ماهي انواع الرماية ؟

[soccer fan]

انا من محبين الرماية

و قاعد ابحث الان عن معلومات عن رياضة الرماية

اتمنى الاعضاء الي يعرفون شي عن الرماية و انواعها يزودوني بالمعلومات الي عندهم و يدلوني عن مواقع ممكن تفصل لي انواع الرماية و قواعد كل نوع

مو بس السكيت و التراب الي يلعبونهم الكويت لا ابي كل الانواع

[bnt_jaber]

الرمايه من اجمل الرياضات صراحه و حبيت اقولك انه بالكويت مو بس يلعبون تراب و سكيت فى وايد انواع
و حاليا الكويت تعد من اكبر البلدان اللى تملك اضخم ميادين الرمايه وحاليا فى 3 منتخبات معسكره فى نادى الرمايه(ميادين صباح الاحمد للرمايه) مقرهم علي طريج الصبيه نادى جدا ضخم

التراب,,دبل تراب,,سكيت هذيله اللى تلعبهم بره فى الميادين الخارجيه

و فى اللى يكونون فى صاله مغطاه ميدان لضغط الهواء و ميدان للمسدس والبندقيه

والنادى مفتوح للجميع للتمتع بهذه الرياضه الممتعه يمكن تكون خوش رامى و تنظم للمنتخب

و تعقيب اخر النادى مجهزززز بشكل خيالي فى صاله رياضه و حمام سباحه و فندق واذا صج محب للرياضه فالجو الحين ممتاز لمزاوله هذه الريااضه لانه حررنه غير شكل والحمدالله علي كل حال واتمنى استفدت

[Mr Benelli]

الرمايه انواع كثيره منها

رماية بنادق رش (الشوزن)
رماية العبرود (الرصاصه الوحده) او الخرازات والقناصات والمسدسات

رماية الشوزن
السكيت
التراب
الدبل تراب
السبورتنج

رماية العبرود منها عيارات كثيره اذكر منها رماية عيار .22 اللي يسمونها خرازه توتو وعلى مسافات متباعده

رمايه ضغط هواء اللي يسمونها ام صجمه

رماية مسدس

وسلامتك وتعيش