تابعونا عبر تويتر
صفحة 1 من 30 12345611 ... الأخيرةالأخيرة
النتائج 1 إلى 20 من 600
    #1

  1. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375

    Thumbs up Mac Users | مرجع لـ جميع مستخدمين الماك واستفساراتهم !

    راح ابدا الموضوع بدون اي مقدمة ! الموضوع ( المفروض ) مثل ماهو باين بالعنوان انه يختص بـ خدمة ( موبل مي ) وطريقة الاشتراك فيها وخدامتها ونقاش ( بعض ) مميزاتها .. ولكن حتى نفهم الخدمة وطريقتها و ( أهميتها ) لازم نكون عارفين اشياء ثانيه تتعلق بـ الماك .. انا جزئت كل الي ابي اقوله واتكلم عنه في كذا نقطه ، وكل نقطه حطتيها في رد معين ، تقدرون تاخذون نظرة سريعه على العناوين ( الحمرة ) وتروحون دايركت لـ النقطة الي حابين تقرون عنها !
    الموضوع انا شبه متأكد انه راح يساعد وايـــــد اعضاء مبتدئين في الماك ووايد اعضاء غيرهم يستخدمون الماك من فترة طويلة وماكتشفوا هالاشيا لحد الآن .. وبنفس الوقت الموضوع راح يغير وجهة نظر اعضاء ثانيين حول شركة الآبل نفسها ومنتجاتها ، لكن كل الي اطلبه هو طولة البال ، وقراية الموضوع حبه حبه وشوي شوي .

    الرد الأول : ماك ؟ آدريس بوك ؟ آي كال ؟
    الرد الثاني: سوري وايد اشيا في الوندوز مش متوفره في الماك !
    الرد الثالث: MobileMe !

  2. #2

  3. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375
    وايد اعضاء ( انا كنت منهم ) خايفين من فكرة الـ Mac نفسها ، وخصوصاً لما تتقارن بالـ Windows يعني come on شي احنا نستخدمه يومياً طول هالسنين الي طافت ، شلون في يوم وليله نغير السستم على شي يديد اسمه Mac ؟ لكن صدقوني كل هالخوف راح يروح في اول لحظة تستخدم فيها هالسستم الرهيب الي اسمه Mac ، أكيد اعترف لكم اني وايد خفت في اول 15 دقيقه استخدمت فيها الـ Mac ، لكن لما فهمت فكرة كل شي فيه ؟ حبيته بدرجة فظيعه ، وكل يوم لما اكتشف فيه شي يديد ؟ احبه اكثر واكثر واكثر ! وما ابالغ لما اقول اني صرت ما استغنى عن ولا برنامج من برامجه ! الـ Address Book ! الـ iCal و الـ Safari والـ Mail والحــب الي اسمه iTunes ! وكل البرامج الثانيه الي يومياً قاعد اكتشفها !
    تعريف ( نظام الـ Mac ) بالنسبة لشخص مثلي يستخدم الكمبيوتر يومياً والله العظيم من كان عمره 10 سنوات ، هو أسهل نظام شفته واستخدمته بحياتي ، ومو بس اسهل ؟ الا اكثر نظام احس انه فعلاً ( متطور ) عن باقي الكمبيوترات الثانيه الي تستخدم الـ Windows ، انا ما أقلل من اهمية او مكانة اي نظام ثاني ، انا في الاخير شخص ( حيالله ) اتكلم عن الانظمة ، ولكن هذه وجهة نظري انا ، واكيد لكل واحد بالدنيا له وجهة نظر معينه !


    Address Book
    What a Life We Lived With Out It ?


    ( الآدريس بوك ) يعتبر من البرامج الي تكون اولردي موجوده مع السوفتوير نفسه ، انا كل يوم اسأل روحي شلون كنت عايش بدون هالبرنامج ؟ انا مادري شلون اهمية هالبرنامج بالنسبة لكم ، لكن بالنسبة لي ؟ اعتبره من أكثر الاسباب الي تشجع الواحد على انه يحب الماك بسبة هالاختراع ( مع اني اعتقد انه موجود بنظام الوندوز ، لكن اكيد ماراح يكون روعه مثل الاصلي الي بالماك ، حاله حال الـ iTunes ، صج فرق بين آيتونز الوندوز الزباله ، وآيتونز الماك الرهيب ) .
    بالـ( آدريس بوك ) تقدر تضيف كل أسماء الناس الي تعرفها ، لو مليون شخص ، تضيف الأسم الأول والاخير لكل شخص ، تاريخ ميلاده ، ايميله ، رقم جواله ، ارقامه الثانية ، الـ Nick Name ، وصورته الشخصية ! بالنسبة لي هالمعلومات انا ضفتها لكل شخص عندي بالكونتاكت لست ( حتى امي وابوي P: ) ، لكن تقدرون تضيفون معلومات ثانيه اكيد ، بس انا ماضفتها لاني ما احتاجها كثر المعلومات الي ذكرتها !
    ليش احنا نضيف الاسماء للـ( آدريس بوك ) ؟ في مليون سبب وسبب ، اهم الاسباب هي ( حياتنا المتخلفه مع جوالاتنا ) الي تقريباً كلنا عايشينها ، احنا لما نشتري جوال يديد ، شنسوي ؟ يا نعيد نكتب الارقام من أول ويديد ، أو ان نطرش الارقام بالبلوتوث ، او ان ( نتعب اعمارنا ) وننزل برامج وبلاوي ثانيه تنقل الارقام من الجوال الفلاني ، الى الجوال الفلاني ، او نروح لمحل الجوالات الفلاني عشان ينقل لنا الارقام من جوالنا القديم الى جوالنا اليديد . واذا ضاعت الارقام نقعد نصيح عليها ونعصب ! خصوصاً اذا كان التحويل بين جوال نوكيا وموتورلا ، او نوكيا وسوني اريكسون ، او اي شركه مع شركه ثانيه ، ماتقدر تنقل الارقام بهالطريقة الا بالبلوتوث ، وتقعد تنقل رقم رقم like an idot !
    بصراحة This is so last season ، ماتخيل ان احنا داخلين 2009 ولين اليوم ننقل رقم رقم لجوالنا اليديد ، وحتى لو نقلنا الارقام مستحيل تنتقل الصور والايميلات وياها ، لازم ندخل الصور مره ثانيه ونحط لكل كونتاكت صوره معينه ، او ايميل معين ، في كل مره نشتري جوال يديد !
    لكن مع الـ( آدريس بوك ) راح تكتب الارقام مره وحده في حياتك ، صدقني ماراح تكتبها مره ثانيه ، بتسوي Add Contact لكل اسم في حياتك ، وراح تضيف له صوره شخصيه ( مو لازم تصغر الصورة ، مجرد انك تدخلها راح تختار الزاويه الي تبيها من الصورة نفسها وراح تكبر وتصغر الصورة من البرنامج نفسه ) يعني اضافة الصور راح تكون بطريقة رهيبه وسهله ، وتضيف لكل شخص عندك بالكونتاكت ليست أيميله ، تاريخ ميلاده ، والنك نيم ، وكل شي انت تطلبه ، مره وحده في حياتك بتسوي الشي هذا ، وراح تتخزن عندك المعلومات في هالبرنامج ، ومجرد انك تشبك ( جوالك اليديد ) بالـ Mac ، راح تنتقل كل هالمعلومات مع صور الناس ، مع ايميلاتها ، مع ارقامها ، مع كـــــل شي ، لجوالك اليديد ، في اقل من دقيقه !
    هذا اسميه تطور !

    ● هل ممكن انقل كل الكونتاكتس إلى جوالي Nokia ؟
    طبعاً ! شركة Apple خلت الـ Address Book الخيار الأول في كل شي ، مو بس الجوالات ، وايد اشيا ثانيه راح اشرحها في ردودي القادمه ، وبالذات في ردي الثالث الي يتكلم عن خدمة MobileMe ، بصراحة انا ولا مره في حياتي جربت اني انقل الكونتاكتس من الـ( آدريس بوك ) الى جوال ( نوكيا ) لكن اخوي المبدع والرائع Oxygen عنده جوال نوكيا ، وهو ناقل كل الارقام من الـ( الآدريس بوك ) الخاص فيه ! ونفس الطريقه مع جوال بنت خالتي الـ( موتورلا ) يعني بإختصار ، الكونتاكتس راح يروحون لأي جوال بالدنيا !
    ● انا عندي iPhone ، لو بغيت اضيف كونتاكت يديد ، اضيفه بالجوال ولا الماك ؟
    كيفك ! الكونتاكت تقدر تضيفه بأي مكان تبيه ، انا مثلاً عندي الايفون ، واليوم تعرفت على طالب يدرس معاي بالجامعه ، خذت رقمه وخزنته في جوالي بأسم يديد ، اول ما اشبك الايفون بالـ Mac ، الادريس بوك من نفسه راح يشوف الارقام الجديده الي انضافت سواء بالـ ( آدريس بوك ) أو ( الآيفون ) وراح يضيفها في الطرف الثاني ، لانه يلجأ لتاريخ الاضافه ، ويشوف التاريخ متى كان بالضبط ؟ فـ هو يعتمد على التاريخ الاجدد ، فمثلاً لو مسحت كونتاكت بتاريخ اليوم ، وشبكت الايفون بالماك ، راح ينمسح الكونتاكت من الآدريس بوك .. والقانون مطبق على التعديل ، والحذف ، واضافة الصور ، والخ الخ !
    ● فصول انت قلت ( تضيفون الارقام مره وحده في حياتكم ) طيب لو غيرت الماك ؟ او انكسر ؟
    كل ( معلومات ) الآدريس بوك .. راح تكون موجوده في ملف معين بالجهاز ، هالملف راح تحصله لما تدخل الـ Home بجهازك ، بعدها تروح لـ ملف اسمه Library ، وبعدها تدخل على ملف اسمه Application Support ، وبتلاقي ملف اسمه Address Book ، هالملف تتخزن فيه كل المعلومـــــــات الي انت كتبتها وتعبت عليها ، وحتى الصور ! يعني لما انا اضيف صورة معينه لـ كونتاكت معين ، امسح الصورة واحذفها ، ليش ؟ لانها اولردي تخزنت في هالملف ، يعني هالملف يكون ( باك آب ) لكل المعلومات الي انت تعبت عليها ، بين كل فترة وفترة ، انسخ هالملف في سيدي واحتفظ بهالسيدي لنفسك ، عشان لو صار شي بالجهاز عندك ، يكون هالملف موجود عندك بالسيدي ، مجرد انك تنسخه في نفس المكان ( في الماك الجديد ) المعلومات كلها راح تنضاف بثواني ! يعني مافي خوف نهائياً من ناحية مسح المعلومات ، اهم شي انك تحتفظ بـ ملف الباك آب ، وتنسخه من فترة لين فترة !
    ● طيب انا لو حد اخترق جهازي وقدر يشوف هالمعلومات ؟
    حبيبي انت Mac الحين .. تعرف يعني شنو ؟ يعني انت تستخدم النظام الوحيد في هالدنيا ، الي مافيه ( آنتي فايرس ) من الاساس ، لان الحمايه تجيه من الشركة نفسها ، مجرد انك تشبك آون لاين ، الحمايه على طول تجيك من شركة Apple نفسها ، يعني انسى شي اسمه اختراق ، انسى مصطلح اسمه فايرس ، لو تدخل مواقع الدنيا ، او تستخدم برامج الشيرنغ الي بالعالم كله ، ماراح يدخل الفايرس بسهوله في جهازك ، صح لكل حاله شواذ ، بس صدقني صعب تكون الشاذ في هالقاعده !
    ● انا استخدم الـ iMac في غرفتي ، وعندي لاب توب MacBook او MacBook Air ، بقعد انسخ الملف كل مره ؟
    ممكن تنسخ الملف كل مره ، وممكن انك تتابعني في الرد الثالث المتعلق بخدمة MobileMe ، وتشوف الطريقة الاسهل والاروع بالدنيا !


    iCal
    The Best Calender I have ever Seen


    الـ( آي كال ) بالـ Mac هو برنامج الكلندر الخاص فيه ، هالبرنامج ماراح اتكلم عنه وايد لان كلنا اكيد عرفنا وظايفه من اسمه ، لكن الي ابي اقوله هو ان هالبرنامج يمشي على نفس نظام الـ Address Book ، يعني لو شبكنا الجوال بالماك بوك ، كل معلومات الكلندر بالماك ، راح تروح للجوال ، وكل الي في الجوال راح تروح لـ الماك ، واذا كان في تعديل على اي موعد ، الماك ( تلقائي ) راح يقرا تاريخ التعديل ( الأجدد ) ويحرر القديم ، ومو بس المواعيد ، حتى تواريخ الميلاد الي ضفناها قبل شوي في الكونتاكت ليست بالآدريس بوك ، راح تروح تلقائي للـ iCal حتى تذكرك في كل مره بتاريخ ميلاد فلان الفلاني ، يعني راح ( نرتاح ) مع جوالاتنا اليديده ، الي لما نشتريها ، لازم نضيف تاريخ ميلاد كل واحد في حياتنا حتى نتذكره بـ مسج بيوم ميلاده ! ووايد وظايف ثانيه للـ iCal ، ومن الاوبشن فيه ، تقدر تحدد شنهي الاشيا الي تبي تضيفها ؟ وبأي لون ؟ وبأي شكل ، ووايد اشيا راح تحبونها اكثر لما تستخدمون البرنامج وتكتشفونه بنفسكم !
    انا تكلمت عن برنامجين بس من وايد برامج اساسية في الـ Mac ، صدقوني لو تكلمت من اليوم لين بكره ، مراح اخلص بوصف المميزات الروعه واليديده في كل برنامج ، وبالذات Safari الي يعتبر المتصفح الديفولت للـ Mac ، اتوقع كل الي استخدموه ، اعرفوا ( الفرق الديناصور ) بينه وبين انترنت اكسبلور الي نستخدمه مع الوندوز ! والله فرق قوي ومافي مجال للمقارنه ، سرعة وتحميل وابلود و بوك مارك ، وكــــــــل شي !

  4. #3

  5. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375
    سوري بس وايد اسباب في الوندوز تمنعني من استخدام الماك !

    هالإجابه ؟ لازم تسمعها من كل شخص تسأله ( ليش ماتستخدم الـ Mac ؟ ) او ( ليش تنتقد الـ Mac ؟ ) ، رغم ان هالاجابه تنبني على معلومات فاضيه ، وصحة هالمعلومات دايماً خطأ ومش موجوده من الأساس ! حاولت اسوي سيرج خفيف في النت وفي المنتديات وبالذات في منتدى (الأزرق دوت كوم) عن مشاكل مستخدمي الماك ، او الاسباب الي تخلي العضو ( يشيل ) من باله فكرة انه يستخدم Mac من عقب الـ Windows ، وعرضتها على شكل سؤال وجواب حتى توصل المعلومات بشكل اسرع لكل الأعضاء ، وطبعاً مثل ماذكرت إن الرد هذا راح يتحرر مع الوقت وتنضاف له شغلات ثانيه ، حتى يكون الموضوع هذا مرجع لكل المبتدئين في الـ Mac !

    ● اكثر شي اكرهه في الـ Mac هو الكيبورد العربي ! انا صارلي سنين استخدم كيبورد الوندوز العربي ، شلون في يوم وليله اغير الكيبورد واستخدم كيبورد يديد !
    آوكي ، معاك حق ! احنا طول عمرنا متعودين على كيبورد الوندوز العربي ، فصعب ان نغيره في يوم وليله ، رغم ان 8 حروف فقط هي الي غير في كيبورد الماك ، لكن مع ذلك ، في طريقة انك تخلي كيبورد الماك ( نفس ) كيبورد الوندوز بالضبط ! بس امشي معاي خطوة بخطوة !
    أولا ، حمل معاي الملف المرفق في ردي الحالي ( ملف اسمه Arabic Keyboard Layout ) ، هالملف على صيغة Winzip يعني ملف مضغوط ، اول ماتحمل الملف ، اضغط عليه مرتين ، راح يتحول الملف من Winzip الى ملف عادي ، افتح هالملف وبتحصل فيه ( ملفين ) انسخهم ، وروح على الـ Home في جهازك ، وبعدها ادخل ملف Library ، وبعدها ملف اسمه Keyboard Layout ، وانسخ ( الملفين ) الي حملتهم .. داخل هالملف ! ( NOTE : تأكد انك ناسخ ملفين الي نسختهم من الملف الاساسي ، يعني مو تنسخ الملف الاساسي بكبره ! )
    بعد مانسخت ( الملفين الي حملتهم ) في ملف الـ Keyboeard Layout ، روح فوق كلش في البار ، مكان ماتغيير اللغه ( علم اللغه الي تكتب فيها ) اضغط على العلم ، واختار Open International و اختار بالضبط مثل ماهو موضح بالصورة :
    تأكد انك ( شايل ) علامة الصح ، من اللغات الثانيه ، وحاط علامة وحده صح على اللغه اليديده ، والي هي Arabic-Win ، وضروري تحط ( صح ) على لغه وحده بس ! وبعدها سكر هالوندو ، و Restart للجهاز ، وكل الكيبورد راح يرجع طبيعي 100٪ مثل ما انت متعود عليه في الوندوز ! مع العلم ان معظم الحروف هي نفسها ، لكن الثمان الحروف الي اماكنها غير راح ترجع طبيعيه مثل الوندوز .


    ● آوكي مسألة الكيبورد انحلت ، لكن شلون بخصوص تبديل اللغات ؟ معقوله انا في كل مره ابي اغير اللغه من العربي الى الانجليزي ، او الانجليزي الى العربي ، لازم اروح ( بالماوس ) ابدل اللغه من العلم الموجود فوق في البار ؟
    طبعاً لا ، تبديل اللغه اساساً موجود في الـ Mac لكن الشورت كات مش مفعل من البداية ، فطريقة وضع الشورت كات لـ تبديل اللغات ، راح تكون كالتالي : أولاً روح للـ System Prefencess الموجود بالـ Dock تحت كلش ، وبعدها اختار Keyboeard and Mouse وبعدها اختار التاب الخاص في الـ Shourt Cuts مثل ماهو واضح بالصورة :

    روح لـ آخر نقطه في الوندو ، راح تلاقي نقطه اسمها Input Menu ، فعلها ( وافتح النقطتين الفرعيتين لها ) النقطه الفرعية الأولى راح تكون مثل ماهو واضح بالصورة Select The Previous Input Source ، هالنقطه تتعلق بالشورت كات الخاص في اللغه ، فـ روح للشورت كات الي ( مقابل ) النقطه بالضبط ، واضغط عليه ضغطه وحده كأنك تبي تسوي له Rename ، واختار اي شورت كات تبيه لتبديل اللغه ! انا على سبيل المثال ، مخلي الشورت كات هو Cmd + Space ، هو افضل شورت كات صراحة ، اذا تبون تسوون مثلي ( لازم تغيرون الشورت كات للـ Search ) وترجعون لنقطتنا ، وتحطون Cmd + Space ، لان مايصير نقطتين ياخذون نفس الشورت كات ، وانا صج انصحكم انكم تسوون مثلي ! وبجذي انحلت المشكلة ، مجرد انكم تسكرون هالوندو ، جربوا انكم تكتبون اي شي ، وجربوا الشورت كات الي حطيتوه واستمتعوا بالتغيير ! اذا ماصار ، جربوا تسوون ريستارت لـ الجهاز !


    ● البرنت سكرين ؟ في الوندوز كنت بكل سهوله اقدر اضغط زر البرنت سكرين ، واصور الصورة الي ابيها !
    آخ Come On .. بكل سهوله ؟ في الوندوز عشان نسوي برنت سكرين ، كنا نضغط زر برنت سكرين ، ونروح لبرنامج الرسام ، ونسوي Paste هناك وبعدها نخزن الصورة ، ونختار تايب الصورة ، ونختار اسم للصورة ، ونسكر البرنامج ، وبعدها نلاقي الصورة على الديسك توب !
    بس في الماك ؟ اضغط Cmd + Shit + 3 ، وراح تلاقي الصورة جاهزه على سطح المكتب !


    ● آوكي والمسنجر ؟ انا نزلت نسخة من المسنجر ، ماقدر اغير فيها صورتي خير شر !
    لأنك وبكل بساطه ، محمل نسخة المسنجر السابعه ، وهالنسخة مضروبه من المايكروسوفت نفسها ، هم مانزلوا النسخة كامله ، فـ احذف برنامج المسنجر من عندك ، وحمل برنامج المسنجر التالي على هاللنك :
    http://download.microsoft.com/download/a/3/2/a32bb646-3ad3-42df-88c1-5495cd94933a/Messenger603.dmg
    وبعدها استمتع بكل وظايف المسنجر الي تعودت عليها ، من تغيير صوره .. وألخ ! العيب الوحيد في المسنجر ، هو انه مافيه بلاس ، لكن انا ( سمعت ) ان في طريقة لتلوين نكات المسنجر في الماك ، وهالطريقة راح تعرض نكات الناس الثانيه ملونه وبأفضل طريقه ، راح اسوي سيرج عنها قريباً واعرضها لكم إن شاء الله !


    ● احذف البرنامج ؟ شلون ؟
    احلى شي في الـMac انك عشان تحذف اي برنامج ، تروح لـ ملف الـApplication وتحذف البرنامج من هناك ، حذف بسيط وبزر واحد ، وراح ينحذف البرنامج من الجهاز بكبــــــره ، يعني لما تسوي سيرج على اسم البرنامج في الـSpootlight ماراح تلاقي اي ملف في الجهاز يطابق الكلمة الي قلتها !


    ● انا متعود على برامج الشيرنغ الي استخدمها في الوندوز !
    آوكي عاد ، ستوب ات هير ! بشهادة جميع المواقع ، افضل برنامج شيرنغ في الدنيا ، هو الـ Lime Wire ، حتى وانا استخدم الوندوز ، مستحيل كنت استخدم برنامج غيره ، هو ( بالنسبة لي ) افضل برنامج شيرنغ استخدمته ، رغم اني استخدمت الشيرازا لفترة والآريس ووايد برامج ثانيه ، بكل بساطه تقدر تحمل برنامج الـLime Wire من الرابط هذا :
    http://www.limewire.com/download/download.php?version=osx
    والريجن هذا خاص لمستخدمين الـ Mac ، وبصراحة استخدامه عـ الماك ، اسرع بمليون مره من الوندوز ! والشباب الي مايعرفون شمعناة ( برنامج شيرنغ ) فهو برنامج يستخدم في البحث عن الاغاني والافلام والمسلسلات والبرامج وأي شي تطلبه او تتمنى تحصله ، انا استخدامي 99٪ من هالبرنامج على الاغاني صراحة ، لما اسمع اي اغنية من مكان ، اخذ اسم الاغنية واكتبه في البرنامج وبعدها الاقي مليون ملف بهالاسم ، واحمل الي ابيه !
    مثال : انا الحين ادور على اغنية Sia - Breath me ، اروح افتح اللايم واير ، واختار Songs ، واكتب اسمها في الوندو ، وبعدها تطلعلي لستة اغاني وااااايد ، وانزل الي ابيه ، وصدقوني اللايم واير في الماك ( أنا اشوفه ) أسرع بوايد ، وغير هاي .. كلنا عارفين شكثررررر فايرسات تنزل من برامج الشيرنغ ، بالهبــــــــل ، لكن في الماك ؟ اول ماينزل فايرس يمسحه على طول وتطلعلي رسالة تقولي فيها ( فيصل سوري ، بس الملف الي انت حملته انمسح لـ مصلحة الجهاز ) ويمسحه بدون مايشاورني ، لكن كفو يسألك هالسؤال في الـ Windows ؟ الا على طول بينترس جهازك فايرسات مثل باقي الاجهزه !


    ● مافي Right Click في الماك ؟ آخ معقوله في جهاز بالدنيا مافيه رايت كلك ؟
    طبعاً لا ! كل جهاز بالدنيا فيه رايت كلك ، لكن الديفولت ستنغز للماك مايكون فيه في البدايه ، لكن الماك ؟ فيه ( أروع ) رايت كلك بالدنيا ، واكثر رايت كلك متطور ، روح لـ System Prefencess ، وبعدها اختار Keyboard and Mouse وبعدها اختار من التابز Trakpad ، وبعدها حط علامة الـ( صح ) على كل الخيارات الموضحه بالصورة :

    بعد ماتسكر هالوندو ، اضغط ( بصبعين ) على اي مكان تبيه ، يعني شفت لما تضغط ( بصبع واحد ) على ملف معين ؟ ابيك تضغط بـ( صبعين ) مره وحده ، وراح يطلع لك الرايت كلك !


    ● انا واحد وايد احب ايميلات Pure ، ونص ايميلاته ( القليلة آدب ) كلها فيديوز ، والفيديو الي بالإيميل دوم يكون على امتداد wmv يعني ماتشتغل إلا على Windows Media Player ، سو ؟
    آدري ، حتى لو كان استخدامنا 100٪ عالماك ، في اشيا عالوندوز مانستنغنى عنها مثل الوندوز ميديا بلير ، اولاً في برنامج خاص للوندوز ميديا بلير ينزل عـ الماك ، بس صراحة ( مع احترامي ) ما احب انزل برامج للفيديو غير الـ Quick Time الي جد اعتبره اروع برنامج فيديو ، واسرع برنامج فيديو ، وجد كوالتي بكل شي ! فالطريقة هي ، انك تنزل البرنامج الي على اللنك التالي :
    http://www.microsoft.com/downloads/details.aspx?FamilyId=915D874D-D747-4180-A400-5F06B1B5E559&displaylang=en
    البرنامج هذا راح يشغل لك ( كل ملفات الوندوز ميديا بلير ) على الكويك تايم نفسه ، يعني البرنامج هذا عباره عن كودك يستخدمه الكويك تايم حتى يشغل كل ملفات الوندوز ميديا بلير ، من غير ماتنزل الوندوز ميديا بلير نفسه ! بإختصار لما تنزل البرنامج هذا ، روح جرب تشغل اي فيديو على امتداد wmv وراح يشتغل دايركت على الكويك تايم وبأفضل جوده.


    ● انا استخدم الآوفس فالجامعه وفي كل مكان ! ماقدر استغنى عنه ؟
    الآوفس برنامج عالمي ، يعني بالراحة هو اول برنامج راح تنزل له نسخة خاصه لـ مستخدمين الماك ، وغير هاي في برنامج شبيه للأوفس اسمه iWork شخصياً استخدمته واشوفه اروع من الآوفس بـ مليووووووووون مره !


    ● الـAdobe Photoshop والـMac ؟
    طبـــــعاً الفوتوشوب متوفر ، الماك انخلق لسوالف الديزاين والمونتاج وغيره ، لكن مافي فوتوشوب متداول و ( بلاش ) في النت ، احنا نستخدم الفوتوشوب في القناة على الماك ، وحده روعه ، واختي تستخدم الفوتوشوب في جامعتها لان جامعتها امنزله لها ( الستيودنت باكج ) لـ الديزاينر ، وشغال 100٪ وبشكل ولا اروع بس شنو ؟ الفوتوشوب ماتقدرون تحملونه من النت ، مستحيل تحصلون نسخه تقليد ، لازم تشترون الفوتوشوب من الانترنت .. من شركة الادوبي ، وعلى فكرة ترى ينباع عندنا في الدوحة ، اعتقد اني لمحته في Office 1 .. ( أو ) انكم تشترون ( الستيودنت باكج ) ارخص بوايد وفيه وايد برامج غير الفوتوشوب ، مثل الافتر افيكت والاليستليتر ووايد برامج ديزاين ثانيه الي اتوقع البرمير منها . من اني افضل الـ CS4 الي نزل قبل قبل فترة بسيطه جداً ، بس نسخة الميدل ايست مش متأكد اذا تفعلت او لا ؟
    لكن في فوتوشوب اسمه Photoshop Elements انا منزله حالياً في الماك وهو نسخه ( بالضبط ) شبيهه بالفوتوشوب ، ومن شركة الفوتوشوب نفسها ، لكنها مو معقده كثر الفوتوشوب ، على اساس انها للمبتدئين ، وحدها نسخه كيوت ، هالنسخه تقدرون تنزلونها من النت .. وتحطون لها Serial Number وكل شي تمام ، وهاذي صورة صورتها لكم لـ البرنامج عـ السريع :

    Click In the Photo to Zoom It


    ● وكيف طريقة الـ Burn لسيدي الداتا ، وسيدي الأغاني ؟
    في الـWindow حتى ننسخ سيدي ، كان لازم ننزل برامج مخصصه ، مثل النيرو وفلان الفلاني وغيره ، اما في الـ Mac الطريقه مافي ابسط واسهل و ( أحلى ) منها ، بخصوص نسخ الـData على السيدي ، او نسخ الملفات العاديه على السيدي ، راح يطلع لك هالوندو اول ماتدخل السيدي باللاب توب :
    فالمطلوب انك تضغط OK ، وتخلي الاوبشن Open in Finder ، بعدها بتلاحظ إن ظهر لك على الديسك توب آيكون سيدي Empty ، تفتح هالآيكون راح يطلعلك وندو عادي وطبيعي ، تنسخ فيه كل الملفات الي انت حاب انك تنسخها ، مهما كانت نوعية هالملفات ومهما كانت امتداداتها ، وراح تظهر لك الملفات على شكل Short Cuts في السيدي !
    بعد مانسخت كل الملفات المطلوبه ، تضغط على الدائرة ( القطراويه ) الي مقابلة اسم السيدي ، ( الدائرة الي باللون الاصفر والاسود ) وبعدها راح ينسخ السيدي بأسرع وقت وبشكل ولا اروع ، مع الفيريفاينغ اكيد !
    اما بخصوص Burn سيدي الاغاني ، فمن خلال الـ iTunes تقدر تسوي لك Playlist وتحط فيه الاغاني الي تبي تحرقها على سيدي ، مجرد انك تحط كل الاغاني الي طلبتها في الـPlaylist ، تضغط على زر ( Burn ) الي تحصله في وندو الايتونز تحت كلش على اليمين ! وانتهت السالفه


    ● الـ Bluetooth شلون ويا الـ Mac ؟
    والله انا من خلال تجاربي ويا اللاب توبات الثانيه ، اشوف الماك روعه مع البلوتوث ، لكن المطلوب هو تفعيل خيار البلوتوث في الجهاز نفسه ، المطلوب هو إنك تروح للـ System Preferences ، وبعدها تختار آيكون الـ Sharing ، تضغط عليه وراح يطلع لك الوندو التالي :
    كل المطلوب منك هو انك تفعل خيار البلوتوث من هالقائمة الطويلة ، ومن خلال الخيارات الموجوده على يمين القائمة ، تقدر تحدد كل الاوبشنز الي تحب بلوتوثوك يمشي عليه ، مثلاً انا حاط في الاوبشن اني ( احب الملفات دايماً تنزل على الديسك توب ، سواء من لابتوبات ثانيه ، او ديفايس بلوتوث ( مثل الجوال ) ، وبنفس الوقت احب ان كمبيوتري "يسألني" قبل ماينزل اي ملف من البلوتوث اذا كنت موافق او لا ..... ألخ ) يعني هالخيارات راح تفهمونها بمجرد انكم تقرون نقاطها.


    ● الـ Real Player مع الـ Mac ؟
    كل برنامج في الدنيا ، مهما كان نوعه ، ومهما كان امتداده ، و ( خصوصاً ) اذا كان برنامج له وزنه ، وله مكانته مثل الريل بلير ، لازم تكون في له نسخة داون لوك لـ Mac نفسه ، يعني انا واحد ما استخدم الريال بلير خير شر ، استخدام الـ iTunes يفي بالغرض مليوووون مره ، بس فرضاً انا الحين ابي الريل بلير على جهازي ، شاسوي ؟
    اروح افتح Goggle وبكل بساطه اكتب اسم البرنامج وبعدها اضيف كلمة for mac ، سواء كان برنامج اغاني ، برنامج فيديوز ، برنامج واااات ايفر .. الحين مثلاً انا رحت Goggle وكتبت Real Player For Mac وادخلوا انتو بنفسكم وشوفوا لستة البحث :
    http://www.google.com.qa/search?hl=en&q=Real+Player+for+mac&btnG=Search&*** *****=
    طبعاً عادتاً ندخل على اول لنك يطلع لنا ، خصوصاً اذا كان من موقع البرنامج الرسمي :
    http://forms.real.com/real/realone/mac.html
    وبكل بساطه ، احمل البرنامج من هاللنك ، واستمتع بالبرنامج على جهازي !


    ● ملفات الترجمة الي تعودنا نشوف مسلسلاتنا وافلامنا فيها ، شلون وضعها مع نظام الـ Mac ؟
    ملفات الترجمة شغاله مع الـ Mac ميه بالمية ، كل المطلوب هو انك تحمل البرنامج هذا ( اضغط هنا ) مساحة البرنامج هو 3.8 ميجا ، يعني ماراح ياخذ اي شي من مساحة جهازك ، بعد ماتحمل البرنامج وتشغله ، راح يظهر لك الوندو التالي ، كل المطلوب منك هو انك تسحب ( ملف البرنامج ) وتحطه في ملف الـApplication في جهازك !
    بعد ماحملنا ملف الفيديو ( الفلاني ) ، وبعد مانحمل ملف الترجمة ، نتأكد ان ( ملف الفيديو ) يحمل نفس اسم ( ملف الترجمة ) مع اختلاف امتداد الملف نفسه ، يعني مثلاً انا عندي حلقة اسمها QF.avi ، ملف الترجمة لازم يكون اسمه QF.srt ، ونحطهم اثنينهم بـ ملف واحد ، وبعدها نضغط على ملف الفيديو Right Click ونختار Open With واكيد نختار برنامجنا الي حملناه قبل شوي Chroma
    بعدها راح انلاحظ ان الفيديو والترجمة شغالين 100٪ ، لكن ( بعض ) الترجمات تكون على صياغة الوندوز نفسه ، انا على سبيل المثال الحين مشغل حلقة من مسلسل ( وان تري هيل ) ، والترجمة طالعه عندي بـ لغة مش مفهومه :
    فـ الحل بكل بساطه ، اني اروح فوق كلش عالبار ، واختار Moive وبعدها اختار ( سابتاتيلز تيكست انكودنغ ) واختار ( آربك وندوز ) مثل ماهو واضح بالصورة :
    وراح نشوف الملف شغال 100٪ ، مع العلم اني من خيارات القائمة نفسها ، اقدر احدد نوع الخط ، حجم الخط ، لون الخط ، وكل شي يتعلق بالخط نفسه ، مثل ما انا أفضل اني اشوف الفيديو !
    ملاحظة : هذا افضل موقع لـ ملفات الترجمة العربية www.subscene.com ، وعلى فكرة ترى حملت البرنامج على موقع قطرفوتبول ، حتى يكون البرنامج متوفر لكم في المستقبل ، بأي وقت ، وبأي فترة تحتاجونه فيها !


    ● المصورين والـ Mac ؟ في آي معامله خاصه لهم ؟
    الفوتوغرافرز ، والديزاينرز ، هم اثنين فئتين محظوظين مع الماك ، وايد برامج راح تساعدهم وتطورهم وتطور من أعمالهم ، وهالبرامج مش متوفره في الوندوز ، واحد من ( أهم ) برامج التصوير ، والي يستخدمونه اغلب المصورين مع الماك ، هو برنامج Aperture ، هو برنامج رهيب ، تدخل فيه الصور الي صورتها بكيمرتك ، وتطور ألوانها وزواياها وتعديلها بأفضل الطرق و ( أرقاها ) كل المصورين يستخدمونه ، وكلهم يعتبرونه الأفضل ، تقدر تسوي سيرج عليه في قوقل ، وتتمتع بمميزاته !
    Note : طريقة تخزين الصور في البرنامج ، هو انك بعد ماتخلص تعديلك وتطوريك لـ الصورة نفسها ، روح لـ File واختار Export وبعدها راح يسألك بأي ملف حاب تخزن الفايل ؟


    ● ( مهم جداً ) اختصارات الماك ؟
    واحد من أهم أهداف الماك ، هو تسهيل عملية استخدام الشخص للماك نفسه ، على اي برنامج مهما كان ، فلذلك في اختصارات مهمه بالكيبورد ، راح تساعد الشخص على استخدام الماك بطريقة اسرع وبطريقة اسهل بـ وايد من استخدامه لـ الماوس .

    cmd + Q = Quit
    cmd + W = closing Window
    cmd + C = Copy
    cmd + X = Cut
    cmd + V = Paste
    cmd + S = Save
    cmd + N = New Page

    هالاختصارات تنطبق على كل شي ، على الكلام ، على الملفات ، على كل البرامج مهما كان نوعها ، بس النقطه المهمه هني ، شالفرق بين Quit و Close Window ؟ .. تتذكرون لما كنا على الوندوز ، كنا لما نفتح ( المسنجر ) ونشوف لستة الكونتاكتس الخاصه فينا ، كنا لما نسكر ( صفحة ) المسنجر ، تنزل على تحت ، صح ؟ لكن المسنجر يظل شغال ، حتى لو سكرنا صفحته ، وسكرنا كل صفحات المحادثات ، يظل المسنجر شغال ، ماراح يتسكر المسنجر ( إلا إذا ) ضغطنا عليه بالزر اليمين ، واخترنا Quit صح ؟ ... نظام الماك نفس الشي مع ( كل برامجه ) ، لما تفتح اي برنامج على الماك ، سواء سفاري او ادريس بوك ، او اي برنامج كان ، وتسكر الوندو او صفحته ، راح تلاحظ تحت في الـDock ( تحت ايكون البرنامج بتلاقي شي صغير نفس اللولوه ) هذا معناته ان البرنامج ( لا زال ) شغال ، حتى لو سكرت الوندو !
    البرنامج يظل شغال تحت طالما علامة اللولوه ما اختفت ، فـ الطريقة الي تخلي هاللولوه تختفي ، هو انك تضغط على ايكون البرنامج وتضغط بعدها على cmd + Q حتى يسوي Quit للبرنامج ، مثل ماكنا نسوي Quit للمسنجر ايام الوندوز !
    واما بخصوص الـCopy والـPaste فهاذي الاختصارات تنطبق على كل شي ، سواء نسخ الملفات ، او نسخ الكلام ، او نسخ اي شي بالدنيا ولصقها في مكان ! جربوا تتعاملون مع هالاختصارات في كل شي ، وصدقوني راح تحبونها وبعد فترة بتشوفون نفسكم ( مستحيل ) تستغنون عنها !



    الرد هذا قابل لـ التحرير في حالة إضافة إي استفسار بالموضوع !

  6. #4

  7. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375

    Like You Will Never Believe


    والحين نبدا بالموضوع الأساسي ، وهو خدمة الـ( موبل مي ) ، هالخدمة بكل إختصار متوفره مع آكاونت الماك نفسه ، قبل كان أكاونت الماك هو Something@Mac.com ، اما الحين كل هالآكاونتات تحولت الى Something@me.com ، وكلها تحولت فري ، لكن الي يبي يسجل اكاونت يديد ، راح يكون اكاونت دايركت Something@me.com ، وهالأكاونت حتى يكون عندك ، لازم تسوي Sign Up من موقع الـ www.me.com ، وتشترك بهالآكاونت ، طبعاً راح يكون عليه رسوم ، اول شهرين راح يكون الاكاونت بلاش ، لكن بعد الستين يوم ، راح يبدا يخصم منك 99 دولار سنوياً على هالخدمه الي اقل مايقال عنها روعـــــه !
    خدمة MobileMe فكرتها الاساسيه انها تخلي كل أجهزتك Synced في نفس الوقت ، وبأسرع طريقه ! شلون ؟ وتحت أي مبدأ ؟ .... تحت مبدأ الـ Computing Cloud يعني ( الغيمة الحاسوبيه ) او مصطلح مشابه لهالمصطلح ، شلون تنفذ فكرتها ؟ مثلاً انا عندي لاب توب MacBook ، ولاب توب MacBook Air ، و iPhone ، و iPhod Touch ، اوكي ؟ كل هالاجهزه فيها Address Book مثل ماشرحناه في الرد الأول ، صح ؟ وكل هالاجهزه فيها iCal مثل ماشرحناه في الرد الاول بعد ، صح ؟ وكلها اقدر اشوف منها إيميلاتي اليديده ، ومواعيدي ، و الـ BookMarks وكل شي ! فكرة MobileMe شلون ؟ وظيفتها ان ( لما فيصل يضيف مثلاً كونتاكت يديد في الآدريس بوك في الماك بوك ) بعد اقل من 10 دقايق راح ينضاف في الـ iPhone والـ iPod Touch والـ MacBook والـ MacBook Air ! بدون ما اشبك اي جهاز بأي جهاز ثاني ! شلون ؟ بالـ Cloud Computing الي تكلمنا عنه قبل شوي !
    تفاصيل اكثر ، انا لما اسجل في اكاونت somthing@me.com راح تصير لي غيمة ( خاصه ) فيني انا ، هالغيمة راح تروح لها كل الكونتاكت ليست لي ، وكل مواعيدي في الكلندر ، وكل شي يتعلق فيني ، وهالغيمة تتعلق بكل اجهزتي ، الايفون والماك بوك ، والايباد تاتش ، مجرد اني احرر شي بجهاز من اجهزتي ، يروح هالتحرير لـ( الغيمه ) والغيمه راح تطرش هالمعلومه لكل الاجهزه المتصله في الغيمة نفسها ( أول ماتصير اون لاين ) ، يعني مثلاً انا حررت شي في الـ MacBook ، مجرد اني اشبك الـ MacBook Air اون لاين ، او جوالي الـ iPhone يلقط ( ارسال بسيط من اي مكان في الدنيا ) راح يسوي ابديت تلقائي من نفسه ، بدون مايشاورني ، وصدقوني هالشي في الزمن الي احنا عايشين فيه ؟ وايد سهل ومهم ! خصوصاً لواحد عنده اكثر من منتج للماك ، او واحد يستخدم الايفون !
    مثلاً ، قبل شوي كلكم شفتوا عبدالله المولوي في الآدريس بوك الخاص فيني على الماك ، فرضاً انا ضفته في الماك قبل دقيقه بالضبط ، بعد دقيقه او اقل من دقيقه ، راح اشوف الاسم انضاف ( دايركت ) لـ الآيفون ، مو شرط اني امسك الايفون او اشبكه مع شي ، اولردي الايفون فيه وايرلس من نفسه ، حتى لو قفلت الايفون ، الوايرلس يشتغل مجرد اني اسوي فيه اي حركه بسيطه ! ونفس الشي مع الـ MacBook Air الخاص في الجامعه ، مجرد اني افتحه راح الاقي اسم عبدالله المولوي انضاف فيه على طول . وصدقوني ينضاف بطريقه ( مستحيل ) عقل بشري يقدر يتخيل طريقة الاضافه !
    ومو بس الكونتاكت ليست ! حتى مواعيدي في الكلندرز ، مجرد اني اضيف اي موعد في آي كلندر بأجهزتي ، راح ينضاف دايركت لأجهزتي الثانيه بدون ما اشبكها في بعض ! والـ BookMarks نفس الشي ، مجرد اني اضيف موقع يديد وحطيته Favovite في جهاز من اجهزتي ، راح يتسيف هالموقع في الـ iPhone وفي كل اجهزتي الثانيه دايركــــت !
    ومو بس جذي تبون تعرفون شنو يعني مصطلح تطور ؟ لما اي حد يطرشلي ايميل على ايميلي بأي وقت ، على طول راح يطلع بالايفون عندي نوتيفيقيشن ، يقولي عندك ايميل يديد ! حاله حال الـSMS ، احنا عايشين في تخلف ترى مع الـSMS ، لو تلاحظون الامريكان والاجانب في المسلسلات ، مايطرشون لبعضهم SMS الا في حالات نادره ومايكتبون الا 5 كلمات بالكثير ،ليش ؟ لانهم بكل بساطه اذا كانوا في جامعاتهم او بيوتهم او اي مكان ، يطرشون ايميل لبعضهم بأسهل طريقه وأسهل وسيله ، حالها حال الـ SMS ويكتبون فيه كل الي يبونه ويحطون فيه كل الفيديوات والصور الي يبونها ، ويطرشونها وتوصل بنفس الوقت ، و ماراح ينحسب عليهم ولا ربع ريال ! اما احنا و الـ( .... ) الي عايشين فيه ، نكتب قصة حياتنا بالـSMS ، وتبدا كيوتل تحسب امية ريال على مسجات تهنئة رمضان ، و 500 ريال من كل شخص على مسجات تهنئة العيد ! والله انا استغرب ان ليش احنا مانستخدم الايميلات بجوالاتنا ، خصوصاً الي عندهم الـ iPhone لان ابليكيشن الـ Mail فيه دايركت وعلى طول واذا كنت ضايف مثلاً ( ايميل عبدالله المولوي ) في كونتاكت ( عبدالله المولوي ) نفسه ، مجرد انك تروح تسوي New Mail وتكتب Abdullah Al-Mawlawi في خانة الـ To : وهو دايركت راح يحط ايميل عبدالله المولوي الي اولردي انا ضايفه في الكونتاكت ليست ، يعني الايميل يصير حاله حال الـSMS ، واحلى منه بوااايد !! خصوصاً اني اقدر الون الكلام ، واضيف كل الي ابيه واكبر كل الي ابيه ، وراح يوصل للشخص الثاني بنفس الثانيه ، وبأروع طريقه !! صدقوني بعد كم سنة ، بنصير نفس الامريكان وبيكون ( متخلف ) الي يطرش SMS لـ ربعه !
    مثلاً ، انا موصي Cure انه مايطرشلي ولا شي على SMS ، اذا يبي شي يكتبلي ياه بالإيميل لو كان الماك بوك وياه ، ويوصلني انا بنفس الثانيه وهذا هو المثال :

    اوبس وصل ايميل يديد !


    ايميل من كيور
    وطبعاً رديت عليه بنفس الثانيه من الآيفون .. وهاذي صورة الايميل من موقع www.me.com لما ادخل بأكاونتي فيه :
    طبعاً اقدر اني اشوف الايميل من برنامج الـMail نفسه الي بالماك بوك ، وعلى فكرة ، موقع me تقدر تفتحه بأي مكان بالدنيا ، وتشوف فيه كل الكونتاكت ليست وقت ماتبي ، وتشوف فيه ايميلاتك بأروع وأسهل طريقه ، وتقدر تشوف مواعيدك ، وتشوف اصورك الي تقدر تضيفها من اي جهاز من اجهزتك ( لو ضفت صورة من الآيفون ، تروح تلقائي لأجهزتي الثانيه في اقل من عشر دقايق ) بدون وصلة ، وبلوتوث ، وغيره ! لاحظوا الآيكونز فوق كلش في الصورة ؟ ايكون الايميل ، وايكون الكونتاكت ، وايكون الكلندر ، وايكون مساحة الصور ، وايكون الستورج !
    وتبوني اصعقكم أكثر ؟ النقطه الي ماقدر اشرحها من كثر ما انا عاشقها ومو متخيل انها تصير في يوم من الأيام هي نقطة الـStorge ، مستخدمين الماك يكون عندهم شي مثل الهاردسك في الجهاز اسمه iDisk هم مايقدرون يفتحونه الا اذا كان عندهم آكاونت something@me.com ، الـ iDisk بالضبــــــــط حاله حال الهاردسك الخارجي ، او الفلاش ميموري ! شلون ؟ الحين انا فتحت الـ iDisk عندي بالماك بوك وحطيت فيه ملفات معينه ، ورحت الماك بوك آير في الجامعه وفتحت الـ iDisk هناك ، راح احصل ملفاتي الي ضفتها في الـ iDisk ، حتى لو كان الجهاز الثاني في أبعد مكان بالعالم ، انا مجرد اني اضيف ملفاتي للـ iDisk اقدر افتحها من اي جهاز من اجهزتي ، الايفون ، الايباد ، الماكبوكات ، كل شي ثاني ! وتخيلوا نسخ الملف الاصلي الى الـ iDisk كأنك تنسخ من هاردسك الى هاردسك ثاني ، يعني ينسخ بوقت روعـــــه وسريـــــع ، وحتى انك تنسخ الملفات من الـ iDisk الى الكمبيوتر نفسه ، ينسخ بشكل سريع ومب طبيعي ! انا ماتتخيلون شلون متولع في الـ iDisk .
    مثلاً الحين انا وPure نتابع LOST و Desperate Housewives ، والحلقتين هذيلا نزلوا ، وكل وحده مساحتها عاليه ، وانا عندي حلقة لوست ، وحمود عنده ديسبريت ، لالا انا عندي ديسبريت ، وحمود عنده لوست ! اوكي ؟ شنسوي ؟ اتصل في حمود واقول له حمود ادخل بأكاونتي في جهازك ، وانسخ حلقة LOST في الـ iDisk مالي ! وانا ادخل بأكاونت حمود في جهازي وانسخ له حلقة Desperate في الـ iDisk ماله ، واثنينا راح تكون عندنا الحلقات في دقايق ! بذمتكم شرايكم بهالتطور ؟
    الـStorge الخاص في كل شخص مشترك بالـ me ، هو 20 جيجا بايت ! يعني مساحة محد في الدنيا يتخيل انها تكون فري له ، من خلال هالمساحه يقدر يشوف اغراضه بكل مكان في حياته ، يعني حتى لو انا بدون اي جهاز من اجهزتي ، مجرد اني افتح موقع me.com على اي كمبيوتر فالدنيا ( حتى لو كان على كمبيوتر windows ) اقدر اشوف ملفاتي وانزلها بأي كمبيوتر ، واقدر اشوف الكونتاكت ليست مالي وانزله بأي كمبيوتر ، والكلندرز وكـــــــل شي ، من اي مكان بالدنيا !
    تتذكرون لما كنت اتكلم عن الـGenius في موضوعي القبلي Lets ROCK لما تكلمت عن منتجات Apple اليديده لـ الايبادز ؟ هالخدمة ( المجانيه ) ماتتوفر الا لما يكون عندك اكاونت something@me.com ، ووالله لما تجربون هالخدمة راح تعشقووونــــــها ، خصوصاً الي يحبون الاغاني الانجليزيه ، انا مثلاً ( مثل ماهو موضح بالصورة ) اسمع الحين اغنية Mieko مجرد اني اشغل الاغنيه او اضغط عليها ضغطه وحده ، راح تطلع لي على اليمين لستة ( جينيس ) ، هاللسته تقولي : أكثر البوم انشهر لـ هالفنانه ، الاغاني الـ Top لهالفنانه ، الاغاني ( الي تحمل نفس ذوق هالاغنية ) ، واشكثــــــــــر اغاني اكتشفهم بهالخاصيه !!! والله ماتتصورون ، قبل كنت اتمنى اني احصل اغنية وحده احبها في الاسبوع ، الحين احصل مليون اغنية في يوم واحد ، صرت اكره هالخاصيه من كثر ماهي مغرقتني بالملفات الروعـــــه ، وعلى فكرة ، كل اغنية معروضه لكم ، تقدرون تسمعون منها ثلاثين ثانيه Free ، اذا حبيتوها تقدرون تشترونها ، بس انا شاسوي ؟ اخذ اسم الاغنية ، واروح افتح الـ LimeWire الي تكلمت عنه قبل شوي في ردي الثاني ، واكتب اسم الاغنية هناك وانزلها بأفضل جوده واضيفها للـ iTunes نفسه !
    واخيراً طبعاً بخدمة ( موبل مي ) تقدرون تنزلون كل الابليكيشنز الي تتمنون انها تتوفر في آيفوناتكم بطريقة رسميه ومب آليقال من موقع الايتونز ستور نفسه ، يعني لما تشبكون الايفون ، ومن خلال الايتونز تختارون آبليكيشن ، تقدرون تنزلين كل البرامج الي تبونها ، حتى لو تنزلونها من الايفون وعلى الايفون دايركت ! مع العلم ان معظم الآبليكيشنز تقدرون تنزلونهم ابلاش ، مثل ابليكيشن المسنجر ، ابليكيشن الفيس بوك ، فلكر ، وواااااااايد برامج والعاب Free وبفلوس ! هاذي صورة ابليكيشن الفيس بوك مثلاً ، انا صرت من اشوف حدث مهم ، اصور الصورة من ابليكيشن الفيس بوك نفسه ، وعلى طول هو يسوي سيدنغ بنفس الوقت ، وكل العالم الي ضايفيني بالفيس بوك يشوفون انا اشفت ! <-- يعني بالعربي .. Gossip Girl بس فيرجن قطري !
    شفتوا كل الي قلته وكتبته من اول مابديت في الموضوع ؟ هو مجرد ( نقطه ) اكتشفتها في ( بحر ) اسمه ماك ! صدقوني وايد مميزات بـ آكاونت الـme بكل الاجهزه وكل البرامج الي ماقدرت اكتب عنها ، او برامج ( ماعندي وقت حتى اني استخدمها واكتشف روعتها ) ، وغير برنامج الـ iChat او الـMail او كـــل البرامج والمسميات الثانيه ، 99 دولار سنوياً على هالخدمه ؟ اشوفه مبلغ تافه جداً جداً جداً .
    طريقة الاشتراك ، روحوا على موقع www.me.com راح تعبون بياناتكم بكل بساطه ، وبعدها راح يطلب منكم رقم ماستر كارد او فيزا كارد ، او e-Card حق البطاقات الي تتعبى لـ النت ، مع انه ماراح يخصم في اول شهرين شي ، لكنه بيبدا يخصم 99 دولار سنوياً بعد الشهريين الاولين ( وطبعاً تقدرون تكنسلون الخدمه قبل ماينتهون الشهرين ) بكل بساطه ، مع اني اضمن لكم ان مع هالمعلومات الي قلتها لكم عن الخدمة ، مستحيل بتقدرون تكنسلونها ، وبتشوفون ان هالمبلغ فعلاً تافه لهالمميزات الكبيرة . الخدمة بدت ( رسمياً ) في شهر آوغست الي فات ، يعني ماصار لها شهرين ! مع انها بدت في شهر جولاي لكن كانت تحت التجربة في اول شهر ، وصارت رسميه في شهر 8 !



    آدري اني وايد مقصر بهالريبورت البسيط جداً !
    بس جد لو بتكلم من اليوم لين بعد مليون
    سنة ماراح اوصف الـMac شلون روعه بكل مواصفاته
    واعتقد ان مستحيل انسان بالدنيا يقدر يوصف كل شي بموضوع واحد
    فراح اترك الموضوع مفتوح لكل استفساراتكم
    وممكن اي مستخدم من مستخدمين الماك يرد عليكم ويفيدينا !
    وراح ( يختص ) بإستفسارت خدمة MobileMe اكثر من الاستفسارات الثانية ..
    وطبعاً احب اذكركم ان بعد اقل من عشر ايام راح يبدا مؤتمر Apple الجديد
    لعرض اجهزتها اليديده
    MacBook و MacBook Air و Pro و iMac
    يعني الي ( يفكر ) انه يشتري جهاز Mac يديد ، انصحه انه ينطر
    اسبوعين إلى ثلاث اسابيع لان الاجهزه اليديده راح تنزل الدوحة بعد عرضها
    في المؤتمر نفسه !
    يعطيكم الف عافيه على القراية ، لكن في نقطة مهمه
    جداً احب اني اذكرها في الاخير انا واحد مش
    محترف ولا 100٪ خبير بهالاشيا .. فـ ياليت الي يلاحظ اي
    معلومة كتبتها خطأ ، او اي مصطلح كتبته خطأ ياليت لو يصحح لي
    :24:

    وعساكم عالقوة !



    للأمانه الموضوع منقول من عضو اسمه فيصل مشالله عليه .. وهالموضوع بيكون لجميع مستخدمين الماك واستفساراتهم ..

  8. #5

  9. الحالة :Henryq8 غير متصل
    تاريخ التسجيل
    26-12-2002
    الدولة
    Q8
    المشاركات
    11,046
    قوااه الله ع الموضوع وشاكرلج على النقل , شغل متعوب عليه وبدع ...

    انا خطتي عندي بي سي فيه وندوز 7 او عندي ماك بوك ..

    جمعت الاثنين .. والاثنين حلوين.

  10. #6

  11. الحالة :Creative غير متصل
    تاريخ التسجيل
    26-04-2009
    المشاركات
    1,512
    شغل نظيف والله , استفدت منه الشي الكثير
    قواه الله , وماقصرت انته هم ع النقل .. : )

  12. #7

  13. الحالة :Freddie غير متصل
    تاريخ التسجيل
    17-06-2005
    الدولة
    Gorky Park
    المشاركات
    13,772
    ناطر ماك بوك برو اليديد ينزل وبشتريه موضوع في وقته ..
    إننا من الكويت نبدأ، وإلى الكويت ننتهي، وما عدا ذلك فليس من الكويت، وليست الكويت منه
    ACK

  14. #8

  15. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375
    اللي عنده اي استفسار يحطه هني عشان نفيد بعض

    وياليت كل مستخدمين الماك يتجمعون هني =)

  16. #9
  17. Madridista4eveR
    زائر
    //

    شلون طريقة تنزيل الافلام بالـIpad ؟

    واجهزه الـ Ipad بالكويت صحيح مافيها ibook?

    وشكرا على الموضوع المفيد

    ،،

  18. #10

  19. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375
    ^^^

    هذا الموضوع عن أجهزة الماك مو الــ I pad .. تقدر تسوي قروب خاص لمستخدمين الآي باد

    مشاءلله منتجات أبل منتشره على نطاق واسع =)

  20. #11

  21. الحالة :Eng. Nawaf غير متصل
    تاريخ التسجيل
    10-01-2003
    الدولة
    Kuwait
    المشاركات
    1,913
    يعطيكم العافيه ماشاءالله موضوع مو طبيعي
    انا عندي سؤال .. ابي ماسنجر بس اهم شي يشغل الكام .. جربت الaMsn طلع مو ذاك الزود وكله يعلق علي مافي غيره ؟

  22. #12

  23. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375
    ^^^
    microsoft messenger اليديد فيه فيديو وصوت وشغال زي الفل

  24. #13

  25. الحالة :Eng. Nawaf غير متصل
    تاريخ التسجيل
    10-01-2003
    الدولة
    Kuwait
    المشاركات
    1,913
    نزلته عندي وجربت مافيه كام او يمكن مالقيت الكام .. شلون القاها ؟

  26. #14
  27. Madridista4eveR
    زائر
    اقتباس المشاركة الأصلية كتبت بواسطة أرجنتينية مشاهدة المشاركة
    ^^^

    هذا الموضوع عن أجهزة الماك مو الــ I pad .. تقدر تسوي قروب خاص لمستخدمين الآي باد

    مشاءلله منتجات أبل منتشره على نطاق واسع =)

    اها سوري .. احسب منتجات apple عموما ..

    مشكورين ويعطيكم العافيه

    ،،

  28. #15
  29. عضو رابطة مانشستر يونايتد

    الحالة :بوبدران غير متصل
    تاريخ التسجيل
    21-08-2006
    الدولة
    الكويت
    المشاركات
    1,443


    يعطيج العافيه أختي على النقل المفيد

    وااااايد واايد فاااادني الموضوع

    وكل شي جربته .. وتماااااااااااااام التمام




    لايخـسر بل يترك للغير أن يتذوق طعم ما أعتاد عليه
    نكولي + الناصر سابقا




  30. #16

  31. الحالة :MeNDieTa غير متصل
    تاريخ التسجيل
    17-05-2002
    الدولة
    upton park
    المشاركات
    5,242
    دام عندك القمر mac مالك و النجوم الويندوز


    نصيحه الي ما استخدم الماك

    خل يجربه اسبوع واحد بس ..!!

    و يلاحظ الفرق الكبير بينهم



    ليلحين اشوفك في قلبي .. و انت تدري ان لقلبي عين

  32. #17

  33. الحالة :Fiorella غير متصل
    تاريخ التسجيل
    05-11-2009
    المشاركات
    12,494
    الكل يقول ان الـ mac معقد و صعب استعماله
    بس صدقوني،، اذا انا عرفتله عدل يعني الكل راح يعرفله!!
    بديت استخدم ماك من سنتين و تحسفت ليش ما شريته من قبل!

    الاسبوع اللي طاف طلبتلي لاب توب mac pro يديد لاني مليييت من الـ macbook اللي عندي

    نصيييييحة جربوووووه
    والله عجييييييب !!!!

    mac و اقطع

  34. #18

  35. الحالة :MeNDieTa غير متصل
    تاريخ التسجيل
    17-05-2002
    الدولة
    upton park
    المشاركات
    5,242
    ^^^

    لا تنسين تطلبين معاه كفرات ملونه

    يطلع حلو شكله

    يعني هم شكل و هم حمايه



    ليلحين اشوفك في قلبي .. و انت تدري ان لقلبي عين

  36. #19

  37. الحالة :أرجنتينية غير متصل
    تاريخ التسجيل
    03-11-2008
    الدولة
    ♥ Buenos Aires..}
    المشاركات
    375
    ^^^^

    مافي كفرات ملونه بالكويت ؟؟

    ولاحظت مافي ماك ملون بالكويت !

    بس سلفر -___-

  38. #20

  39. الحالة :Fiorella غير متصل
    تاريخ التسجيل
    05-11-2009
    المشاركات
    12,494
    ^
    توني شارية كفر بنفسجي عجييب من digits من جامعتنا (GUST)

    انا شفت اكثر من محل!
    icity
    digits
    و وايد بعدد

صفحة 1 من 30 12345611 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •