعان : ماتابعته إلا بغرب آسيا وأتمنى موهبه تستمر للأمام إن شاءالله



    مالك القلاف : مثال للاعب المخلص







    * بتواجد كنـكوني مو خايف على مكانك !؟



    2/ بالعكس شغله إيجابيه حق النادي بوجود حارسين بمستوى واحد وشهاب له دور كبير في تطور مستواي وشهاب معاي من عمر من المراحل السنيه وهذا الشي ينعكس على مستوى الفريق ككل في ظل تنافس الحراس على الحصول على المركز الأساسي



    * إذا تـقدم لك عرض متسـاوي بجميع نواحي الصفقـه .. من الكويت و القادسيـه و العربي! من ستـختار !؟



    العربي . . ثم الكويت . . ثم القادسيه . . لسبب واحد إنه ظروف االعربي أفضل في إيجاد مكان كأساسي بعكس نادي الكويت والقادسيه الي يتواجد فيهم حراس متمكنين مع حبي للقادسيه وأمنيتي باللعب معه



    * اخطر مهاجم مر عليـك بالكويت !؟



    بدر المطوع . . فراس الخطيب . . طلال يوسف



    * ناديـك المفضـل " عربي " ، " عالمي " !؟



    الأهلي المصري عربيا ً . . تشيلسي عالميا ً



    * مثـلك الاعلى بالحراسـه " عالمـي " ، " محلي " !؟



    بيتر تشيك عالميا ً . . أخوي خالد الفضلي محليا ً






    * ما الذي يميـز خالد الرشيـدي عنك !؟ وهل تتـوقع ان تضـعه على الدكه " بالمنتخب " !؟



    خالد الرشيدي حارس واعد عنده إمكانيات كل الحارس الممتاز وجدامه المستقبل . . أما بسالفه الدكه فهذي المنافسه وبالنهايه الأصلح راح ياخذ الأساسي سواء كنت أنا أو خالد فكله في مصلحه المنتخب إن شاءالله



    * يوفنتـوس × ميـلان .. ليفربـول × مانشستـر .. برشـلونه × مدريد // أي مباراه سـتشاهد !؟



    برشلونه ومدريد . . لأنه الفرق الـ 4 الباقين ما أشجعهم ماعدى برشلونه



    * قدوتك في الملاعب من ؟



    أخوي خالد قدوتي مو بس بالرياضه . . هو مثلي الاعلى بشكل عام داخلها وخارجها








    * دائما يقولوون " ان كاظمة عقدة القادسيه " صحيح هالكلام ؟


    مو عقده لكن من عمر القادسيه ضد الكاظمه مثل الديربي بين القادسيه والعربي لها طابع خاص وأي لاعب راح تحطه بهالمباراه راح يكون جاهز لها لما لها من طابع خاص وشد أعصاب وحتى بالمراحل السنيه نفس الشد والحساسيه الموجوده بين الفريقين بالفريق الاول تلقاها موجوده



    *شنو سبب اختيارك لمركز حارس مرمى ؟؟



    1/ إقتداءا ً بأخوي خالد مع إنه كان معارض لرغبته في وجودي كمهاجم



    * شنو الفريق الي كنت اتشجعه قبل انضمامك لكاظمه ؟؟



    القادسيه . . وفي سالفه طريفه صارت لي سنه 89 في نهائي بين القادسيه والعربي وفاز فيها العربي على القادسيه . . كنت متواجد بدوانيه واحد من الربع وبعد مارجعت البيت فتحت " الكبت " وقطيت كل شغله عندي من ملابسي فيها لون أخضر



    * منو اقرب للاعبين لك ؟؟



    جراح الظفيري . . محمد الخميس . . محمد العباد وإلي من جيلي كلهم تقريبا ً









    * شنو اسوء مباراة لعبتها ؟؟

    مع اليرموك بـ 2005 بكأس ولي العهد وخسرنا فيها بسبب غلطه مني



    * منو الفريق الي تحسبله الف احساب ؟؟



    بشكل عام جميع الفرق وبشكل خاص الفرق الجماهيريه مثل القادسيه والعربي والكويت



    * ماهو سبب إبداعك امام القادسيه الموسم الماضي على عكس مستواك أمام الكويت ؟



    مباراه القادسيه بأول 10 دقايق كان ضاغط علينا بشكل مو طبيعي وتفاجأت من المدرب إنه طلب منا نلعب بهدوء ونهدي اللعب لأنه إحنا مو خسرانين شي والدوري رايح علينا بعكس القادسيه إلي يبي نقاط المباراه عشان الدوري . . وإحنا ما كنا متساهلين لكن القادسيه أيضا ً ماكانوا بيومهم ضيعوا قولين داخل الـ 6 فلذلك حتى القادسيه بذاك اليوم ما أدوا بالشكل المطلوب



    أما مع الكويت فإعتبرها أفضل مبارياتي بالموسم . . لكن بشكل عام كان في نقص بالفريق بتلك المباراه وماقدمنا مستوى وبنفس الوقت الكويت إستغل هالفرصه خصوصا ً إنه كان يبي المباراه ونقاطها وبهدف الكويت صار في سوء تفاهم بيني وبين نواف المطيري في توقيت الخروج للكره وماكان في أي تساهل منا بالعكس



    * شنو سبب ايقافك من الادارة بنادي كاظمه بعد مبارة نادي الكويت في الدوري الموسم الي طاف ؟



    ماكان في إيقاف لكن إلي صار إنه شهاب رجع التمرين وبالتالي المدرب شاف إنه شهاب من الأفضل يشارك مكاني وكذلك شارك بالكاسين وهذا راي المدرب وأحترمه وماكان في أي إيقاف بتاتا ً



    * عدم حصولك على جائزة افضل لاعب بمبارات النهائي والبطوله كان بسبب انذار ظلم لما طيح نفسه محمد مبارك ما تآثرت فيه ؟



    الواحد وده دايما ً يكون الأفضل وقدر الله وماشاء فعل والحمدلله خذينا البطوله وهذا الأهم ويستحقها خالد الرشيدي ويستاهلها عن جداراه وإستحقاق






    * شرايك بجمهور العربي ؟



    جمهور العربي ممتع ووفي لفريقه وأحسدهم مع نادي القادسيه على جمهورهم ولكن بهالفتره الله يعين جمهور النادي على فريقه ونتايجه



    * احمد الفضلي يعيبه شوت الكره الي يرجعها لي دفاعه ونشوفه اغلب الاحيان يطلعها بره ويسلمها مهاجم الخصم . . شرايك ؟



    إلي صار معاي خطأ كره رديتها في مباراتنا مع القادسيه وصلت لبدر المطوع وسجل منها قول . . مرات الخلل تصير بسبب الأرضيه وسوءها مو من الحارس



    * هل انت من زوار الازرق ؟



    إي نعم من زوار الأزرق بشكل يومي



    * شرايك بفراس الخطيب وخالد خلف وجراغ ؟



    نجوم العربي والأعمده الرئيسيه بالفريق



    * من أفضل حارس باسبانيا ؟



    حارس الريال كاسياس






    * مدافع ترتاح له بوجوده امامك و مدافع تتمنى يكون كظماوي ؟



    مدافع أرتاح يكونجدامي خالد الشمري . . وأتمنى يكون نهير الشمري كظماوي




    * نعرف ان خالد الفضلي من متابعي موقع الأزرق دوت كوم .. أعتقد انك متابع ايضاً للموقع .. رأيك بالأعضاء و الشغل عامة بالموقع ؟؟



    أكثر من ممتاز وبالنسبه لأعضائها يتكلمون عن مواضيع إحنا نحتاجها كلاعبين ونستفيد منها ومتابعين لكل التفاصيل بالوضع الرياضي بشكل دقيق





    * هل نشاهدك بدلاً عن خالد الفضلي اخوك الأكبر في نادي الكويت بعد اعتزاله الكرة خلال السنتين القادمتين أعتقد .. أم انك ستستمر بكاظمة ؟؟



    ماراح أرفضه إذا كان العرض مناسب لي ولإداره النادي



    * شهاب .. تؤيد انتقاله في ظل تألقك في الفترة الحالية ؟؟ خصوصاً ان شهاب من افضل الحراس في الخليج !!



    إذا كان من المصلحه الشخصيه لشهاب أكيد أؤيد هالشي ينتقل عشان يلعب ونفس الشي بالنسبه لي لو كنت مكانه بنتقل عشان ألعب وهذي رغبه كل لاعب وهي اللعب مو الجلوس على دكه الإحتياط



    * ليش تحب تضيع وقت ؟



    في لحظات تشوف فريقك تعبان ومضغوط عليه فلازم تهدي اللعب عشان يريحون شوي ولو بيدي أخلي الكره ماشيه وما أهديه ولكن ظروف الفريق والمباراه تحتم علينا هالشي



    * هل تتوقع إنك تمشي ع الطريق الصحيح إلى ان توصل إلى ماوصله اخوك خالد ؟



    إن شاءالله أتمنى هالشي




    * منو أفضل حارس بالنسبه لك بالخليج ؟



    أفضل حارس بالخليج : حراس مرمى الكويت بشكل عام بدون مجامله



    * بشنو تذكرك اغنية " بدأ يحبني توه توه ولمن يحبني يحبني والله والله " ؟



    يضحك بقوه : ترجع السالفه هذي حق سنه 2001 السالفه أيام المخيم كانت أغنيتنا الدارجه بالمخيم



    * بماذا تعلل عدم وجود جمهور لنادي كاظمة يحضر الملاعب ؟



    في جمهور حق نادي كاظمه لكن مو بقاعده القادسيه والعربي . . عندنا جمهور شفناهم بنهائي السوبر لكن بعد نهائي السوبر إختفوا ماشفناهم بالدوري وودنا يحضرون ويدعمونا



    * شرايك باللاعب احمد موسى والموسوي وفهد الفهد ونواف الخالدي والشمالي؟



    أحمد موسى : لاعب كبير لكن ظروف مرض بنته الله يشافيها ونتمنى له الإستمرار



    الشمالي : لاعب ممتاز ولكن ظروف الإصابات أذته



    الموسوي : من النجوم الواعدين بالكره الكويتيه



    فهد الفهد : أفضل مهاجم بالكويت حاليا ً



    * تعتقد يضمونك المنتخب ولا لا؟



    تبقى وجهة نظر الجهاز الفني للمنتخب



    * هل صحيح ان الفضلي سيكمل دراسته خارج الكويت وسيبتعد عن الفريق؟



    إذا ماحققنا بطوله رسميه تؤهلنا للمشاركه خارجيا ً هالموسم فراح أتوجه للسفر بالخارج . . وطموحي هو الفوز بأحد بطولات الدوري أو الأمير أو ولي العهد للمشاركات الخارجيه



    * ما رايك بالمدرب البرتغالي غاريدو؟



    بشكل عام هذا إلي كنا نحتاجه مدرب رائع وشخصيه ممتازه مرح مع الكل وشخصيته قويه



    * ما رايك بالجهاز الاداري الحالي للفريق ؟



    الجهاز الإداري مو مقصرين معاي بشي أبدا ً كبار بأساميهم وشغلهم معانا فواز بخيت وعبدالله الدوسري ويوسف الدوخي



    * احمد الفضلي عاصر العديد من المدربين .. ابي رايك بكل مدرب :



    كازيميرو : ماكان بطموح كاظمه وكان يلعب دفاعي بشكل مو طبيعي



    خوليو سيزار : مدرب ممتاز لكن لم تخدمه الظروف مثل مشاركات المنتخب الأول والأولمبي والشباب والإصابات والمحترفين ماكاناو بالمستوى



    بوسكامب : نفس ماينطبق على خوليو سيزار



    زلاتكو : مدرب جيد لكنه مو بمستوى الطموح أبدا ً






    * احمد الفضلي عاصر كذا اداري .. ابي رايك فيهم :



    منصور التنيب : إداري ناجح



    الغربللي : أفضل الشخصيات الرياضيه الموجوده بالكويت وصاحب شخصيه قويه



    فرحان سالم : مشرفنا بالمراحل السنيه يعتبر الأب الروحي لنا



    أيمن الحسيني : مجتهد ولكن ماخدمته الظروف بالفتره إلي مسك فيها ونتمنى له التوفيق في منصبه اليديد كمدير لقطاع الناشئين



    عبدالله الدوسري : من أفضل المشرفين إلي مروا علي بحياتي



    هشام العوضي : ماخالطته لكنه مشرف المراحل السنيه وأعتقد إنه قاعد يمشي على الطريق الصحيح



    * منو الاجدر بحراسة المنتخب بالوقت الحالي بوجهة نظرك ؟



    نواف الخالدي



    * هل لك شقيق اصغر منك بالمراحل السنيه ؟



    مالي شقيق يلعب بالمراحل السنيه أبدا ً



    * منو اللذي اكتشف موهبتك ؟



    مشرف المراحل السنيه عبدالفتاح سعد سنه 93






    * يقـولـون طـلال الفهـد إهـو المسـؤول عـن الفسـاد ؟! إنـت شنـو رايـك ؟



    أخالفه الراي وكلام غير صحيح وهو شخصيه رياضيه ناجحه وأكبر دليل إنه قاعد يحقق مع القادسيه إنجازات كبيره محليا ً وخارجيا ً ويستاهل يكون رئيس لإتحاد الكره لأنه شخصيه مثل شخصيته نحتاجها بالإتحاد



    * رايـك بمـرزوق الغـانم .. و هـل تـرى إنـه فـاسد أو لأ ؟



    مرزوق الغانم من أفضل الشخصيات الرياضيه بالكويت وشخصيه رياضيه واعيه وساهم في الطفره إلي حصلت في نادي الكويت بالفتره الأخيره



    * هل صحيح عندك رنج روفر هدية من مرزوق الغانم ؟



    لو فعلا ً مرزوق معطيني رنج جان إعتزلت الكره نهائيا ً [ يضحك ] والسالفه ومافيها إني خذيت سياره أخوي الكبير عنده رنج روفر كذا مره بالموسم إلي طاف وعشان جذي إلتبس الأمر عليهم وأقول حق مروج هالإشاعه لو يعطيني كنوز الدنيا كلها ماراح أبيع المباراه أو أي مباراه



    * في اكـثر مـباراة لنادي الـكويت تكون متواجد ،، سـر تواجدك !؟



    متابعه لأخوي خالد لأنه متابعه المباراه بالملعب غير عن التلفزيون خصوصا ً إني أتابع تحركاته وأستفيد من لعبه وخبرته



    * موقف مضحك لأحمد الفضلي .. ؟



    موقف مضحك : العام بمعسكر قبرص مع فهد الفهد كنا بفري وأجرنا 12 سيكل كل أثنين بسيكل وأنا تجنبت أركب السيكل ولزم علي فهد الفهد أركب السيكل وأنا في طريقي بالعوده للفندق وصار لنا موقف إنقلبنا بطريقه طريفه ودفعنا تعويض عن ثمن المتضررات بالسيكل



    * فريقك و منتخبك المفضلان .. ؟



    منتخبي المفضل : عالمي : البرازيل



    عربي : مصر



    ماهي أفضل تشكيلة للمنتخب برأيك ؟



    الخالدي



    الشمالي . . خالد الشمري . . نهير . . البناي



    جراغ . . جراح الظفيري . . صالح الشيخ . . الحميدان



    بدر المطوع . . فهد الفهد



    المدرب : أحمد الفضلي [ ممازحا ً ]





    * أمنية تتمنى تحقيقها مع المنتخب والنادي ؟



    مع النادي : تحقيق بطوله رسميه مع النادي تؤهلنا للمشاركه خارجيا ً



    المنتخب : المشاركه بكأس الخليج والفوز فيه




    * شعورك بعد الفوز بلقب الحساوي ؟



    شعور لا يوصف وفرحه مو طبيعيه خصوصا ً بتحقيق بطوله بعد 10 سنين عجاف بالنادي وإن شاءالله اليايات أكثر



    ملاحظه : أؤيد إستمرار بطوله الحساوي لما لها من إعلام قوي وحماس وبنفس طريقتها الحاليه دون تغيير



    * هل إنت مظلوم إعلامياً .. ؟



    ماقدر أقولك إي أو لأ لكني أنا أساسا ً مابلشت إلا هالموسم مع النادي لذلك ماقدر أحكم بهالشي ألحين



    * هل عرض عليك للإنتقال في الأندية المحليـة ؟



    لأ


    * منو الفريق اللى تحس بالمتعه اذا لعبت ضده العربي او القادسية ؟؟


    العربي لأنه القادسيه لما تلعب معاه تكون مشدود عصبيا وحساسيتها المعروفه لذلك ماتحس بنفس متعه المباراه مع العربي إلي تكون الضغوط والحساسيه فيها أخف



    * اصعب كره طلعتها ماهي ؟



    فاول سعدون الشمري بقبل نهائي الخرافي




    * هل حسين كنكوني اخو شهاب كنكوني له مستقبل بوجهة نظرك ؟



    له مستقبل إن شاءالله وحارس واعد



    أي نادي تتمنى تلعب عربيا ً وعالميا ً ؟



    تشيلسي عالمي . . عربي الهلال السعودي



    كلمه أخيره :







    مقتطفات من اللقاء :



    * أقيم اللقاء في ستاربكس العديليه بحضور كلا ً من corrvete والجملكو و fahad



    * إتسم اللقاء بالوديه والإبتعاد عن الرسميات والقفشات

    * بعد تعريفه بكورفيت إبتسم وقال : إنت كورفيت إلي بالموقع !!!!



    * تم التغاضي عن بعض الأسئله " بطلب من ضيف اللقاء "



    * نشكر ضيفنا الكريم على قبوله الدعوه ونستسمحه عذرا ً إنه خذينا من وقته قبل التمرين







    من اليمين : fahad . . السوبر أحمد الفضلي . . الجملكو




    مع تحيات



    الفريق الإعلامي لـ alazraq .com
    التعديل الأخير تم بواسطة Fahad ; 06-03-2007 الساعة 01:12

  2. #2
  3. Q8i_f5r
    زائر
    يعطيكم الف عافية والى الأمام يا ازرقنا...
    فهد اييدك الحين شكلها مجبسه من الطباعة يعطيك العافية وما قصرت........

  4. #3
  5. عبد العزيز الحمادي
    زائر

    مقابلة روعة ... يعطيكم الف عافية .. واحمد الفضلي اجاباته جميلة جدا .. موفق ان شاء الله

  6. #4
  7. Corvette
    زائر
    لقـاء حلو وممتع مع السوبر احمد ..
    متواضع وغشمرجي وجاوب على الاسئلة بصدر رحب وبالتفصيل الممل ..
    والله يوفقك يـالفضلي .. ومثل ما قتلك خف شوي باجر ولا تصد
    وإنحرجت وفرحت بنفس الوقت لما درى إني كورفت وعرفني من خلال الموقع ويقولي انت كلش مو قدساوي متعصب
    كشران فهـد على المقابلة ..

  8. #5

  9. الحالة :Salmiya Fan غير متصل
    تاريخ التسجيل
    12-03-2005
    الدولة
    Old Salmiya
    المشاركات
    2,985
    تسلمون على اللقاء الرائع...

    و أحب اشكر الجميع على هذه المقابلة...
    و كذلك الضيف النجم المتألق...

    كل التوفيق لـ الفضلي مع فريقه و مع المنتخب لاحقا إن شاء الله...

    ألف تحية.
    رحمة الله الواسعة عليك يا سعود عبدالعزيز...
    ikarosY


    Am a Magpies Fan

  10. #6

  11. الحالة :قدساوي_100% غير متصل
    تاريخ التسجيل
    31-07-2006
    الدولة
    - Qadsia -
    المشاركات
    18,716
    خوش مقابله
    عساكم على القوه

    وكل الشكر لكم
    Twitter :@MrQadsia

  12. #7
  13. الحمادي
    زائر
    قواكم الله يالفريق الاعلامي وما قصرتوا والشكر موصول للسوبر احمد الفضلي ويعطيه الف عافيه

    خوش مقاابله

  14. #8

  15. الحالة :حسين الشمري غير متصل
    تاريخ التسجيل
    03-01-2004
    الدولة
    مؤسس رابطة كظماوي .. الكويــــت .. ضاحية صباح السالم .. زيدان .. رونالدوو .. نهير الشمري + فديتك السفـ كاظمة ـيـر
    المشاركات
    2,638
    مشكورين على المقابلة ..
    والف شكر للضيف احمد الفضلي
    ..
    واتمني شنو كان رده فعلة على سؤال بيع مباراة كاظمة والكويت ؟؟
    وليت نعرف الجواب يا الجملكو .. وانت اكثر من مرة تقول ومتأكد ان الفضلي باع المباراة !!!

    حكمة ذيبية :
    التاريخي

  16. #9
  17. Corvette
    زائر
    وولف أعتقد انت ألف مره سألت الفضلي عن سالفة الرنج ! وعرفت الجواب فـ ليش تعيد وتكرر ؟!
    للعلم قالنـا الفضلي عن حنتك على هالسؤال فـ ياريت تكتفي بجوابة الموجود باللقاء ..

  18. #10

  19. الحالة :e3feeny غير متصل
    تاريخ التسجيل
    18-12-2004
    الدولة
    .:aLQurain:.
    المشاركات
    3,680
    * إذا تـقدم لك عرض متسـاوي بجميع نواحي الصفقـه .. من الكويت و القادسيـه و العربي! من ستـختار !؟




    العربي . . ثم الكويت . . ثم القادسيه . .


    ارد واقووول هذا العميـــد منو ما يتمنى يلعب فيــه
    يا سلالالام عليك ذويــق

    شكرا عالمقابــله
    للتواصل انستقرام @slashcry86

  20. #11

  21. الحالة :حسين الشمري غير متصل
    تاريخ التسجيل
    03-01-2004
    الدولة
    مؤسس رابطة كظماوي .. الكويــــت .. ضاحية صباح السالم .. زيدان .. رونالدوو .. نهير الشمري + فديتك السفـ كاظمة ـيـر
    المشاركات
    2,638
    اقتباس المشاركة الأصلية كتبت بواسطة Corvette مشاهدة المشاركة
    وولف أعتقد انت ألف مره سألت الفضلي عن سالفة الرنج ! وعرفت الجواب فـ ليش تعيد وتكرر ؟!
    للعلم قالنـا الفضلي عن حنتك على هالسؤال فـ ياريت تكتفي بجوابة الموجود باللقاء ..
    الحمدالله يعني انت مقتنع برد الفضلي
    وهذا اكبر رد على جمهور القادسية على اتهام الفضلي ببيع المباراة ..
    واتمني محد يطمر علينا مرة اخري ويأكد بيع المباراة ..
    كبير ياالفضلي

    حكمة ذيبية :
    التاريخي

  22. #12

  23. الحالة :ALkinG غير متصل
    تاريخ التسجيل
    12-10-2005
    الدولة
    milan
    المشاركات
    17,924
    يتمتع اذا لعب ضد العربي .. مشكورين عالمقابله وقواكم الله ..

    SmS: "
    الليـلـة هـــذي واضـحــة لـيـلـة فـــراق//حــاولــت أعـديــهــا وعــيـــت تــعـــدي
    "
    ـــــــــــــــ.
    " تطـور الـزعـيـم .. هو المعيـار الحقيقـي لـ تقـدم الأمـة الكــويـتـيـة!!

  24. #13

  25. الحالة :عربــاوي غير متصل
    تاريخ التسجيل
    20-12-2003
    الدولة
    AcK ..
    المشاركات
    22,803
    ٌقواكم الله .. على المقابله الحلوه ..

    وبالتوفيج لاحمد الفضلي
    twitter[/B]
    @BamBoshy
    [/LEFT]

  26. #14

  27. الحالة :Freddie غير متصل
    تاريخ التسجيل
    17-06-2005
    الدولة
    Gorky Park
    المشاركات
    13,772
    وحش الفضلي واتمناك بالعميد .. قواكم الله
    إننا من الكويت نبدأ، وإلى الكويت ننتهي، وما عدا ذلك فليس من الكويت، وليست الكويت منه
    ACK

  28. #15

  29. الحالة :Firenze غير متصل
    تاريخ التسجيل
    15-08-2005
    الدولة
    Piazza Castello ..
    المشاركات
    19,422
    الفضـلي !!!!!!!!!!!!!!!!!!!!!!!!!!!!!!!!!!
    يوفنتـوس × ميـلان .. شـلون تـطوفها !!!!!!!!!!!!!!!!!!!!!!!

    مقـابله من اروع مايـكون .. مع ضيـف إبتسـامته لـ الكامره توزن بـلد
    والشـكر موصـول لـ كورفيـت وفـهد و الجملكو

    الجمل شـ هالزيييييييييين ستـار بكس هااااااا
    ::





  30. #16

  31. الحالة :alkout غير متصل
    تاريخ التسجيل
    14-04-2005
    الدولة
    GreeN CasTLe
    المشاركات
    7,243
    قــواكم الله عاللقاء الرائع مع الفضلي الصغير الكبير
    Forever We'll Keep The GreeN Flag High For AL-Arabi CLub We Live & Die
    You wiLL Never waLk aLone

    AbdulazizALkoot@

  32. #17
  33. Barca4eveR
    زائر
    شكراا لكم والله ومقابله زقرتيه
    وزين رد على اسئلتي

    عجبني لما قال اروح العربي يبه حياك وياعيني عليك تحب البرسا حبيتك خلاص

  34. #18
  35. Bati
    زائر
    وولف .. حتى لو بايع المباراة .. ماراح يقول بالمقابلة انا بعت المباراة :d بو علي شفيك الله يهديك ..

    صراحة كنت اكره طريقة لعبه و تأخيره للوقت خصوصاً مبارياته ضد القادسية ينرفزني .. بس بعد هالمقابلة لو تسوي ما تسوي .. حبيته :d

  36. #19
  37. رونالدو9
    زائر
    اقتباس المشاركة الأصلية كتبت بواسطة WOLF 55 مشاهدة المشاركة
    مشكورين على المقابلة ..
    والف شكر للضيف احمد الفضلي
    ..
    واتمني شنو كان رده فعلة على سؤال بيع مباراة كاظمة والكويت ؟؟
    وليت نعرف الجواب يا الجملكو .. وانت اكثر من مرة تقول ومتأكد ان الفضلي باع المباراة !!!

    بووعلي الظاهر انت كنت تسمع من مقلوب الله يهداك انا قلت الاهدااف سهله حييييييييل ما دش على الفضلي والرجل امس جاوب وماقصر بكل وضوووح وانا اقووولك انت بزززز ))))

  38. #20
  39. رونالدو9
    زائر
    حبيت اشكر الملا بالبدايه واشكر فهد الي ما قصر بالكتااابه والاسئله واشكر المصووور والي ما قصر وهم ارد واقووول ما قصر كووورفت واحمد الفضلي كان متواضع ورجل معنه الكلمه من اول ما تصلت فيه رحب على طووول حق المقااابله والله يوفقه واتمنى له التوفييق سووويد بخصوووص ستاربكس التغيييييييير حلوو وثانيا القعده موميته كانت وحلووه الصراحه وسامحوونا على القصوووووووور

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •