النتائج 1 إلى 13 من 13
    #1

  1. الحالة :tabo0ola غير متصل
    تاريخ التسجيل
    07-10-2009
    المشاركات
    25

    مقابلة مع لاعب القادسية احمد عجب

    بسم الله الرحمن الراحيم
    كل القدساوين ايحبون احمد عجب
    عشان جذي يبت لكم هذي المقابلة وانشاء الله تعجبكم


    الاسم : احمد سعد عجب
    مواليد : 13-5-1984 < علق رفيجه لاتذكر رقم 13 لانه رقم نحس
    المهنه : مدرس بدنيه < هم علق رفيجه مابغيت تصير مدرس
    الحالة اجتماعيه : اعزب

    س: سمعنا الكثير من الاخبار بانتقالك للدوري السعودي وخاصة لنادي الوحده وهل تفضل الاحتراف خارج الكويت ؟

    - نعم سمعة بهذه الاخبار وكانت في بداية الموسم ولكن لا يوجد شي رسمي وبعض العروض وصلت الاداره وماصار شي
    وكل لاعب يتمنى الاحتراف الخارجي لكن ماكو نصيب



    س: من من اللاعبين الذين ترتاح لهم بالملعب وفاهمك ؟
    - اتأقلم مع الكل وارتاح لحسين فاضل

    س: لو طلب منك العوده لنادي الساحل هل سوف تعود ؟
    - لا لن اعود , لاني لعبت 5 سنين للساحل ونادي الساحل لاتوجد به روح المنافسه على البطولات وكل لاعب يتمنى البطولات

    س: سمعنا قبل كاس الخليج 18 سوف تعتزل بسبب عدم ضمك للمنتخب هل هذا الكلام صحيح ؟

    - هذا الكلام غير صحيح ولم افكر بالاعتزال لاني توني مالعبت علشان اعتزل

    س: شنو توقعاتك لحظوظ المنتخب في كاس الخليج وتصفيات كاس اسيا ؟
    - خلونا نفكر بحل ازمة النشاط الرياضي اول شي وبعدين فكروا بالتأهل

    س: من وجهة نظرك شنو ينقص الكورة الكويتيه علشان ترد مثل ماكانت ؟
    - كل شي ينقصنا ملاعب وتفرغات واحتراف وألخ ...... << هو قال اكتب الخ وما على الرسول الا البلاغ

    س: هل تعترف انك خطفت الاضواء من بدر المطوع في الفتره الاخير ؟
    - بدر لاعب كبير ولازال اللاعب الاول بالكويت ولا يوجد من سوف يخطف الاضواء منه مستقبلا

    س: كيف ترا طريق النجوميه في الوقت الحالي ؟
    - بمجرد انتقالي لنادي القادسيه تغير كل شي واعتبرها نقطة تحول من ناحية الاهتمام والالتزام << قعدنا ساعتين على هالسوال مافهمناه

    س: هل تعتقد ان الشكل والمظهر الخارجي للاعب له علاقة بشهره ؟ ولماذا ؟
    - مرات يصير له داعي وخصوصا من ناحية البنات ولكن بوجهة نظري ان الاداء هو الذي يحدد مصير اللاعب

    س: هل لو قدم لك نادي الهلال عرض للعب بصفوفه سوف تقبله ؟ وخصوصا ان بشار والهويدي لعبوا له من قبل وابدعوا ؟

    - الكل يتمني الاحتراف وخصوصا الى نادي (كبير) مثل القادسيه وحاليا لا اريد ترك نادي القادسيه , وبشار والهويدي من ابرز النجوم الذين مروا على الكورة الكويتيه

    س: مارايك بالدوري القطري وشنو احسن فريق واحسن لاعب بالدوري القطري؟
    - دوري محترفين ولكن يعيبه الحضور الجماهيري ويوجد اكثر من نادي جيد ويوجد كثير من اللاعبين الجيدين بكونه دوري محترفين

    س: لو ما انتقلت للقادسيه ماهو النادي الذي تفكر بالانتقال له ؟
    - القادسيه والعربي بكونهم الانديه الجماهيريه

    س: شنو شعورك لمن تسمع الجمهور يشيل بصوت واحد ( عجب يا عجب ) ؟
    - للامانه تزيد فيني الحماس واتمتع وانسى كل التعب وافكر باني افرحهم

    س: هل ندمت انك مالعبت امام فريق اوراوا الياباني؟
    - للامانه كنت اتمنى العب هالمباراه واكون مع ربعي وخصوصا اني كنت معاهم من اول البطوله ولكن قدر الله وما شاء فعل ولكن الشباب قدموا الي عليهم

    س: هل متفائل بحل الازمه الرياضيه ؟
    - انشالله و اتمنى تنحل علشان نركز بالعب

    س: ماذا تفضل المدرب الاجنبي ولا المدرب المحلي ولماذا ؟
    - كل مدرب له فكره ولكن هالفتره محتاجين محلي لانه يعرف اللاعبين او يكون اجنبي بشرط انه يوقع عقد مع الفريق 5 سنوات على الاقل لان الاستقرار مهم للفريق

    س: من مثلك الاعلى بالملاعب ومن ساعدك في بداياتك ؟
    - جاسم يعقوب من الي شفته بالتلفزيون والكمبيوتر لاني ما لحقت عليه والي ساعدني في بداياتي كل معارفي

    س: شنو شعورك لا شفت الهجمه الي ضاعت مع الامارات ؟
    - مداخله من رفيجه ( لي يومك نسولف فيها ) وكمل احمد عجب : لي ليوم نسولف فيها واي واحد يشوفني بشارع يسالني عنها وبالذات الكبار لين ما انبطت جبدي من هالسوال ولكن مو مكتوبه لنا وخسرنا

    س: صج كل بيتكم يشجعون الكويت الا انت ؟
    - لا كلهم يشجعون القادسيه الا نواف ( الصغير ) تونى اكتشفه << رفيجه راح يسال اخوانه بالدوانيه الثانيه وما افادنا بشي يعني كلام بوعجب صح
    القاضي يحكم بالواقع ولا يحكم مافي النوايا

    س: شنو اللقب المفضل لاحمد عجب ؟

    - كل لقب لقبوني فيه يزيدني شرف ويعطيهم العافيه الي لقبوني

    س: شنو رايك بمستوى القادسيه الفتره السابقه بكونه بادي بداية متواضعه بالدوري ؟

    - بالعكس لعبنا بالخليجيه ومباراه اوراورا بمستوي ممتاز وبعد هالمستوى لازم يكون فيه هبوط بالمستوي بس ولله الحمد رد متسوانا تدريجي

    س: هل القادسيه يحتاج لمدرب عالمي ؟
    - اعتقد محمد ابراهيم من المدربين الممتازين وانجازاته تشهدله

    س:من هو قدوتك بالحياه ؟
    - الوالد طول الله بعمره

    س: اين يقضي احمد عجب وقت فراغه ؟
    - بالدوانيه او بالسينما

    س: افضل مباراه لعبتها بالساحل ؟
    - ضد العربي الي فزنا فيها 2-1 << على فكره هو حاط القولين

    س: افضل منتخب عالمي وعربي وافضل نادي عالمي وعربي بالنسبه لك ؟
    - انجلترا والكويت والانديه: ليفربول والقادسيه << القادسيه عناد برفيجه

    س: لاعبك المفضل عالميا وعربيا ومحليا ؟
    - جيرارد و محمد نور ومحمد جراغ

    س: شنو افضل اغنية سمعتها لنوال ؟
    - لقيت روحي

    س: ما علاقة احمد عجب بالشاعر ناصر الصانع ؟
    - زماله بكونه لعب بنادي الساحل تحت 15 سنه ولمده سنه وبطل

    س: مارايك باللاعب سعد الحارثي لاعب النصر السعودي؟
    - من اللاعبين الممتازين وهو راوول العرب

    س: ماهو افضل نادي سعودي؟
    - نادي النصر لان رادان يدربهم وكان يدربنا قبل

    س: شرايك بخالد عجب مع الكويت ؟
    - بداء خوش بدايه الموسم الي طاف وخذا هداف كاس الاتحاد واتمنى له التوفيق ويصير الهداف رقم واحد بالكويت

    س: شرايك بنادي كاظمه وبالاخص فهد الفهد ؟
    من افضل 4 فرق بالكويت وفهد من افضل المهاجمين بالكويت

    س: شنو يعنيلك عادل حمود ونهير الشمري ؟
    - نهير من افضل الي مروا على الكورة الكويتيه وعادل كنت اتمنى انه يستمر معانا بس هو من اللاعبين الممتازين واتوقع له مستقبل جيد

    س: صقر نهار شنو يعنيلك ؟ ولو يلعب معاك بالقادسيه شنو تتوقع راح يكون مستواه ؟

    - من افضل اللاعبين واكثر لاعب فاهمني واعتقد لو يلعب بالقادسيه يصير اللاعب الاول بالكويت

    س: افضل نادي باسبانيا ؟
    - ريال مدريد عناد ببرشلونه<< ووقبل سنتين العكس بس ما يحب الفريق الي يشجعونه واجد ليش يابو عجب ( ما كنا حبايب )

    س:شرايك بفراس وخالد خلف ومحمد جراغ ؟
    - فراس افضل محترف بالكويت , وخالد خلف لاعب مهاري جيد , ومحمد جراغ افضل لاعب وسط بالكويت

    س: شرايك بمستوى ليفربول الحالي بكونك من اشد المعجبين فيه ؟
    - بداية الموسم ما كان يطمن بس حالين متصدر الدوري ومتصدر مجموعته بابطال اوروبا << الجوكر ورفيجه قالوا ياعمي فريق مشنص علشان اخر مبارتين فازوا باخر دقايق رد عليهم قال اخر دقيقه ولا اول دقيقه كلها مباراه

    س: افضل رئيس نادي ومنو المدافع الي تحسب له الف حساب ؟
    - افضل رئيس نادي الشيخ طلال الفهد , وكل المدافيعين الي اقابلهم احسب لهم حساب

    س: لاعب من العربي تتمناه يلعب بجانبك ؟ ومارايك بعلي مقصيد ؟
    - محمد جراغ , وعلي مقصيد من نجوم المنتخب بتصفيات كاس العالم بالمرحله الاخيره ومن افضل اللاعبين الي لعبت بجانبهم

    س: بما انك مدرس بدنيه سمعنا بانك ماسك الاذاعه والطلبه شغالين عليك عجب ياعجب ؟

    - هالكلام غير صحيح لاني لي لحين ما مسكت طابور


    و ابي الردود + التقييم :d

  2. #2

  3. الحالة :tabo0ola غير متصل
    تاريخ التسجيل
    07-10-2009
    المشاركات
    25
    اشدعوة ردو علي

  4. #3

  5. الحالة :كويتاوية cool غير متصل
    تاريخ التسجيل
    14-02-2009
    الدولة
    يم بيت جيرانا:p
    المشاركات
    2,799
    هههههههههههه يسلموو عالمقابلة الرووعة وياحليلك يا عجب والله اشتقت تدخل اقوال والبيت كله يصرخ عجب يا عجب !! ههههههههههههه



    ديوانية الأزرق .كوم ليس مجرد منتدى بل يجمعنا كالأسرة الواحده في بيت واحد نحب بعضنا البعض كالأخوة
    ويبقى الأزرق .كوم يجمعنا ...


  6. #4
  7. عضو رابطة الهلال وريال مدريد

    الحالة :3thbi غير متصل
    تاريخ التسجيل
    22-06-2008
    الدولة
    >> <<
    المشاركات
    10,542
    والله روعه المقابله
    تسلم ايدج

  8. #5
  9. محرر رابطة المنتخب الانجليزي

    الحالة :ReD BuLL غير متصل
    تاريخ التسجيل
    13-11-2009
    الدولة
    south surra
    المشاركات
    3,340
    يالله انشاءلله تدخلنا جم قول بالمباراه اليايه

    قواك الله ابوي

    مقابله ولا اروع


    !.You just lost the Game

  10. #6

  11. الحالة :galb.eyon غير متصل
    تاريخ التسجيل
    16-11-2009
    الدولة
    الكويت
    المشاركات
    102
    أفاااا يا عجب
    تبدي ريال على برشلونه..؟
    لا دار للمرء بعد الموت يسكنها ... إلا التي كان قبل الموت يبنيها
    فإن بناها بخير طاب مسكنه ... وإن بناها بشر خاب بانيها

  12. #7

  13. الحالة :madridhasoon غير متصل
    تاريخ التسجيل
    31-07-2009
    المشاركات
    7,422
    مشكورة ع المقابلة

  14. #8

  15. الحالة :golden guy غير متصل
    تاريخ التسجيل
    04-11-2009
    المشاركات
    2,559
    qawak alla
    كـُـلُّـنــَـــا " الـفارسـي " !

  16. #9

  17. الحالة :golden guy غير متصل
    تاريخ التسجيل
    04-11-2009
    المشاركات
    2,559
    kbeer ya 3jab
    كـُـلُّـنــَـــا " الـفارسـي " !

  18. #10
  19. عضو رابطة كظماوي وليفربول

    الحالة :المناع غير متصل
    تاريخ التسجيل
    28-01-2008
    المشاركات
    1,476
    مو بس جمهور القادسية يحبونه

    انا كظماوي احبه لانه ليفربولي ;p~

    عسى الله يوفقك يا بو سعد

    وترد مثل ما كنت عجب اسم على مسمى :>
    مشاركاتي برعاية ..

    كاظمة ليفربول ميلان الشباب

    البرازيل .. عالم جميل


    الاضافة للرجال فقط ...

  20. #11

  21. الحالة :Brb غير متصل
    تاريخ التسجيل
    30-05-2009
    الدولة
    بالـقـسم الـعــام
    المشاركات
    931
    كــبير يــابو عــجب .. كـبير ..

    وانشاءالله تبدع على اســتراليا والامارات الـيوم ..


    حكمّـة حصّـرية :
    " لن يفشل أبدا إنسـانّ يحاول ثم يحاول " .. !!


    بيـتّ حصـريّ : مكـانك أنـتّ .. فـوقّ فـوقّ فـوقّ السمّـا عاليّ ..

  22. #12

  23. الحالة :Bo-ShaYYeB غير متصل
    تاريخ التسجيل
    17-12-2009
    الدولة
    الكويت
    المشاركات
    596
    مشكوووره اختي عالمقابله

  24. #13

  25. الحالة :سلماوي^كوثري غير متصل
    تاريخ التسجيل
    12-12-2009
    المشاركات
    82
    مشكو يا أحمد وأتمنى إذا لعبت ضد إستراليا تهترك




    http://www.youtube.com/alkouttv

    هذا من أحلى مقاطع فيلم النبراس
    http://www.youtube.com/watch?v=eukf9Jy1Yk0&
    feature=related

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •