يا سلام عليك
اقتباس المشاركة الأصلية كتبت بواسطة Vidic مشاهدة المشاركة
نبلش بتشلسي
بطل وهالله هالله ومورينهو ولاعبين ماتغيروا يعني ابسط شي ينافس عاللقلب
الصدمة قام ينافس تحت ! دروب اداء النجوم بشكل عام واصابات وعقوبات وفضايح واعذار
ماقدر اشوف مبرر للمركز الحالي ، مرة احس مورينهو السبب فعليا مرة اقول هذي الكرة كل شي ممكن يصير
لكن .. صدمة ! لحد الحين ويليان شايلهم شيل .

ارسنال
تحسن نسبي واضح رتم افضل مصادر التهديف تحسنت والدفاع تحسن والوسط اهو علامة الجودة ، مع هذا هالموسم الاصابات تلاحقهم كالعادة سانشيز واوزيل انفجار واضح بالمساهمة حق الفريق ، تشيك خربها مباراة او 2 لكن الباجي قام يذكر الارسنال منو تشيك تشلسي الاسطورة ، عاجبني برلين و كوكلين اسامي مميزة هالموسم

ليفربول

عندي راي رودجرز اقالته بسبب توفر كلوب ورغبته بالبريمير ، فرصة ماتعوض لان لمسات كلوب التحفيزية وزيادة الضغط اظهر ليفربول اكثر جدية مؤخرا ، كوتينهو منفجر وبنتيكي يوعان و فيرمينو وكلاين لاعبين يساهمون بصورة افضل بالفريق مع ملنر اعتقد ليفربول بنشوفه بمركز فوق اذا استمر

الستي
فريق قام يعاني مؤخرا دفاعيا خصوصا اذا غاب كومباني ، لكن صفقة ستيرلنغ و الداهية دي بروين قامت تعوض ايضا غيابات اغويرو وسيلفا فريق مرشح بطل هالموسم بسبب اداءه لازال قوي

ليستر
بدون اعلام بدون ميزانية بمجهولين تصدروا بقيادة هدافهم فاردي والرائع محرز فريق ماهو الموطبيعي لكن بمستواه الطبيعي ممكن يفوز عليك بالواقعية العب وعط الكرة تعطيك التزام وتكتيك يستحق لقب فريق كامل

ويست هام
تطور بشكل كبير ضرب الكبار بارضهم لكن تراجع بتعثراته مع الوسط وغياب نجمه باييت ممكن يعلقه اكثر


توتنهام
ماعنده الا خسارة وحدة فريق خطر اذا بيومخ وصار منظم ثبات التشكيلة كان مهم الي اقدر اقوله ميسون كين لاميلا و ايركسون اسلحتهم


كرستال بلاس
فريق سريع ويقدم ماعنده مع باردو ، بولاسي وكاباي ممتازين


سوانزي
مع بدايته القوية انخفظ مستواه حاليا ممكن الفرق حفظته ومسكت آيو و غوميز


ويست بروم
مع ان تمشكل مع هدافهم براهينو لكن جابوا خوش لاعب روندون قتالي

واتفورد
رغم سوء دفاعه الا ان ايغالو وديني قاعدين يسوون شغل ممتاز بالهجوم مزعجين جدا حق اي فريق

ساوثهامبتون
مازال ساوث فريق منظم لكن دفاعه هالسنه شوي تعبان تاديتش وبيلي و ماني عليهم شغل كبير


استون ع¤يلا
القاع ينادي يالنادي العريق فريق سيء جدا لو تغير مدربه لازم تنفضهم نفض

سندرلاند
مو بعيدة يطيحون هالموسم لازم يعززون نقاطهم اكثر

ايفرتون
فريق صعب بملعبه اعتقد معدل التهديفي ارتفع ابتعدت الاصابات عن باركلي الفريق قام يقدم مستوى جميل لكن محتاجين اكثر


ستوك
مثل عادته يستغل الفرص يخطف المباراة وهو بطريقته الدفاعية تصعب عليك عنده شاقيري و بويان وضيوف وارناتو ممكن يعطون الفريق فكرة انهم يتقدمون اكثر هجوميا


نورويتش
مثل سندرلاند عادي جدا وممكن يطيح على الله وعلى هولهان وجم لاعب


نيوكاسل
كل ماله ويقوع هالفريق ليش مادري عندهم لاعبين جيدين لكن يمكن حوبة غوتيريز


بورنموث
بلش ممتاز وكان زين لكن من بعد اصابة مهاجمهم ولسون شوي طخ بس ممكن يسوي شي مع جم لاعب وابرزهم رتشي خوش لاعب